新華茶餐廳

營業中

休息中

為咗依兩個蛋撻，山長水遠去搵「新華茶餐廳」果然不負眾望；見佢啲蛋撻、麵包一底底咁拎出嚟就知有幾新鮮酥皮蛋撻蛋漿豐厚、酥皮又輕又薄入口溶化，食完一個都唔會覺得膩。不過我蠢咗，嗌咗另一個牛油皮蛋撻，拎上手原來係凍嘅……..茶餐$48沙嗲牛肉麵沙嗲牛肉都唔錯，冇渣，沙嗲醬香濃不會過咸，加埋大光麵，麪質啱啱好，保留咬口，麵條有彈性，合格有餘。火腿奄烈偏向薄身，火腿也不多令口感差左，冇乜蛋味、欠咸香。甜餐包，凍冰冰。杯鴛鴦味道唔錯，夠熱，啡味略重。店舖夠懷舊，感覺好有feel。食物有好有一般，但係都值得繼續支持。

第一次寫食評，估唔到就係要寫差評，今日星期六在門口見到下午茶餐牌，所以入去諗住試下，點知原來只限星期一至五，但門口掛住的餐牌沒有註明 入去前已想食雪菜炆米，所以沒關係，照叫了同一款食物。雪菜米來到，有一大攤汁，雖然就是炆米，但太多汁了吧，心想賣相差不要緊，可能很好食，但食到一半已經放棄了，因為真的太咸同埋太多汁，成個米是碎濕濕的，一定要用匙來食之前我有食過他們的早餐，他們的比其他的茶餐廳貴，當時幫他們想了個理由，“可能是因為茶+蛋撻很出色”，其實茶我是有嘗過的，但跟出面的茶餐廳根本是一樣，沒有特別出色的地方；至於蛋撻，因為我不食酥皮，所以不會評論，但我個人認為：很多大街小巷，每間小小的餅店推出新鮮出爐的蛋撻，都可以很出色我支持保留這一類舊式茶餐廳，但如果做不到正常味道的食物，倒下如專注做他們一直專注的，不要勉強加幾個炒粉麵

經常在網上睇到呢間新華茶餐廳嘅蛋撻出名，咁啱在附近，於是過來慕名一試。星期六下晝兩點幾，等幾張飛就可以入坐，咁啱安排樓上雅座，一流👍，因為舊式茶餐廳已經越來越少，有樓上雅座嘅舊式茶餐廳就更加少上加少，所以有得行上樓上雅座樓梯都幾特別。酥皮蛋撻果然好食，尤其是啲蛋漿夠滑，又唔會太甜。另外奶茶同咖啡都好飲，特別係杯熱咖啡夠香，亦唔似其他茶餐廳咁有種苦味。另外，值得一讚係員工態度好，有禮貌，唔會好似其他嗰啲多人幫襯就唔志在，更加估唔到亦乾淨企理。

長沙灣要搵野食就要行下去搵，呢間新華都係出名既茶餐廳，雖然環境真係比較迫不過地方乾淨既，食一個午餐速食係可以去試下既。最後點了一個酥皮蛋撻，义燒意粉餐包加奄列，熱檸檬茶。如果講比較好味既記係呢個蛋撻，酥皮夠趣蛋夠滑，撻夠熱所以係好味道既。可以一試。呢個午餐就算是比較普通不過不失吧。餐包正常奄列份量正常，唔算太細份啦所以可以接受。义燒都算瘦既所以我覺得可以的，自己唔鍾意食太肥的。熱檸檬茶正常茶底啦。。總結黎講。味道正常的可以一個速食午餐。酥皮蛋撻還不錯。

長沙灣另一間人氣酥皮蛋撻店，由$7漲價至$9，但仍然比勁敵金園茶餐廳便宜$1。她的味道始終如一，沒有太多改變。今天剛好金園新鮮出爐了一批酥皮蛋撻，她也新出爐了一批酥皮蛋撻，正好可以即時試試來作比較。酥皮蛋撻$10酥皮夠厚，有層次但蛋漿看下水去不太水潤酥皮鬆化，入口即化開，但不脆口偏油，卻欠油香。 蛋漿也夠厚度。但蛋漿顏色不太金黃，蛋味也不突出 偏甜，奶味較出。而咬下去才發覺蛋漿較水汪汪，但她的蛋漿是很滑的。 

