新越越式料理 (已搬遷) 新店位置

以前覺得哩間偏貴，好耐都無食，今次去開九龍城又諗唔到食咩就入左去，發現啲野食比以前平左雞肉串超嫩，燒到岩岩好，無雞皮，入口一咬啲雞油就咇岀，唯獨個醬唔點好過點雞絲湯河啲配料幾多味道不過不失扎肉粉皮哩個菜式好飽啊，仲抵食過湯河

每次去九龍城都係食泰國嘢，今日就轉下口味，試吓朋友介紹嘅越南菜，晚上7:00去到，已經有幾枱食客，餐牌選擇多，價錢亦好抵食，在九龍城區$4 x起步好化算，但今日想食🉐️精彩啲，就點左佢嘅二人套餐，先來大蝦木瓜沙律🥗大蝦新鮮清甜，木瓜爽脆，個汁酸酸甜甜好開胃，仲加咗啲花生增加口感，跟住來蒜蓉大蝦，用咗大頭蝦，肉質爽，食得出係好新鮮，最重要個醬，係小弟從來未食過嘅味道，好似沙律醬同沙嗲醬加蒜蓉混合一齊，十分好味，馬拉盞炒通菜，香氣十足，有少少辣辣地，惹味非常，當你食到半飽嘅時候，然後嚟一碗超大份量嘅火車頭河粉，小弟都算係大食，但都K.O.唔到佢，好多配料喺裏面，有牛腩，半熟牛肉，牛丸，牛筋，牛柏葉，白蘿蔔，相當充足，河粉非常滑溜，湯底牛骨味濃郁，加上佢附送嘅九層塔，芽菜，靑檸檬，令到成個河粉增添不少清新嘅感覺，還有兩杯飲品，朋友叫咗青檸梳打，我就叫咗雙檸蜜，兩杯都好好飲，好有夏天嘅感覺，當你準備食完嘅時候，侍應生非常細心，安排甜品奉上，越南菜竟然有杏仁巴飛，我好鍾意佢唔甜，加上椰子味嘅棉花糖，超級特別，另外一款係焦糖燉蛋，好香嘅蛋味，十分滑溜，令到最尾有一個圓滿嘅晚餐，只係食咗三百幾，性價比

這天我約了朋友在九龍城吃晚餐，經過網友的介紹，我們決定來到這間越南菜試一試，店內環境清潔衛生，餐牌上的選擇很多，餐枱上的調味料亦很齊全2人餐($278)木瓜沙津，青瓜絲和红蘿蔔絲十分爽口，十分新鮮，味道酸酸甜甜，令人十分開胃，蝦清鮮甜美，用細碎的花生碎鋪面，份量延多，十分地道火車頭湯河牛肉嫩滑細密，牛丸爽彈鮮美，芽菜彈牙，蘿蔔富有水份，完全地吸收了湯底的精華，牛根軟彈煙韌，牛柏葉十分煙靭，河粉軟綿綿，份量非常誇張蒜蓉牛油大頭蝦將十分大隻和新鮮的大頭蝦開邊，再放入牛油和蒜蓉來調味，牛油味非常香，十分惹味，牛油和蒜蓉的比例恰到好處，能夠做到互相點綴的效果，即點即燒，食物的温度十分高，十分有誠意馬拉盞炒通菜通菜十分爽口十分新鮮，味道鹹中帶點微辣，用黃金色的炸蒜片鋪面，份量延多杏仁芭菲綿花糖，细碎的杏仁粒，芭菲雲呢拿味道十分濃郁，十分冷凍熱朱古力朱古力味道十分濃郁整體來說，二人餐的質素非常高，食物的選擇很多，二人餐的份量非常非常多，非常抵食，食物的用料非常新鮮，食物的賣相很吸引，食物的定價相對很合理，而店員亦有積極的服務態度和有禮貌，最後我認為這間餐廳是可以再去惠顧的

