新記雞粥 (鴻禧大廈) (已結業)

「新記雞粥」是元朗的老字號，今天在旺角行街，來到旺角的分店食碗雞粥。進入店舖，見到枱上有很多袋外賣，堂內也坐滿9成客人，看來口碑不錯呢！《金牌貴妃雞》例牌 $65歷史：新記獨創的貴妃雞，是挑選最新鮮嫩滑的母雞，用超過20種藥材及香料加上頂級的蝦乾及瑤柱烹調而成的，入口香懷而且帶一點藥材味。我和朋友share一碟例牌貴妃雞，有雞髀也有雞胸肉，雞肉嫩滑，雞胸肉都好吃。《黃鱔粥》$48雖然喜歡吃黃鱔，但很少自己買回家煮，這個粥的黃鱔份量都很多，魚肉嫩滑帶甜，粥也煮得很綿滑，這個價錢能吃到美味的粥，超抵。《揚州炒飯》$46這是典型的揚州炒飯，有叉燒、蝦、火腿、蛋，飯粒乾身，粒粒分明。《海哲八爪魚》$49這個冷盆配粥很好吃，海蜇非常爽口，微辣，八爪魚很大隻很清甜。

元朗的新記煲仔雞粥好出名，現在旺角也開新店，一於去試下，不過當日更氣太熱，我們沒有點到粥XD豉油皇炒麵 $26價錢好抵食，乾身不會太油。金牌貴妃雞 $65 例牌例牌份量也算多，雞味香濃，嫩滑。海蜇手撕雞 $49彈牙的海蜇配嫩滑手撕雞，是夏日開胃小菜。叉燒腸 $23腸粉薄皮嫩滑，叉燒餡料都好足料。我好鐘意食炸乳鴿，所以在餐廳見到都會點。這個脆皮乳鴿 $59 沒有令我失望，香脆帶點鹹的外皮，鴿肉都嫩滑有肉汁，令人齒頰留香。

其實之前喺元朗都食過呢間，原來佢旺角都有分店，咁啱行過就試試佢啦！喺花園街都好就腳！因為啲粥係即叫即生滾嘅關係，所以都要等一陣，咁喺等嘅途咗叫咗一碟豉油王炒麵，正！鐘意重口味嘅朋友一定要試！我叫咗一個招牌雞粥，雞肉嫩滑，同埋佢啲雞係預先用好多配料醃好咗，帶少少藥材味，同其他粥店完全唔同！粥底好綿，不過就略嫌稀咗少少！朋友就貪心啲，想食雞粥又想食豬雜嗰啲，原來加一份料都係$6-$15，有啲料貴啲唔同價，咁佢加咗一份豬紅同一份豬潤都只係 $63，都幾抵食！乳鴿都係必食推介，呢到嘅乳鴿本身調好晒味，唔使點淮鹽都夠晒味！乳鴿嘅外皮係炸到金黄色，而且表面乾爽，一咬就食到肉質嘅酥香味，又嫩又多肉汁！朋友仲叫咗呢杯七喜龍眼冰，不過佢話啲七喜冇乜氣，下次叫返可樂算！😂😂

元朗老字號新記雞粥，原來開到來旺角，十分方便我們這些九龍人吧! 比起舊有的粥店，這裡簡潔光猛，多人的時候是需要撘枱的。這裡除了粥品，還有其他炒粉麵飯，及多款新記推介。但貴妃雞粥是這裡的主打，所以我點了一個貴妃雞粥的午餐，配上炸兩/腸粉/粉麵，仲有餐飲，都是$57，相當抵食。桌上的餐紙有介紹他們的貴妃雞會放入老水煮足1小時，而他們的老水汁是用上三十多款的藥材煲成，所以浸出來的貴妃雞會有淡淡的藥材香味。即叫即煮的生滾雞粥，雞肉嫩滑，雞件份量都頗多，粥底滲著雞油香，煮得綿滑。配上炸兩，炸兩的腸粉皮很薄，如果油炸鬼再脆一點會更好。有粥，當然要有炒麵及腸粉，兩樣同是新記的熱賣之選，炒麵大大碟，色水很好，每條麵條都沾上了醬油，簡單配上蔥花，芽菜已經很好味，如果面頭再灑上芝麻會更加分。另外再點了一客蔥花蝦米腸，滿滿的蔥花加蝦米，腸粉皮薄，好味。見到隔離枱的酥炸魷魚鬚很吸引，我都點了一客，沒有厚厚的粉漿，炸得脆口，魷魚一咬即斷，點上酸醋，可減油膩感。

