新記雞粥 (鴻禧大廈) (已結業)

突然想食雞粥，在網上外賣平台搵到元朗新記，以前住元朗成日食，估唔到搬左出九龍都可以食返。雞粥好多雞件，食左好耐都仲有。但粥底好浠，好在屋企有白飯，自己溝左d飯落去。炸大腸送到來只有小小脆，但味道唔錯。送到門口，盛惠$100大元。

今日路經旺角好想食個快餐友人介紹來黎間餐廳所以就來左試下唔想食雞粥 見到隔離台叫炒飯香噴噴的 所以我都叫左楊州炒飯炒飯炒到粒粒分明 炒得好干身食完原全覺得唔夠喉再叫多個茶餐充肌雪菜肉絲米 湯底鮮甜 肉絲炒得香口只是我不太喜歡餐廳所選用既米粉否則就滿分了.估不到 在旺角的橫街窄行內有間甘高質素既餐廳。最衰地方太細 否則家人做節一定會來此試試。只怪香港吋金尺土 而我地又太大班人了,所以只好約一两個友人下次再來encore吧。

講開食乳鴿，之前在元朗新記食過，乳鴿皮脆肉滑，很正，還有各種中式的小炒，精美小菜及雞粥，海鮮粥...等，三五知己及一家人食飯最適合，至今令我覺得回味，新記現在已在香港最繁華的旺角新開了一間，所以今日到旺角，新記煲仔雞粥就是不二之選了。餐廳在繁華地段，裝修企理舒適，裡面已很多人。豬潤炒麵$47。豬潤炒麵，豬潤很大件，份量也很多，麵炒得比較干身，但很香口。牛肉腸粉$21。平時飲茶食的腸粉比較薄皮，反而覚得這個皮厚會好些，覺得牛肉與粉的比例均勻，食落感覺不會太多肉。貴妃雞蠔仔粥$60。平時都很喜愛食粥，所以要了個貴妃雞蠔仔粥，貴妃雞很入味，蠔仔細細粒都很多，綿密的粥底吸收了貴妃雞及蠔仔的味道，非常鮮甜。脆皮乳7$51。炸到朱紅色的顏色，真是非常吸引哦，很少食到真是脆皮的脆皮乳鴿了，乳鴿炸到還有少少熱，入口皮脆肉質軟滑多汁，香口有乳鴿味，真是非常推薦哦。

踏入11月，天氣開始轉涼了💨要食碗粥暖下肚先得🤤 ./🌟馳名海鮮粥🌟$63好足料！係即叫即煮的 粥底好綿 裡面有魚、蝦、蟹、帶子不在話下 每一款味道都好鮮甜 另外仲加左個蠔仔$12 ./🌟豉油王炒麵🌟$23又係即炒的(本人鐘意熱辣辣的美食😅)麵質好彈牙 但如果加埋芝麻就更加好了😆 . / 🌟香脆炸大腸🌟$42好香口同口感好脆 可以拍得上大排檔的炸大腸 精華係中間的肥膏！好味🤤 ./🌟蝦醬炒通菜🌟$39蝦醬味好濃 炒得好乾身 唔會有油淋淋 油菜的感覺 這道菜又係必叫的./🌟七喜話梅柑桔冰🌟$21味道唔錯 酸酸甜甜的 杯底還配有一粒醃製話梅 唔錯😌 整體而言 如果放工諗唔到食咩 可以一試 仲有好多選擇的😍

咁岩去開旺角，好多人好多野食，因為懶既關係，我都唔想諗咁多經過花園街近油麻地方向個邊，叫到新記雞粥，就入去食！一開始唔算多人，但到食飯時間就見到開始多人去食環境黎講，都幾乾淨，有唔少四四方方既檯同圓檯，坐得都算舒服環境雖然係茶餐廳既感覺，但原來廚師係臥虎藏龍食物有返咁上下水準！先講餐牌先，食物選擇多仲要圖文並茂，粥粉麵飯小菜樣樣齊，總有一樣岩口味價錢黎講一d都唔貴，係難得有良心既小店本人一向都支持小店，咁有質素既小店就更加要支持下啦！先講最最最好食既油鹽水泥猛碟頭已經夠大，起碼有5條以上大大條既泥猛，係街市買都唔止呢個價錢啦！仲要條條都淡淡肉，陳皮味岩岩好肉質好鮮，唔會係死魚仲配埋d配菜咁，一齊食口感更豐富仲有蝦仁炒蛋，雞蛋炒得真係好滑，重點係超級香唔係一般係街市買既雞蛋！蝦仁隻隻都好大隻，仲要好爽，份量夠，唔會淨係得d雞蛋！真心，蝦仁炒蛋食得多，雞蛋咁香，蝦仁咁爽，又真係好少食得到海哲手斯雞，都係超級好食凍食來的，有少少辣，但可以接受到仲有好多芝麻，更香如果有多d手撕雞就更perfect了份量都唔少架，呢個價錢黎講真心抵食最後不得不提乾淨既洗手間難得開放洗手間仲要keep到清潔🧹望落

