新越越式料理 (已搬遷) 新店位置

難得公眾假期, 放假一天。不過下午唔知食乜好, 上網 search 左一下, 用 app 訂枱有 30% off 喎, 就係咁 book 左枱。其實之前試過兩次, 因為九龍城地點方便, 門口已有咪錶位可泊車, 完全唔使擔心會被抄牌。最愛它的生牛肉湯河粉, 今次同樣點了一碗 (走青)。 家人點了火車頭, 湯夠熱又足料, 牛肉有很多片, 而且非常嫰滑 ~ 滿足! 因此食過後久不久會再來。今次的咸魚炒芥蘭也是鑊氣十足, 翠綠色的菜上枱已有香氣飄過來, 食落爽甜新鮮!後來 order 左牛油田雞脾, 新鮮炸起, 唔油膩, 非常香口!最後黎一杯椰汁三色冰, 飲品沒有折, 味道都 ok, 不過無影相了。整體來說, 這是九龍城一個唔錯嘅選擇。最重要係店方並沒有因為要給 30% discount 而偷工減料, 或將份量縮水, 仍然是給予我們之前曾光顧的份量!所以, 這店誠實, 價錢合理, 仍然會再來。

Booked with App for discount, arrived on time and ordered a platter, lemongrass pork chop rice, waited over 45 minutes and still no food. People arrived later than us all got their food. Asked the manageress dress in a black suit, she told us she don’t know why is the delay and if we don’t like it, we can cancel order and leave. If you don’t want to offer discount, then don’t join. 🤬🤬

今次碰啱有半價優惠，一試無妨。餐廳裝修唔算好靚，只算係企理街坊小店，今日午飯時候嚟到，見到有好多人幫襯，好多客嚟到呢度都係叫一碗湯河或者湯檬，再加小食同埋飲品，可能佢地覺得湯河又大碗又抵食，所以我都叫個湯河試下，嚟到的確係好多河粉好多材料，大件夾抵食，雖然後來發覺蟹肉湯檬嘅湯底有大量味精，引致非常口渴，不過街坊價亦不能苛求太多，只希望佢以後輕手啲，唔好落太多味精，無益吖嘛，或者改用第二啲調味去提升鮮味就更好。

閒日陪老媽子去九龍城廣場shopping 可以唔洗同人迫，行完去對面褔佬村道搵嘢食，見有間越式料理門外個menu 好吸引，50元就有碗湯河和飲品，需然地方唔算大，但佈置清雅素樸。閒日有個二人套餐，我哋㨂咗雞絲椰菜沙律，唔止有雞絲同椰菜絲重有紅蘿白絲，入口爽脆味道清淡，確實係健康之選。蒜蓉牛油焗大頭蝦一上枱巳香氣樸鼻,舖係大頭蝦面嘅蒜蓉牛油恰到好處，肉質彈牙。火車頭湯河湯底鮮甜，再加埋配搭嘅金不煥更増潻風味，重一次過可以試幾樣餸：包括有牛肉、牛丸、牛柏葉、牛筋腩和白蘿蔔，大大碗足兩人份量。甜品係杏仁芭菲，滑溜口感，唔會太甜。解渴首選係咸檸七，帶點酸酸甜甜好醒神。

想吃價廉物美的晚餐，剛好經過這間餐廳，看見餐廳內的餐牌價錢合理，於是就決定試試。餐牌有晚市套餐、火鍋、普通湯粉，我和友人的食量不大，所以決定選擇一個湯粉和數個小食。咖喱羊腩湯河辣到可以接受，只屬小辣。咖喱濃郁，味道香。平時吃開牛腩湯河，這次轉了羊腩，有特色。半腩不會數，也肥瘦適中，不會太硬。最緊要是大碗，男生也不怕吃不飽。椰汁珍多冰以為$53只包湯河，誰知還包凍飲一杯，既然來到吃越南菜，當然要叫一杯椰汁珍多冰。椰汁珍多冰不會過甜，有真的椰汁味，但是綠粉條和平時吃開的不太一樣，不太Q彈，但容易咬。炭燒香茅雞翼是雞全翼，燒得脆口，雞肉嫩滑，正！椒鹽軟殼蟹很多椒鹽，炸得脆口，無牙都不怕有咬。清湯浸椰菜苗小吃和咖喱羊腩湯河比較重口味，當然要叫一個蔬菜，清淡一點。上湯好味道，平時不吃開椰菜苗的我就感到很新奇，椰菜苗硬度適中，不錯不錯。這餐廳有加一，食物質素不錯，叫了這麼多小吃價錢也不貴，值得推介！