之前都係筲箕食過呢間既雞粥, 一直念念不忘, 好想再食多次不過呢排冇去個邊做野, 咁啱原來佢係花園街都開左分站, 即刻忍唔住去再食啦, ~貴妃雞粥~$51我仍然係叫呢個粥, 雞油平均咁散滿左係碗入面, 令到成碗粥既顏色都變左淡黃色, 而且仲好香添呀. D雞件唔算太肥, 而且肉質唔鞋, 粥真係煲得好綿, 我好快已經食晒啦~紅燒脆皮乳鴨~$59乳鴨都係呢度出名既小菜, 咁點可以唔介紹比我朋友食呀, 係即叫即炸架, 所以一上枱時仍然是燙口的, 皮真係好脆, 質量相當高~涼瓜熷倉魚~$69朋友本身諗住叫個飯黎餸呢個倉魚既, 不過佢見到我碗粥實在太正啦, 所以佢都忍唔住叫左碗粥, 其實唔係好食得晒, 因為食其他都好飽, 而且條魚都大條, 份量十足~蠔仔粥加牛肉~$57+$9朋友又想食牛肉粥,又想食蠔仔粥, 呢度咁樣雙併就真係啱晒為食既佢, 其實仲可以加錢加其他, 好似泥猛/田雞/蝦/帶子等,

係新寶戲院附近既新記雞粥，有粥、小菜、粉麵。貴妃雞粥 $51黎到新記，冇理由唔試佢既招牌貴妃雞粥淡黃色既粥，配以貴妃雞件粥底又滑又香，貴妃雞咸香、肉又嫩滑，真心好食！鮮蟹粥 $51有半隻蟹，蟹肉好鮮甜，而且有黃膏，令到粥都有蟹既鮮味 同埋 蟹膏。炸大腸 $49炸到外皮酥脆，入面又唔係好乾硬，做得不錯。椒絲腐乳通菜 $42一大碟通菜，抵食！豉汁蒸倉魚 $56好大條倉魚！魚肉好滑，正！呢度既小菜幾平！下次可以黎嗌小菜食飯！

今天表弟找我陪他去旺角買衫，去到旺角花園街，手快快食個晚餐才有氣力行街，見到前面有間新記雞粥(旺角店)，入到去原來很多人，好彩有2個位，我們坐下很快就拿個餐牌看下有什麼好嘢食，原來有小炒、粥、麵、白飯都有，十分多嘢食而且仲很快送到，效率很快直得一讚。我們叫左:香脆炸大腸$49，大腸洗得很乾淨而且很脆口，無羶味，再點些甜酸醬汁，十分開胃一D都唔濟。蜆介鯪魚球$49，有6粒而且相當大粒，魚肉很鮮甜又實肉，食落仲有小小汁不會太乾，上枱時要小心熱，最好吹幾下才食，否則會盪口。貴妃雞黃鱔粥$63，黃鱔爽脆彈牙，雞肉很滑而且好有雞味，十分新鮮，粥內還有很多薑絲，粥煮得軟軟好綿。帶子肉片炒麵$67，肉片很薄不鞋口，帶子很新鮮，仲有很多芽菜和葱花，麵加上葱花和芽菜一齊食，感覺爽口和葱花香味，可惜D麵炒得太肥，如果不落咁多油炒就更好啦…。七喜話梅柑桔冰$22，食完碗粥熱熱地飲啖柑桔冰真爽，第一次飲七喜加粒話梅柑桔是這麼好飲，不太甜帶有小小微酸好飲。食得很開心又滿足，跟著充滿力量去行街。😝😝👍😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