去旺角行完街街，天氣又涼左，難得好想食碗熱辣辣既粥，就去左朋友介紹既新記雞粥地方超方便，係兆萬直行去花園街既方向好容易就搵到！唔講唔知，原來呢間店係元朗既老字號仲有其他分店添！坐位似係中式茶餐廳feel不過勝在檯夠大，坐得幾舒服其他檯既人講野都唔會太過嘈我地18:30去到，人流唔算多，到7點左右都full哂，睇黎都係受歡迎既街坊餐廳食物選擇夠多，真係會花多眼亂價錢十分適中，一d都唔貴食物又夠分量，真係好抵食重頭戲黎了！海鮮粥，我仲揀左自拼，加左帶子同埋黃膳，每加一款材料都係加$12-15，幾抵啊！海鮮粥真係真材實料wor，有3隻大大隻既蝦！食完真係笑哈哈仲有好甜既蟹肉，有膏架！後加既黃膳都唔錯，夠爽口，淡淡肉粥底煲得好甜，亦都好綿，海鮮味好鮮，食完個肚暖泣泣咁！粥店既粥果然係名不虛傳啊另一款最愛，燒乳鴨乳鴨皮燒到脆卜卜，淡淡肉，好香口調味亦都調得幾好，不喊又不淡仲有叫到d蔬菜類，蒜蓉炒螺d椒同洋蔥唔會話炒到太熟，好鮮甜螺肉夠爽口食得多肉就真係要食返d蔬菜，健康d仲真係要比呢杯咸擰七真係好鐘意飲咸檸七工作需要，成日要講野，飲完咸檸七個喉嚨好舒服😌整體黎講，食物質素唔錯店員有媽媽既感覺，好

已經成個月冇住家飯食喇， 所以近期都積極地尋找新家附近嘅好味小炒飯館。今日發掘左呢間，點左幾味家常小菜味道都唔錯，先嚟兩款指定小吃酥炸魷魚鬚同炸大腸，炸野我地最鐘意架喇。魷魚鬚唔算好粗壯， 但質地唔錯，夠新鮮。炸大腸都好脆口。主菜就清清地點左呢幾款：豉汁蒸倉魚、鬼馬炒牛肉、涼瓜炒蛋。條倉魚真係超級抵食，咁大條都係幾十蚊，真係爭啲平過自己煮呀！特別鍾意嗰個久枸杞豬膶湯豬膶鮮甜爽脆😍😍😍，個湯都幾夠味。齋食餸有啲寡，加埋個豉油皇炒麵真正perfect👍😋😁。最重要係佢性價比高，味精唔重，出奇地店員都好友善，阿姐仲主動同我地搭訕，提我地下次要點招牌乳鴿添🤭，話係招牌菜，應該必點咗咁話喎，好， 我地下次一定會記住架喇。

粥品一直都係我既大愛，今日經過肥姐，原來呢邊開左間雞粥!胃口唔太好又天口涼，地入黎食碗粥menu幾多選擇，由中式粥麵，到茶記炒粉麵，再到小炒飯食，一應俱全!不過不得不提，門口既外賣超多，堂食都已經滿滿地座，外賣同堂食一樣多!我一入門口店員都問我panda定uber!?美中不足，餐廳冇油菜，又想食菜唯有叫碟青瓜同一其他食度既青瓜唔同，呢度既青瓜夠爽之餘仲真係有青瓜既甜，amazing!!可能要熟少少既青瓜先會真係食得出青瓜甜，份量多就唔洗講，味道岩我，夠抵食原來想點貴妃雞粥，但想粥底更甜，加蚊落埋蠔仔~超大既一碗，份量真係滿到潟撈起上黎，雞同蠔仔既份量都好多，夠哂足料我真係逐粒數，蠔仔有8隻，煮完都算飽滿，食落夠哂甜，鮮味十足貴妃雞件又大又大件，味道超正，因為貴妃雞本身已經調好味，唔洗再加任何調味已經夠正不過呢一個做法都有少少缺點，因為雞本身熟左，再放入熱粥底煮，難免有點老不過佢既雞夠新鮮夠肥，粥底煮出黎夠香夠綿，再加上蠔仔，又鮮又甜，而且蠔仔唔腥，夠哂好食!

