新越越式料理 (已搬遷) 新店位置

新正頭約咗朋友喺九龍城聚一聚，特別地吃餐越南午餐，這小店面積唔算大，樓底高，有兩個大雀籠做裝飾，很別緻，店內環境坐得舒適，安排靠窗位置。鮮茄牛腩湯檬，濃濃蕃茄湯底，配料有蕃茄及彩椒，牛腩炆得好淋好入味，不錯呢。香茅豬扒湯檬，豬扒cut開幾件，香茅味可以再多一些，檬粉爽口好食，可惜份量較少，唔係好夠食。海南雞飯，正常發揮，雞件嫩滑，油飯很香，但份量也嫌不夠。套餐加$18配蝦餅，熱辣辣好好食，唔記得咗影相，食到最後一件先記得影。沙嗲串燒雞及串燒豬，新鮮熱辣串燒非常香口，加沙嗲汁也不會太辣。套餐加$9可以有特飲，椰汁綠豆涼粉冰，椰汁夠香，涼粉爽。每個餐都是$50左右，抵食。