新蒸武門 (已結業)

呢輪忙到飛起, 難得今日可以早D收工, 想食返餐"住家飯", 飲返碗靚湯, 不其然又令我又諗起呢度主打無味精菜式, 菜式種類亦似你我家中會見到既小菜, 想食名貴食材? 呢度應該會令你失望!入座後, 侍應會為八寶茶 ($10/位)加入熱水, 等一陣就飲得, 每次黎呢度我都好欣賞呢杯茶, 一來少機會飲到, 二來飲完個人感覺好舒服, 只要你打開個杯蓋, 侍應就會好快自動同你加水, 忍唔住飲左幾杯!兩個人簡簡單單點左幾樣食物, 首先係呢款新菜式, 瑤柱青瓜浸魚肚 ($78), 份量都唔細, 上湯浸住切成塊狀既青瓜及魚肚, 青瓜比較脆硬, 若然煮得腍身D會比較好D; 魚肚條軟硬度就OK但未算入到上湯味, 淡口左D!肉類選擇呢味香菇杞子北芪銀山焗鷄 ($88), 以鍚紙包住成份焗鷄, 材料包括紅棗, 杞子, 北芪, 冬菇同鷄件一齊焗, 鷄肉食落好滑, 味道調教得好好, 用黎送飯一流呀!另外以粉絲及金菇作墊底, 吸收晒鷄肉既精華, 咁好味當然要食埋佢啦!食"住家飯"又點少得一盅燉湯呢?! 呢盅蟲草花杞子花膠燉鷄為是日燉湯 ($38/盎), 非常足料, 湯水味道亦好夠味, 夠晒滋陰, 熱辣辣飲完成身

同老婆今晚兩個人睇完openrice見到有啲好評，即管上去試吓。去到先叫左個燉湯，點知話賣晒，不過話有第二款咁就即管試吓啦。蟲草花燉豬展，點知好似水咁樣，好明顯係燉嘅時間唔夠，失望。之後再點餸，叫咗個香菇蒸肉餅＋1條蒸倉魚， 15分鐘後女侍應同我地講倉魚賣晒, ok,咁我哋就改咗叫蜆芥鯪魚球，點知10分鐘後女侍應又話鯪魚球都冇！ok! 結果我哋叫咗個籠仔蒸班頭腩。其實要乜冇乜都唔係大問題，話晒鋪頭唔大呢樣我地明白。不過啲餸嚟咗之後，問題就陸續有來。1.蒸肉餅裏面居然有碎骨。2.班頭腩啲魚鳞居然未打清。3.兩碗白飯居然唔熱。一餐飯食咗成個鐘仲要一肚氣！最後買單仲要計錯數，冇得賣鯪魚球嘅居然加左落我張單度！希望小店多作改進，生意興隆！

今日想試下中餐， 人哋話觀塘冇嘢食我唔信㗎。 我就要捐窿捐罅大大家食好嘢。 今日嚟到呢度功效， 裏面有間叫新精武門我以為係去練拳嘅。上到去先知原來係食中餐走入去試下佢龍與鳳。餐廳裝修中式古色古香檳黎特色， 上到去已經坐滿曬人今日食清啲食一個傷菇蒸毛瓜， 毛瓜好心先改變由清甜， 冬菇咽癌係上價貨。在一個雲耳蒸雞， 先讓一隻雞用錫紙包住鎖住雞汁 雞嘅精華用入雪耳當中， 食到唔停得口。呢個時候只要食番啲澱粉質落肚按番個大蝦芝士汁伊麵， 芝士汁調較得恰到好處在加少少奶粉醒胃。飲番杯紅棗中國茶，泡泡茶，又係完美的一餐埋單計數兩個人才二百多元呢個價位超值啦