九龍城泰國菜林立。呢日想轉下口味，喺九龍城嘅新越餐廳外賣咗個牛肉干撈檬粉（$55）。以為外賣份量一定少，但一開就發現牛肉份量俾得好慷慨，鋪滿晒檬粉表面。味道方面就有啲可惜，唔似一般越式嘅烤牛肉，反而似吉野家果種，同埋味道鹹咗啲，撈完都覺得好鹹。不過佢厚切過吉野家，份量又多過吉野家。其他配料，包括青瓜絲、蘿蔔絲、生菜絲都係俾得好多。平心而論呢個份量真係兩個人都食得飽，真係好有良心。整體上味道都可以接受，如果味道可以更越式就好。

今晚我們一班朋友用優惠網訂枱食晚飯，餐廳一位類似話事人，身穿紅色上衣的女士，一開始已不友善招呼。因為優惠網叫餐牌上所有食物也有折，但飲品沒有折，但我們都差不多每人叫了一杯飲品。我們一開始已經叫了食物及飲品，本想叫大頭蝦及蟹之類食品，但侍應說今日全部冇貨。中途我們只想加多一客春卷，那位紅衣女士即黑口黑面兼開始俾說話我們聽。佢覺得我們加單是不當做法，還理直氣壯地說：「我有禮貌先話俾你哋聽有春卷，我大可以話已經賣晒！」當然跟她理論，我們不覺得加單有問題，她跟住很晦氣地問：「咁你哋仲要唔要春卷，我樓上full曬，叫春卷要等好耐先有囉。」我們聽完這些難聽說話，正常人都唔再加任何食物。但這是什麼服務態度？這間餐廳老闆請諗清楚，如果覺得優惠網會令自己蝕錢的話，請不要參加給顧客用。還請你好好教導這位員工，這様服務態度，真正非常趕客。當然不排除她可能也是老闆之一，不過個人修養這樣差，會非常影響餐廳形象！加上貴價食物就同客人講冇貨，唔俾客人叫。但其他冇優惠的顧客就可以叫， 又偏偏給我們聽到其他客人追單，這做法真的很肉酸。餐廳本身食物味道已經普通，如果再加上這樣服務態度，就算參加什麼優惠網都沒用！

實在好久好久好久沒有食越南菜，而且今天有幸來到九龍城在街上流連就發現這家叫做新越越式料理的餐廳，就入去看看這間小店的食物如何。小店面積不算大，但是樓底很高，裝修也有點別緻，坐得舒服😌當日我們點了二人套餐:木瓜蝦沙律這到前菜入口爽脆，味道清淡，是健康之選而且份量很大，當中不但有蝦還有大量雞絲蘊含在內。蒜蓉牛油焗大頭蝦蒜蓉香氣撲鼻，吃下去非常可口，而且蝦肉新鮮，啖啖肉配上蒜香味非常吸引。火車頭湯河這個湯河一上台的時候我頓時嘩了一聲因為份量非常非常之大！湯底鮮甜濃郁，再配上金不換和青檸簡直是令一番風味。湯河裏的餸菜也不少當中包括牛肉牛丸牛柏葉牛筋腩白蘿蔔牛筋等等。用了豐富十足！馬拉盞炒芥蘭芥蘭新鮮，馬拉盞味道不會過鹹，查得非常有鑊氣！最後還附上甜品兩者也不過不失，為這頓豐富的晚餐畫上一個句號。除了二人套餐以外餐廳還有不少其他選擇下次必定來試試其他菜式。

每次去銀行都會路過這間越式食肆，每次都行色匆匆，未能一試。今天終於可以一試。這店以白色為主色調，並用上籐器傢俬，感覺如置身越南。看到餐廳簡介，原來是從越南買了特許經營權回港，這份誠意確不少。生牛肉河粉$54，牛肉湯牛味十足，喝得出是經過長時間熬製。牛肉味濃而嫩滑，至於河粉幼滑而份量不少，加上芽菜、洋蔥和金不換，就是來自越南正宗的味道吧👍。炭燒香茅豬扒湯河粉$49，豬扒厚切而肉味香，經過炭燒更令其味道更為出色。我喜歡加些金不換、靑檸、辣椒🌶，來增加味道層次感。跟餐加$18小食，春卷二件、蝦餅三片，春卷夠脆，蝦餅外脆，肉質爽口彈牙。越式咖啡跟餐凍$13，侍應將滴溜咖啡壺放在枱上，待滴完，就可以把咖啡攪勻。這個咖啡不用加糖，因為內𥚃已經有煉奶，咖啡味道香濃，加上煉奶的甜，令人一試難忘。

