新麻蒲 BBQ (大埔超級城) (已結業)

呢排食得太多泰國菜，想食下其他中和一下🤣，就韓燒啦（點都離吾開燒烤🙈）。之前食過銅鑼灣間新麻蒲，覺得幾吾錯，屋企附近又有間分店，而我又想食韓燒。天時地利人和，吾去真係對吾住自己😍九龍坐巴士入來，巴士一落車就係大埔超級城。如果喺大埔火車站都可以坐k12，一個站就到，再吾係太和火車站行入來都係15至20分鐘左右，其實都幾方便。街頭行去（佢喺街尾），已經見到門口已經企左幾個人等緊安排入座。不過職員都幾快手，我行到等左一分鐘都吾洗已經安排到位比我地。而且仲係4人枱（我地2人），坐得舒服d。坐底左之後，侍應就行來上前菜同埋「倒蛋」，再話我地知前菜同蛋汁可無限免費任加😍😍😍我係雞⋯⋯蛋⋯⋯控⋯⋯啊！我好鐘意食韓燒燒埋蛋，佢本身已經有d泡菜喺入面，不過覺得多d會好食d，所以我地喺前菜碟泡菜度剪d落去🤣處理好雞蛋，就落order 啦，兩個人食，小小地叫左個牛肉套餐1($378)。我地好似餓鬼，主菜未到，已經食哂碟泡菜，真係好鐘意食😁。不知不覺間，牛肉到啦。佢分左三層咁上，第一層有兩隻大蝦，半條芝士腸，仲有d菇菌蔬菜；第二層係牛肋排同霜降牛肉，霜降牛肉睇落去肥瘦均勻，新鮮。牛肋排要食過先知；第三層就係牛

新麻蒲嘅午市套餐可以話係平靚正，有烤肉、飯、麵等等嘅選擇，依家仲做緊買3送1優惠，吸引咗唔少人黎食午市。點完餐後隨即就上咗一系列嘅前菜，包括泡菜、芽菜、沙律、豆卜、青瓜，種類多之餘，又清新開胃。今次叫咗豬肉套餐($98)，包括護心肉、豬頸肉、什錦菇類，仲有一碗紫菜飯。豬肉肉質鮮甜，仲可以包住生菜一齊食，凡係點烤肉都可以無限添加爐邊蛋，爐邊蛋有少少泡菜同青瓜粒，口感一流。烤肉與冷麵($82)，冷麵可以叫侍應剪開，配料都非常豐富，有蛋、紅蘿蔔絲、青瓜絲等等，帶有少少甜味，食落口好清涼，夏天食就最好不過。烤肉反而烤得冇咁香，味道唔係特別濃。飲品除咗有普通汽水檸檬茶外，仲有幾款特色飲品，今次叫咗藍天檸檬汽水，睇落有啲伏但係意外地清爽。

難得的好天氣，相約朋友到大埔踏單車再去林村許願樹，暴曬了一整天體力嚴重透支，晚上當然要大吃一頓補充能量。於大埔中心行了一會，朋友建議食韓燒，但最近的皮膚不是太好但又不想掃朋友的興致，幸好這裡除了韓燒還有其他韓式食物，總算沒有辜負了友人。前菜有四款，食完還可以添加🤗大推青瓜蝦仁，青瓜清甜爽甜，蝦仁彈牙海鮮蔥煎餅$78這是我必點的韓式料理之一，份量非常澎湃，除了魷魚、蝦仁還有大量蔥段，煎得十分香脆青葡萄果醋$28味道是兒時最愛的吱吱冰，童年回憶番哂黎👦🏻烤魷魚$78Size比一般成人的手還要大，配上兩款醬汁，口感嫩滑彈牙海鮮嫩豆腐鍋$86，另加配一白飯$15有青口、蜆、鮮蝦...豆腐滑溜溜，還有類似燉蛋的東西，味道也不錯

