新越越式料理 (已搬遷) 新店位置

5:00 pm客人唔多，得4個人侍應生遊雲出錯餐我叫河粉佢俾"lai"粉我佢知出錯餐但乜都無做淨係望住我呆左１５分鐘到我叫埋單果陣先同我講頭先出錯餐 講返碗pho好多味精d粉唔熟嘅收＄６７我食完喉嚨唔舒服到而家以後都唔會再去講到最好食嘅pho一定係Mlebourne 嘅勇記！！！

這裡剛開業之時來吃過一頓午飯，不曾留下深刻印象，本打算不再光顧了，但是夜越南菜癮起，而且作為越菜粉絲的太太又未吃過，就過來試試她們的晚餐....剛做完個多小時的運動，肚子自然是餓得發慌。一口氣來個三四碟菜也面不改色看得旁桌食客也為之惻目口渴得緊，先來杯最簡單的三色冰。味夠甜，椰汁下得重手，很不錯。當然如冰粒可下少一點會更好...第一次來時是吃最typical的生熟牛河，記得當時那個湯底是較偏淡口的，牛味不算濃。但這次喝到的這個火車頭的湯就有點不同了 --- 清甜之餘也有牛骨味，是比前進步了不少喝得出沒有下太多的師傅進湯裏。配料是像其他店吃到的火車頭一般的大堆頭 ---- 牛丸、牛展、生牛肉、牛根及牛栢葉。眾配料最出色的反而是平時不太起眼的牛栢業，很爽口且不帶那些可怕的"漂白"味。最失色的是牛丸，無甚味道而且質地很淰，吃進口有如在吃熟膠製品一般牛根及牛展同樣地也是無味道的，猶如白烚一般。出色的湯底但遇上水準如此糟糕的配料，實在是太浪費了太座吃的乾撈豬扒檬也是很不錯的 ---- 那檬粉入口挺煙韌，但卻是"黐埋一嚿"的，吃起來很不方便。作為靈魂的魚露卻是有點失色，甜與酸度都不夠勁，是浪費了不

下午去食...一人叫咗一碗粉.....叫咗一個生熟牛河，另外一個係蕃茄腩河。牛河個湯底幾好味，飲落覺得唔多味精。但係個蕃茄腩個湯底就一般，無蕃茄味。兩碗粉都有好料同d粉都比足分量，overall 都ok 0既....

本來對此店興趣不大,但每次晚飯時間經過都見有堆人在門口等位,引起我的好奇心,於是昨晚走去試菜...一如所料,八點幾去都要等位,無他,因為只屬小店一間,座位有限; 基本上全店都是細檯,多人則再拼埋做大檯. 我們四人雖說可以自己一張,但查實是與隔離張二人檯拼在一起,所以正確來說是要"搭檯".搭檯無所謂,講食物. 今次我們每人叫了碗河粉,再加碟春卷. 我點了碗火車頭,大大碗$58, 有牛肉牛丸牛腩牛根牛柏業. 很奇怪,除了牛腩外其他味道都很淡,可能湯底淡的緣故吧?!至於春卷,賣相就夠靚,不過味道麻麻. 春卷內有味道似臘腸的肉,我也不知是甚麼,但味道和感覺都怪怪的... 有人叫了個春卷檬,怎知遇到這樣怪的春卷,飯後頻說"無下次"...或者可能有其他招牌菜吧,但單憑這餐"又無味又怪味"我也找不到理由再去; 在九龍城,更好食的越南菜多的是.

筆者好耐都冇去過九龍城一帶出沒，今天為咗响好友G及K兩公婆嘅女兒出世前見一見面，一班大學好友到九龍城一帶聚舊，亦順便解決午膳。好友G話屋企附近開咗一間新嘅越式食店，想試一試。見店鋪外等位嘅人唔少，似乎生意都唔錯喎。為咗做多點生意，舖內嘅座位編排比較緊密，在金融海嘯下這亦無可厚非。一行六人，由於係禮拜日晏晝，各人胃口麻麻地，只點了一些比較簡單嘅食物，包括「蒸粉皮」、「鮮茄牛腩河」、「雞絲湯河」、「鮮蝦柚子沙津」、「牛油雞翼」、「牛柳粒紅飯」、「馬拉盞炒通菜」及「上湯浸芥蘭」。此店嘅越式食品與筆者之前食過的有大出入，例如柚子沙津中嘅柚子數量小之又小，最多反而係紅蘿蔔絲，可惜筆者忘記把它拍下以証明；其二係牛柳粒紅飯好濕，牛柳粒加上很多類似黑椒汁嘅東西，如果啲飯唔係紅色，那正正是一份港式黑椒汁牛柳飯；其餘嘅菜式尚可，要挑剔嘅話，蒸粉皮餡料比較少，不似「芽莊」的脹卜卜，蒜片亦爆得唔香未能扶助粉皮嘅味道；牛油雞翼炸得唔夠香，與「清亭．燕萍」嘅水準有大差距。整體嚟講，味道偏鹹。六人共銀五百四十蚊，平均每人九十蚊。

