新記雞粥 (鴻禧大廈) (已結業)

最近去左喺旺角嘅新記雞粥食lunch 🍚原來係係元朗嘅老字號嚟架😆Lunch time有lunch set，可以揀一個粥配一個個小食，仲送例湯or熱飲☕️我就揀左signature嘅貴妃雞粥🐔配炸兩雞粥用砂鍋上架，好大煲呀😯，熱辣辣，雞係雞脾肉，正，而且仲好滑，好少少咸香，幾好食😋，煲粥仲有雞油，所以黃黃地色，好香呀👍🏻炸兩嘅腸粉皮夠薄，油炸鬼夠脆，都唔錯架☺️而且價錢仲唔貴添，抵食呀🤑

**新記雞粥**老公今日又黎接收工.所以就係附近搵食.花園街餐廳多不勝數有咩吸引我地入去食? 平 同埋 款式多 !!店入坐位唔算多.好彩我地有卡位坐.雖然好多國內人仕,但環境唔算嘈雜,而且店員都好好SERVICE! 海蜇生腸-HKD49 份量都好多,唔係得兩三條 . 不過味道就比較淡 但勝在大碟炸兩-HKD19  皮薄 , 油炸鬼唔會淋哂 ! 係差左D 麻醬 . 讚!貴妃雞粥-HKD51 粥底好棉,貴妃雞好滑!!仲可以按自己喜歡加唔同配料 , 係咪即係啊 ^.^都夠2個人SHARE嫁!香脆炸大腸-HKD 49 又係大大碟 . 唔會太多肥膏 !岩岩好 . 唔會炸得太乾脆皮乳鴿-HKD59  炸得有少少OVER左 . 7喜話梅柑桔-HKD22 好解渴食咁多野埋單都唔洗$250 ! 抵到爛啦 !下次一定帶埋同事黎宵夜!

間餐廳係馬會對面，平時成日經過，都無入去食，今次去試下，原來也有驚喜。兩個人點左個貴妃雞粥（$51），雞很滑，好有雞味，兩人share剛剛好。香脆炸大腸（$49），新鮮即炸，外脆內軟，好熱氣，好脆，加埋酸汁，好味。蝦腸（$26），蝦好彈牙新鮮，粉又好幼滑。xo醬炒蘿白糕（$49），微辣，蘿白糕外脆內軟，口感剛好，不會太軟or太硬，配上芝麻洋蔥，香味好豐富。二個人百幾元就食到餐飯，而且飽肚，性價比也高。

平時好少食粥 覺得粥係病咗先會食嘅😂但呢間粥店嘅粥打破咗我呢個固有諗法其實粥唔一定係淡然無味 而係可以滋味無窮😋今次嚟到位於旺角嘅新記雞粥 比我想像中多人仲見到有韓國遊客嚟食𠻹 相信食物質素肯定有返咁上下👍首先講吓舖頭嘅招牌粥——貴妃雞粥果然無令我失望！雞肉肥瘦適中 雞皮呈鮮黃色 皮同肉中間無肥油夾住 齋睇個賣相已經覺得好吸引！ 食落好嫩滑 真係好正好好味呀😋另外我同朋友仲叫咗豉油皇炒麵同蘿蔔糕通常食中式炒麵同糕點 都會擔心好油膩但呢間嘅食物完全無呢個問題最後飲埋杯暖豆漿 結束豐富的一餐😊

新記雞粥位於廣華醫院外,走入餐廳內，一室金黃，光猛整潔。 聽客人的對話，就知大部分都係附近過嚟，這裡有粥有粉有飯有麵吃, 當然呼合不同人的需要, 但因為人也多, 「搭枱」情況總會出現。 午餐先叫了一份馳名雞粥和炒麵 新記馳名的貴妃雞粥, 肉質確喺堅滑溜，雞肉質細嫩, 誇張啲講每啖弼都有濃濃獨有的雞肉味,  呢度食嘢嘅特色除左獨門雞味，就喺份量多，雞件多多無欺場。 炒麵 跟餐的炒麵都幾大碟，炒出嚟嘅質素不過不失, 唔算太肥膩, 亦有芽菜等配料。 跟餐可揀例湯或飲品, 我叫了杯OT, 都幾不錯。 因為驚唔夠雞食, 又叫左碟例牌雞, 同樣地, 新記貴妃雞確喺有水準，雞肉滑溜有雞肉味，皮下脂肪少，連雞皮都幾爽口。入口有獨門滷水味，滲晒入每吋雞肉。蝦米腸 另外又散叫了一碟蝦米腸, 雪白晶瑩、米香軟綿滑溜, 蝦米咸咸香香食極都唔厭 午餐有其他飯類, 肉食愛好者叫了碟 椒鹽豬扒飯椒鹽豬扒確喺好食，炸得香而不油，椒鹽味加左金蒜更惹味，再者，豬扒份量多，食極都有，又碎上，唔洗大大件食得勁麻煩。 -套餐加8蚊配油菜唔係唔叫 ar ma? 簡單一道芥蘭，寧舍鮮嫩!  

