248
72
13
港鐵長沙灣站 C2 出口, 步行約5分鐘 繼續閱讀
所有分店 (1)
電話號碼
23873698
開飯介紹
老字號茶餐廳,樓高二層。 繼續閱讀
營業時間
今日營業
06:00 - 22:30
星期一至日
06:00 - 22:30
付款方式
現金
座位數目
100
其他資料
酒精飲品
電話訂座
外賣服務
加一服務費
以上資料只供參考, 請與餐廳確認詳情
食評 (387)
等級2 2024-04-10
0 瀏覽
而家香港老字號嘅茶餐廳真係越嚟越少,新開茶餐廳食物質素都唔係特別好,唔會話想食完再返嚟食。所以有時我都會特登去搵啲老字號嘅茶餐廳去食佢哋嘅早餐。最鍾意就係試杯熱奶茶同埋沙嗲牛肉麵啊。☕️香港長大既我真係覺得香港港式奶茶係無敵㗎。早餐開咗一杯熱飲沙嗲牛肉麵一個餐包同埋可以選擇煎蛋或者火腿奄列,火腿奄列真係好多火腿啊,奶茶香濃,沙嗲牛肉麵都好味新開好多時都係得熱水咁既完全唔同。 🍜 個環境都夠晒懷舊啊,亦都乾淨! 繼續閱讀
(以上食評乃用戶個人意見 , 並不代表OpenRice之觀點。)
等級1 2024-03-24
199 瀏覽
本身係一個百分百嘅奶茶控,閑時會發掘好飲嘅奶茶,今日嚟到新華茶餐廳⋯嘆番杯佢哋出名嘅奶茶☕️果然係名不虛傳,杯奶茶超正👍🏻茶味香醇,茶同奶嘅比例恰到好處,仲有陣陣回甘 繼續閱讀
(以上食評乃用戶個人意見 , 並不代表OpenRice之觀點。)
等級3 2024-03-02
508 瀏覽
電視節目效應,今日一家大細去咗新華,食情懷(細個會去附近街市跟阿媽買餸),所以嗌左老式炒粉麵系列嘅黑椒豬扒炒意粉,屋企人叫咗咖喱牛肉飯,小朋友食咗佢至愛嘅火腿通粉,飲咗熱奶茶,凍奶茶,凍檸茶少甜,食完之後個肚有空位,嗌多咗個新鮮熱辣辣酥皮蛋撻。今日嘅碳水化合物攝取量超標,但係絕對值得,尤其是係個黑椒炒意粉,裏面嘅料頭有韭黃、䓤段、芽菜同洋蔥,啖啖意粉食落口感有層次,黑椒味足夠但係唔搶喉,今日天氣凍返,食完個人暖笠笠,整體夠味,唔太大碟啱啱好,就算唔落豬扒都開心。屋企人個咖喱牛肉飯味道正常,杯奶茶都正常,比較香,飲完冇飽滯頂胃嘅感覺,個蛋撻冇得彈,新鮮、鬆化、唔會太甜,好耐冇食過呢種感覺。今日坐閣樓,好好彩一上到嚟就有張四人枱,下次試吓坐卡位。同場見到隔籬枱一對年輕父母帶着幾歲小朋友,爸爸慢慢教小朋友每樣食物係乜嘢嚟,延續香港飲食文化🫶 繼續閱讀
(以上食評乃用戶個人意見 , 並不代表OpenRice之觀點。)
等級3 2024-02-28
605 瀏覽
繼上篇介紹完長沙灣金園茶餐廳,今篇食評將會寫長沙灣區另一間老字號茶記 — 新華茶餐廳。現在,全香港僅存有閣樓嘅茶餐廳只有4間,而新華正正就是其中一間! 所以我們到達後就先上閣樓看看有冇位,可能是下午三、四點關係,人流不算太多,夥記姐姐好nice問我地食乜嘢,而且環境寛敞乾淨,幾有懷舊feel!我們即刻就order了這裡嘅菠蘿油、蛋撻、奶茶和生炸雞脾薯條! 個自家制菠蘿皮鬆脆包感實在,再加埋塊牛油咸香,一個字形容「正」! 食完菠蘿油梗係要試埋個蛋撻啦,蛋撻都係熱辣辣好新鮮,食到個撻底就有啲曲奇餅感,我個人就比較喜歡食金園個酥皮蛋撻多啲! 食蛋撻當然唔可以唔飲杯熱奶茶啦,我個人覺得新華杯奶茶比較滑啲、醇啲,啱我口味多啲!而我老公就話杯凍奶茶沒有多大特別,跟出面茶餐廳差不多!最後,試埋個炸雞髀薯條,隻雞髀係生炸嘅,但略為炸得乾左啲囉,味道都可以! 薯條都算炸得ok啦!總括而言,今天很滿足,可以在一個下午試到兩間香港老字號的港式地道茶餐廳,本小姐一定會再來! 繼續閱讀
(以上食評乃用戶個人意見 , 並不代表OpenRice之觀點。)
等級4 2024-02-13
1225 瀏覽
長沙灣區2大傳統冰室,一間是「金園」一間就是她「新華」。以往一向有吃她們出品的蛋撻,覺得各有千秋,雖然個人較喜愛「金園」,但「新華」也不差,今天也是抱著這個心態,與友人打算到「金園」一試舊冰室常餐的味道,但是中午二點多,「金園」仍是大排長龍,所以便「稍移玉步」到「新華」吃,應該也差不多吧。怎料這是一個大錯特錯的決定。首先,入座後才知道沒有下午茶,友人滿心歡喜想試的炸髀薯條已落空,退而求其次,便是吃她們的干炒牛河,另外我則點了特餐,沙爹牛肉麵配餐包牛油餐包西煎雙蛋$54+$3(凍檸茶)牛油餐包西煎雙蛋牛油餐包:餐包沒有烘過或加熱,冷冰冰的,中間的確有牛油,但因為包不熱,所以不會溶化及溶入包中。煎蛋:一看賣相已經毫不吸引,油到反光之餘,煎的時間明顯不足,沒有脆邊, 蛋味也欠奉。 只看這個已經看得出她們的出品有多「用心」唦嗲牛肉麵比較正常,牛肉有4—5件,不會太嚡太韌,唦嗲味也沒有特別,是一般茶餐廳的味道,沒期望所以沒失望。可取是,麵沒有煮得太淋。 凍檸茶也一般水平。 干炒牛河 $54(沒有拍照)份量不算多,蔥及豆芽菜等配也極少,重點是沒有鑊氣,味道不足,河粉也沒有事先處理好,所以有部分的河粉會疊在一起。炒得不夠均勻,沒有上色,顏色比較淡,不算太油,牛肉不會太嚡太韌,河粉不會易斷。合格水平,但不包餐飲,性價比低。試了後悔,令我們對懷舊冰室留下不佳印象,可能排隊一會兒吃「金園」會有比較好的體驗??或者再「稍移玉步」到「雪山冰廳」會更好?? 繼續閱讀
(以上食評乃用戶個人意見 , 並不代表OpenRice之觀點。)