🔅🔅🔅個人超愛吃粥就算夏天熱辣辣亦阻止不了我吃粥😄🔸對新記雞粥聞名已久來自元朗特色粥店得悉旺角有分店放工即刻來試😃🔹除主打粥之外跟茶餐廳都一樣什麼也有不用擔心🔸<酥炸魷魚鬚>先來一個港式小食每條魷魚鬚都勁大條外層香脆而且口感彈牙😍🔹<貴妃雞蠔仔粥>店舖特色必食貴妃雞粥雞肉勁滑嫩帶鹹香味🥰蠔仔大大粒好新鮮啖啖粥綿滑鮮甜🤩🔸<XO醬叉燒炒蛋飯>餓底當然來個碟頭飯份量大得有點嚇人😱半肥瘦叉燒好好味蛋超香入口滑嫩撈起XO醬一齊食超級惹味送飯一流👍🏻🔹<椒絲腐乳炒通菜> 腐乳味不算好濃勝在通菜夠晒爽脆😋🔸<鮮蝦雲吞麵>採用新鮮蝦豬肉作餡不算太大粒易入口肉質彈牙且爽口🔹<總結>食物質素果然不錯性價比確實很高貴妃雞粥必食🤗🔅🔅🔅

最近好似食滯左🐷 就想食粥清清地（雖然最後都叫左好多嘢食，失敗左😆）1. 泰式鳳爪 $46留意番，係泰式鳳爪，不是泰式無骨鳳爪；所以係會有骨的，不過都醃到啲骨軟哂，就咁咬冇問題！醃料冇泰國餐廳咁辣，量又多，抵食！2. 酥炸魷魚鬚 $49尼碟真係不得了！必點小食！一上碟就俾佢大大條的魷魚鬚吸引住😱 心諗好抵食😂魷魚鬚又大條厚肉彈牙😍😍 而且炸粉好薄！3. 蠔油菜心 $30蠔油唔係一pat放係菜心面，廚房冇偷懶👍🏻4. 生菜鯪魚球粥（加豬肚）$41鯪魚球同魚旦差唔多大，千祈唔好以為係蜆介鯪魚球咁大😂 粥本身偏淡，食到鯪魚球的鮮魚味。加配的豬肚份量冇欺場，明智之舉5. 貴妃雞粥 $51見到雞粥偏黃，代表真材實料，有用雞煲出雞油。但雞肉仍是滑嫩！（但唔好留返最尾先食，粥的熱力會煮鞋啲雞😂）粥整體黎講，上枱溫度岩食，唔會燙口。提外話：其實啲姐姐幾熱情（可能我地早食飯，未係好忙，又或者隔離枱呀叔太吹得，呀姨都幾好笑容應酬佢）

日日港式早餐，就算ABCD餐輪住食，都想轉下口味，但係唔飲杯奶茶☕️或咖啡，總會心思思， 去旺角花園街嘅新記雞粥，中式粥餐、港式奶茶兩者兼備，啱曬我胃口🤩🤩🤩砂鍋煲仔粥全日供應，我揀左貴妃雞粥，雞件咸香鮮嫩，粥底幼滑綿綿，一啖雞一啖粥，暖胃又飽肚，夾件脆口炸兩，外皮滑滑嘅腸粉，點埋甜甜地嘅豉油，真係食到我舔舔脷我成日覺得酒樓賣蝦餃燒賣，點解唔供應埋奶茶咖啡呢？呢個係我嘅夢想組合，新記呢度竟然做到，一份早餐有晒我鍾意食嘅嘢，真係好開心呀😍😍😍另一半叫左碗及第粥，佢話豬膶爽彈起沙，粉腸爽脆，處理得好好，碗粥咁多料，味道特別鮮甜，大胃王仲忍唔住叫咗隻糯米雞，糯米蒸得通透，化開嘅醬汁配搭雞件 、臘腸等材料 ，啖啖美味 ，唔使上酒樓一樣食到中式點心呢間新記原來出自元朗老店，睇到佢嘅炸乳鴿，蜆介鯪魚球，豉油皇炒麵都係招牌製作，老字號又咁就腳，晚市仲做到12點，下次出旺角一於再嚟食曬去。

