新麻蒲 BBQ (大埔超級城) (已結業)

首先一入到呢間舖，我同個frd坐低之後一直都冇比到水咯，正常餐廳都會比杯水啦，無論有冇收加一，人地做到茶餐廳都不如而且人地仲收加一添🙄️之後喺d嘢食方面，有件嘢勁似將d嘔吐物包埋一齊，勁嘔心！！！食落去即刻想嘔 勁失望之後佢地幾位同事冇比到水就算啦，清閒到一直企埋一齊傾計吹水 我比既加一係用來睇你地傾計吹水？？嘢食唔ok加埋神奇既服務質素，講真，強烈唔推介黎試呢間！完全係個伏我平時冇寫食評既習慣，都係因為呢間中伏鋪先寫低呢篇食評。

屋企飯食得多，悶悶地，一家人齊齊去韓燒。一早訂定枱，可能因為係weekday，又唔係好多人喎，可以即刻入座，不過用餐時間只有90分鐘，店員建議最好等齊人先入座。一座低，店員就放扺4碟前菜前菜味道普普通通啦，少少怪味道牛肉拼盤12隻蝦、幾片菇、牛肋肉、霜降牛肉食材都算新鮮，牛肉品質都不錯，特別係牛肋肉，肉質嫩、一啲都唔韌，其他都還好。牛舌品質一般辣海鮮嫩豆腐湯個湯味道唔錯，又多料。好味！牛肋肉encore堅好味👍🏻熔岩芝士泡菜炒飯一般雜菜炒粉絲味道帶甜，好味道👍🏻😋

見大埔食韓燒選擇不多而剛剛又看到此間新店食評正面，所以就膽粗粗去試了。點了一個推介的牛肉套餐成$600幾蚊，我這次只是2個大人及1個小孩以為都夠食，點知份量連2人都不夠。之後只好追加2碟牛及2碟豬，但依然未夠飽只好叫了1個$15嘅白飯填飽個肚。埋單要成$1200幾蚊。價錢都不是問題最諷刺係要叫個白飯先抵死，成$1200餐飯居然要叫白飯先飽。嘢食方面有D牛肉確實唔錯，最特別係牛肉壽司，但一定要食燒肉前食，如果唔係會一D味都冇。嘢飲幾好大家不妨試下。總括而言，我唔會再去！如果在大埔食韓燒，另一間oxxo嘅韓燒放題抵食得多，起碼不用叫白飯食先飽！

我有一個喜歡韓食的女友，今次去到新界踩完單車來到大埔超級城。遊走全個大埔超級城，Nene Chicken & 新麻蒲一鋪兩用，客人有雙重的選擇，決意是日的晚餐。入內滿滿Kpop的歌聲，真的令人懷念韓國。餐牌上有散叫或套餐之分，而且相當豐富。凡在每個月第一個星期一更可享半價的優惠。套餐$398/2人並有很多「任食」配料等。有泡菜、芽菜、柚子沙律、洋蔥絲等，連同圍爐的泡菜蛋亦可「任食」非常美味。牛肉套餐$398 特級霜降牛肉、秘製牛肋排、新麻蒲秘製牛五花肉及特選韓式什錦拼盤（年糕、磨菇、豬肉香腸、大蝦），特級霜降牛肉一共有四塊，原汁原味，不需要任何醬料已覺美味。秘製牛肋排與新麻蒲秘製牛五花肉，喜歡前者的口感及肉質腍軟，富有嚼勁。後者的五花肉薄切而且入味，三層架分開層次分明。旁邊更有生菜與熟肉添加泡菜，份外滋味。特選韓式什錦拼盤（年糕、磨菇、豬肉香腸、大蝦）種類其多，豬肉香腸及大蝦也見驚喜，香腸燒得爆醬情況，不會太乾身。兩隻大蝦燒得到位，但不太容易切開。

