新記雞粥 (鴻禧大廈) (已結業)

天氣熱到咁，都無乜胃口，朋友介紹之下，去左呢間新記試下，本身唔係好舒服，order左個蠔仔粥加個蝦腸，朋友就order左個xo海鮮炒飯，個粥d蠔大大粒，再有d肉塊，成碗粥料粥參半，唔會一大碗粥而得兩三粒蠔咁，蝦腸好滑，蝦仁大大隻，正！而朋友個炒飯，40蚊大大碟，炒到金黃色，坐對面都嗅到個炒飯好香，海鮮料都好豐富，都係推介之選！店員姐姐個個都好有禮貌，店面都算乾乾淨淨，午餐時間都唔需要等好耐，超級推介👍🏻

元朗新記雞粥遠近馳名，旺角開了分店終於可以一嚐😋作為蠔仔控，看見有招牌貴妃雞蠔仔粥是必點的吧😍粥底綿滑細膩，配上貴妃雞胸(我特意要求的)跟完全沒有腥味的蠔仔，鮮味十足！雞胸是檢驗一隻雞料理技巧的標準啊對不對？這雞胸很入味，不太柴👍🏻腸粉就是要配粥才對味啊😆另外點了蝦腸，腸粉好超級滑溜，完美主義者看見這拉腸粉表示超級療癒！蝦仁好大一顆，口感很爽脆，不是那種不新鮮爛爛的蝦😋醬油也剛剛好，甜甜的很搭！雖然一個女生吃這麼多已經快要走不動，但每一餐都一定要吃青菜啊🥬

喺旺角附近好多嘢食 但食粥嘅選擇唔多但呢間係漆黑中嘅螢火蟲閃閃發光 佢吸引左我嘅目光 於是我就入去試一試佢呢間主打貴妃雞粥 但食落個感覺就一般啦 首先淨係覺得個粥好普通佢只不過將啲雞整咸左 再攞去滾粥 食唔到粥係有雞嘅鮮味 所以我都食物出有咩特別而且佢定價都幾貴 我叫咗個套餐$58 例湯係幾好飲嘅 不過落得味精都幾重整體環境都唔錯 尤其是服務態度都幾好上菜速度也很好 唯獨是食物質素真係唔得不過真係一次夠啦 真係有待改善 希望下次會更好

及弟粥個粥底超綿但唔係稀淋淋，隻匙羹擺到上粥面都見到好足料!完全係超足料蝦腸睇d鮮蝦係幾大粒既! 腸粉好滑，加埋甜豉油特別好味!炸多春魚表面炸至金黃，肉質卻很嫩滑，魚骨都已經比炸得酥脆了，加上滿滿的魚子，惹味十足。每次去粥店食粥，都一定會叫炸兩。這間炸兩算是數一數二的好食，油炸鬼夠脆，而腸粉就夠薄，麻醬和甜醬混醬加起上來就是好吃，油炸鬼加腸粉仍然保持脆口鍾意食炸兩嘅朋友必定要來試下我地都點左腐乳炒通菜 菜都好好翠綠新鮮~好味!

新記雞粥係元朗嘅老字號粥店，近年分店越開越多，我屋企附近都有兩間，今日放假就同媽咪黎到旺角花園街分店食午餐。兩點幾黎到已經有唔少客人，都幾受歡迎啊貴妃雞粥係餐廳嘅招牌及人氣粥品，用煲仔呈上艇仔粥加豬紅艇仔粥內有豐富嘅配料如豬皮、魷魚、魚片等等，粥底棉滑有米香，豬紅頗新鮮，味道不錯淨鮮蝦雲吞鮮蝦雲吞淨食有八粒，大小適中，雲吞外皮好滑溜，內裡蝦肉同豬肉比例均一，好足料，有鮮蝦豬肉香蜆介鯪魚球炸鯪魚球亦係新記嘅人氣食品，有六粒，每粒都大大個，外表炸得金黃香脆，內裡嘅鯪魚肉爽口彈牙，有魚鮮味，配上鹹香蜆介醬有提鮮作用鮮蝦腸粉腸粉外皮晶瑩剔透，Q彈有嚼勁，內裡包住大大隻鮮蝦，新鮮又爽口煎蝦米腸粉腸粉煎得香口，有米香，同時帶有蔥花同蝦米嘅香氣，配埋甜醬同芝麻醬簡直係絕妙配搭熱奶茶茶味濃郁，口感絲滑凍檸茶冰凍解渴，滿有清香檸檬味