旺角花園街係食店雲集嘅天堂，由小食到中西日韓等你講得出都有得食到，今日就到由元朗開到旺角嘅新記食雞粥！店面細細，但係海報非常搶眼，一眼就望曬成間店有咩好食。店內環境如一般茶餐廳格局，雖然裝修未見特色，但總算乾淨企理。黎得呢度，當然要食佢嘅招牌貴妃雞粥啦！而食粥又點可以冇腸粉呢？所以兔子二人決定再配蔥花蝦米腸，另加小食海蜇手撕雞同埋蜆介鯪魚球。先來的是冷盤海蜇手撕雞，海蜇彈牙惹味，手㯕雞非常入味，肉質嫩滑，整碟冷盤好快就被掃光了！再來就是蔥花蝦米腸，腸粉香滑，蔥花和蝦米份量不少，性價比十足。之後就來到了主角貴妃雞粥，大大碗貴妃雞粥，一上枱已經聞到很香濃的味道，粥底香綿，好味！雞肉份量也很慷慨。建議二人一碗，份量剛剛好。最後上場的是蜆介鯪魚球，絕對驚為天人！剛炸好的一大碟有七粒！大大粒香噴噴，外脆內軟，咬落去充滿魚鮮味，沒有太多的味精，點上蜆介，實在是非常惹味！推介！

及弟粥個粥底超綿但唔係稀淋淋，隻匙羹擺到上粥面都見到好足料!完全係超足料蝦腸睇d鮮蝦係幾大粒既! 腸粉好滑，加埋甜豉油特別好味!炸多春魚表面炸至金黃，肉質卻很嫩滑，魚骨都已經比炸得酥脆了，加上滿滿的魚子，惹味十足。每次去粥店食粥，都一定會叫炸兩。這間炸兩算是數一數二的好食，油炸鬼夠脆，而腸粉就夠薄，麻醬和甜醬混醬加起上來就是好吃，油炸鬼加腸粉仍然保持脆口鍾意食炸兩嘅朋友必定要來試下我地都點左腐乳炒通菜 菜都好好翠綠新鮮~好味!

貴妃雞粥+瑤柱雞粥的材料份量很足，超多雞塊在內，很香的雞味而且超級甜，肉質爽口；還加了瑤柱，整碗粥都帶了一點鮮味，而且，粥熬得很綿密，雖然份量很大，但是太好味，居然全包了，胃口大開。干炒肉片河食粥又點會淨係食粥咁dry, 點都要有d咸食一齊食至過癮呢個干炒肉片河都幾大份肉片夠爽滑 而河粉炒到一條條味道同口感都不錯秘製雞中翼雞中翼一碟有5隻, 炸到少少脆皮既雞翼係最好味即叫即炸既雞中翼上到台唔單止香仲係超脆口, 不錯不錯

是日陪朋友試妝, 試親妝冇2個鐘都走唔甩, 要食飽D!當晚落住雨, 就O係試妝樓下就見到呢間餐廳,睇睇menu, 以為得雞粥?! 實際俾想像更多, 所以就試下喇!野食真係好多選擇, 前菜, 粥粉麵飯都有, 岩哂口味!海蜇手撕雞醒胃前菜, 帶有少少甜味, 好開胃~招牌貴妃雞粥+蠔仔話明招牌, 梗係要試. 當我以為雞粥通常都係比較油同都係係味精粥底, 但食落就知道唔一樣了~雞肉啖啖肉, 而且有D咸香, 碗粥亦一D都唔油!雞肉加埋D粒粒新鮮蠔仔, 成碗粥好鮮味, 正呀!炸兩食粥少不了配炸兩, 油炸鬼食落脆口, 唔會好油鮮蝦腸呢度既腸粉皮薄晶瑩剔透, 而且蝦仁大粒彈牙! 帶子肉片炒麵一上枱就聞到好香! 夠哂鑊氣!帶子肉嫩, 亦有好多肉片, 好足料!而且夾雜住D爽口芽菜, 好食!

我喜愛食粥，又喜愛小炒，這間新記雞粥又平又正，就最適合不過了。餐廳有卡位有圓枱，裝修企理舒適，座落於我經常到訪的旺角，我已經是餐廳的常客了。貴妃雞豬潤粥$60+豬腰$9粥用煲裝上，裝得非常滿。貴妃雞比較嫩滑，豬腰帶㸃爽，粥煲得很綿密鮮甜。鮮蟹粥$51鮮蟹粥也有驚喜，差不多整整一隻蟹，意想不到的是蟹非常多蟹膏，粥底充滿了蟹的鮮甜味，真的很清甜哦。叉燒腸粉$23牛肉腸粉$23腸粉我也很喜愛，我喜愛腍滑又帶米粉做的特香米味的腸粉皮。叉燒腸啖啖肉有口感。牛肉腸軟淋滑口，2款都喜愛，但二者比較，我愛牛肉腸多些。淨雲吞$38淨雲吞大大粒，裏面非常多豬肉碎及蝦肉，意想不到的鮮甜爽口。自家製五花茶$9要了兩個自家製五花茶，冰涼帶少少甜有五花茶的味道，感覺清涼去熱氣，飲完非常舒服。

