新蒸武門 (已結業)

Spent a pleasant Sunday evening at this very cozy restaurant, some pleasant Chinese/local delicacies. The food was generally impressive, with the steamed chicken and fish fillet standing out! We really loved the two hearty dish!! Only the table setting impressed us. Look at the nice cups and bowls! The tea was so well tuned with flavor, and longan was certainly the thing! 香菇杞子北芪銀山焗雞 $88 籠仔蒸龍躉腩 $148濃湯什菌浸魚滑 $78

男人好日唔講，今日竟然tree 開條gun話想食住家菜，兩個人竟然同一時間奪口而出話：去食新蒸武門！果然係食煮家菜又近佢公司既不二之選！一上到黎，發現果然愈黎愈好生意，閒日流流都爆哂場，要搭枱。但咁岩有張二人枱埋單，侍應極速同我地轉左個二人枱，即刻舒服晒。仍舊係我最愛嘅八寶茶土魷蓮藕煎肉餅次次上親嚟都必叫黎嘢食，肉餅上枱時熱辣辣，煎到表面卜卜趣，但係入面仍然多肉汁，超juicy，蓮藕有咬口，而且咬落超香土魷味，超好食翠玉瓜雲耳炒百合超新鮮！超新鮮！超新鮮！好重要所以要講三次，呢度嘅蔬菜食落都超新鮮，特別鮮甜！最欣賞呢度嘅百合一啲苦澀味都冇，超爽口！砂鍋雲吞雞湯頭超鮮甜，除咗有雞之外仲飲得出有淡淡的金華火腿味，果然係冇加味精！雞肉超級亂嫩滑，雲吞一啖一個，食落超過癮。最開心嘅係佢底下面嘅黃芽白索晒啲湯汁，凍凍地食真係無得輸呢間餐廳簡直可以榮登我同男人嘅飯堂之一呀

第一次黎新蒸武門，難得約左朋友就黎食中菜。MENU 有唔少選擇，海鮮，肉，咩都有的。茶本身已經有紅棗，杞子，菊花等等。浸香左味道非常清香。而且服務員好貼心，經常會主動加水。我地叫左乾燒明蝦4隻$98個名好特別，係酸酸甜甜既汁，大蝦都幾新鮮的。籠仔蒸班頭腩可以加炒飯底，但我地想食白飯就淨係食班腩，班腩份量幾多，本身已有魚味，不用加豉油。濃湯紅棗杞子浸娃娃菜$78浸娃娃菜非常健康，仲有紅棗杞子，非常養顏。白飯$10呢餐好滿足。

今日係觀塘睇完戲雖然時間尚早, 我地呢對懶惰couple都係唔想煮飯, 但老婆又想食住家菜, 結果搵到係駱駝漆大廈呢間私房菜館: 新蒸武門。新蒸武門標榜提供無味精嘅住家菜式, 尤以蒸煮食物出名, 啱哂鍾意健康菜色嘅老婆。我地到餐廳時未到7點客人唔多, 不過7點後客人愈來愈多。餐廳裝修簡樸, 以鮮色的椅子最奪目。餐牌設計都簡單, 以私房菜黎講, 價錢都幾抵。每位客人都會有一杯八寶茶, 材料好豐富, 味帶甘甜, 好清香。😚冷盤薰蹄份量都幾多, 唔會太感而且唔肥膩, 沾上微酸的醋汁, 非常醒胃。👍蜜椒炒豬柳啖啖肉, 豬柳好爽口彈牙, 蜜糖汁配豬柳好惹味, 配料除左椒類仲有菇片, 以黑椒調味, 味道香濃, 配白飯食一流。😋梅菜蒸菜芯有驚喜, 菜芯超軟腍, 而且好甜, 配既咸且甜嘅梅菜, 味道好夾。土魷蒸肉餅唔知係咪餐廳招牌菜, 非常出色, 肉餅鮮嫩多汁, 肉味濃, 加了馬蹄粒增加口感, 味道調配得好好, 不需添加豉油已經鮮味十足, 鍾意食肉餅嘅老婆都非常滿意。😆埋單每人都唔駛$200, 以私房菜計真係好抵食。Menu

