新記雞粥 (鴻禧大廈) (已結業)

近排食得太多紅肉，想食返清淡少少，於是去咗食雞粥~我地人多，所以點咗都幾多野，包括帶子牛肉炒河（＄67）、貴妃雞粥（＄51）、香脆炸兩腸粉（＄19）、椒絲腐乳炒通菜（＄42）、蜆介鯪魚球（＄49）同埋豆漿（＄9一杯）。店舖出名既雞粥果然名不虛傳，一上碟就聞到好香既雞味，每啖粥都有雞油既香，最難得既係雞肉滑溜唔嚡口，加上唔會件件都係雞胸肉，有雞翼同雞脾肉~牛肉炒河食得多，好少店舖會加埋帶子落去炒咁揼本，仲要唔係得一、兩粒tim！炸兩新鮮熱辣好味道！通菜唔會太鹹，啱我口味。鯪魚球大大粒，正！

新記繼續喺元朗多年老字號，最近開咗好多新分店係唔同地區，喺肥姐食完滷水野，突然間見到呢間野都幾多人去，而且價錢仲好抵食，一於入去叫碗嘢食馳名新記雞粥，果然係夠份量又好味，粥夠晒棉，雞係用完隻雞比落去煮，平時食雞粥可能會好多骨，但呢碗完全沒有，而且個雞嘅味好入到個粥簡單啲講好入味香炸大腸唔使講啦，幾十蚊有咁多條都幾超值，平時出街食炸大腸最怕食到唔乾淨，So far呢度都幾ok 椒絲腐乳炒通菜，茶餐廳先吵得出嘅鑊氣，屋企真係煮唔到，好食燒味拼盤，海蜇 叉燒 薰提 雞，新記繼續嘅雞真係好好食，好滑好似新鮮雞，另外其他三樣燒味就不過不失啦 買單都唔使$250喺旺角來講真係幾抵食，啱晒兩個人每樣細細啲份量又夠

之前食過新記雞粥，覺得粥唔錯！今次就試吓其他嘢。蒸盲鰽🐟一條簡單又美味的清蒸盲鰽，魚汁特別好送飯。蒸魚的好處係能夠鎖住肉的水分，控制蒸魚火喉，用最簡單的配料和調味，就能做出鮮甜嫩滑的魚！魚身豐腴、肉質鮮美，清蒸已好正！炸豆腐外層香口，就咁食會清點，點埋醬汁就更野味！見咁多人食炒麵，我又試吓。大排檔嘅風味，微甜微鹹的豉油均勻沾上每條炒得乾身的麵條，簡單利落！青檸冰，開胃之選，甜中帶酸，令飽滯感下降！

突然想食粥，竟然在旺角鬧市有粥店，雖然天氣悶熱，但都不自覺地行咗入去！食店推介人氣嫩滑雞粥，但皮蛋牛肉粥係我嘅至愛！都係食番皮蛋滑牛粥！都幾多料，牛片嫩滑，皮蛋甘香。主角--粥底，煲得好綿，食咗半碗都仲係綿綿的，冇變水，唔錯！食粥，點少得炸兩呢種廣東特色小食。滑身的腸粉與香脆油條，軟硬交融的口感，淋上豉油，正！順理成章地覺得應該要配柸豆漿。豆漿味濃，唔太甜！餐牌都仲有好多特式小菜，蒸魚，湯麵之類，下次可以試吓！

好耐之前係元朗做野周不時食佢既雞粥, 老字號係元朗人人都識, 前2年開到出黎旺角, 今晚又掛住佢既雞粥所以拉埋朋友黎食同元朗一樣咁好生意, 成9點幾都仲坐滿人, 不過食客們都係快食快走, 所以如果你人少少黎食既話都唔洗點等位。七喜龍眼冰 泰式青檸冰依排又熱又焗一坐低就嗌番兩杯野飲, 透心涼呀貴妃雞粥雞味完全融入粥入面, 真係好香粥既濃稠度剛剛好, 食落唔會好似陣風咁~雞件幾大舊, 連埋皮食個種咸香真係滋味好多, 怕肥都忍唔住要連皮食油鹽水泥鯭依個係朋友點既, 雖然佢話menu上面樣樣都想食, 但最尾都揀左依個餸, 因為佢話出面唔係好多地方有得食~ 我自己就淨係食過油鹽水貝殼類既餸, 泥猛又真係未試過喎。原來條魚仔細細, 比例上又幾多肉wo, 而且又無腥味, 仲有少少香煎過既味添, 用油鹽水煮完又唔會攪到條魚散哂, 唔錯喎欖菜肉鬆乾扁四季豆依道菜係我去小菜館多數會叫既野食, 依度亦炒得好香, 肉鬆惹味, 我好中意食辣如果可以加多d辣椒絲就仲正! 撈飯一流呀鮮蝦腸粉因為見到好多客叫腸粉, 見幾靚又忍唔住叫碟食下😂好彩有叫, 個皮有別於平時酒樓食個d, 佢唔係屬於好薄既皮而係有少少煙韌有咬口

