新越越式料理 (已搬遷) 新店位置

問心個句,這店的食物其實幾好食,尤其香蒜包,很脆很好食!不過服務就差勁,D侍應好無禮貌(尤其有一個做得較耐的那個),問她問題時,只用頭答,不會出聲的!還有一問題,就是座位問題,我明白小店舖,因座位有限,都要等店舗安排,但如果非繁忙時段,又是否可寬鬆一些呢?有一次,本人跟小兒在那裡吃東西,為方便照顧,我要求跟兒子坐我隔離,不想打对面坐,但他們不淮,說有其他人坐(非繁忙時段,只得我們和一枱客,不見有留座!),我說我們不會坐太久,如有客就掉回座位,他們也不肯,那就算了吧,沒再說下去!第二次,我再去那裡時,竟見她們給其他客人「孖住坐」,而我和小兒亦是对面坐,點解今對客人,是否像下面食客所言,要吃贵野至得?點解今多篇幅都提及服務問題,店舖也不跟進改善?真的希望下次去時,可以開開心心地吃一頓!

用beecrazy團購買咗2張餐卷連加一兩人共用了$140。餐前小食有春卷和粉包。春卷痴牙，味道普通，粉包賣相唔得但味道ok。跟着有柚子蝦沙律和雞絲沙律，份量好多，可惜椰菜有D苦生熟牛肉河：因為D湯太多, 生牛肉嚟到已經熟晒，另湯底唔夠牛肉味雞絲湯河：味道ok，但雞絲得幾條，賣相唔得。焦糖燉蛋:細細杯，份量剛好，味道可以。朂令人驚喜的杏仁芭菲，唔夠滑但好多杏仁，味道幾好不太甜，伴在旁邊的綠色絲很靚，但用匙食時有些困難整個餐份量足夠，價錢合理，可惜不足以令我特登再去食多次。本人是團購粉絲，好想在此提提各間提供團購的食店，在提供團購服務的那段時間，其實就是你們的show time，應盡量將最好的供應給使用團購卷的朋友，用得團購的人都是常用internet的人，他們一定是你們朂好的傳聲筒。

上個月買左d團購，個心諗住你要promote下，咁我咪黎試下。點知，第一個喊真係俾左你。其實，食物係可算有水準，不太差。客觀D講，可以算好味添。但係請 貴店前線員工明白，老闆做團購係希望引來客人，以減少利潤來增加日後客源。齋做熟客仔，枱枱俾得起錢，多多俾貼士，日日做10張枱收隊，前線員工當然想日日如是。做左團購promote下，短線試食既客會多左，野做多左係正常的。其實所有食客都明白前線員工只係打份工，客多客少可算係唔太關你事。有時你地好忙，我地有眼見，都唔會叫你埋黎。但係對d團購客要個碟仔分享你D食物既要求都Turn Down，又真係難以令人食得開懷。要成功做飲食生意，全世界一樣，專業既廚房要配合專業既樓面，除非你個樣食品係天下難尋。生牛河，香港人食唔少，由「小小的巴黎」，「佐敦趙老先生」，到比較上級既「金色牛的花苑」。生牛河不是你專美的。老闆難得係老遠既地方買個專營番黎，又個個星期係周刊度賣半版廣告，我都好欣賞。但係d客食得唔like，唔順氣，可謂「食龍肉都無味」。希望老闆重新考慮生意是否仍然如此營運，員工重新考慮服務是否如一。九龍城，銅鑼灣大坑，鋪租係好金的，老闆，我們做食客都

午飯時間旁邊五星無位就黎左呢間,2個人叫左生牛河同炭燒越式香矛豬扒飯,首先上餐飮凍凌茶,同佢講唔得要換,態度極差地反問我杯茶邊到唔得,我話算啦你拿走啦,拿走後再上生牛河同炭燒越式香矛豬扒飯,生牛河無問題,豬扒飯豬扒太鞋太乾,咁炭燒嘅定儀係乜呢?仲要埋單先問我要唔要換個第二杯餐飮哈哈.....埋單加一$78 (2個餐,但只係食左生牛河同半碟豬扒飯......)價錢唔係問題,我仲比$100唔駛找,不過再係咁以後都做唔到街坊生意囉凍凌茶邊到唔得,茶膽太希,凌蒙冇味,糖水唔夠,冰太大粒呀仲有就係冷氣唔夠呀