另一家觀塘工廈食肆，主打健康清蒸菜色。呢間鋪其實真係幾旺，星期六，日唔預訂真係唔使去。七點半上到去有對中年夫妻就咁摸門釘，不過我地都唔好得幾多，因為主打既籠仔龍躉同埋燉湯已經售罄。因工廈租金較平既關係，座位嘗算舒適。一上座就為客人端上了八寶茶，好香既菊花味，清清甜甜，好飲好解渴。沖左幾次味道都冇淡，抵讚。招牌菜之一，香茹杞子北芪銀山焗雞。焗雞大大份而且雞滑，雲耳金茹入味，食落好似雲耳蒸雞，只嫌雞肉太油，多食油膩。乾燒明蝦。 果汁味道好似蕃茄醬，酸酸甜甜幾開胃。明蝦夠大隻，肉實口感不錯。但份量得4隻較昂貴。土魷馬蹄煎肉餅，呢個人我今晚最愛既菜。肉餅手打，打得鬆軟，咬落唔係實笛笛。外層煎得香脆。叫左兩個菜中和下。 翠玉瓜雲耳炒百合 同埋 紅棗濃湯杞子浸娃娃菜。味道正常發揮，色澤鮮明，冇味精之下更覺清甜。 最後一道 係瑤柱蛋白炒飯， 瑤柱太乾身，有啲硬，飯炒得香，蛋白嫰滑，份量亦夠大，食到好飽肚。

今天難得放假去接太太放工， 在觀塘區好多人都覺得係工廠大廈，原來已經變得很多工廈裏面多咗好多餐廳。 於是今天就搵咗一間健康，而且門口仲話自己係冇味精的餐廳， 餐廳裏面都好寬敞坐位都很多。 一坐低就叫咗個燉湯，燉湯裏面都好促了有蟲草花 燉豬踭， D湯好清似我媽媽煲啲湯一樣咁好飲。再來 杞子北菇蒸雞啲雞好嫩，而且最重要唔肥， 所以食咗都唔覺得好油，之後有蟹肉扒蒸西蘭花 ＆同埋魷魚馬蹄煎肉餅 ，可能冇味精 所以食咗都唔會覺得好咸尤其是肉餅 。 最後吃埋籠仔蒸班腩飯，D班腩好新鮮味道唔錯。飲埋杯養生八寶茶真係冇得輸。

一行四人，朋友推介食呢間！上到去見個格局以為啲野一般般喇，點知杯茶已經花左心思！等齊人就點個菜，四個人叫左五樣野再加一人一盅湯！個燉湯好好飲，又足料！土魷煎肉餅，夠香口，外脆內軟。但由於本人食得較清淡，所以覺得略微店咸左少少籠仔煎龍躉，店員主動問我地加唔加炒飯底，加$20。龍躉夠嫩夠新鮮，飯又吸左啲鮮咪同荷葉味芝士蝦仁伊面，唔似酒樓果啲，佢唔會太膩，芝士味恰到好處，蝦仁夠爽口彈牙

今次一行二人,同一位老朋友去食飯, 朋友唔係太鍾意食重口味嘅嘢又或者太辣嘅嘢, 所以今次食飯川菜,泰菜,湘菜嗰啲就冇去考慮啦. 聽其他朋友介紹喺觀塘工業區駱駝漆工業大廈裏面有一間好好食嘅中菜, 價錢亦都唔會太貴, 嘢食嘅味道亦都唔係太差, 唯一就係呢一間餐廳係喺工業大廈裏面第一次去嘅話會難搵一啲. 我朋友聽完關於呢間餐廳嘅資料之後都想去試咁我哋就決定咗一齊上去試下呢一間餐廳啦!餐廳門面餐廳內在環境餐牌八寶茶當我一坐低嘅時候, 檯面上呢一杯舊式有蓋茶杯好吸引到我, 廳服務員講呢一杯茶叫做八寶茶,佢嘅配料有寒菊,胎菊,杞子,紅棗,龍眼肉,山楂,甘草同埋烏龍茶. 我覺得佢嘅味道係清甜,帶少少苦金, 容易入口同埋可以幫助消滯!是日燉湯 (姬松茸節瓜螺片燉豬展)聽服務員介紹, 佢哋呢一間餐廳嘅是日燉湯係每一日都唔一樣嘅, 而我用餐嘅時候當日佢哋出嘅是日燉湯就係姬松茸節瓜螺片燉豬展, 佢呢一個燉湯味道鮮甜, 佢嘅味道係以姬松茸味同埋小量肉味為主, 容易飲, 唔會太鹹, 好適合一啲唔鍾意太重口味嘅人又或者唔係咁鍾意食太鹹嘅人!三式拼盤 (五香牛展,佛山薰蹄, 花雕鴨舌)呢度嘅三式拼盤賣相十分吸引,