經常聽人講健康既野食通常都唔好食如果你都好認同呢個講法的話 就一定要試試係觀塘工廈既新蒸武門如果唔係平時主張健康既朋友帶我黎 都唔知工廈卧虎藏龍左呢個餐廳佢主打無味精烹調既中菜 最出名就係佢自家製既蒸飯 平日7點去到人流都唔算多 餐廳主打紅黑設計 都頗有中國色彩一坐低就見到一杯八寶茶店員馬上加上熱水沖泡餐廳都有提供set dinner岩哂一啲有選擇困難症既客人經過細心思考下 我地都係決定散叫1/ 麻辣皮蛋豆腐（HKD 42)麻辣味十分過癮十分推薦比鐘意食辣既朋友食完個種麻味真係令人再三回味2/翠玉瓜雲耳炒百合 （HKD 88)呢道味道比較清淡 不過不失～3/燒汁豬柳 （HKD 98)豬柳十分嫩口 配上帶少少甜味既三色椒 口感十分好唯豬柳的醬油味太重 蓋過左食物本身的鮮味4/籠仔蒸斑頭腩配炒飯底 （HKD 158) 這款真係Must Order Item!!!斑頭腩肉質鮮嫩細膩 再配上其特配醬汁令本身唔太愛好食魚既我都一口接一口完全停唔到到口！而魚下面的炒飯底在蒸魚時吸收左魚既精華令每一口飯都淡淡的鮮味 大愛食後感：整體質素中上 而且價錢唔算太貴～為左碟籠仔蒸斑頭腩 一定要再次光顧！

外出用膳太多，自然懷念住家餸菜。 是晚朋友介紹了這間餐廳，一試住家式的中菜。這餐館在觀塘一工廠大廈之中，星期日晚上人流不多，餐廳樓面整齊，座位之間空間足，環境舒適，侍者有禮，初步印象不錯。先來一杯八寶茶，有菊花杞子紅棗圓肉等等，清熱明目，十分適合區區般的外吃捱夜一族。前菜皮蛋豆腐，簡單以芝麻豉油香䓤等調味，皮蛋爽口而有微微石灰香，豆腐香滑，四平八穩，水準不錯。重點的老火湯，熱度十足，到晚餐尾聲還是微暖。湯料有淮山杞子螺片姬松茸瘦肉，足料少油少鹽無味精，久旱逢甘露。三道海鮮小菜質素亦十分不錯。鮑魚仔煙韌香口，龍片魚香十足且肥美，大蝦結實彈牙。配菜不油膩，吃得好不過癮。餘下三道菜式，香菇杞子娃娃菜是必需的時蔬菜式。籠仔蒸雞充滿荷香，雞肉鮮味不俗亦不油膩。欖菜炒飯惹味而不過鹹。雖然價錢略高，但菜式豐富且較健康，服務衛生亦不錯，是夜吃得很滿足。

同好多朋友聚會嘅時候多數會揀食酒樓因為方便傾計同埋啱大眾口味！但係今次見到工廠大廈原來都有特色嘅中菜餐廳😙價錢合理，而且菜式選擇仲好多添！呢度嘅感覺有啲似私房菜，一入到黎每一位仲會有一杯紅棗杞子菊花養生茶，幾特別！餐廳仲每日有唔同嘅燉湯，啱晒我呢啲少湯水飲嘅上班一族！今日嘅燉湯係蟲草花響螺燉雞，十分清甜，每個湯都會有湯渣比翻，見到好足料蜆蚧鯪魚球：我哋叫咗一碟例牌，份量都有10粒左右，鯪魚球質感彈牙爽口，絕對冇好油膩嘅感覺，幾啱做前菜大家share一齊食蓮藕煎肉餅：本身我已經好鍾意食肉餅，加上煎埋就更加香脆。肉餅加左少少鹹魚碎，增加肉餅嘅鹹味之餘仲更加香口香菇杞子焗雞: 黎到打開錫紙已經聞到陣陣香味，雞嘅質地好滑，加埋冬菇同埋杞子同埋紅棗，清清地甜甜地嘅材料唔會佢蓋咗雞嘅味道👍🏻籠仔蒸班頭腩：我哋特登加左炒飯底，班頭腩新鮮，肉質仲幾入味，炒飯剛好索晒所有魚汁嘅味道，令到粒粒飯香鎖住班肚腩嘅味道👏🏻

