新越越式料理 (已搬遷) 新店位置

朋友生日,選擇九龍城附近的餐廳,7個人來個簡單的生日飯.此店裝修清新簡潔,店內枱數目不多,不太吵,所以都適合我們7人傾計~~上菜速度挺快.價格中等.柚子沙律忘了拍照,大大碟,面層沙律配合柚子吃不錯不會太酸,清新的味道,挺開胃,但到底層就看到全是醋,太酸了.所以下單前可以要求才落點醋~~東陰功湯足料,但略嫌味道不夠正宗,比較港式,湯偏水,不夠辣越式拼盤不過不失,春卷脆脆的比較好味馬拉盞炒通菜一般,菜都新鮮.生牛肉湯檬粉湯底濃郁,牛肉薄薄的味道不錯,份量味道對得起價錢,可試南乳雞雞皮脆脆,肉質不會太乾,但都不是滑溜的.只是南乳略嫌不夠香.一隻太多,叫半隻可以了.

當晚己經是九點半後既時間.而且又唔太熟路, 所以只係好隨意咁見到咩就食咩...一入去完成唔覺得係食越南野...因為佢既裝修都幾得意...因為佢有d雀籠掛係天花板上...之後同兩位朋友點左四樣食物..有一個柚子蝦沙律 - 呢個對於唔識得spicy既我, 會覺得好辣...而且食落唔太似柚子肉..所以呢個味道一般...之後叫左生牛肉湯蒙....同平時既冇咩唔同...味道冇太大驚喜...再叫左個啤酒蟹, 用蛋白焗...味道幾得意, 送上枱時, 會聞到陣陣既啤酒味..配蛋白加上小小蟹膏..估唔到都可能帶出蟹膏既鮮味...幾特別既煮法...雖然啤酒味唔係好入到蟹裡面, 但本身隻蟹都夠晒鮮...唔錯呀...最後叫左個炒飯...冇咩特別...

與太太小友週末三人行，上完課後帶他去踩踩單車，簡簡單單的已令他甚大樂。個多小時後已差不多是時候收隊找吃了...太太說求求其其快快趣吃完回家便好，小弟也因而樂得不費煞思量說要專登找甚麼來嚐，只求行到邊度，就食到邊度....此時剛好抬頭一望，看到了"新越"的招牌。之前已在此食過了好幾趟了，感覺是十分一般。不過在附近也沒有甚麼好店子的。再最就手的情況之下，這裡看來會是我們今晚的選擇....東西未上桌之前，先端來一小籃的開邊青檸塊及一些香菜葉。若我今晚是點生或熟牛河一類的話這或有少許用武之地，但小弟是夜點的都只是凍乾撈檬以及豬扒飯等的食物，故此眼前的這籃子物體，似乎是睇多過吃了....幫小友點了一碟香茅豬扒飯。滿滿的盛在碟上他一個人當然吃不完，我倆自然要幫忙吃一點....但只覺豬扒是乾得有若柴皮一點也不juicy (雖醃味還倒是夠的)。最吸引我可以繼續食下去的，就只有置於碟旁的鹹香十足的青蔥粒。用來伴飯食是令人停不了口的....魚露雞翼炸得十二分的油膩。所謂的魚露鮮香味是未太感受得到。吃起來倒似是像在嚐普通的炸雞翼而已....印象中的順化豬手檬應是不會下那麼多的辣椒油進湯內嘛....而且湯本身

朋友推介九龍城福佬村道有間外觀白色越南小店嘅《生牛肉湯檬》好好味，湯底好正！小弟就特登親身去試下。其實依間越菜小店，好耐之前都食過。印象中湯底真喺好夠味，非常吸引。今次再嚟，湯底味道依舊濃郁，越式嘅調味料依然十足豐富。幾塊薄薄嘅生牛肉，半熟咁送到，真喺別具心思，頗有口感，唔會有肉渣嘅感覺。唯一可惜喺檬粉太碎濕濕，根本夾唔到，扣咗唔少好感分。33 蚊加一，即喺 36 蚊，貴咗少少。

我每次來新越都會點蒸粉包，誰不知這款越南小食竟然在菜牌上被刪除了，我即時感到相當失望，惟有叫個類似的扎肉粉皮代替。原來粉皮很大碟，還伴有很多蔬菜，賣相頗吸引，將扎肉、蔬菜和粉皮挾在一起吃，再加些辣椒蒜頭醋，味道很清新醒胃，只是不及蒸粉包的風味。另一款點了的前菜是柚子沙律，也是大大碟的，看見那麼多柚子便高興，可惜廚師加得太多醋，味道偏酸，而且蓋過柚子的味道。牛肉撈檬則做得非常出色，牛肉加了少許洋蔥炒得很香，乾身的檬粉內還有菜絲和花生粒，加入辣椒蒜頭醋撈來吃，口感既豐富，味道亦佳。清炒椰菜亦相當美味，菜煮得又淋又清甜。雖然新越的食物保持水準，不過如果下次來仍然沒有蒸粉包的話，我或者會去另一間餐廳了。