看回上次寫過此處的食評，提過應不會再來光顧的。想不到事隔不到一年，現在竟又再來買外賣回家了真箇是"口不對心我最勁"....與太座一人吃一樣東西，再加多一份小吃。以外賣的角度來說，也算挺豐富的呢....沒有多吃太太的那碗香茅豬扒撈檬。不過看那豬扒煎得好像頗對版的，葱粒及炸蒜茸片也夠重手，及後聽她說味道亦還不差的，過得去云云.....自己則集中火力專攻法式牛柳粒伴紅飯。牛柳粒煎得帶點血水，不會過熟，肉汁仍保持了過來，是比預計中的美味，缺點只是油膩了一點。妨且過多的油份也會滲進那"蕃茄醬飯"內，所以就算是油，小弟也不大介意的.....蒸粉包一直是我摯愛的越式小吃，這兒的卻做成像腸粉般的，而且夾起來骨肉分離似的，不大對自己口味的。配料如木耳絲、冬菇及肉碎仍是齊備的，仍吃得過....想不到這裡的外賣比在堂食時的有水準，也是異數....

同老婆見天氣濕濕地諗住食下越南河見飲食男女今期講呢間所以黎試下不過應該唔會再有第二次~叫個二人餐有火車頭, 小吃拼盤, 馬拉盞通菜, 大頭蝦, 甜品香蕉批火車頭個湯過甜,亦好多味精小吃拼盤支雞串燒好明顯唔係即燒而係微波爐出品...超難食!春卷亦無餡無味!馬拉盞通菜又係失敗之作係一早炒定...d菜已經唔鮮色...都幾難食最經典係大頭蝦蝦唔新鮮, 仲要係未挑腸!老婆嘗試自己挑條腸出黎不過蝦唔新鮮, 條腸都已經散晒結果我地退番俾佢!香蕉批無咩特別, 唔食亦無損失總括呢餐係食咁多越南餐裡面最差既一餐有無誠意煮真係一食就知!

係九龍城成日行過LEE間越南舖都好多人食，而且裝修有別於其他越南店，走高格調路線，用滕器傢俬，都好想去試下。結果星期日下晝見唔駛等位，同阿媽去試一試。店子唔大，入店內要搭枱，未坐低侍應已送上熱茶(but係用茶餐廳果D膠杯)。每人各叫左全店差唔多最低消費嘅生熟牛肉粉。侍應好快送上basil同青檸，個籃幾靚，basil青檸都好新鮮!都幾impressive。好快送上牛肉粉，賣相都唔錯!食落牛肉都幾多(比起其他舖頭)，肉夠厚又好食，不過粉太少又唔太好食，湯底又唔夠好又有味精!!$35一碗仲要加一，不過服務其差，我一食完放低筷子waiter就拿拿臨收晒D野，仲收埋墊枱紙，睇死我地都唔方會再order野(因為之前阿媽問過經理有冇越南白春卷，佢話有--叫蝦卷，不過我阿媽同佢講好貴(好似要50幾蚊)，可能佢唔like囉)，驚我地坐多一分鐘都阻住地球轉，勁趕客啦(其實外面得兩個人等緊位咋)...真係唔想俾果10% "service charge"呀。另有二人套餐，有粉x2，乳鴿，小食，飲品，不過成$200，一個lunch每人成舊水，都幾high class......阿媽話可能會再幫襯，不過我寧願去越

今晚,突然想去九龍城食野,同爸爸媽媽去左福佬村道試下間越式料理,環境好好, 女待應們服務也不錯,食左 : 沙爹牛肉河 - 味道十足, 牛肉也不少, 份量都足, 好味小吃拼盤 - 內有扎肉、春卷、粉卷、雞肉串燒及牙車快, 春卷同粉卷都好味, 牙車快都ok, 雞肉串燒老人家就食唔到, 咬唔開的. 扎肉冇味量好多有成6片, 其他各2條 蒜蓉飽 - 有d奇怪, 切一條條的, 但味道都好, 牛油焗開邊大頭蝦 - 味道麻麻,食唔出牛油味, 唔香, 蝦比較細, 質數同價錢不能成正比, 要成$110.00 得一隻, 又唔係好味覺得唔值囉. :佢地有新鮮既羅勒同青檸, 但唔係人人鍾意所以佢地有進步既空間都可能會再去, 但唔好試大頭蝦同唔好再坐門口張枱, 因d待應們一見有人係出面就立即去推介, 所以有熱風出出入入.