我同朋友系九龍城唔知食咩，就睇openrice見幾多好評所以試食呢間！點知中伏🙁我地叫了幾樣餸，先講個蟹麵，份量好少，味道幾好，重口味的人岩食，但好似落了味精，食完想飲好多水。到個海南雞飯，簡直勁差！雞唔滑又有骨的，湯無咩味，個飯仲要好臭，食第一口就食到一陣up味，我再食多幾口都系咁，叫職員換過，之後職員話d飯放了蒜頭，可能我食唔慣（但我完全食唔到有蒜頭味），就換左白飯比我。我系勁鐘意食海南食飯的人黎，食過咁多呢間真系最難食！到個馬拉盞少芥蘭，唔夠馬拉盞味，芥蘭亦煮得唔夠耐，偏硬。最後到個椒鹽炸魷魚桶，雖然唔知點解出黎個餸唔系一桶而系一碟，但叫做咁多樣菜系最好食了，系份量好少，唔值個價。我同朋友一致認為呢間唔好食，唔會再有下次

湯底面有股臭味係臭味不過太肚餓所以都食左加上同朋友一齊費事俾人覺得多事幹所以冇同餐廳講唉。。早知就同佢講啦，搞到而家辛苦自己另外，間餐廳嘅員工真係好似其他食評講到唔係好理你咁，又真係冇講錯喎三日食唔到野 食乜嘔乜今次真係唔方唔減肥

一直都想食豬頸肉 湯檬。。可惜沒有供應。。又唔想食牛。。只可選擇食蟹肉湯檬。。不過 完全無蟹肉。。職員話 蟹肉溶晒落啲湯度。。啲湯咸到唔飲得。。簡直感覺食薄片扎肉咸湯檬。極度失望

新正頭約咗朋友喺九龍城聚一聚，特別地吃餐越南午餐，這小店面積唔算大，樓底高，有兩個大雀籠做裝飾，很別緻，店內環境坐得舒適，安排靠窗位置。鮮茄牛腩湯檬，濃濃蕃茄湯底，配料有蕃茄及彩椒，牛腩炆得好淋好入味，不錯呢。香茅豬扒湯檬，豬扒cut開幾件，香茅味可以再多一些，檬粉爽口好食，可惜份量較少，唔係好夠食。海南雞飯，正常發揮，雞件嫩滑，油飯很香，但份量也嫌不夠。套餐加$18配蝦餅，熱辣辣好好食，唔記得咗影相，食到最後一件先記得影。沙嗲串燒雞及串燒豬，新鮮熱辣串燒非常香口，加沙嗲汁也不會太辣。套餐加$9可以有特飲，椰汁綠豆涼粉冰，椰汁夠香，涼粉爽。每個餐都是$50左右，抵食。

九龍城呢間越南菜館，唔好以為只有越南食品，其實仲有小炒供應，而且佢地D小炒也很不錯的。首先，小食拼盤方面，用生菜包住脆扑扑的春卷，可減少食入口的油膩感。而紥肉切得很薄，用來包住蒜乾和蔥油，也十分不錯。豬扒飯，豬扒夠腍身，配埋D蔥油食，非常好味。而大蝦炒西芹西蘭花，估佢唔到炒得咁香，一D都唔似越式菜，反而充滿中式口味，有蒜香和薑味。至於冇特別介紹的雞翼撈濛、串燒和雞沙律，是因為沒什麼特別，所以就算下次再去，也不會再order law.