7月1日打風的晚上, 沒有走得太遠去吃飯, 試左一間食左幾次宵夜但係未正正式式食佢晚餐既新越。芝心蝦丸 - 大大粒同熱辣辣既蝦丸都冇乜得點輸, 可惜的是中間芝心的部份很少, 並不能滿足我這類芝士怪。雞絲湯檬 - 一黎到我地2個都已經覺得好大碗 (通常大碗都感覺無咁好食...), 不過一食就已經消除左我地既不安喇! 飯伴說雞絲算有雞味, 而個湯底都幾濃味, 又大碗又好味。馬拉盞通菜 - 又一大大碟之作。炒得非常熱辣辣, 馬拉盞果種味道夠出, 唯一覺得油左少少, 不過叫得馬拉盞都預左...蟹肉炒粉絲 - 又係果句: 份量很多, 入面有好多蟹肉, 不過可能拆肉要下多點功夫, 因為食到有好多蟹肉穀, 食得比較辛苦; 粉絲炒得幾香, 如果可以加入更多炸蒜就非常完美喇!

星期頭早收工，回到老家附近，口又寡寡地，就想起黎試下呢度既越南粉。作為街坊，開業幾年來居然從未幫襯，自己都覺得有D奇怪。人就係好容易忽略眼前事物。呢日終於黎到，店面裝修不落俗套，可能玄關位樓底夠高，搭配淺色調，感覺算清雅。不過可能通風不太好，而且越式汁汁醬醬味道大部分都比較濃烈，就有少少嗆鼻感覺。作為Pho 專門店，又自越南胡志明市買左當地一家名店franchise，不過我朋友唔食牛，於是就Order 左雞翼湯河。跟上香葉同青檸，香葉好大棵同新鮮，清香撲鼻。湯頭味道清甜，唔錯，甚少飲粉湯既我都追住朋友D湯黎不　＂畢＂。我自己叫個雞絲撈檬，料都幾足。檬粉瀝得幾乾身，另外要贊下店家都好大方，那支魚露汁放檯上任斟。唔錯。另外加多個小食蔗蝦，味道都好香口，表面炸得金黃，入面蝦膠亦夠彈牙，收貨。唯一座位編排，我地到場時較飯市早，人明顯未有，但waiter 想擺我地埋牆角，我要求另一張鬆動D既，還好kui地都無堅持，如果唔係就肯定bad list + black face。

唔睇番呢間店之前啲食評都唔知佢收過咁多個喊面....今晚'順風車'車咗我嚟九龍城搵食, 上次我食咗牛肉麵, 今晚就食越南粉啦! 之前都去過同區另外兩間'老牌'越南食店, 意外地只係一般水準, 所以今日又食番呢間相比起佢哋起算係新店'新淨'啲嘅, 上次嚟係同屋企人嚟, 有叫小食同湯河, 仲記得佢個湯底唔錯而且金不換俾得好慷概, 不過回心一想, 都差不多大半年無幫趁, 唔知水準keep到嗎?! 睇吓點...今晚無爆場, 可能係閒日, 所以侍應都任我自己想坐邊都招呼我坐低, 有熱茶供應, 我叫咗炭燒豬扒湯河, 加6蚊蘿蔔, 又另加8蚊轉特飲'青檸疏打', 連加一埋單合共63蚊, 其實唔加餸唔叫特飲可以維持個消費响50蚊以內感覺會抵食啲....不過無計啦...又為食又貪心就係我! 湯底其實可以自選, 不過我落柯打時唔記得講, 咁之後佢放低食具俾我時我至記起可以自選就問番佢如果好似我咁唔記得講會俾咩湯, 侍應就話係"雞湯", OK, 我Like, 無問題! 碗湯河大概十分鐘上枱, 試一啖湯底先, 呀~ 唔錯噃, 好過上次我去鑽石山嗰間標榜'一個湯底的傳說'個湯好多, 碗底好多

西柚蝦沙律好味..d蝦食得唔會霉, 彈牙, 配埋西柚真係幾好食, 個沙律好正豬頸肉卷豬頸肉太少喇...好似淨係食菜咁, 不過配埋個汁個味幾好串燒-雞肉相信燒得太耐, 有d"鞋"...唔係太好味火車頭好大碗, 分到差不多五個細碗, 料足, 湯底夠味, 不會太咸, 推薦