呢間粥店聽聞係元朗好出名。除咗一般粥店有既粥品之外，仲提供一啲大排檔嘅菜式，例如有乳鴿同炸大腸。食物質素普偏都唔錯，而我地試過嘅貴妃雞蠔仔粥係當中最出色。貴妃雞蠔仔粥就咁睇都見到個粥底係米黃色，而唔係白粥嚟。食落個粥有雞味而且仲有蠔味。呢方面本人就好欣賞，因為我係好唔鐘意米水味。而粥嘅米煮得好綿。而裡面嘅雞一啲都唔鞋口，幾滑。而且唔會皮肉分離。似係一早已經煮好，最後落一落去。蠔就幾新鮮，無overcooked。呢味粥睇得出餐廳對呢個粥都有啲堅持，而唔係交啲三四十蚊貨仔嘅質素。脆皮乳鴿乳鴿係見到都多人叫，所以都有叫一隻。鴿肉唔媒唔鞋口，唔算太細隻，都算係脆嘅但係唔係話去到脆皮咁誇張。合格以上。牛肉腸腸皮好薄，比連鎖酒樓薄好多。而且都幾足料，唔會個頭尾都無料。牛肉無咩特別，但係overall都幾好。

我一向唔打食評亦對人好好禮貌。今次堅忍唔住。明明點雞粥最後嚟例牌雞同佢講錯咗阿姐話斬咗無得改聲大夾惡反指我點錯仲叫我點多碗白粥咪一樣。原來呢間招牌雞粥只係白切雞加白粥想食雞粥嘅人千祈唔好嚟呢間。雞超重味精白粥無味多點的魷魚鬚炸過頭又硬。成餐食到一肚氣俾錢貼爛壽。完

上個禮拜約定咗班中同食飯，竟然有人提議食粥去到發現舖面原來都唔係好古舊既，幾乾淨企理👌🏻 大家收咗工都勁肚餓，所以坐底即刻叫野食😋正！個海哲好快就到，個汁酸酸地食完仲開胃咗好彩其他野食都陸續送到朋友之前黎過話一定要再叫呢個炸鯪魚球，我終於明點解🤩粒粒都炸到勁大粒勁香脆真係冇介紹錯，不過個汁就略微咸咗少少。呢個腸粉就好似普通咗少少，不過啲XO醬就即刻令佢成個味提升咗😯一上枱大家都有少少疑惑呢碟係咩黎🤨 因為佢同平時係X哥到食個啲蒜泥白肉完全唔同樣😂肉質好爽不過味道就淡咗些少。魷魚鬚超級鬆脆，唔會咬唔開，最緊要就係唔會好似其他地方咬落啖啖都係得粉👍🏻食豉油皇炒麵最怕就係油！但係呢到炒到好乾身好香，味道一流☺️不過不得不介紹既就係呢隻乳鴿！！！真心正！個皮超脆，咬落去乳鴿既油香即刻出哂黎🤩食粥店又點少得個粥呢，我地叫咗個海鮮粥，粥底超綿，就咁睇都睇得出好足料！可惜就係海鮮味出唔到黎，有種以為自己食緊白粥既感覺呢😕

