新記雞粥 (鴻禧大廈) (已結業)

非常好食的一家，而且價格很實惠喔，在旺角這個地方，竟然一份菜只不過60蚊，太便宜啦，蝦稍微貴一點，但是蝦質不錯，不過味道不是太入內裡，滑蛋挺好的，最推薦的是他家的避風塘魷魚鬚，很酥脆很好吃，位置偏小不舒服

旺角有唔少餐廳 ，有好有差，今次試左呢間大家都認為既老字號餐廳，味道算係唔錯，不過應該要叫岩既食物試先得啦。點了：海南雞湯飯，炸兩。海南雞湯飯，湯飯真係清甜，所以可以飲哂湯都沒有問題不過配海南雞就有d唔夾而且海南雞味道唔算是有，都唔多雞肉，呢個係敗筆。炸兩味道唔錯而且都唔林，有D脆既口感。湯飯算係幾好不過因為自己鍾意食海南雞所以點了結果唔夾。下次大家食既唔好要呢個配搭了 。環境方面會有點迫既感覺，同埋岩速食既人。總結味道不錯，價格還可以。

今日天氣好熱好想食粥🍽系新記叫左個下午茶~魚片粥，炒河$36🍽魚片粥~熱辣辣綿綿的，多薑絲'多魚片新鮮👍👍炒河粉'~夠鑊氣，惹味👍👍魚片粥,炒河粉,份量多,又好味

碎牛粥粥底棉滑、夠熱。免治牛肉緊緊黏住炸米粉，口感一流。雖然由細食到大，但從來唔會厭倦。XO 醬叉燒炒蛋炒蛋生熟度剛剛好，配合 XO 醬辣油、蔥花、叉燒同炒。上碟後再加上大量 XO 醬給顧客自己撈勻。無得輸 !咖哩魚柳魚柳即叫即炸，熱辣辣、脆卜卜、唔油膩。配合惹味咖哩汁，送飯一流。香蒜蒸茄子茄子放上炸蒜頭，即叫即蒸。蒸好後再配合豉油熟油。茄子索進所有材料精華，簡單好食。自家製五花茶只是微甜。清熱、解毒、消暑去濕。好過飲奶茶、咖啡、汽水… 

這夜突然想吃雞粥，友人帶我來到旺角的“新記雞粥”，餐廳好旺，7pm多到都要等5-10分鐘才入座。這裡其實除了雞粥出名，也有些小菜。我特別推介蜆介鯪魚球，因為大大粒，炸到金黃色，外皮香口，魚肉彈牙。👍🏻貴妃雞粥亦很不錯，雖然沒有Menu的相片中好看，但貴妃雞尚算香滑，粥底香滑又夠綿。另外，我們看見鄰座在吃 XO醬叉燒炒蛋飯($56)好像很不錯於是也點了，XO醬沒炒進飯內，可以選擇性撈多少，蛋半熟撈飯很好吃，但叉燒略肥又有筋，很扣分。

放學後黎花園街呢邊搵野食，同幾個同學想平平地食一餐，最後就揀左呢間粥店。粥店除左雞粥出名之外，仲有好多粵式小食、小菜，選擇夠多，岩晒我呢啲胃大既人，而且我地係下午茶黎，更抵食。首先嗌左個《貴妃雞粥配炒麵》$54雞粥預期中出色，雞味超香濃！原汁原味。粥好滑好綿密👍🏻雞件同樣係有雞味，又夠嫩滑，一啲都唔孩口，而且份量都幾多，重點係禁重雞味既粥竟然無咩雞油，清得黎濃味，好厲害👍🏻跟餐既炒麵就一般，炒得禁香唔會太咸，但略嫌油膩。《脆皮乳鴿》$59同樣係呢度嘅招牌菜。乳鴿皮燒得好香，而且又薄又脆👍🏻乳鴿唔會好重蘇味，而且食起黎有肉汁唔乾身，真係幾出色？《鯪魚球》$49估唔到禁大個，仲要有六件😃外皮帶韌度，口感幾好，而鯪魚真係真材實料，好香口，感覺上無溝到麵粉，所以口感唔會好彈牙。《海蜇手撕雞》$49原本以為會辣，反而係甜甜酸酸，幾好食。但係海蜇唔夠爽脆，有啲韌，雞就正正常常。 下午茶黎都幾抵食，下次再黎試海鮮粥！

