新華茶餐廳

營業中

休息中

經常在網上睇到呢間新華茶餐廳嘅蛋撻出名，咁啱在附近，於是過來慕名一試。星期六下晝兩點幾，等幾張飛就可以入坐，咁啱安排樓上雅座，一流👍，因為舊式茶餐廳已經越來越少，有樓上雅座嘅舊式茶餐廳就更加少上加少，所以有得行上樓上雅座樓梯都幾特別。酥皮蛋撻果然好食，尤其是啲蛋漿夠滑，又唔會太甜。另外奶茶同咖啡都好飲，特別係杯熱咖啡夠香，亦唔似其他茶餐廳咁有種苦味。另外，值得一讚係員工態度好，有禮貌，唔會好似其他嗰啲多人幫襯就唔志在，更加估唔到亦乾淨企理。