新記雞粥 (鴻禧大廈) (已結業)

現今粥店愈漸式微，有時候也會覺得很可惜，但旺角花園街這間新記雞粥這間老字號卻仍鶴立雞群，平日的晚上還是非常多人來吃。傳統之餘也走岀框框，除了粥品外還有小菜小食可選。先來了一客蒜泥汁脆皮豆腐一顆顆像磚的方塊，炸得外酥內軟，裡頭的豆腐很滑，點一些蒜泥汁來吃，簡單又好吃這個是很受歡迎的海哲手撕雞，海哲爽口滑溜，口感不錯味道不會偏咸，很開胃哩看菜單見到這個紅燒元朗脆皮乳鴿很吸引就點了，一上菜就見到色澤紅亮的乳鴿，皮脆肉嫩又多汁，吃得齒頰留香來新記當然要嚐這裡的生滾粥品吶，熱騰騰用煲仔送上的，粥底滾得綿滑非常，我們點了貴妃雞黃鱔粥和鮮蟹粥。貴妃雞粥是店家的招牌必點，一嚐果然名不虛傳，大大件的雞肉十分嫩滑而且滷得入味，精華都融入粥內，加配的黃鱔吃起來很順口。鮮蟹粥份量十足，煮粥的蟹肉依然保持鮮甜細嫩，粥底比貴妃雞粥味道較為清甜，是滿滿的鮮味～

之前元朗一直都有食開既老誌號粥店，最近發現原來旺角都開左分店所以黎左試下旺角分店大間好多同埋多左好多食物揀包括多左茶餐同下午茶，今日下午過黎已經爆場，同元朗分店一樣旺場。因為同老公都未食早餐既關係，早午餐一齊食所以特別餓，雖然款式多左，但我地依舊叫番以往食開既招牌小食。第一樣吾洗諗必食招牌《貴妃雞粥》$51雞粥用煲仔飯煲裝住，熱騰騰上，粥底裝滿好多件雞脾肉，非常嫩滑同厚肉，而粥底綿綿保持雞油香味同清甜第二樣必食就係《雞絲海蜇》$49海蜇非常爽口而雞絲係手撕，雞絲吾會太濃味，配上小小芝麻同辣椒🌶️調味，兩樣配搭真係食吾停《紅燒脆皮乳鴿》$59乳鴿尼個真係第一次食，非常有驚喜，乳鴿皮炸得非常薄同脆，似食緊薯片，而且件件夠多肉同大隻，入味得黎吾會只得鹹味最後叫左《炸大腸》$59尼樣又係第一次食，又一驚喜之作炸大腸非常大碟，仲要即炸上碟一黎夾起仲有煙出，入口非常脆口，再配上獨家酸甜醬無得彈，最緊要吾會太多油而且皮好脆又一食吾停之選另外叫了店既新作《七喜話梅冰》$22話梅桔整粒上，話梅味夠同七喜夠夾飲完好解渴《熱奶茶》$14同平日茶記奶茶夠茶香同滑埋單不用加一平日同朋友飲酒宵夜傾計既好選擇

前日同朋友做完運動就落咗去旺角花園街搵食，今次想食得輕鬆d所以就揀咗食粥同小食，2份開心share。我哋就揀咗去「新記雞粥」，餐廳門口貼上很多宣傳單張以及電視播放廚房烹煮過程及食物介紹，睇到已經好吸引，一收到餐廳果然人頭湧湧，很多食客食粥同食炒粉麵飯。一打開餐牌，選擇超多，本身冇選擇困難症，但呢度食物選擇真係多到不得了，樣樣都想食，搞到個人心思思。我同朋友唯有先叫出名嘅生滾海鮮粥、元朗燒乳鴿、 炸油條及鮮蝦腸粉。生滾海鮮粥材料好豐富，有蟹、蝦、魚及帶子，粥底好綿，味道很鮮甜，食到有海鮮味，很不錯，再配埋炸油條點粥食，更滋味。元朗燒乳鴿即叫即製，上檯時非常熱辣辣，油脂分佈平均，香口美味，必食推介。另外鮮蝦腸粉都不錯，腸粉有香滑，蝦肉脆爽，真係即叫即製，而且價錢好合理，係旺角算抵食又好食，唔怪得任何時候都咁多人幫襯啦～

