新記雞粥 (筲箕灣道) (裝修中)

我在一月二十四日訂了二十五日晚四位，結果準時去到才見到門口貼上休息通告，當時還帶着老人家，即時我陣腳大亂，明明在開飯網站上的訂位還有被確認的回覆，我轉寄給家人的資料還在，但現實是休了息開飯網站還信得過嗎

毛毛好掛住新界靚雞粥，不過近來嘅環境，實在有點難去新界，所以毛毛講了很久都無法為佢實現。 今天去街市買做節餸，正係去筲箕灣街市途中，發現了一間大大隻字寫住“元朗雞粥”， 毛毛立即話“不用去咁遠，有得食啦！”所以我地就下車去試下有無新界這般滋味。門外玻璃已貼上各式傳媒報導，菜式種類繁多，早餐有中式粥炒麵，亦有西式多士通粉，任君選擇菜牌圖文並茂，配搭多元化，好容易找到自己所想食的眼見許多人都點粥，我同毛毛都點了粥。 毛毛選了這裡必食推介貴妃雞豬潤粥（$57）同炸両（$19）,再加杯熱檸蜜（$8）。 我就點了艇仔粥同豉油炒麵套餐（$33），再加杯熱檸蜜（$16）貴妃雞豬潤粥： 雞滑豬潤厚亦份量多。 炸両： 皮滑油炸鬼脆艇仔粥料多，豉油炒麵炒得乾有微辣味道熱檸蜜剛好解辣及暖胃

 新年前最後一擊之前食太多了,飯局太多,消化不良了轉食粥,走左去搵雞粥食原本無咩期待,諗住無乜特別因為之前食過其他牌子既雞粥都係普通估唔到食完有改觀 呢度餐牌十幾頁,乜都食到,可以叫佢做有粥食既茶餐廳都不為過但粥店,炒麵,粥底,炸兩就係試佢招牌炒麵,不像一般的用蒸爐保溫係真正用熱鍋炒香,香味突出炒得乾爽!落左少少辣,食起上黎更加惹味!炸兩既腸粉皮都係即拉,超薄!透光!炸油條係偏細身個種,但中間脆又通透! 招牌生滾雞粥灑了蔥花點綴~雞粥料多,食到雞脾位!佢真心做到雞肉超嫩滑,唔會變老又柴又乾~粥底綿香滑!追加一碗牛肉粥~肉片夠嫩,但味道好清淡,加少少鹽食就岩岩食  Sun Kee Chicken Congee筲箕灣筲箕灣道307號地下及1樓G/F&1/F, 307 Shau Kei Wan Road, Shau Kei Wan

呢間新記想試好耐，但每次都係食飽左先記得! 難得今日想食碗粥，特地來試試. 仲咁啱係下午茶時間，選擇好多，我揀咗艇仔粥+炸面，凍飲只係$36 蚊! 粥底夠绵，味道清淡，配料好足，用瓦㷛上，夠誠意! 另外炸面係即炸嘅，非常硊口! 3拾幾蚊set 下午茶仲有即炸嘅油炸鬼! 有誠意! 最難得食完係唔口渴!睇佢個menu, D菜色好吸引，越睇越肚餓，下次會試下佢嘅炒野! 雖然唔洗等位，但都人多! 唯一不足只覺得侍應們傾計太嘈，可能係樓底矮，定係我太厭尖？!

元朗一家馳名的老字號雞粥店已經很久歷史，住在港島那邊的我們較少機會到元朗那麼遠，聽朋友說原來港島筲箕灣也有開分店。天冷吃碗生滾粥，人都暖和起來。晚飯時段人頭湧湧，等了一會才有位，地方較逼及細小。看看餐牌，叫人看得花多眼亂，粥粉麵飯、小菜、甜品、飲品，樣樣都有。先點份小食，海蜇手撕雞。海蜇手撕雞已預先混合了麻醬及少許辣椒，不過不覺辣，反而醬有點多，比較濃味。來到這裡，當然要點招牌貴妃雞粥。即叫即滾的粥，粥品有很多配搭，或是自選配料亦可。雞粥以瓦煲一鍋端上，份量挺多的，用上多種材料及香料醃製。貴妃雞連皮及骨一起在粥裡熬煮，全都是雞精華，雞味濃郁，融入粥裡。米粥綿密，採用了泰國絲苗米。雞件算多，入味帶鹹香，不會因熬久了而沒有味道。除了粥外，再加一份餸菜吧。想吃些不太重口味的，最後決定點涼瓜炒蛋。沒想到蛋味香濃，蛋不是炒至全熟，令蛋變老及粗糙，放進口時蛋漿溢出。而且蛋份量十分多，應該起碼用上3-4隻蛋，反而涼瓜切成條狀，份量相對較少。