今日黎到呢間位於觀塘一工廈內既餐廳食晚飯，餐廳名其實都已經有d吸引，因為本身小編同友人都以為係食蒸汽火鍋果d黎，點知係完全同佢無關😂哈哈，禁當然可能係小編見識少啦🙈另外，雖然小編都係一位90後，但都知道香港以前有套好鬼出名既武打電影，係叫 "新精武門"~ 唔通呢間野係用呢套電影做主題？哈。。又係完全無關🙈😂好啦講返正題，呢間餐廳個位置非常方便好搵，位於觀塘駱駝漆大廈三座一樓既佢，再加埋佢係餐廳入口有大大隻既餐廳名果d，基本上係一定搵到👍🏿入到餐廳啦！入面環境都幾有私房菜既感覺，枱既數目唔太多，所以坐低既時候都唔會覺得環境好擠迫。同時比較簡潔既環境設計，進食環境係舒適既。坐定定之後就睇下menu有咩食先，今日小編同友人係去食晚飯，所以上面果張午市套餐係無法使用既，但影低都供大家參考，其實午市都可以考慮黎試試架🤓而佢晚市既正常餐廳都有一本餐單，入面並唔係每道菜都有一幅相，但有相既都會係餐廳主打同賣點😉👍🏿<是日燉湯 : $38>開始了！當晚小編同兩友人一共3人去食晚飯。首先，每人叫左一個是日燉湯試試。真係不得了，如果大家去食，一定要叫呢個燉湯，因為呢個湯係不落味精，用原食材

今日同男朋友去食飯，最近食左好多放題自助餐，今晚特登去一間無味精住家菜中式餐廳食飯，來一個健康晚餐。工廈都有特色餐廳，好彩有男朋友帶路。門口好有傳統中國味道。晚市有套餐供應。籠仔蒸頭斑腩。魚肉鬆軟清甜，肉質沒有腥味啖啖魚肉，調味不重感覺健康，底下有炒飯底，飯粒綿綿吸盡魚汁，香口不會太濃味。麻辣皮蛋豆腐。辣汁不濃，辣度剛剛好，皮蛋帶微微咸香豆腐香滑。杞子蒸雞。雞肉非常香滑，吸盡藥材味道非常清甜，雞肉爽嫩不鞋口。冷盤。牛𦟌、熏蹄、鴨舌。熏蹄帶微微油脂、冰凍肉質爽彈，鴨舌爽口加多醬汁會更好，牛肉較乾但味道尚算入味。

今日同媽咪去食飯，番左工之後都好少單獨同媽咪食餐飯，番工太忙番到屋企又攰。今日食飯望一望媽咪，發覺佢老左，自己要花多啲時間陪佢。餐廳以無味精菜為題，健康菜式食多啲都唔怕一坐低就有八寶茶飲，清香不甜入口好清新舒服。日日不同口味的燉湯：准山杞子花膠燉豬𦟌。湯汁不油膩入口沒有油膩感，加入杞子花膠非常滋補，清香清甜。杞子濃湯浸時蔬。杞子明目，湯汁清甜浸入時蔬，每口清甜加上娃娃菜爽甜。加配一碗白飯。土魷馬蹄煎肉餅。肉餅香口鬆軟，外層脆脆的香口不油膩，肉汁豐富調味不重，馬蹄爽口加入土魷口感豐富有咬口。

最近工作量好像又多了, 我的"煮意"變得更少。放工後我倆在工廈買完東西後,隨意得在同一層看到有間價錢合適的餐廳便走進了。有時這樣碰運氣試新東西都幾有趣的, 幸好今次幸運之神待我們不薄, 讓我們吃了一頓不錯的中餐。這間在觀塘工廈中的餐店有一個電影諧音的名字, 主打是中式健康蒸飯菜。我們雖然未點餸, 但服務員為我們送上的茶已叫我們驚喜。想不到這個養生茶是這麽漂亮可口, 茶香中帶點清甜, 十分好飲。加上紅棗, 桂圓杞子等潤而不燥之物, 在這個乾燥的冬季真的要多飲一兩杯。我們先點了一盅是日燩湯, 淮山杞子桂圓燩螺頭, 進一步滋補一番。這個燩湯用料十足, 未飲時已聞到陣陣杞子桂圓香。熱騰騰的燩湯湯色清淅, 味濃而不濁。湯中的螺頭味道還很不錯, 一點也不會過腥或咬不下。喝湯後整個身體都暖起來, 感覺很舒服。想起來我們點了三個小菜都是很好"餸飯"的, ,第一個是香口惹味的土魷馬蹄煎肉餅。為了更健康, 這個肉餅的肥豬肉比例不算多。加入了土魷粒中的肉餅就就有了海味的咸香, 更為惹味。而馬蹄粒就令肉餅更爽口, 多了另一種口感。整個煎肉餅看似簡單, 但味道就是剛好, 已經非常好吃, 真是一片已經可配大半碗飯