週末放工同老公去左旺角行下，到左晚飯時間，老公説想食雞粥，我即想起去新記雞粥，佢哋有粥粉麵飯，又有小炒，味道很好，我食過都想番尋味！貴妃雞豬潤粥：貴妃雞選最新鮮母雞，用20多種藥材和香料，加上頂級蝦乾及瑤柱烹調而成，肉質鮮嫩香滑，豬潤大塊又爽脆，粥底用貴妃雞和上等泰國絲苗㷛成，口感特別軟綿綿。味道鮮甜。鮮蝦雲吞麵：湯底用烤過的大地魚乾、蝦乾、豬骨、蝦子等熬製而成，美味香濃。雲吞皮薄餡鮮，饀內鮮蝦好爽口，麵條彈牙。星州炒米：炒得有鑊氣,材料豐富，有义燒、火腿、蝦仁、蛋等，米粉爽口有咖哩香味！紅燒脆皮乳鴿：即叫即炸，皮香脆，肉質鮮嫩。蔥花蝦米腸粉：非常滑溜，加入蔥花蝦米增加香味和口感，配埋調製過的豉油，好味！藍妹

餐廳主打雞粥，由元朗開到黎旺角！而家既粥鋪真係好多元化，除左賣粥賣腸粉，仲有小菜同燒味。只係七點鐘，已經坐滿哂😱唔怪得開左咁多分店。小食叫左海哲手撕雞，海哲好爽脆，手撕雞肉質厚實，加埋秘制醬汁小小辣好惹味😋必食貴妃雞粥⭐️粥底好綿帶有雞油香味，雞件好嫩滑，醃得好夠味👍🏻而且係用鍋上，可以保持熱度！份量都好多，起碼有四小碗。紅燒乳鴿都好出名，新鮮炸起熱辣辣。表皮好脆口但完全唔油膩。鴿肉食落有滷水味亦好嫩🤤魚香茄子煲，小菜加$16 有白飯同飲品。有粒粒鹹魚好香，又夠鑊氣，送飯一流🤤估唔倒除左雞粥其他食物都咁出色👍🏻

好像很久沒有吃過粥! 雖然小時候總是覺得病才吃的東西, 長大後才開始懂得有味粥的滋味。看見這間老字號新裝修的粥店頗多客人, 於是我倆便入去試試。  想不到這兒有很多選擇, 除了一般的粥品及小食外, 還有魚蛋粉和小炒, 真是很適合我這類心多多的人。既然未試過, 便點了他們的招牌煲仔貴妃雞粥。煲仔上的雞粥原來份量不少, 送來時還是很熱滾着的, 漫着雞油香,  兩個人SHARE 最開心。粥底煲得很棉, 還可以看到粒粒爆開的米花。因為用上貴妃雞作主角, 每口粥更是帶有雞油香, 棉香得很。貴妃雞肉很嫩滑, 多帶了點香料藥材味, 比一般的雞粥內雞件更滋味, 不用再加醬料已經很夠味可口。 本來我們是一心吃粥的, 但其他小食太過吸引, 主食最後點了一煲雞粥, 但小食卻點了幾款。這個蜆介鯪魚球比MENU 相中還要大, 一碟六個大大波波每個都炸得比雞蛋還要大, 吃完整碟後我倆已經是半飽。鯪魚球炸得香口, 肉質爽彈但不會是一舊粉漿。用上簡單的鹽和胡椒粉調味, 吃出鯪魚本身的鮮甜, 有點像家裏媽媽煎月餅的味道。加上了蜆介醬, 令魚波波更為咸鮮惹味, 提昇了層次。這個小食真的貨真價實, 值得再吃。在街外吃粥我最

This shop was recommended by many of our friends and we decided to give it try as we passed by today! My love for chicken never stops and this place has one of the best chicken offered in town in such a reasonable price! We ordered a few popular dishes: half chicken, egg omelette pork rice with xo sauce, rice rolls and jellyfish w/ intestines. All of these dishes were super delicious! Our favorite was definitely the xo rice and chicken.1. Half Chicken in spring onions ( signature dish) - the p

這段時間食火鍋放題食得多了，想食一些簡單一些的小炒及地道小菜，而新記雞粥有粥又有地道小炒，正合我意。新記有部份舒適的靠邊卡座及圓枱，兩邊牆貼滿了令人垂涎欲滴的招牌菜式。香脆炸大腸$49話明地道小炒及小菜，當然少不了這個香脆炸大腸，入口表皮炸到微脆，內裡帶煙靭口感，份量足，不枉為地道小菜的佼佼者。貴妃雞豬潤粥$57貴妃雞豬潤粥，份量足，雞件及豬潤大大件，粥底綿密清甜。椒絲腐乳炒通菜$42椒絲腐乳炒通菜，每次食飯我都比比較喜愛叫通菜，通菜炒得比較爽口，而腐乳不會太鹹，味道剛剛好。芽菜炒河$26芽菜炒河，河粉炒得很香口，顯示了廚師的功架，河粉軟腍煙韌。自家製五花茶$9自家製五花茶，食煎炸炒的菜式，五花茶就最夾啦，價錢又夠平民。此間新記雞粥地處旺角旺區，但價錢卻是很平民又美味，抵食之選。