第一次是一枝公來吃飯，第二次就跟太座同來，這一次就是太座加上舅仔兩口子。四個人可以試更多東西，本應是一件樂事，不過吃罷後，覺得應該是最後一次到來了....一次過連叫五樣東西，有小吃、粉麵及主菜各類。看來都可以對此店作一綜合的評論吧....豬扒湯河 --- 這味是專為太座而設的，所以並沒有特意去試吃。不過但見湯底之渾濁，以及那顏色暗啞而又不勻循的豬扒，再加上太太邊吃邊皺眉頭的樣子，水準看來都不會怎樣高明了....魚露雞翼 ---- 很奇怪，不知何解每次來這裡吃雞翼之類的東西時都發覺好像弄得不熟透似的。吃至近骨處時總是有不少血水的，上次的牛油雞翼是如此，今次用魚露弄的也是如斯模樣。看來師傅控制火喉的功夫實是要多加改善了。雞翼本身做得太亁欠肉汁，而且魚露味又不很突出，是另一水準以下之作....馬拉盞炒椰菜 ---- 味太鹹，馬拉盞不夠香，蝦米不靚及下得太少之故。不過椰菜炒得夠爽身，不是腍pat pat的貨色，算是唯一可取之處....小吃拼盤 --- 春卷、雞肉串燒、牙車快、粉卷及扎肉一次過"晒冷"奉上，不過每樣也在水準以下，有些如粉卷及串燒甚至可以說是頗難入口的那粉卷看上去包得"溶溶爛爛"的

我同我個fd 兩個人去到九龍城, 見呢間野裝修幾靚就入o左去. 佢d 臺餐具都好靚, 但隻茶餐廳杯就... 9唔搭8我地去到order o左個魯肉飯, 蒜蓉開邊大頭蝦, 春卷, 馬拉棧炒芥蘭... 咁多樣野得芥蘭好味...魯肉飯d 飯爛到邊糊仔; 蒜蓉開邊大頭蝦得個頭d 膏好食, d 肉"鞋"到阿媽都唔認得, 特別係腳o個d 肉; 春卷有怪味... 又無乜料wor 我地叫o左兩個好一般o既野飲, 珍多冰同買雙檸蜜埋單每人 $160 極度唔抵食

再一次來到呢間越南餐廳.. 見到對面枱個客叫左生熟牛河.. 不過全生牛分開上..於是我都叫左同樣既野.. 真係唔錯.. 碗湯河夠晒熱.. D牛睇落好新鮮..食落去牛肉幾嬾.. 湯底夠熱夠清.. 河粉都唔錯..我第一次咁樣分開上來食.. 唔錯.. 呢個食法值得推薦俾大家!!

去年某天中午見佢新開張, ヌ唔洗等位, 米走入去試過生牛肉湯粉... 結果.... 完全無驚喜.鋪頭比較細, D野食選擇唔多, 价格比隔離街的越式食店貴... 食物也不夠同街or 隔離街的好味.... 好彩我叫湯河 .... 向半個小時內居然有3,4個食客投訴塊豬扒吾熟....5個月後, 冧住佢地唔會好似新開張時咁亂啦...... 昨天中午, 近近地帶了阿爸再試..... D 湯粉仲衰過新開張時... 好失望... 杯咖啡, 一飲... 有D類似膠袋物體! 要求佢換一杯啦... (不是飲管的膠袋) 點知新一杯到, 低頭一看... 飲都未飲一啖..... @#?!... 有隻死蚊!!! 火都黎埋.... 叫了位經理來, 佢居然第一句說話不是講sorry or 唔好意思囉... 佢話: 吓, 唔關我事架.... 無事既... 唔會有事...我地食到好火... 埋單時.. 佢仲要我比全數... 我地講杯咖啡飲都未飲... 要佢扣番, 我地唔會比...佢初頭唔肯減... 最後只減10% ....(即只減10% service charge)呢間野 ... 我永遠會叫D frien