星期日放假阿仔話想食韓燒， 想起屋企樓下都有間韓燒開咗一段時間都未試過， 所以今日就決定去試下， 見門口餐牌寫住午市套餐買三送一， 好似幾抵食。 餐廳環境好光猛， 座位夠闊， 抽風系統幾好食完都唔會有一陣油煙味。 坐低未叫嘢已經有爐邊蛋和幾碟小食， 有泡菜，醃青瓜，醃芽菜和沙律等。牛/豬肉套餐和特級午市套餐兩個套餐都配有紫菜飯， 兩個套餐都配有豬護心肉和牛肋肉， 呢兩隻肉係有用醃料醃過， 醃得幾入味， 特級午市套餐多咗樣霜降牛肉和五花肉， 牛肉嘅油花好靚幾重牛味。燉牛排骨牛排骨燉到好淋， 好入味， 味道方面個醬汁好重牛味和鮮甜， 送飯一流， 而且牛嘅份量都幾多。鮑魚參雞湯老婆想飲參湯所以我哋叫咗呢個嚟試下， 上枱嘅時候個石鍋仲係好熱， 啲湯仲係咁滾緊， 夠曬熱 ，個湯有半隻大雞， 仲有少少飯喺底， 唔使驚淨係飲呢個湯會唔飽， 呢個湯幾清甜， 有人參嘅味道， 如果嚟食韓燒嘅女士想食清清地呢個係唔錯嘅選擇。

之前行過呢間餐廳，見到有韓燒同其他韓式食物可以揀一直都想試，今次終於抽到時間嚟食午餐呢度嘅選擇都幾多，簡單啲可以就咁食個lunch set唔怕做多啲功夫仲可以食韓燒原本諗住食豪啲，揀個bbq set，但店員好好，佢話lunch set會抵啲，因為依家做緊買3送1原來揀韓燒會配搭好多配料，有醃青瓜、泡菜、芽菜等等因為佢嘅青瓜同泡菜都好好味，食完我問店員可唔可以再添加小小，店員都好好幫我再添牛/豬肉定食呢個定食有護心肉同牛肋排特級午市套餐呢個套餐比上面嗰款多咗個霜降牛肉我哋將肉類放喺中間燒，菇菌類放喺旁邊烤熟啲肉類因為油脂豐富，所以燒出嚟好靚好香店員有提供醬料，輕輕點少少醬汁已經好好味鮑魚蔘雞湯呢個湯見到有原隻雞、鮑魚、菇菌類等等嘅食材湯嘅雞味好濃，調味料分開上，可以根據自己嘅喜好加落個湯度開頭以為只係一個燉湯，原來入面仲有少少飯，啲飯索曬湯汁好好味套餐包埋特飲原先以為呢度嘅食物同一般出面嘅韓式食物差唔多，冇諗過出嚟嘅水準咁好而且有買三送一嘅套餐真係好抵食下次想食韓式套餐又有新嘅選擇

今日約了朋友去大埔晚餐，大埔超級城出名一到晚上就大排長龍，今日我們就決定6點就去晚餐，經過見到有間NENE Chicken 和新麻蒲BBQ，兩間是連鋪，應該是同一集團，朋友昨天先吃完炸雞，她今天想吃其它韓國菜，我們就決定新麻蒲，幸好時間尚早，餐廳只有幾檯客人。餐牌主要是韓式BBQ，但我們最後想試其它韓菜，點了海鮮蔥煎餅 $78、烤魷魚 $78、石鍋牛肉拌飯 $86、石榴果醋 $28。海鮮蔥煎餅 – 每次吃韓國菜都會必點，煎得非常香口，材料十足，有很多隻蝦仁，沾上微辣的醬汁份外惹味。烤魷魚 – 嫩滑無比片片的口感，嘶咬一口，津津有味，加上有兩款醬汁，不同層次的味道。石鍋牛肉拌飯 – 有牛肉、菠菜、洋蔥、蘿蔔絲、翠肉瓜片、冬菇、芽菜、蛋，材料之多製造出不同的感覺，加上辣醬一起拌，正宗韓國石窩飯。石榴果醋 – 健康美味，又不會太甜，清清腸胃一流。