試過晚飯覺得唔錯，今日lunch再嚟到呢間新蒸武門試下，叫左個蒸肉餅飯，好期待！等食期間，我就留意下四周圍環境，感覺好差，有個著便服嘅職員不停對住其他員工指手劃腳又呼呼喝喝，明明d 員工都好忙.....攪到d 員工好似亂晒籠咁，其實我地本身都預左食晏時間環境都係嘈架啦，但係再加埋佢不停大呼小叫，我覺得完全置身係街市賣菜咁，嘈到令人心煩！！重點係--- 明明我地叫左個蒸飯應該係配白飯，點知比左個炒飯我，又唔出聲同我講，完全無職業操守，不過算啦我食餐飯都唔想諸多投訴......但係食食下真係好嬲，我聽到便服職員同d 員工講無晒白飯咪比炒飯d 人食囉，又唔係無飯比佢地食，唔使同客講啦 ! 😡😡😡😡😡佢地究竟當d 客人係咩呢？！唉..........lunch唔會再有下次囉！P.S. 我就係因為佢句說話先出尼個食評 😵😵😵希望佢地真係認真改善下！！

放假難得有時間，決定去接下男人收工扮乖，佢一見到我就話好想食煮家飯。放假訓到黃朝八晏邊有可能煮到飯，於是帶佢上之前同朋友食過覺得唔錯既新蒸武門同佢食個無味精煮家飯先真係好鐘意飲呢度杯茶諗唔到食咩,決定叫個二人餐,勝在咩都有啲，唔使諗涼拌皮蛋豆腐超香麻油味,清清地,作為前菜唔錯冰鎮鮑魚伴三絲冰鎮鮑魚鮮甜彈牙，三絲爽口清新，淡淡既香醋味，夏天食一流蟲草花杞子冬瓜螺片燉豬展呢個燉湯一滴油都冇,十分清新。螺片味突出，飲得出冇味精,似足阿媽煮果d煮家湯。荷葉香菇蒸雞雞肉肉質嫩滑，火喉岩岩好，完全無蒸過老，配上既淡淡的荷葉味，真係好好味呀乾燒明蝦醬汁有點似咕嚕肉果隻醬， 酸酸甜甜,十分開胃。隻蝦超大隻,難得嘅竟然係啲肉一啲都冇霉,仲十分爽口彈牙籠仔班頭腩魚皮厚實Q彈，成咀都係膠原蛋白，作為女人真係大滿足,仲好香蒜頭味,下面啲粉絲索晒啲魚汁,雖然邪惡，但係我全部食哂蝦仁鮑絲炒飯炒飯好好功夫,米飯粒粒分明,炒得好乾身。男人一向唔太愛飯，都忍唔住食左兩碗濃湯杞子浸菜濃湯中有淡淡既杞子香味，黃芽白吸哂d湯，好味得黎仲好健康以後男人再話要食住家飯,我就帶佢嚟呢度啦😂（懶到一個點既人妻上）

住觀塘禁耐，都好少夜晚去工廠大廈吃，今日同老婆去試，叫個2人套餐，覺得味道上是可以，不過沒驚喜。不過不失啦，沒有一個菜是眼前一亮。老婆吃完有點渴，又不像佢所講的少鹽wo...

觀塘工業區近年不斷湧現了很多食肆，尤其是樓上舖的食肆如雨後春筍，花多眼亂，要搵到一間心水食店如非靠朋友介紹，那就要撞手神了。 👊是晚我在觀塘接太太放工，順便在此區食晚飯，我們看到有不同食店的宣傳直額，卻被這食店有趣的名字吸引 ，「新蒸武門」似乎是電影「新精武門」取其同音而改的，我猜是比喻為「蒸」煮界的武林高手，所以，我們決定要會一會這位高手，看一看有什麼看家本領。👊未入到食店，已看到門口旁的大招牌，讓我聯想到武館的牌匾，好! 我們要闖入去看看究竟。👊食店裝修簡約舒適，紅色牆身及吊燈淡淡滲出傳統中式品味情懷。一坐上，就看到這個有蓋的精緻茶盎，服務員殷勤為我們斟水沖泡「八寶茶」，好像在比武砌磋前飲杯茶，先禮後兵。👊除了單點食物外，食店提供了不同份量的「家·常」套餐，我們便選擇了二人套餐。套餐共八款食物，十分豐富，單以數量已贏了第一回合。👊涼拌皮蛋豆腐皮蛋是我喜歡的食物之一，加上滑溜豆腐，為前奏熱身。姬松茸節瓜螺片燉豬展燉湯味道濃郁，騙不了味蕾，一嚐便知燉了很久，飲落喉嚨很舒服。冰鎮鮑魚配涼拌三絲一道風味小菜，鮑魚size適中，用冰鎮炮製令鮑魚肉更爽有口感。乾燒明蝦蝦碌大大隻已夠有睇頭，用乾