食雞粥唔洗出到沙田咁遠啦～旺角花園街呢間粥舖開咗無耐，但經常見到滿座，買外賣嘅人都唔少。招牌粥就一定係雞粥啦，但仲有好多配料可以自己mix and match，我就加咗蠔仔（$63）。粥以煲仔上，夠晒熱辣辣，配料都好多。同平時食開嗰d白粥加料好唔同，呢個雞粥勁夠味，雞味好濃好香，見到薄薄一層雞油，就知道粥同雞係一齊煲。d雞肉依然好嫩滿，蠔仔又好飽滿，成煲粥又鮮又甜再叫多兩個好受歡迎嘅小食-海哲手絲雞（$49）同酥炸魷魚鬚（$49）手絲雞落咗d唔知咩瓜感覺怪怪的魷魚鬚就非常出色，推薦！再叫多隻乳鴿（$59）除咗酒樓好少地方有乳鴿食，而且皮薄肉嫩有肉汁，算唔錯呀～

由大學時期開始就對宵夜食雞粥有情意結，唔係時時得閒出沙田大排檔，今次就係市區試試。貴妃雞粥 ($51)一見到表面滿哂雞油就感覺到有幾足料，雞件真係佔左一半位，好新鮮彈牙，粥底亦充滿油香好鮮甜。黃鱔田雞粥 ($60)兩款偏門食材都處理得幾好，彈牙唔會有腥味，黃鱔結實少幼骨，呢個價錢合理。蜆介鯪魚球 ($49)超級大粒，好似食緊長洲大魚蛋咁。 鯪魚球好有彈性，咬開就見到鯪魚肉既淺灰色同魚皮，真係好有手打feel。酥炸魷魚鬚 ($49)好多年冇食過咁好食既炸魷魚鬚，除左係岩岩熱辣辣炸起之外，魷魚鬚粗身爽口啖啖肉，炸皮唔會好厚，為左呢味我會再黎。涼素拌皮蛋 ($32)皮蛋不過不失，用醋涼拌，比其他幾味冇咁突出。

一早已聽聞這裏的雞粥好出色，今日想食清少少，黎左旺角分店試試，由於是夜晚，所以今次除了雞粥還試了這裏其他的產品。先來豬膶腸粉，腸粉皮有咬口兼有米香，豬膶不會整得過老，腸粉加甜豉油一齊食，是不錯的頭盤。之後便是主角出場，這個雞粥果然名不虛傳，雞肉就好像剛剛蒸出來似的，有彈性和肉質鮮嫩。粥底滲進了雞的鮮味，味道濃厚，好吃得停不了手。另外點了清蒸盲鰽和蝦仁炒蛋，盲曹魚啖啖肉，和蝦仁炒蛋的配合下，很快便下了一碗飯。今晚試完之後，這裏應該會變成我們的飯堂。

今次已經係第三次encore,佢個粥個味道依然係咁出色今次亦試左其他小菜，水準very OK阿姐推介自家製五花茶，飲落唔會太甜亦都唔會苦，送啲炸嘢一流呢一款秘製雞中翼非常好味，皮脆肉嫩，重點係29蚊一碟，有六隻呀喂！之前食過兩次XO醬炒蝦米腸，今次一於試吓佢哋嘅廚師推介蘿蔔糕，兩款同樣都係有三色椒去點綴，加埋脆皮軟心嘅蘿蔔糕，仲有少少XO醬嘅辣味，送粥一流由於最近好熱氣，所以食返啲涼瓜就正啦。呢味涼瓜炒蛋做得好出色，涼瓜並唔苦，炒蛋都炒得非常香滑愛蛋人士必試！咁唔怪得佢舖名叫新記雞粥，果然佢嘅貴妃雞粥真係好好味粥底綿軟我一早知，加埋佢用20幾種材料醃嘅貴妃雞去煲真係入哂味！重要啲雞仲係嘅嫩滑嘅！食咁多野埋單位位唔使一百真係好抵

因為上興趣班嘅關係，呢排多咗喺旺角覓食，今次試嘅係新記雞粥，聽講係喺元朗起家，家住新界西嘅我，其實未聽過呢間舖頭🤣 今次同朋友試完花園街呢間分店，我哋都覺得唔錯，遲啲有機會真係要喺元朗試返佢嘅元祖店👍天氣咁熱，喺食粥之前食返啲冷盤真係透心涼😜 我哋叫咗海哲手撕雞，海哲好爽口，雞肉亦夠嫩，食完唔會好頂胃，反而更有胃口食粥🤩朋友叫咗個叉燒腸，都唔錯！舖頭嘅招牌係貴妃雞粥，朋友叫咗嚟試，我就試咗海鮮粥，雖然實物唔係好似餐牌張相一樣咁多料，但我都好明白「圖片只供參考」嘅道理😂 同埋對於唔算大食嘅我，已經算好多料，又有蝦又有蟹，我仲食唔晒share咗啲俾個frd，啲蝦同蟹都好鮮甜，如果蟹肉可以事前起埋，就更加方便懶人喇🤣