呢間老字號鷄粥，曾經聽過住元朗區嘅友人提及過，但由於路途有點遠，始終未食過!  今日行經呢條街發現原來係旺角開左分店，咁無理由唔推門入內架?!打開餐牌見到除左有粥品/麵/小食外仲有小菜供應，想食飯/粥都可以，岩晒2小口子/家庭黎開餐呢度出名貴妃鷄粥，點都要叫返碗試下，仲可以雙拼，咁就黎返碗貴妃鷄豬潤粥 ($57)，上枱時發現唔係碗，係鍋!即叫即滾，入口超夠熱度，粥底夠綿滑而且因為有貴妃鷄嘅原因，係有點味道!  先試夠鷄，睇餐紙介紹係用30年滷水浸製及加入30種藥材，食落好夠味道，而鷄肉又唔會過嚡，食到有鷄肉味!而豬潤口感超嫩滑，無異味，同鷄粥都好夾!友人對艇仔粥 ($29)有情意結，亦係原鍋上，灑上幾粒脆花生及蔥粒，急不及待"畢"一口!配料有魷魚，魚肚，肉碎等，唔太花巧，粥底味道偏向清淡，食完唔覺口渴!有粥又點少得呢客香脆炸兩腸粉 ($19)，油炸鬼香脆，腸粉厚薄適中，再加埋甜/辣醬，包住一齊食，一軟一脆，兩種口感!另外又叫多2款小食，係餐牌上被呢客蒜泥汁脆皮豆腐 ($32)所吸引，豆腐切成一口份量，即叫即炸，入口時超熱辣，但炸物幾時都要夠熱先好味!皮脆豆腐滑，就咁單食仲多一重豆腐原味

近日身體抱恙，胃口很差只想吃粥，特別是想吃元朗新記的粥，但元朗距離我太遠了，本想放棄之際竟然被我發現旺角開了新記分店！粥的配掂有很大的自由度，基本的都是$29起，以有名聲的粥店來說價錢實惠。《豬潤粥 $29 + $6魚片》豬潤份量多又大片，味道不腥而香滑，魚片鮮嫩（帶細骨要小心），粥有點稀。《雞粥 $51+6 豬紅》但雞肉多而嫩滑，雞油亦沒有太多，但可能豬紅出水，粥很快變稀。《香脆炸兩腸 $19》跟名子一樣都是香脆而且新鮮，口感煙韌可口。《時菜 $30 - 選了腐乳通菜》通菜新鮮沒有渣，腐乳夠多很提味。新款菜很受歡迎，一下子就售罄了。《紅燒元朗脆皮乳鴿 $59》燒得外皮金黃，襯熱吃時肉特別入味有汁。《海哲手撕雞 $49》餐牌上時熱賣菜式，所以一試。味道不錯但可惜是辣的，餐牌上並沒有標明，筆者不太好辣，喜歡辣的朋友可一試。

去了一間位於旺角鬧市中的新記雞粥，座位約有70個，我們分別點了豉油王炒麵，炸兩，皮蛋瘦肉粥，涼瓜炒蛋，鮮蝦雲吞粗面，豬腰潤粥，熱檸蜜，熱柑橘蜜飲。餐牌選擇非常多，燒味、粥品、小菜。非常適合一家人食飯。他們的豉油王炒麵是用頭抽加上芽菜蔥花炒字非常乾爽，大大碟的超好食，新鮮的油炸鬼由腸粉捲著，加上特製的豉油，用一個字形容＂正＂。皮蛋肉片粥，最值得一讚的是粥底非常糜爛和香華，涼瓜炒蛋，吵得非常乾爽，涼瓜配炒蛋，涼瓜一點兒苦也沒有，而且非常甘香和蛋味十足。我選了鮮蝦雲吞粗面，湯底非常清甜，須生麵條是非常彈牙，加上粒粒雲吞都有鮮蝦在裡面。值得一試的是豬腰潤粥，要潤非常新鮮，加上糜爛的粥底非常有粥味。