作為一個元朗人，好多年前已經開始食新記雞粥。一直都想帶朋友去食，可惜元朗實在太遠冇咩朋友會入黎。今日發現佢竟然係旺角新開左分店啊即刻提議同朋友黎試下旺角分店位於花園街果條食街上，非常方便。裝修比起元朗店都新潮舒適不少，可以食得更開心食物選擇方面同元朗差不多，都是款多價錢平，除了這個必食推介外，還有厚厚的一本餐牌Xo醬拍青瓜$29超大碟而且青瓜醃得入味爽脆香脆炸大腸$42我認為優秀的大腸最重要係乾淨，呢間店既大腸乾淨沒有一絲異味外皮炸得十分鬆脆，配上酸酸甜甜的酸梅醬好好食馳名海鮮粥$63呢度d粥除了固定粥底之外，仲可以加錢加自己想食既配料，海鮮配料例如蠔仔、帶子、黃鱔、蝦等等，仲有其他肉類配料可以加。我地就揀左個海鮮粥，本身已經有魚、蝦、帶子同蟹，再加多$12蚊加蠔仔，好豐富呀因為有大量海鮮所以粥非常鮮甜，而海鮮全部都好新鮮！！尤其推薦蟹，真係多肉有鮮味大大碗足夠三個人分享蝦醬炒通菜$39又係份量十足又炒得夠獲氣鼓油皇炒麵$23炒麵夠熱，而且根根分明又入唔，唔算太油，不俗另外再叫左兩杯凍飲，朋友杯七喜酸梅吉很特別，鹹鹹甜甜的朋友大讚呢間粥店抵食又好食，而且環境舒適，如果可以早d開分店在區

本來想試花甲粉，由於無位誤打誤撞之下，就去咗新記食雞粥好多小菜都好想試呀但三個女仔就食唔到咁多野唯有叫一個雞粥，一個海鮮粥，再加兩隻乳鴿乳鴿好香呀，咬落去個皮脆卜卜肉質柔嫩，仲有少少肉汁點少少旁邊既鹽仲惹味呀🤤主角出場，味道都幾好粥底加埋雞，幾濃之後就到海鮮粥好足料啊，海鮮粥比起雞粥更鮮甜再落少少胡椒粉吊味嘩，真係好好食呀價錢都唔貴平均每人只係食咗大約$80左右但我覺得今晚最出色嘅係乳鴿雞粥反而有啲比下去希望下次可以試到更多嘅菜式😋

第一次黎新記係為雞粥慕名而來，估唔到再黎仍然保持水準😋 想喺旺角簡簡單單叫幾道港式小菜做晚飯，最適合不過。蜆蚧鯪魚球係我最愛之一，大大粒炸到金黃色，見到都想食🤤我的最愛2: 乳鴿燒得啱啱好! 皮脆肉嫩好juicy👍🏻👍🏻👍🏻上次試完招牌貴妃雞粥，今次叫左碗海鮮粥，有斑塊、鮮蝦、帶子，估佢唔到咁足料，粥底夠哂綿！靚粥當然要配豉油王炒麵，最鍾意佢麵條夠乾身，食落唔油膩又有鑊氣！最後有貌似普通嘅XO醬炒蝦米腸，腸粉香滑，加上洋蔥三色椒一齊炒，非常惹味😋小店雖然繁忙，但服務一流，一行4人不知不覺就坐左兩個小時都冇被人示意離開，係個聚腳好地方！

是晚約左幾位友人聚舊呻下做野既辛酸，梗係要搵間夠地道既茶餐廳先好feel架嘛！最鐘意餐廳有自己既推介唔使估你有咩好食手撕雞海哲係必叫既前菜，佢地既醬汁係偏甜，所以食落去手撕雞會有juicy既甜味，海哲夠新鮮所以都好爽口，正友人黎過呢間食，所以推介蜆介鯪魚球，哇上到黎粒粒都好似長州魚蛋咁大粒，仲要有成六粒咁多！新鮮滾熱辣炸上黎確係正，外脆內軟，一啲碎骨都冇，點埋果啲好鮮甜既蜆介，成件事upgrade左又係無得彈！上次我自己幫襯，有叫到xo醬炒蝦米腸粉，所以今次決定encore事關上次食過翻尋味！蒸腸粉加豉油麻醬甜醬就食得多，今次炒埋腸粉加埋三色椒同洋蔥炒係香到無得頂，差唔多條條腸粉都有脆既外皮，加xo醬輕輕吊下味，滿分👍🏻椒腐炒通菜，通常係出面一食得腐乳既野食就會超級咸，但係呢度完全唔會過咸，有住家飯媽媽煮菜既感覺，所以好似幾健康😅菜唔會有渣，證明係靚菜脆皮乳鴿，呢次堅喇隻乳鴿好得！係脆既薄皮，肉又唔會overcooked又唔會乾，重點係望落細細但係其實啖啖肉，有食緊雞肶既感覺😭酥炸魷魚鬚一睇張相就知道唔惹少，份量夠哂足夠，新鮮炸起，每一條都有啲爆汁既感覺，好彈牙唔會霉！蒜泥白肉同譚X果