去旺角通常都係打邊爐或者放題，今次兩個人想簡單吃下小菜，見到呢間元朗老字號新記雞粥開到旺角，決定試一試。一到吃飯時間,座無虛席。手撕雞首先叫左個手撕雞作小食，海蜇爽口，手撕雞嫩滑，配上秘製甜醬，個人唔太喜歡甜醬。椒鹽豬扒我地叫左一個椒鹽豬扒小菜，再加16蚊升級套餐，有白飯同埋熱飲。豬扒賣相不錯，唔會話表面好多油反晒光，食落肉質鮮嫩彈牙，唔會太咸太乾，加上脆脆既炸蒜粒，香口惹味，送飯或者就咁食都一流。蟹粥見有成隻蟹，足料。粥底都煮到夠綿，但個人口味認為略淡，生滾粥粥底一早煮好，其後再放入蟹滾一滾，所以粥底蟹味不是太出，加左少少鹽同胡椒粉更加可以吊出蟹味，更好食，不過50幾蚊食到蟹粥很便宜。西芹炒帶子出街食得多肉當然要叫一個菜平衡下。西芹爽嫩，帶子口感有彈性，整體味道不錯，只係略嫌太油。茶餐廳講求份量足款式多，呢間餐廳相信可以滿足到唔少人既要求，價錢平民。裝修亦新淨光猛，位置就腳，平常晚餐不錯之選。menu

黎到花園街，準備食晚餐， 剛好經過呢間新記雞粥座無虛席。決定入去食。見到人地旁邊台叫左蜆介鯪魚球,因為好耐無食過決定叫碟， 點知， 真係無令人失望， 大大粒，外脆內軟， 入面好足料既鯪魚肉呀， 配埋蜆介，咸咸地，好正呀！另外， 叫左個八爪魚🐙海蜇， 八爪魚好爽，好夠凍，海蜇好爽脆， 食落QQ， 做小食一流。XO醬海鮮飯， 有蝦，帶子，飯炒得真香， 粒粒分明，感覺上似用隔夜飯黎炒， 特別爽，Xo醬吾係話咁濃， 但咸味好夠。值得一食。炸乳鴿都係一定要點既，炸得好乾，但又保持到入面既肉汁，好滿足， 外面又夠脆，脆到連骨都食埋。五花茶都好飲，吾算太甜， 清熱解毒，而我朋友叫左阿華田， 無咩特別， 好夠華田粉！值得一讚

病人就是要食得清淡一點， 所以我接完老公收工，老公就帶我食粥。 其實我對粥真係麻麻， 淡而無味。 不過今次吃咗之後， 忍不住介紹。 7點左右，客人已入座7788啦！ 而我對粥嘅睇法確實俾咗支強心針我，只少有唔少人嚟食入到去先知原來依家野係元朗好出名的餐牌上都好多多元化餐點提供，所以唔食粥嘅都可以試下其他菜式。 見他餐牌俾依碟： 海蜇手撕雞 (有推薦符號) 就叫左嚟試下。 $49 就好多份量，幾抵食。 味道有點意外，因為是甜的。病人當要要食粥啦！ 所以叫咗個：貴妃雞粥粥棉密有柔軟。你看見碗粥是黃色的，是因為雞油配合在內，好甘甜。 貴妃雞屬鹽雞，不失雞味。明白點解他們主打是貴妃雞粥了好食。 要健康一些，當然要叫碟菜啦！ 我叫做蒜蓉抄菜心。 菜心不老，火口適中，菜色唔錯。 我老公叫人地另一主打：脆皮乳鴿 $59 價錢真心唔貴，而且乳鴿size 適中，皮脆肉甘香的。 依個主打無令我失望。 老公話食粥一定要配上蘿蔔糕咁先叫完整。 我自己無食吃到，因為我老公講了一句好食，就秒呑完我只能從賣相中俾個讚，因為不會煎燶了，剛剛好的火喉也是最好的。 嚟張大合照先， 點解可以一件未食，因為他們上菜速度最快

黎到老字號新記 當然要食招牌一鍋雞粥 無錯喺真喺一鍋咁大煲吖 2-3個人份量 如果細食嘅話 四個人先啱啱好食得哂 可想而知喺有幾咁夠料 啖啖雞肉 並唔喺甩皮甩骨 雞皮 雞肉分開哂 佢做得全面上碟值得一讚 除咗雞粥 海鮮粥喺其次主打嘅招牌 個人認為海鮮粥味道同雞粥相比就相對地有少少偏淡啦 但如果鐘意食清淡嘅 都值得一試嘅 五十幾蚊一煲粥嚟講喺絕對物有所值 所以粥喺必試架炸大腸都喺值得推介嘅一個小食 炸得非常脆 爽口又新鮮 雖然價錢偏貴但味道真喺相當唔錯 有種食過翻層味嘅感覺 $49一碟值唔值 就要視乎自己有幾鐘意炸大腸啦