早兩星期同家人來到呢間新開既新麻蒲店舖分兩邊 一邊食炸雞一邊食韓燒我地選擇左食韓燒一坐低店員就放低好多碟唔同既配菜卡位好窄 坐得好唔舒服Order左燒烤達人套餐、牛舌、3個白飯同一杯野飲首先呢杯乳酸蜜桃上枱同menu張相完全唔同Menu上既圖片係一盒獨立包裝既野飲我問其中一位好後生既女店員 係咪一樣既野黎？佢要問人先至答到我其次我未試過飲野 杯野d冰可以直插到底真係多到好過份 9成都係冰佢拎走左話同我倒減d轉個頭又比番我話：「佢地話係咁」Menu上既獨立包裝飲品變左成杯上枱我想叫少冰都唔得啦 加上個店員態度真係好有問題豬皮好膠燒完好硬唔好食成餐飯質素不過不失冇特別 唔值得咁貴囉最好食係牛舌令我最深刻既係 入座講明食90分鐘岩岩好食左一小時 頭先果個話杯野係咁多冰既女仔走埋黎 話收d野我地叫佢收兩碟配菜 我地唔食點知佢一手收起哂我地d碗筷 仲要倒哂全枱面d野我隻右手仲渣住筷子食緊野 有腦少少既人都唔會咁啦佢個人真係好有問題家人話佢點可以咁 佢求其話：你地夠鐘啦 個樣仲要好似我地得罪左佢全家之後我地表明食得果60分鐘 佢先話 拎番個碗比你拎黎有用咩？成張枱d野都比佢倒走哂得番d爐邊蛋如果唔

話說見到廣告有3日99蚊放題 諗住早收工去試下 下午4點幾去到大埔分店 入面起碼有十張空台 走去問d職員有無位 佢話有 咁再同佢確認1下有無放題食佢話要預訂 唔訂無得食 咁我話要訂台 佢又話3日都滿哂 個下勁嬲 你個場又有空台又唔做人生意 你個放題有名額就咪落廣告拉 真係垃圾公司!

三四月係公司傳統嘅旺季，差不多每一晚都要加班，某幾天可能要到凌晨先可以放工。所以趁着可以八九點返到大埔嘅時候就盡量爭取時間同老公食下飯。大埔超級城裏面都好多好嘢食，今晚突然好想食下韓國燒肉，就揀咗好出名有人氣嘅新麻蒲，店內走工業風，兩個人坐卡位撐枱腳都幾闊落。第一眼就已經睇中個二人餐好抵食，叫碗飯再食下啲錢財已經好滿足啦！前菜都有六小碟，仲有生菜包燒肉食，全部都可以免費 refill, 當然係要珍惜食物啦！我真係好鍾意食佢個沙律菜，老公就好鍾意食Kimchi，食完都 refill 左兩 round。店員好快手就幫我地整咗爐邊蛋先，泡菜蛋～～～正！牛肉套餐 $368我哋今晚揀咗個比較普通嘅套餐，如果想食好啲，牛肉高級啲，咁就可以揀高級套餐。呢個套餐都仍然可以享受到特級霜降牛肉、新麻蒲秘製牛五花肉、特選韓式雜錦拼盤。特級霜降牛肉 & 新麻蒲秘製牛五花肉 確實肥瘦均勻，而且脂肪平均，入口即溶！唔使任何調味料都已經好好味！尤其是喜歡油脂夠晒肥美多汁，諗起都開心！我好鍾意食完牛肉先至食海鮮，特選韓式雜錦拼盤，大蝦真係唔錯，啖啖肉又彈牙，都幾新鮮，尤其是自己燒埋個蝦頭，酥脆到不得了！牛胸肉大醬湯

同朋友行完街，在附近見到這裡有間韓式BBQ，在這裡絕對就腳，在商場內一啲都唔難搵，地方都算闊落，座下望望餐牌有唔同嘅選擇，有套餐或單點嘅食物，今晚就選了個牛肉套餐$368，有特級霜降牛肉、秘製牛肋骨，牛五花肉，同埋特選韓式什錦拼盤，落單後店員就先送上餐前小食，有泡菜、沙律、芥末蘿蔔片等，而個鐡板上就立即開爐同埋加埋個蛋，食住呢啲小食時個牛肉套餐出現在眼前，三層分別盛上不同嘅食物，最搶眼當然就係中間個層嘅特級霜降牛肉同埋秘製牛肋骨，放在個網上燒一會個啲油脂就充滿在片牛肉上，入口時個種肥味嘅感覺超正！而為了更食得滋味加埋個白飯就係絕配！當然牛五花肉亦十分肥美嫩滑，所以兩個人想食啲質素高嘅燒牛肉，這個選擇確實唔錯！