我們吃盡福佬村道(學生午市)的計劃來到尾聲…來到了這新開的新越試試看這兒的價錢不算便宜,但一些因素令我覺得很值…1.service真的很好每個員工都有個很大的笑容也會和客人寒暄一下收野+上菜都好快!2.食物質素那一小籃「香花菜」的物體,教我和同行的各位著迷@_@加在湯河的味道很好~自己不是加了太多,但也很喜歡那種清清的味道~(事後各人更拿了一些回校…在3堂ue時感到累就嗅一下……)自己叫的雞絲湯河十分清甜可口除了香草居功不少,湯底也真的真的很清甜很喜歡~~~同學的番茄腩也很好很腍很有牛味湯底也很好味!一杯簡簡單單的奶茶也不失禮@_@很滑哩…3.環境雖少,但樓底夠高、裝修也很清新 一頓清新醒神的午餐,令之後很難熬的課有了動力完成^_^

我去這小店是因為對胡志明的Pho LE念念不忘新假期說這是Pho LE的首間海外分店 當然想試 ..... 想起上年在胡志明Pho LE的生熟牛河!!!!!叫了一碗生熟牛河 .. 以hk來說 ... 不俗以胡志明來說 ~比pho 2000, 24 好但比正宗pho le ...... 有點失望呀 ....不過, 是看到可以進步的空間新店的錯誤都有發生 .... 但 .......人們很有心 .....給點時間他們

個日同男朋友去左九龍城行街,之後諗住搵野食,之後行行下行到福老村道,點知見到間白o雪o雪裝修既新越式餐廳,係外面見幾舒服,入面又幾多人爆爆地,心諗應該唔會太差掛...所以就入左去試下,我個男朋友仔又幾鍾意食泰式明爐燒魚ga喇佢見呢到有越式明爐燒魚,就即刻叫左呢個尼試下.咁我又鍾意食小食喎,咁就問下入面d waiter有咩小食好介紹,佢地就話一定要試下個炸田雞,然後又介紹左個紅燒牛肉配麵包,佢地話個到好多人都讚好味,咁我又叫左尼食,咁等左5-10mins d野就開始尼喇...佢就尼左炸田雞先...食落超香口加埋個唔知咩汁仲好味,不過如果多d肉就仲好喇...跟住就尼左個紅燒牛肉配麵包,d牛肉食落唔太un,d汁加埋麵包口感一流,賣相又ok,=)最後就尼埋個明爐燒魚,不過個到d waiter就叫我地唔好即刻食住,叫我地等5-8mins先食,佢話係因為條魚會入味d,如是者我地就等啦,終於食得,我男朋友急不及待就試左先,點知佢食完之後讚不絕口,仲話好味過泰式明爐燒魚tim,之後我就試啦...真係喎,d味又濃但係d汁唔會掩左條魚既味...條魚既肉又夠滑最後d waiter就推介左佢地店必試既甜品,一

睇雜誌見到九龍城新開左間越式料理，可能地理位置問題加上閒日，入到去人唔算多，唔洗等位。入面十分乾淨企理，裝潢都算係咁!!打開菜單..oh!!唔小心俾野介到,見紅!!待應姐姐就好細心問我要唔要膠布,服務唔錯!!見到間離枱d野食唔錯,於是就跟住叫..招牌越式火車頭河粉,好大碗..一碗粉加兩、三道小茱夠兩個人食...個湯底幾飲,加埋d葉簡直一流,我同男友都讚口不絕,唯一唔好係餸小左d,d肉得兩三片太小了!!雞翼個皮燒得好脆,賣相都唔差,仲好香,如果d味濃返d會更好!!軟殼蟹春卷十分好食!!

作為龍城的常客，一有新店登場，特別是吃越南菜的，怎能不試試 ?一向都說，自樂師結業後，已找不到高水準的越南菜。從前大坑的火車頭算是十分接近，但自從師傅離開後，又覺有點退步了。"分拆"出來的越南站，試過後也覺不過爾爾。所以每當有新越南菜館開業，小弟必然第一時間去吃。何況這兒開在小弟常往的龍城，更沒有不吃的理由了。十二時許到達，避開了吃午飯高潮的人流。裝修頗見簡潔清雅，唯獨枱與枱之間空間頗見狹窄，不過這兒本身所用的空間惟實不太多，這也是可諒解....午市套餐三十多來大洋，在龍城內算是很"標準"的價錢。試越南新店，例牌動作自是吃一碗牛肉河。如這品也做得不好，其餘的也不用吃了....望了望餐牌，賣的是很typical的越菜，菜式的種類跟火車頭及越南站的極相似。最吸引小弟的是甜品選擇比想像的多，真的要找次機會會合太座來吃吃....雖說牛肉河不好吃就不用試其他，但很矛盾地想，只吃一碗河粉又怎甘心 ? 見有本人摯愛的蒸粉包，當然要來一客.....跟餐的熱奶茶先打頭陣。理論上應要喝喝越式咖啡，但是日不想在身內注入太多咖啡因，而且要加錢，故就此作罷。奶茶只是用普通茶包開的，茶香欠奉。喝慣茶記絲襪奶茶的小