今晚係旺角踢完比賽後，自己一個去左附近這一間望落幾乾淨（同我成反比）的茶餐廳食飯。這間餐廳話就話主打雞粥，但其實有好多種類，一般的小抄、叫餸食飯都有。不過我都係叫左佢應該最好味的貴妃雞粥、同粥好搭配的鯪魚球，同埋一杯解喝的泰式青檸冰。先講個雞粥，貴妃雞非常嫩滑，成碗粥亦都滿溢雞油，所以有極濃的雞香味，不過略嫌粥的份量唔夠多，不過雞件就足夠的。至於鯪魚球炸的火侯岩岩好，外脆內軟，而配的蜆介汁咸咸地，亦有一定的酒香，不過好怕腥的朋友就唔好點。至於個青檸冰就甜左少少，但靑檸味好夠。

友人教落食粥要在老字號《新記雞粥》😎後來一找之下，原來港九新界都有分店，我們到就近的旺角店了😍約朋友於油麻地地鐵站A2花園街的鴻禧大廈。冷氣足夠。適合想吃健康點、有質粥品 招牌貴雞煲 HKD 51😍😍用瓦煲製作以保持溫暖，粥底入味又綿綿的。雞肉白滑而結實，朋友笑說該做了很多運動啦😂 炸蘿蔔糕 HKD 32 共有三件，咬下去糕晤會感到太粉而又多料。 如稍稍煎香會更好！ 七喜龍眼冰 HKD 22 天熱很岩飲，消暑解渴。

今日去廣華醫院探病，順便在附近搵食啦⋯⋯一出後門就見到有雞粥原來係元朗新記喎上次食已經係好耐之前响元朗舖，竟然開到出旺角...梗係要試吓啲水準啦貴妃雞粥招牌貨必食，有味粥底配上嫩滑嘅貴妃雞，好好味炸兩好脆卜卜！蝦腸粉做得好滑！蜆蚧鯪魚球又係招牌菜，冇得唔試囉...6粒一碟嘅份量真係要用抵食夾大件嚟形容手撕雞海蜇香辣又惹味！碎牛粥清清淡淡都好鮮味！最後極力推介係豉油皇炒麵，真係不得了！不得了，好食到不得了！麵條炒到乾身入晒味又香口喎，真係响第二間食唔到

唔係下下都要食大魚大肉嘅，有陣時食下粥品都表陶冶性情。不過如果啲粥唔好食其實都可以好地獄，由其是係啲粥，食落口如果做得唔好你真係好似傑撻撻想嘔返出嚟咁。跟住今日同 friend好似冒險嘅心情來到新記雞粥，見到門口寫住有雞粥馳名雞粥咁不如就膽粗粗入去試下入到去之後順手嗌個叉燒腸粉。繼續來到冇諗過雞味可以同最有咁夾嘅背境， 嗰份未到就像雞的脂肪能夠融入粥底入面唔似得出面咁樣粥同雞好似係順手擺埋一齊飲嘅粥咁。以$講佢性價比都算高無論係其他嘅腸粉還是炒麵都相當唔錯值得推介畀大家。😊

好耐無食乳鴿雞粥啦～又比我行行下旺角，見到元朗老字號新記旺角又多間分店喎！梗係入去幫襯下啦！🔆紅燒元朗脆皮乳鴿 - 聞到都流口水，皮脆肉嫩，點少少碟邊嘅椒鹽更加惹味！加$16有埋野飲同飯。🔆貴妃雞粥🐥- 沙煲上有風味，好味過沙x雞粥😆。粥底棉滑，有雞湯甜味，正😋！🔆四川麻辣鵝腎 - 一片爽脆有汁嘅炸菜，同煙韌有咬勁嘅鵝腎一齊食，一d腥味都無，加上少少辣嘅醬汁，正！🔆蜆介鯪魚球 - 零碎骨，比平時食嘅大粒兩倍，香口而且超彈牙，蜆介咸香有少少酒香味。🔆椒絲腐乳炒通菜 - 好重腐乳味，通菜就算唔係當造季節都幾嫩口，仲有d鑊氣添！👍🏻分店位置對於我黎講方便好多，座位又闊落，我諗我會回頭再回頭🤣回頭指數：⭐️⭐️⭐️⭐️⭐️