住筲箕灣的老友最識搵食，佢帶我去筲箕灣道307號地下，晚市小炒經濟實惠。餐廳食客頗多，要搭抬。上菜速度算快，我們點左干炒鮮牛河$53，不太油，味道剛好，牛肉頗多，無得彈。菠蘿咕嚕肉$52，肉塊都好厚身，啖啖肉，香脆可口，配料有洋葱、三色椒、菠蘿🍍，酸酸甜甜，很開胃又美味。韭黃蝦仁🍤炒蛋$68，勁大碟，蛋、蝦都很香滑，煎得香噴噴，真不錯👍。豉椒炒黃鱔，黃鱔爽口彈牙，很好吃，可惜吃到碟底時見到很多油。

今晚想清清地食粥，於是黎到新記雞粥食粥。佢既餐牌有好多選擇，令到本身剩係想食粥既我都叫左六樣野食。必叫既貴妃雞粥，雞肉嫩滑，粥融入雞味，亦都綿滑。蠔仔湯飯好大碗，食落冇咩味精，唔會口渴。豉油皇炒麵好耐冇食過，係窮人恩物。仲有三樣小食，食粥必配既炸兩腸粉，酥炸魷魚鬚和蜆介鯪魚球。叫左甘多野食，都只係$246，非常抵食又飽肚。呢間侍應服務態度唔錯，好細心，會主動提供協助。眼見成晚做好多外賣，多街坊幫襯。

今朝又大風又有雨，天寒地凍，早餐梗係要食熱嘢暖胃。平時坐電車經過筲箕灣，都見到新記雞粥，門面搶眼，終於嚟咗試下佢嘅馳名雞粥。早餐時段都幾爆常，好彩仲有最後兩個位，同朋友坐低，叫咗最出名嘅雞粥，同埋海鮮粥，再配搭多士同腸粉，熱豆漿。雞粥果然係冇得彈，雞夠嫩滑，粥底又綿又惹味，有雞嘅鮮美，忍唔住大啖大啖咁樣食。海鮮粥都好正，入面有好多材料，有蟹，鮮蝦，魚，帶子，非常足料。 粥底充滿海鮮嘅鮮味，鮮蝦仲非常新鮮，蝦頭勁多膏。呢個冬天真係要密密嚟食粥，暖下個身，食完成個人暖笠笠對抗寒流。

如果無乜太多要求，其實呢度都算係區內比較抵食嘅，下午茶時間14:00-18:00，平日都有九成客人，眼見都有唔少捧場街坊客。鯇魚肉算新鮮，冇乜泥味，而且有薑絲癖魚腥味，粥底都算ok，質感未至於好稀或者好漿糊，仲見到有米碎，最鍾意就係佢夠多蔥。蘿白糕都唔錯，有蘿白絲＆臘腸粒咬吓，唔會只得粉；炸倆中嘅油炸鬼算脆，係外層腸粉皮厚咗少少。下午茶餐有一個粥品，配個腸粉丶炸兩或者炒粉麵，仲跟一杯熱飲，咖啡丶奶茶丶檸茶丶檸水丶豆漿，呢個價錢來講真係算抵食。除咗有中式粥品之外，另外都仲有西式嘅可以選擇，同其他茶餐廳嘅都差唔多。

探訪住筲箕灣的老友記，佢話筲箕灣道307號新記雞粥，價錢算相宜，午飯時食客頗多，需要搭枱。我們點左脆皮乳鴿，皮脆肉質嫩滑又多汁，很惹味，極好吃👍。鮮蝦雲吞撈麵，雲吞大大粒，皮薄餡料多，麵質爽爽，大大碟，真不錯😍。貴妃雞粥，粥底煮得很綿滑，雞肉算嫰滑但鹹左少少。义燒腸粉，很滑帶少少煙韌，有布拉腸粉的質感。香煎豬扒配薯條🍟和熱飲，下午茶套餐$34，超抵食。整體來說這餐我們都很滿意，會回頭再吃其他食物。

放假早起身，可以出去嘆早餐，就選擇左附近的餐廳。男朋友話呢間開左好耐，佢細個都有食，所以就去試下。本身因爲我未去過，印象中以為係好舊派的裝修。點知都幾新同乾淨，似新的茶餐廳。見佢有個招牌雞粥 ($51)，所以就叫左。黎到見到都好驚喜，因比想像中大！食落好有雞味，棉棉的粥，滑滑的雞！係幾正，我同男朋友都好中意另外都叫左炸兩($19)個炸兩係令我眼前一亮！因為入面既油炸鬼係脆到卡一聲！本身冇預到有甘脆😂😂所以覺得呢個更驚喜。好耐冇食過甘脆既炸兩炒米粉($29)都好好，唔會太油。