呢排係街食飯特別多，唔知關唔關新年期間所以先有咁多飯局，有得食之餘又可以𢭃利是，是日晚又相聚好友出來食飯，係屋企附近呢個商場搵下美食，就去左呢度食韓國BBQ同時食到肉之餘又可以食到其他特色美食一舉兩得，餐牌已有多款口味選擇，仲有精選套餐提供視乎大家想點食，係未食之前店員已遞上一系列韓式前菜小食俾大家享用，而且食完仲係可以添食確實唔錯我地都點左個牛肉套餐，內裏已包括特級霜降牛肉、秘製牛肋排、新麻蒲秘製牛五花肉、同特選韓式什錦拼盤夠晒豐富，再點埋其他人氣推介美食一同品嚐，等一下陣已見套餐出來分開三層放不同肉類賣相十足終於開始品嚐一下美味嘅肉，梗係先放肉係爐燒住先，睇見肉慢慢滲出油脂，濃濃散發出肉嘅香味梗係嗱嗱聲食番件入口香嫩又多汁夠晒惹味，又可以點個米飯一齊食咁就最而且各款肉質食落都會有不同口感確實滋味除左食到美味嘅肉外，仲有埋爽彈大蝦，年糕、蘑菇同香腸品嚐，再來有海鮮嫩豆腐鍋，熱辣辣飲啖湯再食埋海鮮夠晒原汁原味正又品嚐左一餐韓式BBQ。

常常都想試一試新麻蒲，這天趁韓燒癮起，決定過來試試。剛好有這個矜貴嫩牛三重奏套餐，可以滿足一下愛牛的男人。單是這些小碟和醬料已經滿半桌，很誇張，還說可以再添的。少不了是我極愛的爐邊蛋。三塊牛扒也太大件了吧，而且色澤看起來很不錯呢。和牛油花很多，煎起來很香，口感油潤軟嫩，好像會溶化一樣，而且牛肉味濃。韓牛油花比例較平均，口感一樣油滑，但多了點紮實感，牛肉味也很重。美國西冷油脂較少，口感軟嫩有彈性，味道也不錯。有肉有蔬菜又有蛋，真的很滿足。肉桂蘋果茶的肉桂味很重，味道略甜，如果蘋果味重一點會更好。薑餅人雜莓雪花冰很大杯，酸酸甜甜的雜莓配奶味香濃、口感軟綿的雪花冰，很難不好吃。超級滿足的一餐，飽到不行，下次要再去試試其他食物。

晚上同屋企人去食，企左門口一段時間都無人招呼我地，當我地想入去時，有一位著便服職員好無禮貌問我地幾多位，都算了。入庭座時也對我們很多要求，著便服同事說，今天有最低消費，當時我反問他你們今天是平日，但當時場內很小客人 也限制我們進餐時間 。為什麼平日不忙的時間候也有那麽多限制。但屋企人很想食韓燒就去食了。但當我點餐的時候，，沒人來幫我們，我只看見紅色衫的員工在嬉戲，不是在上班，當我想找經理的時候，有一位便服員工自稱經理，我想不到他是經理連制服也沒有，只顧嬉戲，可笑吾會再有下次，貴公司管理層只顧著嬉戲在門口水場內沒再有人招呼客人，我看見幾張枱舉手很多次但沒人理會

