新麻蒲 BBQ (波斯富街) (已結業)

好耐冇食過韓燒呢~首先係韓國餐廳必備 ge 前菜有四種 o甘多, 仲有個沙律酸蘿蔔片好開胃! 烤肉 set 有個部隊鍋, 絕對食得飽 材料好豐富阿霜降牛肉好好食 ar, d 肉好嫩仲有四件 o甘多! 依個 set 有三層, 好似 afternoon tea set~第一層有大蝦, 腸同翠玉瓜 菇都有三種~泡菜爐邊蛋有好多泡菜, 都好滋味 第二層有霜降牛肉同護心肉依兩種牛肉同豬肉都係好矜貴 ar尤其是護心肉, 每隻豬只有幾百克 ga ja!第三層就有秘製牛排骨, 個醬汁好入味加埋泡菜非常正 酸梅汽水好特別, 酸酸 o地好解渴!

燒肉+醬油蟹@銅鑼灣估唔到有韓式醬油醃生蟹伴飯食～ 隻蟹都多肉，仲有膏𠻹呢！醬油蟹不愧為「米飯神偷」，送飯一流！平時都係配白飯多，呢度個飯有泡菜、菜脯同金針菇等等勁多配料，拌起嚟更好食！燒肉套餐有好多款，我哋食牛+豬肉套餐。有齊霜降牛肉、護心肉、牛排骨同蝦，好豐富！🤤套餐仲有四件即製嘅火炙霜降牛肉壽司，可以揀半熟全熟，我哋食半生熟～入口即溶～燒肉包菜食是常識吧！個蝦背𠝹開咗，好快就燒好食得。食到好飽套餐仲有個新麻蒲部隊鍋，同埋甜品雪花冰 + 飲品，真係勁滿足！

今日個lunch break有成3個鐘，我地就決定成班人去食韓燒好好利用下呢段時間~韓菜common頭盤，海帶比較特別，酸甜嘅味道的確令人食慾大增，係作爲成餐嘅好開始~芝士泡菜煱飯，呢個真係嚟到必叫嘅野之一，侍應一上菜嘅時候完全唔覺得有咩特別，但係一食落口就發覺係另一回事，濃濃嘅芝士配上微辣嘅泡菜正情係perfect match，而且價錢相當實惠，而家諗返起已經好想再食多一次~ 士多啤梨沙冰cocktail~成支野隊落去😂部隊鍋，還可以，夠足料~朋友叫的燒肉，雪花紋好靚~

After the kpop fever, everyone has been living a life obsessed with korean stuffs. This shop is recommended by my friends, and we were excited to give it a try. The shop is comfortable, and staffs were nice and helpful. We ordered a set of beef for bbq, a military pot and a kimchi rice. Everything goes super well. The beef I fresh and bloody as I prefer. We cooked it to median rare, with some blood squeezed out with bites, make up the best sensation. It is fused with heavy meat taste, yet a soft

雖然天氣仲係好熱辣辣, 但朋友生日話想食韓燒, 當然唔可以托手踭喇!!! 今次黎到呢間韓國出名嘅店舖同朋友慶祝佢嘅生日先。黎到時間有啲早, 所以客人都唔多, 甘我地兩個人就可以坐卡位喇!!! 睇睇餐牌有咩食先, 原來有好多唔同配搭嘅套餐, 唔食牛嘅朋友可以選擇豬肉套餐, 牛魔王嘅朋友就食全牛餐喇! 餐廳有甘多款套餐, 真係貼心哦。原來餐廳仲有午市套餐架, 仲要買3送1!!! 喺附近返工嘅朋友仔有福, 放飯時又可以多一個選擇。原來生日有優惠, 可惜我早左同佢慶祝喇, 唔係有埋cocktail飲另外, 餐廳仲有烤肉小貼士, 又學識多少少喇!點餐後, 店員送上沙律, 小菜同醬料。小菜有泡菜, 醋拌海帶, 醃蘿蔔片同辣豆芽。每樣都唔錯, 唔算太辣, 易入口。點左個牛肉同豬肉嘅套餐, 呢個套餐都多嘢食架, 而且包埋飲品同甜品, 唔錯唔錯!! 3層架上有大蝦同大菇, 霜降牛肉同護心肉, 仲有最底一層嘅牛肋骨!! 份量都唔算少, 2個人夠食。蝦肉爽口彈牙, 霜降牛肉油脂分佈均勻, 燒完都唔會韌。護心肉肉汁豐富, 而且調味唔錯!!!泡菜爐邊蛋係韓國不可缺少的!! 半熟嘅蛋就甘食好滑溜呀!!! 用生菜包