今日有點不適，男友帶咗我去新記，貪佢有粥又有小菜食，滿足到我倆的要求。海蜇手撕雞 - 先來一個冷盤，麻油加上芝麻香都幾重，海蜇較多，雞肉略少及碎，不過味道不錯。皮蛋瘦肉粥 - 又稱下火的皮蛋瘦肉粥是身體不適時首選。份量十足，大概是坊間的1.5倍! 粥底綿滑，食到底仍有不少粥料，也只是$29。抵食!菠蘿咕嚕肉 - 酸甜味適中，咕嚕肉即使加了汁芡，仍食到微脆，唔會淋哂，而且亦覺得鑊氣十足。椒絲腐乳炒通菜 - 菜的份量非常多，腐乳汁亦很足，兩個人都食唔哂。加多少少辣就prefect!芝麻球 - 即豆沙餡煎堆，小小的有三個。新鮮炸出來熱辣辣脹卜卜，不會太油。甜味都適中。吃完後發覺原來餐廳一星期七日定好了不同的例湯，仲有我最鍾意既粉葛湯，下次一定要星期三來提一下，我們叫了一杯熱檸水，篤好後我都習慣將檸檬放開，但這裏熱飲沒塾杯碟，正煩怎樣放時，待應便主動多給我一隻碗了，真細心~

好少黎筲箕灣呢邊，落巴士個陣好肚餓見到車站附近就係新記雞粥望落都幾多人食就入左去試下。本來應該試佢呢度最出名既雞粥或者其他粥，不過真係太肚餓所以最尾都係決定食飯。叫左最常茶餐廳或者大排檔會叫既魚香茄子煲同菠蘿咕嚕肉，另叫左兩碗巴士，再加左兩杯凍檸茶。佢d野食都係即叫即整所以等左一陣先上菜。魚香茄子煲熱辣辣冒住熱氣聞落已經好香，成個煲好足料，好多肉碎好多舊茄子，食落撈飯一流，唔會太鹹茄子入味鬆軟，唔會放入口已經溶曬淋曬。至於菠蘿咕嚕肉亦都好好味道，每舊咕嚕肉都有好厚身既肉塊，而且一碟都有幾多舊肉，食落去皮脆脆地甜甜地，肉結實好有咬口，骨唔會太大，炒得好香口。另外自己鍾意食洋葱，加埋沾到既汁清左成碟既洋葱，三色椒自己就唔太鍾意食評價唔到。檸檬茶亦幾大杯冲得都幾好飲。整體黎講價錢以晚餐黎講都算平民，食物質素亦都唔錯，下次有機會要試下佢既雞粥。

新記雞粥-老字號粥店門面黑色背景配上透光的餐廳名字，訪透有公雞的圖案，很明顯餐廳是以雞粥聞名，內裡燈光尚算明亮，並設有梳化卡位。碎牛皮蛋粥砂鍋盛著的生滾粥，海量多的碎牛肉加上切粒的皮蛋，綿綿的粥底。豬潤粥 厚切的豬潤，而且數量非常有誠意，沙沙粉粉的口感，配上薑絲和蔥花味道一流。香脆炸大腸 即叫即炸的大腸，橙紅的顏色，配上酸甜汁，大排檔的經典小吃。酥炸魷魚鬚 巨型的炸魷魚鬚，香脆炸得金黃色的外皮，內裡彈牙腍身的魷魚鬚。蔥花蝦米腸粉 大大粒的蝦米和蔥花，幼滑的腸粉，加上大量的芝麻、甜醬和麻醬。香脆炸兩腸粉 有水準的腸粉，加上熱騰騰的脆炸油條，一軟一脆。

想不到在元朗的老字號也可以有筲箕灣找到，一定要試！食午餐也是不錯的選擇！剛入秋，秋風起的時間食粥，真是又舒服，又暖胃。不過工作辛苦，首先要飲杯凍飲，爽一爽。與同事點了豆漿，五花茶。最特別莫過於這杯七喜話梅柑桔冰，我一向喜歡話梅酸酸甜甜的感覺，加上有氣的七喜，爽！好有港式味道。開好個頭，就上主菜了。貴妃雞粥，先試一口粥，粥底好綿，好重鮮雞味，沒有雪藏味。而且不會好咸，不過有好重的味精的感覺。再者，雞肉好嫩，一向煲了粥的雞會好老，這個雞肉出奇地嫩，正！我們還叫了蟹粥和泥鯭粥，同樣地粥底好綿，又有鮮味，鮮味不同腥味，放了薑絲辟腥，好正！還叫了很多小食！魷魚鬚和皮蛋是重點推介。魷魚鬚炸很香口，很脆，又沒有油膩感。皮蛋的調料很特別，惹味非常。總之就好正，價錢又抵！一頓大滿足的午餐！