真好, 2008的最後午餐, 是與好友共膳。相約在九龍城，想多坐一會聊聊天，看到這家新店，似乎坐得舒服, 又不太貴，所以就決定一試要吃出越南師傅的真功夫，最好就是試生牛肉湯河；是以，兩個都要了生牛肉湯河午餐; 生牛肉湯河送上了, 可牛肉不是生的，是全熟, 湯也不夠熱, 是因為午餐的關係怕生牛肉不衛生嗎？那不如老實說是熟牛肉湯河，其實也不要緊，總比現在感覺「貨不對辦」要好。開動了，竟更不對勁；湯太咸，也沒有牛肉湯應有的鮮甜味，味道太濃太複雜，不好喝。用的河粉是好的，都幾軟滑，但OVERDONE了，太淋；加上湯底不好，河粉再好也沒意思。牛肉則選得不好，雖不韌，但不算嫩滑，且牛味不足，似乎是用了雪藏牛肉，不好吃。這碗河粉完全是不合格。我加了十元要了越南咖啡，咖啡雖極苦，但喝罷竟有回甘，好喝；我只是嫌煉奶份量太多，影響了咖啡的香味，如果只放一丁點，或索性不下，應該會更好喝。這裏的咖啡雖可口，但越南食物質素不合格，而且價錢不算便宜 (加了越南咖啡的河粉午餐要$42 再加一)；實在很難吸引我再光顧；頂多約朋友來這裡喝杯越南咖啡。不過這裡的服務其實不錯，雖然下單時，男侍應告訴我們錯誤的資訊。(如要可

叫左生熟牛肉河, 沙嗲串燒雞同埋春卷食生熟牛肉河: 牛肉唔un, 河粉好滑沙嗲串燒雞 - 唔鞋幾滑, 只係唔鐘意d花生係度, 花生可以好分開上會比較好春卷 - 皮厚, 味道一般 (同埋懷疑佢落左好多胡叔粉, 食完個口好"慶", 同無耐就覺喉嚨痛...)但味道就好味過街口前個間越南餐廳

九龍城貴為泰國菜之聖地,說到去越南菜,數來數去,只得永珍,同金寶.近日在福佬村道新開一間越南料理,中文名叫"新越",外語叫"Pho Le"用得個Pho來命名,一定是牛肉粉作行頭,小弟每一次去越南菜館,十居其九都是先吃其生牛河.如果連此味都做得不好,此店的水準,好極有個譜.近期吃過的有水準Pho,也是得三數間,且看看這間新店又如何?裝修挺有格調,店內亦有LCD電視,在播著外語歌手MV,這個下午便同Robbie Williams"相會",正值午市時間,食客不算多,可能是新開張,未廣為人知的關係.坐下不用看餐牌,就叫了一碗生牛肉粉.包一杯飲品,價錢$32,凍飲加$2.小弟吃Pho,最注重係個湯底,同周邊的配套,牛肉粉與香草另上,想下幾多香草,悉隨專便.嘗一口牛湯底,帶有濃香的牛骨味,再混合一些香料味道,但再喝下去,味道就不夠濃,結味較淡.加了香草之後,也是差不多.如果用上鵝蒂,毛翁等個性極強的香草,效果應該會更好.牛肉上到桌已經去到九成熟,幸好入口都算不錯,牛肉用肥牛部位,肥膏位帶有嚼頭,入口沒有渣.但是,如果你不開到口,店方不會奉上甜醬同辣醬.而河粉每一條粗幼劃一,質感也滑溜.整碗粉的水準

21-12-2008都講過, 九龍城係得泰國0野 / 潮州0野特別多, 但其實越南0野 5 隻手指數得晒, 其中有 d 仲要幾港式... 早兩日終於見到一間新的越南餐廳開門, 仲要幾靚裝咁款, 一行 4 人晚飯0黎試試.- 牛肉米紙卷: 餡料有紅蘿蔔絲, 檬粉及乾乾0鞋的牛肉「渣」, 米紙幾煙韌, 但實在捲得散收收, 咬一啖後立即「解體」, 真係 -_-" 奉上的醬汁味道十足「海鮮醬」, 唔太0岩食, 結果自行落酸酸甜甜的魚露送米紙卷, 仲好食.- 馬拉盞炒椰菜: 馬拉盞幾香口, 但鑊氣唔夠, 椰菜腍腍濕濕水汪汪, 食味大減.- 沙爹串燒: 叫了豬肉及雞肉各 3 串... 雞肉好嫩好腍好多肉汁, 正! 豬肉肉汁亦夠, 都好食; 沙爹汁雖然唔及九龍城廣場對面檔印尼串燒出品的 (見 http://www.openrice.com/restaurant/commentdetail.htm?commentid=1947883), 但都幾香濃, 好食.- 無食香茅雞翼, 賣相唔錯, 唔知好唔好食?- 火車頭: 湯底好差, 淡得很不能接受, 唔似牛湯之餘, 合埋眼飲的話, 你話係史雲生