個人好鍾意食蟹，好想試醬油蟹好耐，朋友話新麻浦推出了一個新的醬油海鮮系列式，當然急不及待又去試啦。韓式醬油葉生蟹拌飯（$178）- 蟹肉好新鮮又肥美，蟹殻是很軟，因為醬汁帶點咸，所以最好將蟹膏、醬汁與所配的飯攪勻一起食，口感一流。平時不太好飯的我們，整整的一碗飯就好快食完，終於明白餐牌上何謂「米飯神偷」。食完蟹又就試另一款韓式醬油鮮蝦（$128），蝦頭有很多蝦膏，蝦很鮮甜又爽口，不過還是較偏愛蟹多一點。食完凍的東西，點了鮑魚蔘雞湯（$138）來暖下肚，雞湯裏的鮑魚俾想像中大，還有栗子、紅棗、糯米等材料，湯味夠濃郁，沒有選擇錯誤。飲品是藍天檸檬汽水，味道不錯帶點酸味，很醒胃。

一向都幾鐘意食韓國野，而朋友呢次約左我去食呢間韓燒唔知食咩好 所以就叫左一個有豬有牛既套餐，我稱之為懶人包！首先有幾款前菜 可以添加的，不過我都係無加到，因為太多了，吃不哂，同埋都幾開謂的套餐都有包一個沙律，都有幾多菜，咁都可以平衡返菜肉既比例仲有一個麵（應該係迷你部隊鍋?），有腸仔午餐肉公仔麵仲有芝士，幾過癮接下來就係主菜了，有霜降牛肉又有護心豬肉，份量都唔少喎，仲有蔬果，呢餐相對甘都算健康！護心肉好嫩，肉質頗好，而蝦都新鮮！總括黎講 呢餐都好滿意，唔洗諗食乜，而且又好味，不錯！

一坐低就有不同既小菜食，有沙律、洋蔥、海帶、白蘿蔔片、有辣醬的沙律。整體質素都不錯，不過洋蔥同海帶最令人難忘，洋蔥好爽脆，味道甜中有有一點清爽的辛辣。海帶就味道有濃郁味道，小小咸，好開胃。套餐入面有個部隊鍋，等燒肉燒既時填下肚，鍋唔係好辣，易入口，牛肉片超級脆美。仲有四件即燒既火灸霜降牛肉壽喜，店員送到你面前先燒，確保保持溫度。燒過後既牛肉油脂更香，入口即溶，有濃濃的牛肉香同脂香。爐邊烤蛋加入左泡菜，泡菜好爽脆，帶有微辣，同烤蛋既香氣好夾，好好食。主角終於出場，係三層烤物。上層有蔬菜、年糕、大蝦同芝士脆皮腸。芝士脆皮腸已經剪開左，燒完好脆，又有芝士慢慢流出。大蝦肉質爽脆，好有蝦味。食完爐邊烤蛋後，放年糕係爐邊慢慢烤，烤完出後，外層有少少脆，入面好煙韌。中層有特級霜降牛肉同護心肉。霜降牛肉油脂平均，入口即溶，牛肉汁味道濃郁，令人回味。護心肉係豬橫隔膜同肝中間既肉，肉質彈牙中帶嫩，充滿蜜糖既香甜，烤過後仍嫩滑多汁。秘製牛排骨好好食，十分彈牙，油脂適中，而且勁香蜜味。 最後甜品係紅豆雪花冰，冰已經係磨到最綿密既狀態，一入口就有甜甜既牛奶味係口中化開。外層既杏仁薄片同黃豆粉好香口，冰中間仲藏有

今日同朋友黎新麻蒲食久違既韓燒兩個人叫左個548既牛肉及豬肉套餐，開頭以為會唔夠食，無諗過套餐內容意外地多呢（個套餐除左以下食物之外，仲有盤沙律同三碟前菜，可惜忘記了拍照全部味道都唔錯，前菜我地仲添左兩次呢）好快地，三層既蔬菜同肉類拼盤就送到啦～肉既份量都幾多呢第一層係蔬菜、豬肉香腸、大蝦、同埋年糕。蔬菜包括冬菇、雞髀菇、金菇同埋翠玉瓜。第二層有特級霜降牛肉同埋護心肉第三層有牛排骨坦白講，三款肉既肉質都相當唔錯，各有千秋，而我同朋友三款都好鐘意呀霜降牛肉油脂豐腴，肉質非常柔嫩。護心肉，係豬嘅橫膈膜同肝之間嘅一塊肉，每隻豬得好少嘅咋食落去味道濃而不膩，口感爽得黎又有咬口（並不是韌！）秘製牛排骨醃得好入味，肉質無霜降牛肉咁嫩，多了份咬口～大蝦十分新鮮火炙霜降牛肉壽司，牛肉生熟度剛好，入口柔嫩，上面既麻香醬汁同牛肉亦頗為匹配部隊鍋嘅內容都好豐富～個套餐仲未完嫁仲包一個雪花冰，我就揀咗綠茶味既～嗰冰嘅份量好大，一個人食會太多，而兩個人分就啱啱好個冰本身就有好濃既奶味，單食已經相當唔錯佢啲抹茶粉都好多，綠茶味唔算好濃，但同個冰好match，整體甜度適中，而且個冰好綿密，好好味呀（個套餐仲包兩杯非