越食越覺得九龍城冇野好食！說好的「又平又正」嘅九龍城去左邊？定從來都冇存在過？？？今日下晝就試左呢間越南野，野食一般，態度差，完全唔抵食，仲要受氣🙃我地一行5人黎食lunch，每人一個lunch set啦。落單嗰陣輪住落，可能講得太快佢寫唔切啦，但佢又冇話要慢啲咼，然後佢寫寫下就話：「逐個逐個黎！」喂大佬，寫唔切你可以認，我咪講慢啲，你發脾氣係咩事？！食物方面，我個香茅雞翼湯河係零香茅味，個湯太甜，啲河粉太腍，完。Lunch都要加一仲要係咁嘅服務，真係多謝哂。唔會再黎。

是日午餐到九龍城的新越吃沙爹牛肉河。一進店舖有陣奇怪的味道，似是狗味，但櫈同桌都乾淨的，坐得幾舒服。服務員會先把一小籃金不換放在桌上，讓客人自行決定是否加入湯河內，畢竟不是人人都喜歡金不換的味道，我就喜歡拿一小枝放在湯裏，以增加香味。食物都來得幾快，大大的一碗，面頭有很多芽菜，驟眼睇見唔到啲牛肉。沙爹味都幾香，有充足的花生和蔥，伴隨住河粉同牛肉食，很是香濃。牛肉都幾多，相對地河粉反而份量適中，唔會好似有啲舖頭咁太多河粉而少料。整體嚟講都唔錯，希望下次有機會試埋其他菜式。

食物味道老實說係唔錯，不過同侍應生既對答，真係令人非常唔愉快。可能佢地唔係土生土長既香港人啦，唔係太明白我既問題仲越講越激動態度極不友善！！！！！！！！！！！！！

數次經過此店都覺得內部裝修與一般越南餐廳不同, 樓底很高而且以木為主, 今天終於決定一試。最後點了兩個湯河及兩個小吃。桌面上放了各樣的越式醬料, 方便選吃不同食品時添加。晚市亦可跟餐加飲品, 加$8要了一杯很久未喝過的咸檸七。鮮茄牛腩湯河: 友人選的鮮茄牛腩湯河, 看湯的顏色就知道蕃茄是很足料。在越式牛河湯底的基礎下加上了鮮茄, 令湯底的味道多了一份清新。牛腩夠淋, 河粉亦爽滑。生牛肉河: 總覺得吃越南菜一定要吃一碗生牛河。牛河湯底很香, 感覺沒有添加味精, 加上附上的青檸及一些辣椒粒, 令湯河更惹味。牛肉用湯剛好浸熟, 夠滑。整體不錯。豬頸肉: 份量很足, 豬頸肉外烤得很香, 調味亦好, 好吃。順化蔗蝦: 吃越菜必要點我最愛的蔗蝦! 蝦肉很厚, 外面炸得香脆, 配上甜酸辣醬, 很滿足。咬了一口蔗, 很甜, 難怪蝦亦帶一點點香甜。吃了這麼多一人都只是百多元, 挺經濟。看到旁邊的客人在吃咖哩好像很不錯, 下次可以再試試。

今日去左九龍城同朋友食左新越越式料理，一開始仲去錯左另邊既一間😂😂呢間餐廳格局唔錯，好闊落！同朋友一人叫左一個餐，加特飲只係加$8！我叫左個扎肉炒金邊粉同三色冰，嚟到先發現勁大碟，如果有需要檸檬，可以問服務員拎！我就鐘意有d酸酸地，所以都落左d檸檬汁！個金邊粉唔會好油膩，仲有就係有好多扎肉！一d都唔孤寒，五十幾蚊咁大碟金邊粉真係好抵！朋友就叫左個海南雞飯加雙檸蜜，仲附送咗碗雞湯tim。朋友話呢到個海南雞雞皮好爽口好好味，我試左少少個飯，都幾香口！我地仲叫左2個小菜，一個椒鹽軟殻蟹，一個雞肉唦嗲串。椒鹽軟殻蟹好鬆脆好好味，仲好多避風塘脆脆，而且個量都唔少，2-3人食都夠。串燒唯一美中不足就係3串要同一款。我地叫左雞肉串，外面燒到脆脆地，入面d肉好嫩滑！仲要上枱既時候熱辣辣，真係好吸引！我杯三色杯都勁足料，d綠色啫喱條高到杯既三份之二都有！又唔會好甜，所以好好飲。朋友既雙檸蜜就係鮮檸+咸檸，如果喉嚨有d唔舒服或者怕燒烤炸物熱氣，可以叫翻杯黎飲下！每人一百多d食到飽一飽，真係性價比好高！