鐘意吃雞粥的人，相信對新記不會陌生，皆因它是老字號，已經有超過30年歷史。這天就來到旺角分店開餐，雖然招牌菜是雞粥，但餐廳內亦有各式各樣的西式茶餐。貴妃雞粥雞粥是即叫即煮，雞肉肉質挺嫩滑，除了有雞香味，還有淡淡的的藥材香味，而粥底口感綿滑，配上黃色的雞油，又多了一份油潤感。及第粥朋友點了及第粥，材料十足，豬潤、豬肉丸、豬腸等等，豬肉丸入口帶有重重的脂香味，而豬腸有咬口得來，又不會過肥，豬潤爽口，朋友大讚好吃。酥炸魷魚鬚魷魚鬚送上枱時，已經有濃濃的酥炸香味，不過，口感不夠香脆，偏向淋身。蜆介鯪魚球份量十足，鯪魚球大大個的，外層微脆，內層滑嫩，吃時加點蜆介醬會更惹味。乾炒牛河牛河帶有重重的鑊氣香味，河粉香滑，入味但不會過鹹，吃後不會有油膩感，而牛肉份量不少，肉質淋滑，推介。新記雞粥 旺角花園街1號鴻禧大廈地下5號舖

今日同朋友入去食lunch 點佐雞粥、炒麵，挺仔粥、叉燒腸，其它野上齊，差不多食完，雞粥等佐20分鐘仲未到，問個姐姐點解咁耐，嗰姐姐即刻大聲夾惡冲著我講，煮需要時間，唔係一下就煮好俾你，如果你趕時間，就返屋企食，唔好嚟呢度食，呢個姐姐態度太差，相信我唔系第一個中伏。出嘢慢，員工服務態度差，以後不會再嚟幚襯。

每個行業都係打工，有各個難處，今次都真係要破戒，就比新記雞粥開個頭波，因為我從來都唔係Openrice 批評任何一間餐廳，雞粥同豬潤魚腩粥都真係值得推介既，叉燒炒旦飯都唔錯，但淨叉燒d叉燒‘鞋到不得了‘雞粥因為淡味所以雞味正常，如果叫個叉雞飯咁就大獲，成碟飯又’鞋‘又鹹，一般我都係外賣自取，有一日食左個下午茶‘魚腩粥+叉燒腸+例湯’，二日後再叫番同一樣既下午茶，有個男仔聽電話，我講左我要咩，佢答‘冇呀’我再問‘兩日前我先食完喎’佢就話‘唔通我呃你咩🙄’我心諗‘唔通我食完d咩自己都唔知去屈你個下午茶咩？’最後谷住條氣，上網睇下佢個下午茶餐牌，的確係冇魚腩粥，即是係兩日前佢地個員工搞錯左，$40幾蚊個粥餐都唔算d咩錢，既然人地唔稀罕要賺錢既，不如我去第二度消費，反正都係要比呢d錢，做咩要比得咁唔高興

旺角既食物真係又選擇好多元化，基本上你諗到嘅嘢食都可以喺旺角搵得到 今次嚟到呢一間好多遊客嘅餐廳，試吓佢係咪真係咁好食咁出名XO醬滑蛋叉燒飯-🌟呢個炒蛋好滑幾厚身 但唔會好水 叉燒係半肥瘦 同好香口 較為薄切 我幾中意呢個口感 整個感覺好有大排檔風味 再加上xo醬 令蛋香味更出.-雞粥- 🌟幾大煲 一煲大概可以分到3-4碗粥 雞嘅份量都好多 啲雞唔會話煲耐左會鞋口 粥底吸曬雞嘅油香味 好濃同夠「杰」 係正宗雞粥 並非雞骨粥水🤣.

買外賣三個雞粥早餐加炸兩，豉油王炒麵，油炸鬼。。落單後就知中伏。因為前面有人已經等咗外賣廿幾分鐘。最後我都等咗三十分鐘。店員態度極度惡劣。見到叫三個人迫張二人枱。雞粥啲粥希丁丁，雞無雞味。油炸鬼有油益味兼太硬。豉油王炒麵ok. 炸兩都麻麻，可能因為條油炸鬼唔好食。。食過元郎本店， very good. 分店同元郎本店差好遠。呢啲情況經常出現。I would rather drive all the way to Yuen Long . this MK shop banned.