$9件酥皮蛋撻新華茶餐廳門口貼住一份舊訪問，標題為「200層酥皮」感覺很猛，買了四件來試試！裡面有爐暖著，現場吃的話夠熱是一定的咬下時鬆脆的聲音，聽得出酥皮是有很多層有否200層就不知曉了😂蛋味可以重些🤏好吃，但不算是最好的。

新華茶餐廳喺長沙灣已經開咗好多年,喺老字號嘅茶餐廳,最出名嘅喺沙嗲牛肉麵,酥皮蛋撻同奶茶等等..😋所以吸引咗好多人特登過嚟幫襯👍🏻特餐沙嗲牛肉麵.火腿奄列.牛油餐包沙嗲牛肉麵沙嗲牛肉味幾濃😋牛肉腍身唔韌,麵軟硬度適中火腿奄列奄列有蛋香,內裏有好多火腿絲😍牛油餐包餐包微熱軟熟干炒黑椒豬扒意粉黑椒味好濃😍豬扒腍身,意粉軟硬度適中酥皮蛋撻蛋撻新鮮出爐熱辣辣🤩酥皮鬆脆,富有牛油香🧈蛋味香滑濃郁😋

今日去左長沙灣，其實宜個位有兩間茶餐廳都比較出名，佢地唔只出名舊，蛋撻同包款都出名，我最鐘意老牌茶餐廳自家制包，兩間入面我比較鐘意新華茶餐廳個菠蘿油（$16) 我覺得佢個菠蘿皮係比較香同脆，利申我真係試過另一間，並不是打手，今日除左菠蘿包仲有米粉餐C,即係肉丁米跟火腿奄列（$48)，餐飲熱央走唔知係今日好彩定平時d 茶記肉丁渣，平時出面食肉丁得一堆肥膏，真係肉得兩粒，今日宜個勁多，我指真肉丁勁多，唔係肥膏丁，杯央走都好滑，茶底夠濃

今早,去試新華餐廳.蛋撻暫未有新出爐.等一等.忍一忍.入內先食早餐.特餐($45）沙爹牛肉麵牛油餐包煎雙蛋奶茶一般茶記水準.最後,等到很多人讚的蛋撻($9)出爐. 熱辣辣蛋撻,撻皮鬆脆,牛油味香濃, 蛋,甜度適中.高水準.#新華茶餐廳#長沙灣

今次早餐時段嚟食，發覺都幾多人幫襯，好多都係街坊幾個一齊嚟。餐廳有兩層，呢啲都係舊式茶記先會有呢個設計，不過今次坐係下面，無緣坐樓上。🥢沙嗲牛肉公仔麵+餐包配火腿奄列、熱奶茶最怕沙嗲牛肉被‘拿’到淋哂無口感，呢度嘅沙嗲牛就無呢個情況，食落係滑之餘仲有咬口但唔係靭，醬汁唔會過鹹，撈埋硬度適中嘅公仔麵一齊食，非常正。奄列入面係火腿粗條，數量都多，但偏油，餐包不過不失，因為凍咗😂😂熱奶茶嘅茶澀味我覺得啱啱好，啱我口味。依家舊式茶餐廳愈嚟愈少，好多新開嘅都叫冰室，感覺無得比。呢度仲保留住舊式茶記嘅人情味，食緊嘅時候會聽到伙記同食客閒談，落單又唔會叫你用QR code, 落完單伙記直接同廚房講，唔會入機再傳俾廚房，所以有時會聽到佢哋鬧交，好好笑！下次再嚟試下蛋撻西多士先！

- ¨̮♡︎ It was another saturday and I was craving for soup macaroni. My friend searched through the openrice to-go list and recommended this cha chaan teng so we decided to go and give it a try😙The first impression when I stepped foot in was like wow, really an old-fashioned and nostalgic one. We were assigned to a booth seat on 2/F floor, could look right down to the bakery and cashier section of this place👍🏻 Like other cha chaan tengs, menu has wide variety of options. I skipped directly to the s