今天在旺角，做完運動后, 特別肚餓，來個下午茶吧！逛來逛去，看看幾間餐廳 放在門前的餐牌，最後揀左間食雞粥出名 ...新記雞粥(旺角分店)，第一次嚟啊！試試無妨😃環境算是光猛舒適，先看看下午茶 有咩 .... 決定 $41 及第粥配炒麵 生滾粥 好大碗（小煱）熱辣辣/ 滾材料有：豬肝、迷你肉丸2粒（一口吃完），豬肚、瘦肉、粉腸、可惜了，無豬腰嘅！以為是味精粥底，竟然是非常清淡 軟綿綿的，夠健康啦，份量太多，浪費了一小半，肚仔漲漲炒麵 ： 夠鑊氣，又入味，豉油王炒麵好深色，賣相吸引整體來說： 可以再來

今晚同老公「搵食」經過新記雞粥，俾佢門口個雞粥相吸引住，跟住就入去試下啦…點知睇完個餐牌，又俾其他食物吸引住……諗左好耐，叫左XO叉燒炒蛋飯、蝦醬炒菜心同埋炸大腸。個叉燒飯啲叉燒有少少半肥瘦，蛋炒得好滑，加埋少少XO醬原來都幾唔錯喎(第一次咁食)~另外，蝦醬炒菜心都ok，蝦醬味唔算好濃；而炸大腸就炸得剛好，唔會好燶，脆脆地，配埋個酸甜醬超好食下次會再黎試埋個貴妃雞粥期待~後記: 欣賞服務員哥哥既態度，由點餐到埋單都好有禮貌，我地漏低左支水，佢都跑出黎俾返我地，真係好欣賞佢

今日假期, 又要出黎旺角, 好肚餓了, 正好見到新記雞粥! 呢間老字號由元朗開到出黎旺角, 新開張幾個月咋, 所以一場黎到一定要試下啦。我本身唔食粥, 所以下午茶餐 order 仿鮑片火腿絲通粉, 配炒蛋, 牛油厚多士, 凍檸茶。湯通粉好多配料, 味道幾好。炒蛋好滑, 暖暖的, 新鮮即炒, 幾好喎。牛油厚多士, 多士厚身, 烤得剛好, 外脆內軟。屋企人想食粥, order 左艇仔粥配豉油王炒麵, 凍檸茶。粥係用窩上的, 出奇的綿滑, 果然係出名老字號。炒麵都好好味, 好乾身, 唔太油膩。屋企人說很想試腸粉, 再加多一客齋腸, 不過忘了影相。新鮮蒸起的腸粉, 要等, 上枱熱騰騰, 自己落醬料, 麻醬香濃, 腸粉超滑。正!兩個人食左好多野, 好抵食!

就係元朗既新記煲仔雞粥，似係粥舖同茶記既混合版，既有粥品、腸粉、炸兩，又有炒粉麵飯、小菜，菜單款式包羅萬有💕----------紅燒元朗脆皮乳鴿 $59乳鴿預先浸過係30年滷水，當中加入左30種藥材同香料，好入味又好濃味😋如果你問綿羊🐑食唔食得出藥材味，好坦白講綿羊係食唔出既，不過就係食得出滷水味與眾不同，味道層次更加豐富咁就夠啦💕乳鴿即叫即炸，皮好脆好香，仲幾大隻好多肉😍唯獨覺得肉汁唔夠，乾左啲🤔酥炸魷魚鬚 $49未食已經聞倒好香，食落好脆口唔油膩，而且唔硬，點埋gip汁仲正😃貴妃雞粥 $51店內既招牌菜，獨創既貴妃雞用左同樣浸乳鴿既30年滷水浸製🤗即叫即滾，綿羊當然要試下啦😁粥好綿，帶米黃色，完全食倒雞油香味😋雞好滑👍可能因為有粥溝淡既關係，滷水既鹹味就冇乳鴿禁重，不過都已經好足夠，因為食粥唔洗禁鹹😜馳名海鮮粥 $69入面有蟹、2粒帶子、2隻蝦、2舊斑塊，超足料❗禁貴真係有原因😅海鮮全部好新鮮、清甜、唔韌😍呢款粥一樣好綿，仲有啲薑絲去腥😀不過呢個就冇乜鹹味，綿羊覺得可以再加啲鹽同白胡椒提升味道😊----------*不設加一服務費