平時好少到工廠區食野， 因為總覺得好似唔太方便 ，又唔知好唔好食 。今次 ，屋企人提議到觀塘食小菜 ，地點其實好就腳 ，離地鐵站只係五分鐘路 ，十分方便， 咁就抱住少少 “冒險精神” 黎到試下 。一入門口 ，氣氛其實幾好 幾多食客用緊餐 ，感覺上口碑應該唔差。 地方亦都乾淨， 坐得舒服 ，因為工廠大廈的關係 ，樓底好高 ，空間感幾夠 ，未食已經俾我一個唔錯的印象。點菜時 ，侍應好有禮貌 ，耐心地同我地介紹唔同食材的特式 。佢地標榜唔落味精， 感覺家常便飯，都幾健康 。點左有雞、有肉、有蝦、有湯 、都幾豐富。每樣野食都幾夠味 ，說明左調味料如果用得恰當 ，其實無味精都可以好好食 。個人最鍾意隻招牌雞 。少辣得來幾有口感 。另加肉餅同豉油王炒蝦，用嚟送飯，真係一流。呢個籠仔斑腩蒸炒飯，簡直係出色到冇朋友，啲飯吸收晒班腩嘅精華，淡淡鮮魚味，一定要食！ 每樣食物都做得幾靚 ，個湯亦都做得出色 。清淡得來好好飲 ，飲得出應該用左好耐去煲 ，而唔係一般扮哂入味的味精湯。佢哋絕對唔係 放幾舊紅蘿白、兩三塊豬骨，就話自己老火湯 ，但飲完會勁口乾果種頹野。埋單都唔算貴， 食到反哂艇， 每人都係百幾 。

本來諗住試晒午飯同晚飯先嚟評價！估唔到日頭同夜晚差別咁大😞先講晚飯，上個星期四晚同朋友去試左晚飯，我同朋友都覺得環境唔錯，乾淨企理，雖然價格上覺得貴左少少 (因為始終樓上舖，但佢又有加一又有茶芥) 不過都可以接受，因為侍應服務得唔錯，不停為我地加茶，又有禮貌😀！我覺得個香辣雞煮得幾好，夠火喉，個籠仔蒸龍躉腩配炒飯真係好正😍！由於今次得2個人，驚食唔晒，所以無試佢個餐，晚飯絕對可以再去！！由於差別太大，所以lunch再另外評價😅

蒸煮、無味精，追求健康的菜式，都是現在都市人講究的賣點，選擇新蒸武門亦是因為他們無味精和住家菜，吸引我們一試。帶點中式裝潢的設計，地方寬闊，乾乾淨淨。每人一碗八寶茶，顯出與其他中菜不同的特色。是日推薦的菜式貼在牆上讓客人參考。以港式菜為主。不要以為這裏大部份菜式都只是蒸煮，辣味、濃味的也不少，令人驚喜。是日燉湯 38元店員向我的推薦它們原汁原味、無味精的燉湯。平日在家沒時間煲湯，能在這裡喝一口熱湯，也是不錯的選擇。用了豬展、香菇、螺肉等來燉製，加少少鹽，好滋潤的老火湯。菇味好香，湯底也清澈，喝一口燉湯的感覺真舒暢。涼拌麻辣手撕雞68元手撕雞能選擇不辣、小辣和正常辣度。是晚我們選擇了小辣。雞絲、青瓜芝麻油加麻辣，開胃、好味！豉油皇蝦四隻98元來一客濃口味的豉油王炒蝦。大蝦新鮮，肉質彈牙。豉油炒過後很香口， 可惜他們未有酒牌，否則真的很想來一來杯啤酒來配對一下這大蝦呢。土魷蒸肉餅68元既然是以蒸菜為主打，這個土魷蒸肉餅做得非常美味。半肥瘦的豬肉打得很滑，切碎的土魷夠鹹香，平均分布在豬肉當中，既吃到土魷的鮮味也吃到豬肉的肉香。籠仔蒸班頭腩加炒飯158元這個蒸頭腩炒飯也是他們的招牌菜。荷葉包著