九龍城泰國菜嘅餐廳真係好多，又大都都好好味嘅，但呢晚特別想食越南菜，上openrice搵下就搵到呢間，食評好似又唔錯，價錢又好似唔貴。好彩七點幾到，唔太多人 (食食下八點後就開始多人)。呢度有二人餐，望落都抵食，有沙律、小食、粉麵、飲品同甜品，但我吔想試啲更想食嘅野，都係散叫好啲。食越南菜，其實係主要為咗食生牛肉湯河，呢度嘅水準都唔錯，河粉同牛肉嘅份量都唔少，仲有好多芽菜。本身個湯底都已經好夠味，所以都唔洗再加薄荷葉同青檸，加了一點魚露汁就已經好正，以五十幾蚊嚟講都真係算唔錯。另一特別想食就係木瓜沙律，本來諗住叫二人餐，都有木瓜沙律，但睇清楚啲原來散叫嘅係"木瓜雞絲蝦沙律"，套餐嘅係木瓜雞絲沙律 (冇蝦)，所以都係散叫嘅有雞絲同蝦嘅吸引啲。木瓜夠爽口，份量都唔少，蝦就唔算好新鮮，而個沙律汁好似唔係好夠fresh，好似平時食嘅好味啲。叫個炒菜啦，馬拉盞最惹味，要咩菜就要問店員，呢晚就有通菜、椰菜苗等，我吔揀咗通菜，用細鑊仔載住，好似好有鑊氣咁，但食落就有點失望喇，平時好鐘意嚟食九龍城泰國菜館嘅炒菜，因為都好有鑊氣，住家飯難啲做到。可惜今次就食唔到呢個水準，仲相對比較油膩。另外就仲叫咗個小

說到要吃到正宗的越南湯河，我最值得推介的就是這間位於九龍城的"新越越式料理"來這間越南料理的主要原因是因為他們的生牛河自從胡志明市買來的特許經營， 加上是選用正宗牛肉 並且用慢火煮出牛肉湯底，真正吃到牛肉的鮮味!餐廳內的座位，寬闊而且舒適夠光猛!我和先生選了二人套餐最先送上的便是有名的火車頭湯河， 大大碗完全足料!二人份量絕對吃到飽!湯底味濃帶牛肉鮮甜味道! 加上越南備製的配料更是錦上添花!， 牛肉味濃而且帶點小肥，非常滋味無窮!之後是炒芥蘭菜， 份量十足而且每條又粗又翠綠， 新鮮的芥蘭不需要特別的調味已經吃到鮮甜!鮮蝦木瓜沙律， 木瓜沙律帶點點微辣 ，青木瓜爽口配上和 新鮮的大蝦配合得非常好!值得一說的是這個木瓜沙律看似泰式的風味， 但和泰式的年度截然不同!飲品店了咸檸七和紅豆冰， 咸檸七保持水準夠凍夠好味，值得一讚係呢個紅豆冰， 甜中帶一點淡淡嘅鹹味非常刺激， 唔似出面飲到嘅淨係得甜味!最後的重頭戲是這個巨型的蒜蓉大頭蝦 長度足足有一把刀咁長! 非常誇張。 蒜香味濃非常惹味

平時係九龍城都係食泰國野多, 今日就一於試下食越南野啦首先叫左個生牛肉河先芽菜份量多, 而且河粉都好大碗整開左芽菜,見到牛肉同洋蔥份量都好多呀湯好好飲, 好濃牛味生牛肉我自己中意食熟少少, 所以我等左一陣自食, 牛肉唔肥,食得出唔係普通肥牛越式牛肉炒河, 上到台我地已經聞到好香忍唔住即刻放入口試下味道食落去勁野味, 好有獲氣, 好好食呀~而且我係中意食幼身河粉越式豬頸肉, 大大碟! 外脆內軟, 好食而且好大塊, 味道好香口價錢經濟

呢間餐廳的食物，四個字形容淡而無味，今晚點左個火車頭套餐及咖哩羊腩河，先講咖哩羊腩河，D辣油多到可以當水飲，羊腩一pat pat全無口感，湯底無味最神奇呢個係咖哩湯底，火車頭湯底好似水一樣味道，牛肉像白灼般無味，有史以來食過最差的越南菜，小弟從未寫過評，今次唔表達下意見真係唔得。希望老闆可以反思下極力推薦無味覺的人

九龍城係一個揾食既集中地。係衆多餐廳中，我平日都會選擇呢間新越越式料理，因平日有下午茶餐又抵食又好味！品質有一定既質素！今天，我哋點了鮮茄牛腩湯河及香茅豬扒湯河配青檸梳打及珍多冰，這餐廳湯河非常軟滑，非一般的河粉！鮮茄牛腩是每次都點既款式呢！其實我最愛呢度既炭燒豬頸肉飯，非常美味。不過，今天天氣非常炎熱，所以我都是選了香茅豬扒湯河粉，同樣非常出式！