Weekday 做嘢咁辛苦，weekend 梗係抖番夠本啦!!!! 😏 除左訓同痾，就係要食好西!!!!!!!! 🤤🤤🤤🤤🤤當我肚餓嘅時候，已經係下晝!!!!! 所以是是但但，求求期期咁搵咗間鋪面睇落去企理嘅餐廳，沖左入去再算........間野係食韓國嘢，分咗兩邊！一邊主打炸雞，而另一邊就係食韓燒！老實講，當時嘅我兩樣都唔想食.......🤣🤣🤣 因為捱得多夜好熱氣🙈🙈 咁入咗去間餐廳又唔好意思出返嚟喎，跟住就坐低睇下個Menu！又有嘢食可以揀得落手喎😍😍😍係芝士加蛋蛋嘅組合!!!!!! 呢個組合簡直係無敵!!!!! 完全係急劇增加左我嘅食慾😋😋 而且份量比得好足👍🏻👍🏻仲有啲天氣咁鬼熱，梗係要食返啲凍野解下暑啦！最後叫咗個抹茶冰！唔錯，奶味足，唔太甜，正！👍🏻👍🏻👍🏻 仲有個金橘醋，係有氣㗎！仲可以叫佢少甜小冰， 啱晒啲唔鍾意食太甜嘅朋友👏🏻👏🏻👏🏻

假日去左商場shopping，攞住好多野就唔想行太遠，留番商場搵食。😋呢度有假日lunch set，唔貴喎，仲坐得幾舒服。👍🏻可能位置多，雖然人頭湧湧，但都幾快有位。叫左兩個set，超級豐富！兩個都鍋上滾熱辣；有幾碟可以refill嘅前菜，包埋飲品，$200唔洗✌🏻。🔆今日前菜係泡菜、薯仔、酸青瓜、豆腐卜，樣樣都係我鍾意食嘅野，而且前菜味道水準都幾高呀，refill左泡菜同豆腐卜😜。🔆鮑魚蔘雞湯 - 有淡淡鮮鮑魚同雞湯味，好足料。最正係雞入面嘅糯米，煙韌入味。煲湯雞肉沾少少淮鹽，伴飯一流😋。逐少逐少咁倒飯落d湯度食，仲正！🔆牛肉牛骨濃湯 - 湯頭惹味，牛𦟌夠腍，用上正宗韓國麵條，好似食一碗相當豐富嘅湯麵咁，而且份量真係幾多下，大胃王都夠飽。🔆石榴果醋，酸梅汽水🍹🍹 - 同平時飲嘅唔一樣，不過當汽水咁飲，酸酸甜甜，非常清涼解渴。♥️要讚一讚服務方面。首先店員數目唔少，而且不斷循視客人需要係抵讚。第二係其間我未飲就打瀉左成杯野飲，店員回應速度相當快，兩個店員好有默契，唔洗3分鐘，就已經清潔好兼補上一杯飲品。✅其實初初仲驚一身油煙，點知附近有人食緊BBQ我都唔覺，個伸縮排煙管做得都幾好，以地點

上星期，我和仔仔去咗大埔超級城的新麻蒲Korea No.1 BBQ食lunch。餐廳座位舒適，估唔到係Lunch Time都幾多人，坐滿晒☺️餐廳嘅抽風系統應該唔錯，起碼唔會好大浸油煙味🤩我哋見到佢既Lunch Set好似幾吸引，有燒肉又有韓國料理。加上我留意到，今時今日人工咁費，好少餐廳仲肯請咁多職員🤫👍🏻起碼你有什麼要求或Order，都即刻有職員幫到你！呢一點真係好重要😆我哋叫咗兩個套餐，分別係韓式燒烤午市豬肉套餐（$98）和烤肉與冷麵（$78）。所有套餐都包括有餐飲，而且有好多唔同嘅選擇，熱嘅、凍嘅都有得揀！🥤🍹☕️🍵叫完嘢食之後，即刻放到成枱都係前菜和配料。淨係前菜、配料，都有成七大碟，再加多三款唔同嘅醬油，真係好誇張。前菜包括有泡菜、海帶、蔥、芽菜、青瓜、沙律🥗以及當然唔少得用嚟包肉嘅生菜。而且每一碟的份量都大滿足👍🏻同一時間，職員立即為我地準備燒烤網旁邊嘅雞蛋漿🥚，中間是泡菜味會先放泡菜和洋蔥才淋上蛋醬，旁邊是雞蛋原味。有咁多前菜，真係忍唔住逐款試吓。泡菜唔會太辣，酸辣麵適中涼拌海帶味道酸酸甜甜大荳芽菜份量真係幾多沙律菜幾新鮮，加了芝麻醬，開胃青瓜感覺清新，最估唔到竟然有隻蝦，