長沙灣老字號茶餐廳由細細個係度住佢已經係度啦!黎呢度一定要試佢個特餐 沙爹牛肉公仔麵配火腿奄列同埋餐包如果好似我比較鍾意食方包既朋友就可以同侍應講叫佢轉方包公仔麵既質地係比較偏硬身絕對唔係軟淋淋果種沙爹味超級香 牛肉爽口好食奄列如果你鍾意可以叫佢上流心奄列超級好食食完唔夠候既話仲可以食佢地既酥皮蛋TRAT不過我就咁岩餵食想食菠蘿油菠蘿包個皮超級脆配上成塊牛油夾係中間 簡直係脂肪盛宴絕對推薦大家經過要試下一試難忘!

間唔中就會好想食茶記，所以個日就去咗長沙灣呢間新華茶餐廳，除咗想試佢個特餐之外，仲好想試佢個馳名酥皮蛋撻🥧🔥😍沙嗲牛肉麵配多士加火腿奄列 $48平時最鍾意就係食特餐，因為又有麵又有蛋又有包，一個餐就叫到成枱都係野食🤣呢度嘅沙嗲牛醃得好入味肉質好淋，但又唔會太鹹，公仔麵煮得啱啱好，仲係好彈牙🍜火腿奄列夾係多士入面食，簡簡單單已經好好食🤤乾炒牛河 $53一上枱我嚇親，因為勁大碟👀唔好睇佢細細間茶餐廳，炒嘅牛河我覺得絕對唔輸大酒樓，鑊氣十足，牛肉片好淋，河粉依然有Q彈爽口嘅口感，一個字：正😋酥皮蛋撻 $9 / 個食完正餐又點少得重頭戲 - 酥皮蛋撻🥧 現場食嘅蛋撻熱辣辣，而且勁大個，完全冇偷工減料，外皮好鬆脆，入面嘅蛋醬好滑😛我本身食蛋撻係曲奇皮派嘅，不過呢度間嘅酥皮蛋撻係好食到我都會再嚟encore😎.如果經過長沙灣，建議各位可以去買個酥皮蛋撻當下午茶，一定有驚喜💗

🥰 廿年前初試 “新華”, 屬經典舊式茶餐廳, 後起嘅 “翠華” 同埋 “敏華” 不可相提並論, “乜乜冰室” 等新派茶餐廳又係另一回事.🤗 今日重回舊地食早餐: 沙嗲牛肉麵, 火腿奄列, 配熱奶茶, 盛惠$45. 🥢 餐廳裝修懷舊, 唔係扮懷舊, 冇怪嗅味, 可惜冇咗茶味. 🍜 沙嗲牛肉麵. 用經典嘅 “淺碟” 上, 麵質軟硬適中, 牛肉唔係高質, 但至少食唔到雪藏味, 沙嗲味道啱啱好, 唔會 “渴撻撻”, 即煮就係即煮, “中央廚房” 冇得比.🍳 火腿奄列. 新鮮, 蛋汁香滑, 配火腿口感一流. 奄列製作麻煩, 一般茶餐廳少玩.☕️ 熱奶茶. 用傳統咖啡杯, 夠熱, 燙口, 略嫌茶唔夠澀, 哈.🤗 總結: 長沙灣舊區四十五蚊一個早餐, 唔平喎, 但 真.懷舊 係無價嘅, 有緣再見!

為咗呢度嘅蛋撻過嚟呢間茶餐廳，果然冇令我失望！新鮮出爐，熱辣辣，蛋漿好香滑，帶有微微嘅牛油香，又唔會太甜，份量都比平時大🤤食咗一個酥皮一個曲奇皮，個人就比較推介酥皮，酥皮非常鬆化▪️酥皮蛋撻 $9▪️曲奇皮蛋撻 $9♡好味指數 🌕🌕🌕🌕🌑✔︎性價比🌕🌕🌕🌕🌑✔︎環境服務🌕🌕🌗🌑🌑✔︎打卡指數🌕🌕🌗🌑🌑✔︎推介指數🌕🌕🌕🌕🌑✔︎回頭指數 🌕🌕🌕🌕🌑