本來是去看電影，去到已經沒有票買，附近又沒有什麼好吃，最後決定去九龍城． 不知是否經濟不好，整個九龍城也好靜，大部份的餐廳一半的客人也沒有，而且好多服務員也出來派傳單拉客． 行了幾次，決定吃越南菜，之前經過這間新越，裝潢也不錯，就走回頭看多一次，價錢不是太貴，姑且一試． 兩個人各叫一碗麵，我叫了蟹肉湯檬，但等了也有 10 分鐘才到，湯底是用番茄淆的，味道不錯，好濃而且好甜，朋友說好勁蟹肉味，我自己就吃不出來．蟹肉不多，扎肉就有 4 大片．之前可能吃了少吃，檬粉也吃不下，太多了． 朋友叫了春卷乾檬粉，也不錯呢． 香茅豬串骨，炸得剛剛好，不會太硬又沒有血，醃味也好夠，好味． 蒸粉卷，皮好薄好像和外面的不同，有些大塊，感覺肉好少，加些少魚露吃比較好．　 服務來說，不過不失，有個短髮的姐姐好 nice ．　 下次會再來試一試它們的甜品，個名好像好吸引．

當日與3名朋友到此店共進晚餐，其實大家只抱住試一下的心態，但...真的冇想過會如此...差！第一碟， 軟殼蟹.... 從未見過一碟軟殼蟹會炸成這麼 "油"，而且還可以唧出 "油" 及肉質是 "梅" ... 極差第二碟， 香茅豬扒...... 買相極差、冇香茅味、好爛嘅口感....超差第三碟，魚露鷄奕 ........ 點解完全食唔出 " 魚露" 味，會唔會落錯單？第四碟，鮮茄牛肉河 .......... 超油， D 湯超 "傑"，最重要是食物和暖...... 唔知佢想掂？第五碟，鮮牛肉河 .......... 普通，一樣食物和暖，食這款東西一定要熱騰騰才好嘛當日，我看到有人等位，我在想他們的水準真的這麼好嗎？是否我們味覺有問題，但是，只要看到這碟 "軟殼蟹" 的水準，我們真的不會懷疑自己了。PS. 其實我們都有向店員反映，她們只當作傾閒話了事！

跳下小巴，突然想到這裡開了間越南菜館，打開G900搵搵地址，只是百步之隔，就當試新店。是間裝潢雅致的新派越南館子，以六人檯為主，二人來要理所當然的搭檯；對方笑指樓底夠高，吊著精巧的雀籠，甚美，碗碟同餐牌設計甚美，有自家特色，細心配套，順其自然的聯想到美心「八月花」。要了生牛河同牛油田雞腿，前者吩咐牛肉全生另上。湯河未來侍應先送來一碟新鮮的金不換，香草處理得好翠綠而沒有氧化過的樣子，湯河分量十足，夠熱，色澤清澈得過分，湯面幾乎半滴油脂都無，比老許喝完後唇邊留著滿滿脂香，眼前的湯雖略帶牛骨羶味，但欠層次感，靠著一點點香葉提味，吃到不少洋蔥，而本地機切河粉煮得很腍，不討好；反而配料生牛肉，以薄切方式上，艷紅沒滲血水，放湯一滾即熟，嫩而帶肉羶，是出奇的美味，看來這裡吃牛肉酸鍋的話，是穩陣之選。小時候常吃港式越南料理，以為牛油田雞腿很易處理，當時覺得炸得香脆就是上佳之作，可笑。吃過火車頭的牛油田雞腿後，對當前高速爐炸的田雞腿，單時煮功已叫人失望，田雞腿纖維粗糙，吃得滿口是渣亦欠牛油香，為彌補材料不足，所以醃的味道也要偏鹹吧？最得意是買田雞腿兼送雞胸，遠看還以為跌了塊外賣肥佬上校雞塊落碟，惟一可取