寒風來襲呢個星期咁鬼凍緊係要食熱啲，聖誕新年黎到當然要食好啲，牛魔王既我今次要食盡美日韓牛先夠本。見大埔店新開好近就去到，店面同好多分店一樣都係分左兩邊，一邊係食炸雞一邊就係韓燒，門口有個地圖仔講全球分店地方。望落去成個場既感覺都幾寬敞，同埋都幾光猛，大枱上面用木板隔開左兩台都可以有番個小私隠食飯，聖誕仲有裝飾。先黎左韓式前菜，有泡菜豆芽等等，唔少得係燒烤用既醬汁，另外一坐底店員就會倒蛋液同加泡菜，食韓燒既其中一種樂趣就係食爐邊蛋。見到呢個牛魔王既套餐真係好吸引，《韓冬主題二人套餐》($688)，一個餐就包含哂三塊150g既美國西冷、1++濟洲韓牛同日本和牛。先由美國牛食起，係三塊之中最厚身既一塊，食落肉味都出較為有咬口。1++濟洲韓牛一燒落去啲油香加上滋滋聲真係流哂口水，韓牛自從出國之後都好受歡迎，牛味濃香灑上少少鹽已經好食。最後不得不提塊日本和牛直情大到舖滿個爐，和牛真係高質，油脂分佈均匀，入口既時侯油脂大爆發加埋超嫩口，三塊入面最愛呢一塊，呢個價錢食到三大塊牛真係夠抵食。除左牛之外仲會提供左少少既菇類同埋翠玉瓜，輕輕咁燒一燒佢食，清清地可以一解之前食咁多牛肉既油膩感。甜品有薑餅人

大埔超級城一直都是各類型食肆進駐之地，無論連鎖快餐或是高級食肆應有盡有。上個月又一連鎖品牌進駐此地，喜歡韓國的朋友，一定不會陌生。Nene Chicken & 新麻蒲一鋪兩用，客人有雙重的選擇。餐牌上的種類繁多，有散叫或套餐之分。如果每個月第一個星期一更可享半價的優惠。今次選擇吃韓燒為主，套餐$398/2人並有很多「任食」配料等。有泡菜、芽菜、柚子沙律、洋蔥絲等，連同圍爐的泡菜蛋亦可「任食」相當難得。牛肉套餐$398分別右特級霜降牛肉、秘製牛肋排、新麻蒲秘製牛五花肉及特選韓式什錦拼盤（年糕、磨菇、豬肉香腸、大蝦）特級霜降牛肉一共有四塊，厚切而且紋理分明，不需要任何醬料已覺美味。秘製牛肋排與新麻蒲秘製牛五花肉，喜歡前者的口感及肉質腍軟，富有嚼勁。後者的五花肉薄切而且入味，三層架分開層次分明。旁邊更有生菜與熟肉添加泡菜，份外滋味。最後特選韓式什錦拼盤（年糕、磨菇、豬肉香腸、大蝦）看似平凡，但其實豬肉香腸及大蝦也見驚喜，香腸燒得爆醬情況，不會太乾身。兩隻大蝦燒得到位，但不太容易切開。整體上的肉類都是出色又美味，若果加入少許飯/麵及飽品，這份套餐則變得價廉美又滿足。

心血來潮想黎"韓"一"韓"，三條女走入黎，驚見Lunch Set 買三送一，笑言不如求奇拉多個人入黎同我地食🤣結果係三個女人食左四個餐既，飽到一個點，勸喻大家唔好三個人去。我們點了"牛胸肉大醬湯"、"烤秘製牛肉"、"海鮮嫩豆腐湯"、"烤豬肉"，最驚喜竟然是烤豬肉，個醬汁酸酸甜甜咸咸的，一次過有哂咁多種味覺，肉就嫩嫩的；牛胸肉的肉質也很嫩滑，我把它掃清光了，幾乎大醬湯都要飲哂；但最失望是烤秘製牛肉，可能這個較為清淡，相比之下失色了，肉質有點"鞋"。

大埔中心最近新開左間韓燒，新為大埔人既我緊係要去試下 位置咁方便 約埋朋友仔一齊收工食飯首先座位十分寬敞 ，環境一D都唔會逼感覺好舒適同時又係有間板係大TABLE上作出分隔 感覺有D私人空間 抽煙系統也做得不錯不會有太多油煙感 很輕微我地兩個人就叫左個 牛肉套餐有大蝦/ 香腸/ 蘑菇/ 年糕牛肉/ 牛肋排/ 五花肉 拼盆形式賣相亦相當吸引 而且食物又新鮮另外，前菜方面 真係好少見會有咁多款架包你一定有款岩 而且款款都好食正當然少不免要有蛋漿, 韓燒我覺得一定要食下D蛋先安樂可以REFILL 的~大埔中心可以有一間韓燒真係唔錯，夠曬方便，又好食，價錢又唔貴。 GOOD