可能實在離開得家鄉太耐，韓籍舞伴週三晚居然話想食韓燒兼去酒吧隊啤唱好K。小肥係眾人中最早收得工嗰個，所以就負責先接靚女前往選定o既「新麻蒲BBQ」邊食邊等。餐店佔用全層面積，散座大多為卡位式，感覺開揚闊落。埋位已見桌上擺有齊備o既餐具、紙巾、清水及醬油。厚厚o既餐牌內附彩圖，並且有齊中、英、韓三語對照，舞友不用多諗即決定要食個「牛肉套餐」（$398/兩位）。寫好餸，友善o既哥哥仔隨即送上七式前菜。開爐後就倒入爐邊蛋漿。同時亦開始煲煮二人份量o既「新麻蒲部隊鍋」。部隊鍋麵條爽彈，湯底少辣醒胃又暖胃。喺等待鍋物滾起時，兩口子就一邊食住啲沙律同泡菜。多款菜品中，個人最愛惹味爽潤o既生洋蔥。清香爽薄o既蘿蔔片。及兩味香辣o既泡菜及蔥絲。食完韓味濃郁o既部隊鍋，靚女廚神即熟手地由上之下，燒煮三層拼盤。為怕進食海鮮會引起敏感而爛面，頂層細佬就只係食咗條爽脆o既腸腸。架上中間嗰格有兩款牛肉，鮮紅色o既為100g霜降牛肉，啡色o既則為120g秘製牛肋排。四件霜降牛肉雖然厚身，但食落卻又鬆軟多汁。切成幼條o既秘製牛肋排腍潤得黎肉味更濃。最底層o既薄片並非豬肉也，而係120g「新麻蒲秘製牛五花肉」。可能牛

一放假，就緊係約朋友周圍去。今次係去港島區食好嘢，好耐無食韓食，決定食韓燒過下癮。雖然地址寫波斯富街，而其實係c出口駱克道過對面就係啦。佢有啲lunch set都幾好。我同朋友兩個懶得諗，就叫左一個548元嘅牛加豬肉嘅套餐。先上嘅一堆前菜，緊係食個泡菜開下胃先啦！跟住越上越多，完全估唔到係咁多！佢有個小型部隊鍋，好正，有午餐肉，有牛肉，有菇，都已經幾豐富下。主角陸續到達，有兩隻蝦，兩粒菇，霜降牛，護心肉，牛排骨，已經等唔切。有蛋漿係旁邊，佢本身有泡菜。肉先係重點，霜降牛肉好夠汁，有小肥，一口咬落去好好味，食得出唔係hea貨。護心肉口感夠，會較嫩啲嘅肉。牛排骨本身個醃醬唔知係，佢唔會太咸。基本上我無乜點汁，肉本身都好夠味，真係好想來一碗白飯！呢個套餐仲有份火炙霜降牛肉，即將職員會燒俾你，亦都會問要幾成熟，我地要左五成。加左小小類似麻醬嘅，入口即溶！蛋都尚算ok，可能係我地放得耐咗啲，已經熟哂。套餐包左兩杯飲品，我揀左覆盆子紅醋汽水，都ok。原來仲有一份甜品，我要揀左紅豆豆粉雪花冰。上面鋪左豆粉，冰都係有啲牛奶味，唔錯，紅豆都好味，夠淋身。5百幾咁樣食，係好抵食同好味，韓國街同大牌子嗰啲同

食左個份量啱啱好，食完啱啱飽既好食韓燒。係香港好少食到有韓國咁好食既韓燒。今日俾我遇見，真係幸運。韓燒餐廳裝修靚，好有feel。韓燒既配料都同韓國既一樣，好正宗。叫左個套餐食。牛肉好高質。特級既霜降牛肉，燒完一食，脂肪既油香滲曬出黎，好滑好厚好好味。加埋醬料同生菜一齊食，好爽口。牛肉燒得半熟，牛肉甜味係口度爆出黎，個口感好難忘。仲有靚壽司即刻用火槍燒到半熟，個牛肉真係好甜。仲有間韓燒既鎮店之寶，護心豬肉。餐單有介紹呢個豬肉既好處，但我就唔係好知。淨係知道個口感爽，而且豬肉葉得夠味，燒完陣蜜糖味仲留係度，仲好濃。唔洗點醬汁食，就咁食都已經好好味。葉得好既肉先係韓燒既重點！仲有韓式部隊鍋食。會唔會太多野食。拉麵，餐肉，芝士，腸仔。過下口癮，好正呀。有蝦可以燒，兩隻大大隻既蝦，好新鮮彈牙。冇諗過咁多野食，最後仲有個靚靚雪花冰，第一次食，原來口感可以咁棉，啲冰好幼好好味。今餐真係好滿足，帶住個飽肚返屋企，正！