天氣突然又冷起來，於是去了位於花園街的新記吃雞粥暖暖身。二話不說點了貴妃雞粥，伙記說雞粥可以跟餐，配炒粉麵或腸炒和中湯或餐飲，於是另外點了火腿炒米粉和例湯。雞粥用瓦煲上枱，能保持熱力，非常細心。貴妃雞肉嫩滑而且有雞味，還帶淡淡酒的幽香。粥底綿滑，雞的黃油滲透粥底，非常鮮甜。米粉炒得香身，大大碟，可惜比較油膩。

朋友經常聽我說元朗新記煲仔雞粥有多好吃，但她未嚐過，因為她家離元朗確實有點距離，極少入來元朗，故沒機會吃到。不過現在新記雞粥在旺角開設分店，對朋友來說方便多了，不用千里迢迢去元朗就吃到我口中所說的美味雞粥。炸蘿蔔糕切得厚厚的，光看也大感滿足。內裡柔軟的蘿蔔糕，外層炸得金黃酥脆，絲絲的蘿蔔絲挺爽甜，臘腸粒給得不小氣，基本上每口蘿蔔糕均能吃到臘腸。朋友問我喝甚麼，我答熱菊花蜜，她也跟我點一杯。熱菊花蜜花香陣陣，靠近一聞心情也放鬆了不少，熱呼呼的菊花蜜入口清甜，身心都被滋潤了，又可養肝明目。蜆芥鯪魚球的彈性全都是手工打製出來，口感細膩無魚刺，充滿鯪魚鮮味，讓人愈嚼愈香。鯪魚球沾上迷人的蜆芥醬料，鹹鮮滋味使鯪魚球的味道層次多變。因為朋友吃海鮮，牛肉過敏，我自己就不喜歡吃豬肝，所以我們選了最簡單的香脆炸兩腸。滑溜的腸粉皮，看上來嬌嫩欲滴，腸粉皮入口柔軟，炸兩香脆，完全是外嫩內脆。朋友看見下午茶粥餐蠻優惠的，可配腸粉，粉粉麵或蘿蔔糕，她就吃生滾貴妃雞粥配芽菜炒河粉。芽菜炒河粉配料簡樸，卻鑊氣十足，河粉滑彈不油，朋友一口接一口吃過不停。生滾貴妃雞粥是新記雞粥招牌之一，它有點份量，又熱騰騰的，故要慢慢

沙田雞粥出名，原來旺角雞粥都好好味！旺角食肆咁多，最近去左肥姐小食附近嘅新記食飯，原來都好多好野食！必食推介馳名貴妃雞粥，精髓在於雞油跟軟棉的粥融合的油香味，二人share再可以叫其他小食。紅燒脆皮乳鴿如其名，秘製滷水汁滷後即叫即炸，新鮮熱騰騰咬落皮脆啖啖肉。香脆炸大腸係民間美食，新記的炸大腸超級有驚喜，酥脆外皮不韌，不像坊間般咬像筋。海哲八爪魚不是技巧菜，少許麻油調味香已經很美味。小店在鬧市營業，不輸附近排長龍的小食店，價錢合理，不設加一，不乏捧場客！

今日經過花園街，見到有間新開的新記雞粥，門前有多人等位，我也很久沒有食雞粥了，聽說這店在元朗好出名，粥粉麵飯、小食都有，正好入座試試！藍妹啤酒專程叫來配乳鴨。乳鴿吾算細隻，即叫即做，上枱時小心熱啊！乳鴿皮炸得脆卜卜，肉質鮮嫩入味，配些准鹽更添美味！豬潤肉片炒河炒得夠穫氣，豬潤爽脆，肉片滑嫩，河粉滑溜。味道調得不錯！，泥猛粥十豬潤,泥猛新鮮鮮甜，沒有泥味，豬潤煮得剛剛熟冇血水，口感爽脆，粥底綿滑鮮味！

我和老公去廣華醫院探朋友，出來經過花園街，見到元朗老字號新記雞粥來左開分店，即刻諗起新記的雞粥，立即入座食返碗。貴妃雞粥：採用鮮嫩的母雞，用超過20種藥材及香料加上頂級的蝦乾及瑤柱烹調而成，嫰滑鮮雞大大件，雞粥即叫即滾，粥底採用泰國絲苗，夠綿又滑，用砂窩上，温度保持得耐，唔怕凍，真的一試難忘！鮮蝦雲吞麵：雲吞皮滑鮮蝦爽，湯底用大地魚乾、蝦乾、豬骨、蝦子、香料等熬成的香濃美味的湯底。還加了韭黃，更添幽香，麵條爽滑。蝦腸粉：腸粉皮粉粉嫩嫩，晶瑩剔透，口感順滑軟糯，蝦仁爽口。脆皮乳鴿：乳鴿表皮炸得酥脆油亮，色澤紅亮，皮脆肉嫩，鮮香味美！凍檸茶