叫蒸武門，我朋友仲以為我約佢哋食蒸氣鍋去到先知食小菜，佢哋都已經有點失望。最可惜的是蒸野都唔係太多選擇！整到好似私房菜咁，價錢更加係私房菜價錢，但係環境又唔係太好。食物方面，前菜有點特色，不過價錢不便宜。杯(八寶)茶都OK嘅，好淡。浸左好耐先有啲味，不過俾職員倒瀉左個杯茶，之後都冇換過裏面嗰啲料俾我，之後完全冇味道個蝦幾好食，兩隻未都嗌左，差不多味道。四隻要＄100，賣相又唔係特別靚，覺得貴左少少。嘢食方面真係煎炒多過蒸，又唔覺得特別好食，又唔健康還以為這個蒸班飯好好味，還可以啦，很細份！飯只有很少，性價比不高基本上都唔會再來，地點也不是很就腳。找不到這間店的特色！

每逢星期五都係唔想煮飯嘅日子，今晚近近地去官塘駱駝漆大厦內的「新蒸武門」試下！7點半去到已經人山人海，好彩老公book左位，否則一定冇位。食到9點，人流開始少終於可以勉強影張無阻擋的室內照片。其實小店裝潢簡單，沒有什麼亮點。「新蒸武門」主打健康無味精住家蒸餸，讓大家能夠品嚐家的味道。最重要名字改得好，配合餐廳又易記。餐牌內有不少菜式，大部分都非常家常菜，但當中也有些新潮菜式。兩個人食飯可以試到的餸菜款式都不會太大。幸好餐廳供應2人、3人及4人餐……可以多試幾款。甫坐下店員呈上一杯焗八寶茶 （$10/位），杯內材料豐富，有紅棗、杞子、菊花及桂圓……等。入口有淡淡的甘甜香味，味道清香又健康。《2人餐$388》【杞子猴頭菇螺片燉雞湯】廣東人湯水最重要，可惜結婚後湯水越來越少，兩個人出街食飯叫湯，份量又太多。難得這個燉湯一人一壼，份量剛剛好。湯料同樣豐富，有不少雞件而且有塊螺片，有得飲又有得食。首先來這個前菜併盤，有【五香牛展】、【佛山薰蹄】及【冰鎮鮑魚】【五香牛展】味道不夠香濃，肉質一般【佛山薰蹄】皮不夠爽口，肉味有咸香但少了份鮮味【冰鎮鮑魚】竟然有隻鮑真係夠貴氣。【荷葉香菇蒸雞】雞件吸收了