之前同事推薦咗這家Sun Kee Chicken Congee，聽佢講呢間餐廳D菜式好好味，難得今日休息所以過黎品嘗一下，餐廳裝修精緻，環境舒適，座位也比較寬敞。乳鴿外面香脆，肉質嫩滑肥美，仲有肉汁，絕對唔會乾身，食到津津有味！叉燒腸 $23腸粉薄皮嫩滑，叉燒餡料都好足料。XO醬炒蝦米腸今次一於試吓佢哋嘅廚師推介蘿蔔糕，兩款同樣都係有三色椒去點綴，加埋脆皮軟心嘅蘿蔔糕，仲有少少XO醬嘅辣味。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

The shop quite neat but a bit crowded seat, they offering many food choices.Seafood porridge is quite nice with different ingredients including shrimp, crab, scallops. The porridge is very smooth but not super sweet, maybe not enough seafood la, but the seafood is quite fresh tooFried squid is so crispy and yummy, squid is really good and fresh, good combination with porridge haaa7up longan drink is like soft drink with few longan fruits Wonton noodles is in average standard with four wonton, re

成日經過旺角都唔會驚冇野食～因為實在有太多選擇！岩岩病好，想清清地食粥，就揀左黎新記食雞粥！以為大熱天時都唔會有人想食粥，點知黎到都門口都有5-6個人等緊有2個人嗌外賣，其他都係堂食，都等左幾張枱先入得～勁多款粥唔知揀咩好最後都係破左戒，忍唔住叫左d邪惡熱氣野～我地叫貴妃雞粥，海鮮粥，雞翼，叉燒腸，炸大腸.....貴妃雞粥： 粥底夠哂鮮味！食完唔會口渴，粥煲得好綿好正！d雞都好有雞味又夠嫩滑！海鮮粥：相對雞粥我就中意雞粥多d,但海鮮粥都好出色，粥裏面d海鮮好鮮味，蟹都係新鮮！個粥相對上較鮮甜！雞翼：平時好怕食d雞翼得面個浸有味，入面冇味，但呢度d雞翼就完全冇呢個問題！全隻都醃得好入味！仲要個皮勁脆！但入面d肉都唔會過老！叉燒腸：腸粉勁滑！同埋好多叉燒粒！配上豉油非常夾！炸大腸：黎到登登登登既炸大腸，大腸炸得非常酥脆！一個字：正！！！病住都要食哂佢！另外叫左熱柑桔蜜同五花茶中和番，冇咁熱氣

小週末约友肥林去旺角行下及聚舊，及揾到間港式茶餐廳醫肚！旺角老字號新記雞粥見門口已經有人排隊，好彩等一陣已有位！好野一定多人食，明！叫了套餐招牌贵妃雞粥+鲜蝦腸+凍檸茶才60元，抵！而粥底棉度剛好，雞肉鲜嫩，用瓦煲端上，是至佳配合，蝦腸之蝦新鲜，腸粉也好食，炎夏裹再+抔凍檸茶！正！海鲜粥有大蝦，蟹，魚肉，用料食材新鲜，而加上厨子粥藝高，海鲜於粥內刚好，此粥鲜甜好味！又是要下次再食炸鲮魚球大大粒如乒乓球，有6粒，超有魚味魚肉實淨又唔鬆散，見隣枱許多人叫，便知好食，果然正叫得啱！哈哈海蜇生腸再來個海蜇生腸，此是小凍食，上舖著芝麻，海哲及生腸都爽脆，而愛食爽口的我，更是喜歡！旺角港式茶餐廳很多，但此新記雞粥，經營多元化，粥粉麵飯也有，食材出品用心，抵讚！難怪我旁邊两個似食慣的街坊也讚此平及正，我們都認同呀！

近期公司忙無乜時間陪阿媽，今日比較清閒就約阿媽食lunch，佢話想食粥，所以去左新記。好彩一點前到，得返一張枱咋！馳名海鮮粥粥底好綿，海鮮有大蝦，魚，帶子，糕蟹，勁足料令到個粥好鮮味！阿媽至愛既乳鴿，外面香脆，肉質嫩滑肥美，仲有肉汁，絕對唔會乾身，阿媽食到津津有味，佢話下次唔駛一定要去沙田食！每次飲茶我必食义燒腸，今日唔係去飲茶都食到多义燒，皮又滑既腸粉！阿媽見到隔離枱食海哲手撕雞，佢又想食就叫了一碟，海哲好爽口有少少辣，野味又多一個選擇陪阿媽食lunch又近我返工，