星期六好晏先食下午茶,所以冇咁早肚餓,晏左少少先出去食晚飯,10點幾仲未搵到車位,攪左好耐,跟住先攪掂,因為唔想再晒時間搵,朋友話食過呢間的越南嘢,佢又想食越南嘢所以就嚟左呢度,11:30關門,但11點LAST ORDER,我地去到已經要落LAST ORDER啦.好趕好趕.點左一個香芧豬扒飯,一個牛肉撈濛,一碟馬介休炒雜菜一齊食呀! 勁快嚟,真的快到一落單係入面攞出嚟咁,我地在想究竟有冇煮過及熱唔熱架. 個撈濛好大碗架,入面好多濛粉,牛肉都多,不過配料差D, 多D青瓜絲及其它配料就VERY GOOD LA. 牛肉好味,都淋身的,濛粉硬身左少少,不過加埋D酸酸汁一齊食真的好開胃好味道呀! 香芧豬扒飯都好大碟,豬扒都好香,都唔係好鞋,OK,幾香口入味的,都有兩大塊架,不過我鍾意食好多香芧的飯,因為好香架. 馬介休炒雜菜都好香咸魚的味道,雜菜都有菜芯,通菜,西蘭花,紹菜,有些辣椒都幾惹味的.我地超級快食完,全間店得番我地幾個,仕應們都趕著下班呢!! 食得太趕太趕了......

晚上走過福佬村道，又看見一家未試過的新越南菜館。九龍城這一區不斷地有這種情形出現，一家關了另一間又開，沒停過。誤打誤撞就走入去試一試。這間店屬新派越南菜館，以六人枱為主，地方雖小，卻裝修得光光亮亮，乾乾淨淨。高高的樓底，裝潢簡單清新，以淨白色的牆身，還有啡色橡木橫樑，給人感覺就像咖啡茶座一樣。看餐牌，有很多fusion 菜，菜式也是偏向半越半西。 "Pho Le" 這家店大有來頭，是在越南有二十多年歷史的"錦麗"的首家海外經銷商，"錦麗"於越南名氣非常高，只賣牛肉和雞絲河，非常出名。今次來這𥚃，我們並沒有柯打店裡的河粉，一來並不肚餓，二來想試一試他們的特色菜。店裡提供了越南魚露，辣椒醬和新鮮的辣椒粒供給客人享用。先來一碟香葉烤牛肉：端上枱感覺很特別，用了一些香葉卷著牛肉然後一起落油穫炸。吃下感覺一般，香葉很脆口但索了很多油，牛肉炸得有點乾身而且韌。吃了幾件，已感到滿口油膩。沙嗲雞肉串燒： 這碟有點像我們平時在泰國餐館吃開的雞肉串一樣，但這些雞肉串不是烤的，是油炸上來的。吃下雞肉也很嫰滑，略歉沙嗲醬不夠濃。番茄牛仔骨： 這碟法式牛仔骨賣相並不吸引。牛仔骨炆得過淋導致肉與骨散開了，而且牛

這日到九龍城新越吃午餐。新越的裝修以白色為主，樓底高加上店前的大玻璃，處身店內光猛舒服。但座位與座位之間就擺得密了點，當店內坐滿的時候會很擠迫。之前在這裡吃過生牛肉粉，印象不錯。這次就吃客牛柳粒紅飯，看看水準如何。牛柳粒紅飯午市套價$46包一杯餐茶。我看到有多款特飲好像比茶、啡吸引，便加$10把餐飲換成特飲檸蜜。檸蜜先到，味道一般，相信應該是用濃縮漿開水的而非如勝香園般用新鮮檸檬。以此作為特飲，店方似乎欠了點誠意。牛柳粒紅飯的飯熱辣辣但過濕，至於牛柳粒被重手的鬆肉粉'拿'得肉質鬆泡兼全無肉味，可算極差。試了2粒肉粒後已要全部放棄。對這次的食物水準很失望。

小小的九龍城美食處處，真是食極食不完 這日在附近辦妥事情後便順便食埋個early dinner才離開。到了這以白色為主題的越南餐廳，裝修整潔有現代感，也很企理。我想吃個生牛肉粉，原來這裡晚上有粉麵套餐，約四十多元一碗粉加一杯飲品。生牛肉粉到了，先喝一口湯，湯底很清甜和香料很多，好喝！在加上我自己放進湯裡的香葉和鮮青檸汁，很清新鮮甜。牛肉質感滑，有點肉香，算不錯。粉也滑，好吃。餐咖啡非常一般而已，下次喝杯檸茶可能會更好喝吧。此外有位越南女士的店員，服務不錯和很有禮貌，值得一讚。

同女友路過九龍城見到呢間都幾靚, 不過d食物就唔得啦....set dinner , 只有隻蝦比較好食, 個火車頭粉最唔掂, 好似放左好內...d內丸沉到變左2隻色, 牛百葉好重雪藏咪杯海底椰冰好難飲, 好怪d味......埋單二百幾2個人...估計無下次......

之前食過都唔好食,俾多次機會...午餐set lunch 叫炭燒香茅雞翼湯河:1.轉金邊粉照俾河, 同佢换.2.33 收加一,service 唔得3。返回來嘅粉係硬，末熟, 同佢地講竟然回覆係爽！！！！4。雞翼兩小隻，惨過小朋友食嘅size ,仲要overcook (lon)5.涷飲加$8! 唔係一般$2-36。雞湯冇味7。D菜係啡黄色