多數去九龍城都食泰國野今日就食吓其他野發現哩間越南pho係越南開都過黎講到牛肉湯低好正宗店面唔大 設計比較簡約坐得舒適有空間感小食款式多 價錢算合理=椒鹽軟殻蟹=軟殻蟹一般在其他食店比較貴$68黎講分量算唔錯軟殻蟹炸得食香口 真係脆卜卜雖然唔太似椒鹽 因為蒜得多有點搶但亦算香口惹味=生牛肉河=牛肉湯真的很真材實料很有很有很濃牛味 加少少青檸汁後 湯味更香更濃郁附上得多芽菜作配菜因為湯底真的得熱燙生牛肉到我影相時已經變熟了=豬排湯河=湯底較清淡 豬排很滑 金黃色十分香口=珍多冰=味道唔會好甜 很合我口味=越式咖啡=越式咖啡 見到佢慢慢滴落黎成件事好治癒點餐後才發現他們有入口越南啤酒有機會會想再試

今天有幸來到九龍城, 在街上步行的當中, 很容易就能夠感受到新舊交替與時代變遷. 高聳入雲的高樓大厦與唐樓相映成趣. 雖然您仍能看見飛機在蔚籃的天空中飛翔, 但伴隨的不是引擎的噪音, 而是人聲車聲。時代洪流所帶來的影響, 有人感到惋惜, 有人為之雀躍. 而在這個小城的多種變化中, 我們都樂意接受的, 似乎是那百花齊放的食店.今天吃午飯的地方是越南菜小店, 店內環境優雅, 燈光柔和. 食物選擇從湯河到海鮮都有供應, 今天點了特式拼盤, 馬拉盞鮮蝦炒飯及豬扒湯河加牛筋, 還點了龍眼冰. 豬扒湯河加牛筋來說, 豬扒香矛味濃, 牛筋軟滑, 湯河入味嫩滑.馬拉盞鮮蝦炒飯香氣十足, 蝦肉鮮甜結實.特式拼盤內有扎肉, 咖哩燒雞串, 雞絲沙律及春卷. 扎肉爽口彈牙. 咖哩雞串雞肉香口多汁, 咖哩汁甜而不辣. 雞絲沙律清新爽脆. 春卷外脆內嫩.最欣賞的是那杯龍眼冰, 清甜得來潤肺安神.吃過飯後, 路經一些老店, 感觸良多. 在不久的將來, 它們仍會屹立不倒, 還是被時代洪流所淹沒?

因為工作緣故經過九龍城，打算隨便入一間食肆食飯就算。一入呢間餐廳已經有好大陣味，唔知點形容，大概似廚餘的味道？不過我諗，其實茶餐廳之類嘅點都有啲味唔緊要啦，就打算坐低。當時係剛剛過咗11點半左右，成間餐廳無乜人得3枱客，個操流利普通話嘅侍應阿姐竟然要我搭枱... 我好無奈，被搭枱嘅食客都好無奈。其實我食完埋埋單都未夠12點，人都唔多個，使唔使要咁樣搭枱？　我叫咗碟海南雞飯＋凍檸茶。唔知係咪Ｄ茶吸咗間餐廳味，定係Ｄ檸檬放咗入雪櫃吸味，杯凍檸茶一入口就勁大陣怪味，我唔想嘥就飲多兩啖先走，但飲多兩啖真係想嘔。海南雞飯就不過不失，個飯係有味嘅飯，正常嘅；雞胸同雞中翼位唔算「鞋」亦唔算滑，但無乜味，一定要點汁食。隨餐奉送嘅湯都係一陣味，類似唔新鮮嘅菜味(?)，總之就唔多飲得落口。　服務方面，其實都無乜服務可言。除咗喺充滿空枱嘅情況下，指咗我去搭枱之外，上菜嘅侍應阿姐好快咁將海南雞飯遞咗畀我，過多陣侍應再上菜畀隔離食客，原來那位早過我到而「被搭枱」嘅食客原來都係食海南雞.... (我算不算是遲來先上岸？)另外，我在眼角餘光「疑似」見到侍應阿姐咳無掩口（眼角看不清，不算好肯定）。飲食業的朋友要保持個