今日去到銅鑼灣做嘢 ，同事話好耐冇食過韓燒，咁我哋就喺銅鑼灣廣場附近見到間韓燒好就諗住上去試下。去到唔算好多人，而且個座位四人位都坐得好舒服，午餐吾少選擇，同埋烤肉嘅選擇，最後我哋兩個人就嗌咗一個牛肉套餐……坐左差不多2小時，最後仲要係食唔曬㖭 。一去到待應將雞蛋喺週邊倒落去盤度， 雞蛋嘅蛋都好香而且有少少泡菜嘅味道，少少辣， 之後食完仲可以再加添，之後主菜就嚟到。牛肉套餐 $398……肉品種都吾少喎，有：霜降牛肉，秘製牛肋排，秘製牛五花肉，特選什錦拼盤（年糕，蘑菇，豬肉香腸，大蝦）…… 佢因為有三層原來頭兩層係用網燒，燒完曬上面兩層之後下一層先至用另外一個 燒烤盤嚟燒，都幾特別下。 而牛肉質都好軟熟，好有牛肉香，而且又好新鮮， 蔬菜有冬菇和 翠玉瓜，食完牛肉再食清少少，唔會覺得特別好滯， 最下層就換咗個盤，冇諗過五花腩好香口，而且因為啲肥膏燒咗之後唔會好油，心目中好食，而且依度嘅生菜仲要係可以任加，所以整出嚟講都好滿意。仲要有部隊鍋……大約有半個公仔麵 ，年糕午餐肉腸仔金菇，分量都唔少，而且仲有少少泡菜和泡菜湯底，泡菜味都幾濃，而且唔會話好辣，味道啱啱好，二人就可以足夠。

好少下午會破費食韓燒，不過今日朋友仔生日 夜晚又可能貴啲 就決定下午放縱一下12點開門，我地12點就到了，環境寬闊☺️我地叫左牛肉套餐 爐既旁邊係泡菜蛋😝😝😝前菜都有好多碟，泡菜味道濃，少辣 👍🏻👍🏻👍🏻☺️☺️而沙律生菜亦加左salad 有蛋味 好香 （個人會 夾肉食都好正🤣🤣🤣👍🏻）牛肉套餐既主角，唔同部位既肉都整好食，味道濃 但又唔會遍咸 燒到岩岩好 唔好睇佢咁細個架，食食下 兩個女仔食都會好飽！☺️☺️😋😋😋套餐附部隊鍋 基本食材 午餐肉 芝士方便麵 牛肉片腸 感覺部隊鍋 韓燒都食到 好豐富呀😝😝

難得咁齊人，諗住約成班同事響銅鑼灣食好西，之但係地點就腳，多人坐埋唔會見迫，容易揾，最最最重要係好食，哎吔真頭痕。今次試嘅呢間麻蒲韓國料理，每次係地鐵站出黎一抬頭都會見到佢大大個招牌，夠晒易揾。係樓下搭Lift上去，一望入去己經見到佈置唔錯，店內幾闊落, 多人坐埋都唔會太迫。可能係時間尚早嘅關係，店內唔算太多人, 不過我就幾enjoy呢份用餐嘅寧靜，可以靜靜地同同事傾下閒計，享受下放工一齊食飯嘅機會。首先上嘅泡菜都係普遍韓國餐廳有嘅款，唔算太特別，算係主食前嘅其中一個開胃菜啦。另一個就係喺韓國菜入面少見嘅火焰燒牛肉壽司！職員響我地面前燒生牛肉, 之後淋上少少惹味醬汁，口感好豐富，好juicy,估唔到係一間韓國菜為主嘅餐廳都揾到啲咁正嘅日本菜色！ 之係叫左個部隊隊，有公仔面, 香腸，幾片年糕，少少菜….可能大家都肚餓啦， 一人一啖就清左, 份量有啲少唔太夠多人share…再黎係一個燒烤拼盤, 都算豐富架，海鮮種類應有盡有，用料非常新鮮，配上有助解膩嘅蔬菜，菇類，非常滿足。因為之前未試過食醬油醃嘅海鮮，所以特別叫左份醬油蝦同醬油蟹，同我想像嘅味道有啲唔同。先講醬油蝦，上牒時有隻烚蛋，少少嘅