After trying the SKW branch, I have been meaning to come back for the soup which I spotted on the menu.The rice rolls were good so had them again and the roast pork rice rolls.The texture was a little different and softer at this branch.For congees, had the pork blood and oyster.Both were consistency thick and creamy.To go with the congee, had the chilled preserved eggs.Another star of the show is the fried noodles.At this branch, the noodles still had that firm texture but the wok taste was str

仲記得第一次食新記係係元朗估唔到咁快就擴展到旺角都有分店方便哂我地呢d九龍人！首先必點既一定係呢個招牌雞粥！等既時間都比較長，一黎人多，二黎個個都係叫呢個食！等左大約15分鐘，終於有熱辣辣既雞粥送到質素同元朗本店一樣，香氣撲鼻！好香濃既雞粥味睇下d雞幾多！雞同粥一齊煮既時候，d雞油同粥水撈埋一齊所以成煲粥勁香既雞味而且時間掌握得岩岩好粥仲係好綿的！口感同味道都攞滿分食粥點可以唔叫呢個我的飛佛！炸兩！外面軟淋淋，入面就係脆卜卜！味道就偏咸，連同粥一齊食就fit哂

終於黎到冬天了 好多熱騰騰既野可以食lu我就鐘意食粥 又健康又暖身海鮮粥睇圖已經好想食呢個 真係有咁大隻龍蝦係粥入面？本住試伏既心態叫呢個食點知又ok wor！海鮮料超豐富 除左有龍蝦次外仲有蝦帶子等等佢個價錢係唔平 但同時佢既份量係超級大一個粥品可以夠2-3個人食最岩幾個叫唔同野食再share黎食乳鴿每份既乳鴿都係一開二既所以唔洗嗌人頭數都夠食味道唔錯 點埋鹽會好咸但係因為有粥餸一齊食所以係ok既即叫即炸黎到仲係熱辣辣脆卜卜

今日有少少作病, 想搵粥食, 行過見新記有位, 即刻坐低揀下食咩粥先~開得喺呢條街, 租咁貴, 食物價錢相對貴少少都可以理解, 呢間真係品質唔錯同埋出品穩定今日揀左食魚片粥, 等候時間都算快, 用左小砂鍋上枱, 好有生滾FEEL (不過個鍋唔係燙手嘅, 所以係煮好倒入去)粥底好綿, 配魚片清清地, 好啱我今日嘅胃口, 份量以女生計都OK 飽, 男仔可以搭多個炒麵會飽肚D. 個魚粥雖然大部份魚骨都起左, 但係仲有少少碎骨架, 如果買俾小朋友食要睇多眼喇.整體上係高分嘅

好鍾意呢間粥舖，今次已經係第三次幫襯啦。貪佢除左粥之外，亦比傳統粥店更多小食選擇。雖然每個月都會食粥清下腸胃，不過始終想食少少香口野，呢度就絕對滿足到我啦😉🐥手撕雞海蜇 ($49)每次黎都試新野😄手撕雞海蜇原來都幾夾，一個嫩既肉質，配爽口既海蜇，作為前菜好開胃。而且份量都幾多，3-4人share會更好，咁大家都可以試多幾款小食。我就同男朋友兩個啱啱好，可能我地都幾大食😂🦑酥炸 魷魚鬚 ($49)成日都抵抗唔到煎炸食物既吸引力😍魷魚鬚口感彈牙，加上薄薄既炸粉，不知不覺就ko曬啦🍚海鮮粥 ($69)一開頭見到價錢都覺得幾貴唔係好捨得，平時街邊粥店都只係3-40蚊。不過食落又覺得幾抵，因為真係好足料，有兩隻蝦，兩隻魚塊，兩粒帶子，蟹仲有蟹膏👍粥煮得幾綿密，唔會太稀太多水。🍚泥猛粉腸粥 ($66)同樣好食既粥底，加上新鮮既泥猛同粉腸😋男朋友同我都好鍾意食，而且地點方便，下次都會繼續黎😂