這裏基本款式應有盡有，不但能吃到新鮮好滋味之餘，而且相當厲害既粥底真的不能看小看看餐牌口味款式「粥粉麵飯」及一眾「小炒」或「小食」也很美味不僅各項配搭道地展示出簡單風格讓人有住家口味的非凡 ! 店內嚐品主打(艇仔粥$29)滾着滾着現點現煮吃起來最為恰當足料顏色呈金黃吸收材料精華入口軟綿濕軟點一碗粥萬般享受飽肚之餘有口感濃郁的味道入口提味充份點綴當中的滋味 令外(新記雞粥)炸物小食尤如:「香脆炸大腸$49」及「鯪魚球$49」，酥脆香軟炸醬輕身不厚手打魚球滿滿塞進足味， 魚味香濃淡淡口感夠爽口熱辣辣回味無窮而且份量足份量大，窩心的一瞬間上味品嚐已深受我喜愛

今日去旺角 經過見到呢間新記似比較新式既粥店 可以坐得舒服d 我地就決定入去試下佢既貴妃雞粥啦 估唔到除左粥 呢到仲有好多好野食😍我地先叫左一碗貴妃雞粥同一碟XO醬叉燒炒蛋飯🤩 貴妃雞粥好大碗 雞肉夠嫩滑 粥底配上雞油既香味夠哂濃味好好食😋 而XO醬叉燒炒蛋飯同樣超大碟 半肥瘦叉燒撈埋蛋同XO醬真係好好送飯😚而小食方面我地就揀左酥炸魷魚鬚 炸蒜蓉雞翼尖同XO醬炒蝦米腸🤤 酥炸魷魚鬚 炸蒜蓉雞翼尖都炸得好香脆可口 魷魚鬚炸粉唔厚 啖啖肉👍🏻 雞翼尖脆卜卜 份量好夠 送下粥都唔錯👅 XO醬炒蝦米腸加左XO醬炒真係惹味左好多 以後想食粥又多一個選擇啦🌟

元朗又遠又危險，原來新記雞粥起旺角開咗分店，我地3個有兩個唔想食粥，入到去見未到6:00pm 仲趕得切叫下午茶餐，平少少仲有飲品送，「魚香茄子飯」茄子份量多，有少量鹹魚都幾香口醬汁亦都足夠撈飯「楊州炒飯」相比之下炒飯就好似比較細分啲啦，有叉燒蝦仁等材料配料都足夠「黃鱔豬膶粥」豬潤比起圖片細件好多，黃鱔就大約有六件左右，食落感覺到新鮮只係份量唔係太多「腐乳通菜」下午茶時段冇得加錢配蔬菜，所以叫咗碟腐乳炒通菜， 40幾蚊都幾大碟「例牌貴妃雞」佢嘅貴妃雞好出名，叫咗個例牌大約有¼隻雞啲肉好滑嫰，有啲雞味，算係幾好食下次再嚟會點佢招牌貴妃雞粥

簡簡單單想食粥面，就黎到新記食雞粥～先黎一個貴妃雞粥，大大件雞，用鹽餣過，成碗粥都夠味，粥底綿綿～除左雞粥，朋友食既鮮蝦雲吞牛筋腩面都唔錯！雲吞大粒，牛腩夠林入味，湯底都okay~~我地仲order左個腸粉，鮮蝦腸粉，都係用上原隻大蝦，略嫌腸粉皮有啲厚～睇餐牌見到個XO醬炒蘿蔔糕好吸引，叫埋黎食，上枱香噴噴，炒得焦香，表面煎得香脆，少少辣好惹味！飲品就叫左杯七喜龍眼冰同青檸冰，青檸冰酸酸地夠fresh~~

老婆大人唔舒服，佢要求食粥，我就食其他嘢。估唔到新記除咗雞粥得，叉燒炒蛋飯都好好食。貴妃雞豬潤粥（$57）呢碗粥嘅份量都幾多，而且滾熱辣，雞肉好滑，有雞油香，豬膶啱啱好，唔會過老。粥底亦煲得夠綿。酥炸魷魚鬚（$49）新鮮炸起好香脆呢！四川麻辣雞腎（$32）惹味餐前小食！炸雞中翼（$28）呢個炸雞翼都非常入味，又香口，同魷魚酥係必點嘅兩樣小食。XO醬叉燒炒蛋飯（$56）呢個絕對係有驚喜嘅一個炒飯，炒蛋非常滑，叉燒亦都唔錯，加埋上面嘅XO醬就更加惹味啦。灼菜心（$30）清清地食個蔬菜吧！