唔知由幾時開始，食「住家飯」對我呢啲窮忙香港人黎講，好似慢慢變成左一件奢侈既事……出街食住家菜，聽落有點諷刺，但何嘗都係想收工可以食餐安樂茶飯而已。驟眼睇見餐廳名「新蒸武門」，仲以為食既都係蒸煮為主既功夫菜式。原來午市先係食健康蒸飯為主，晚市主打一系列健康無味精既住家菜。未點菜，店員先為我地泡了八寶茶 (有甘草，菊花，雛菊，紅棗、杞子等)，據講有去膩消滯功效呢。既然如此，一於先叫半隻「招牌宮廷香辣雞」(由於我地本身都唔係好辣之人，所以同左店員講叫少辣)。香辣雞炆得都夠入味，經過走油，本身已相當香口，只係雞肉稍嫌有啲乾。重點係加埋爆香左既蔥蒜炒埋一碟，最啱用黎餸飯食！半隻雞份量其實不少，絕對夠我地兩個人食。另一道家常「蒸選」係「土魷蒸肉餅」。呢度蒸肉餅都係即叫即蒸，唔似出面有啲預先蒸完攤係度，所以食起黎一啲都唔覺得乾。只係略嫌有點油，如果再少油啲我個人覺得更住家菜feel。呢個時候飲番杯八寶茶就再適合不過。食完較重味既家常菜，最後都叫番碟「翠玉瓜雲耳炒百合」。味道雖然平平無奇，但咁先可以番百合雲耳本身既原味，亦令人記掛住家菜味道……今夜難得同好友食餐安樂飯，享受相聚時光，滿足矣。

又黎到一個月一次的closing日子，辛苦了一個月，當然想食好Ｄ。揀了一間近公司的，一開完會就食得！雖然有套餐，但今天三人行，還是單點比較好。*茶芥($10/人)這家應該是我覺得茶芥是值得收錢的餐廳。有紅棗、杞子、菊花等的中式的食材，比較養生。還有加入了士多啤梨乾，所以帶點酸味。*三色拼盤($108)三色拼盤有五香牛展、佛山薰蹄、花雕鴨舌。牛展雖然是五香，但食落有少少酒味；佛山薰蹄不會太肥；花雕鴨舌帶點荔枝味，很有趣。*是日燉湯($38)一人一盅足料燉湯。天天不同的款式，今天是蟲草花螺片燉杞子。雖然不知道有什麼功效，但是飲完一盅沒有味精的中式湯，感覺很舒服。湯沒有味精，味道清甜。*蓮藕煎肉餅($78)雖然主打蒸餸，但是想吃香口一點的煎肉餅。雖然味道不會太咸，不過個人覺得油了一點。還是愛蒸的～*籠仔蒸龍躉腩($138)+炒飯底($20)龍躉腩份量不少，比飯更多。龍躉腩很肥美，魚油都被底下的飯吸收了。而且飯加入了果皮絲，很香！雖然飯不算太多，但是點了那麼多餸，是非常夠食的！*香菇杞子北芪銀山焗雞($88)用鍚紙包住雞件、冬菇、金菇、粉絲、杞子等蒸煮。冬菇、金菇和粉絲，吸收了雞流出來的精華；

雖然農曆年食咗好多中菜, 食到個人有啲悶, 不過好似媽媽煮的無味精餸菜, 我係食幾多唔會抗拒的因為唔想選擇困難症發作, 就order了 "家常2人套餐"- $450我期待的八寶茶呀~|八寶茶有...紅棗、杞子、菊花、桂圓肉、山楂、茶葉...等等是日燉湯 - 淮山杞子姬松茸響螺燉豬展, 係咪睇到啲食材已經夠氣勢, 燉湯超熱 (好滿意, 湯一定要夠熱先好飲), 而且好清, 味道有好香的菌味, 飲用的時候就會感覺到肉類 (豬展 + 響螺)的肉香味, 姬松茸呢個名聽過好多次, 不過真係食落肚就真係第一次, 知道佢對提高免疫力有幫力, 所以即係成個食咗, 響螺片唔係薄薄一片, 有咬口的涼拌皮蛋豆腐 - 呢個涼拌我本身已經超鍾意, 醬汁味道剛好, 唔會太咸, 皮蛋切碎晒, 啱晒我呢啲懶人, 用個湯匙就可以一啖放入口...北菇魚肚扣鮑魚 - 呢個餸我覺得最驚喜係魚肚, 可以吸盡北菇 & 鮑魚的精華北菇超厚肉....炆的好入味, 鮑魚口感好好, 唔會好似食「擦紙膠」咁乾燒明蝦 - 超開胃的餸菜, 蝦肉夠爽口, 用上酸酸甜甜的醬汁, 再加上微量的辣椒, 令蝦更惹味荷葉香菇蒸雞 - 其實我唔係咁鍾意食蒸雞