下午2點多入店係門口叫埋野食入去，張單寫住2點16分落單，叫左一個湯一個拌飯。等到2點55分啲野食都未嚟，淨係嚟左2杯野飲。都等到唔想食，叫佢幫我地埋單收返2杯野飲錢，竟然收我地62蚊。你一個餐68蚊，我地等左40分鐘野都冇食到，飲你個杯餐包埋既野飲，2杯都要收62蚊?咁既衰店以後都唔會幫襯。我自己從來都唔會寫嚟啲食評，等左咁耐仲要出去再搵野食，曬左時間曬左個六十幾蚊，等左二十分鐘個陣已經吹過單一次，等多二十分鐘都未嚟。大佬，你拌飯咋，要整幾耐呀？

1.火弱：未試過燒兩粒鐘食得兩次蛋（仲要唔熟），個爐都熱唔熟D蛋2 .漏單：走過黎講剩返20分鐘食，但係連d野都未上齊仲叫乜我地走3.唔抵食：味道一般，服務一般，但竟然食左$1200（4個人) 4.唔衛生：生菜有蟲，真係唔知有無洗過5.飲品設計差：個架根本承受唔到個玻璃樽，3杯飲品狂跌玻璃樽，整濕哂D衫。總結：Backlist forever

見依間餐廳開咁耐未食過。平日經過食飯時間成日好多人，今日星期日反而無人等，就入去試吓一坐底枱同椅都笠痴痴，感覺麻麻的坐底好快有前菜，有泡菜，青瓜，薯仔同豆卜。青瓜酸甜不錯，蜜糖薯仔完全無味。明明客人唔多，落單後同請侍應跟進左2次，最後都等咗半小時，啲野食先到燉牛尾湯，牛尾係又硬又靱，非常難咬。湯既味道就普普通通，濃葱味，同味精味。芝士炒年糕拉麵，唔算太辣，酸甜味，不過啲醬就浠咗啲，水泥泥的普通一杯柚子蜜，但柚子蜜落得太少，就算搞混晒，飲落去都係水一般味道

第一次去呢間餐廳，可惜希望越大失望越大！叫咗兩個午市套餐，一個炒飯，一個冷面。炒飯等咗25分鐘先到，而我哋隔離台後入座，連部隊鍋都到咗，我個冷面仲未見影。半個鐘既時候問店員點解咁耐，答我裏面經常將單搞亂🤷🏻‍♀️一句唔好意思都冇，姐餐廳失誤要食客埋單？等到四十分鐘既時候，實在冇耐性，就話唔要冷面了，點知一個妹妹仔過嚟收錢，見到張單冇計我一杯嘢飲，仲問嚟問去，意思好似我哋呃嘢飲？！以後不會再嚟，店大欺客！

第一次食烤肉中伏！事源當日好夜先食飯，9點入到餐廳見到有「Happy hour」二人套餐，以為好抵食，可以嗌三款牛肉，一款豬肉。點知上菜見到五花肉兩小片，牛肉三小碟，隔離有兩條蝦，少少菜類，令人大跌眼鏡！呢個所謂二人套餐係一個人都食唔飽。味道方面，牛肉醃製得好鹹，仲要薄到烤一烤就變牛肉乾，真心唔抵！嗌咗個芝士炒飯，冇芝士又冇味！淡到要加醬先食到。食烤肉都想慢慢烤慢慢食，點知9點半就last order，跟住就開始搞衛生。9點先有Happy hour套餐，但9半就截單，烤肉都要時間，仲要有兩三個人輪流提我地10點就收工，最後我地趕住烤又食唔飽，真係伏到以後都唔會黎...

本身想去食韓式炸雞，但佢地門口太近，又無人招呼，結果入錯咗鋪。所以今次就嚟到「新麻蒲BBQ」。新麻蒲五花腩（$65）呢個五花腩無雪櫃味，燒完之後仲好多嫩口。油同肉嘅比例都合適啦，燒完夠油份，唔乾身，又有肉嘅咬口，唔會啖啖油，無肉食。冷麵（$75）冷麵比較幼身，我都係鍾意食粗身d，烏冬果類麵食。個湯雖然夠清，但我就覺得有d酸。結論係，唔識欣賞有冷湯浸住嘅冷麵，秘製豬頸肉份量比較小，味道正正常常啦，不過如有以韓燒嚟講，豬頸肉會比起五花腩更加好，更加好咬口。韓式煎餅其實係煎蛋餅嚟，今次點呢個係以菜為主，味道就麻麻，食落無菜味。下次都係試下海鮮餡，應該會好食過菜餡。