新肥泉海鮮大排檔

營業中

休息中

出發答高鐵之前緊係要食飽飽啦，大排檔就最能夠代表到香港既鑊氣喇😋🔸椒鹽白飯魚 （$128）唔係好多地方肯整白飯魚，因為要逐條炸有啲麻煩，白飯魚size唔細，而且條條肥嘟嘟，目測應該都有50、60條👍🏻每一條都食到「索索」聲，佐酒一流👍🏻🔸豉椒炒大蜆 （$138）大排檔必叫之選，隻隻肥美而且冇沙，又係份量都唔少，應該有30隻，豉椒汁野味所以要配個白飯🔸炸BB乳鴿 （$52）外皮酥脆，入面仲有肉汁，伴碟既炸蝦片係新鮮炸，拎上手仲熱架🔸腰果黑醋骨 （$118）原本以為會用上骨排去處理，但餐廳用左豬扒，咁仲好，可以啖啖都係肉☺️腰果又係新鮮過油，仲係脆口🔸可樂（$11）、白飯（$11）好鍾意玻璃樽既可樂，因為d氣會比罐多，特別gur d

🍽️肥泉小炒王 $98通常肚腩們每次去新嘅大排檔，都會叫個小炒王，試吓間舖嘅水準😋尼度嘅小炒王非常足料，落咗好多魷魚同蝦乾🤩食落味道唔會過鹹，而且鑊氣十足，送飯真係一流🥰🍽️黄金魷魚 $138魷魚幾新鮮，食落口感幾爽彈👍🏻炸漿唔會好厚，而且好重鹹蛋黃味，整體配合得好好😌🍽️避風塘軟殼蟹 ＄168軟殼蟹唔算好辣，對我哋嚟講啱啱好，非常惹味🤤驚喜嘅係炸完依然保留到好多蟹膏👍🏻可惜我哋食得慢，加上入邊嘅風扇太大力，所以到後尾凍咗，會開始覺得油😣味道😋 7.5/10性價比💰 7.5/10環境🔎 7/10服務🫶🏻 7.5/10打卡指數📸 7.5/10٩(˃̶͈̀௰˂̶͈́)و 推薦指數🥰 7.5/10

佐敦夜晚約完frd想揾啖好食，見到呢間大牌檔仲開緊就上去試下。坐低叫左個啫啫雞煲同京蒽炒雞雜。-1. 啫啫雞煲7/10-一上菜個煲係啫啫聲既，襯熱食一流。入面有豬潤洋蒽同雞。豬膶有少少薄，個人鐘意厚啲，洋蔥索晒汁好食，雞既份量唔少，有肉汁亦唔老，唔錯。-2. 京蒽炒雞雜8/10-京蒽比想像中好食，索晒啲汁送飯一流。入面有雞腸，雞潤同雞腎，炒得好有鑊氣亦唔過老，抵讚。可惜既係蒽既份量較多。整體質素唔錯，滿意既。

位於佐敦內的官涌街熟食中心（非常近柯士甸站），愛玩小生每次經過都好想試試！今次，有朋友帶路，就上去試一下！ 熟食中心沒有空調，但非常多風扇，不會覺得太熱。今次選擇的是新肥泉海鮮大牌檔，以電子下單，非常先進呀！黃金九肚魚絕對是一道超好味的菜品！它將咸蛋黃的鹹香和魚肉的清甜完美結合在一起，味道非常平衡。而且，金黃色的外觀更是非常吸引人！每一口都能品味到魚肉的鮮嫩滑爽和蛋黃的香脆口感。這道菜簡直是在大排檔必點的美食之一！鮑魚啫啫雞煲裡面有6顆鮑魚，每一顆都充滿了嚼勁和豐富的鮮味，搭配著雞煲的醬汁，真是美味無比！除此之外，這道菜中的雞肉也非常豐盛，每一塊雞肉都鮮嫩滋味，整道菜的口感非常出色！蒜蓉炒通菜，清爽脆嫩的通菜搭配濃郁的蒜香，大排檔將蒜蓉爆香後加入通菜炒熟，超有鑊氣又口感絕佳！整體來說，價錢是正常價位，菜式則非常有鑊氣，亦不算細份！如果在尖沙咀附近想感受大排檔風味，這裡可以是一個好選擇！📍新肥泉海鮮大排檔地址: 佐敦寶靈街17號官涌市政大廈2樓熟食中心 更多香港好去處： www.iPlayHK.com

佐敦官涌市政大廈的新肥泉海鮮大排檔，位於二樓熟食中心，樓底高，座位都好寬敞，坐得舒適。餐廳menu都很多，大排檔的小炒、煲仔、小菜……等，都很多選擇，很多款式。時蔬炒珍肝，珍肝是雞肝、雞心及雞腎……等，炒得都很香夠鑊氣，雞腎很爽脆，最喜愛食！菜心大大條，但是都很嫩，炒得清脆爽口。豉椒排骨河的份量不少，排骨調味很好，湯汁濃傑度剛剛好，令河粉很挂汁，食落軟滑很惹味！沙薑雞半隻份量足，因為雞肉剛好熟，骨髓還帶少少紅，所以雞肉真的夠嫩滑，雞肉很入味，是少有食到這麼入味的沙薑雞！食得好滋味，飲品要了王老吉及可樂~~~

🇭🇰✨佐敦熟食中心環境寬敞大排檔🥢其實我係一個好「地」嘅人，好鍾意食茶記同大排檔，愈有鑊氣嘅嘢愈鍾意！🫶🏻今次去咗位於佐敦官涌熟食中心嘅室內大排檔，地下唔濕、非常光猛、環境寬敞，枱與枱之間有一定距離👍🏻雖然冇冷氣，但有好多把強力風扇👌🏻用QR code落單，上菜速度快，啱晒餓鬼😝① 菠蘿咕嚕肉 $108🔹份量好多，肉好大舊，炸衣唔會太厚；醬汁稠度好高，酸甜度恰到好處，酸酸甜甜好開胃② 沙嗲肥牛煲 $128🔹最鍾意呢道餸！上嚟嘅時候仲滾緊㗎！粉絲索晒啲汁，好惹味🤤金菇爽口，增加口感😋仲加入咗三色椒、菠蘿解膩🍍③ 蝦醬炒通菜 $98🔹通菜清脆爽口，蝦醬醇厚，非常夾④ 鮮蝦叉燒飯 $98🔹炒飯偏軟身及濕由佐敦/柯士甸站高鐵行過嚟都係4分鐘，唔怪得知嗰日去食都幾多遊客😮的確幾方便。去到嘅時候，我心諗：等我體驗一下遊客嚟香港都鍾意食啲咩🤣📍新肥泉海鮮大排檔 佐敦寶靈街17號官涌市政大廈2樓熟食中心

佐敦熟食中心有好多間大牌檔 今次試左其中一間叫新肥泉🍻環境幾闊落 好啱一班人聚餐 😚最緊要嘢食種類選擇多 有質素 份量多🤭小炒好夠鑊氣 鮑魚雞煲好足料😍❤️食物 8/10🐔鮑魚雞煲 $188一煲有5舊鮑魚 唔係好大粒 但絕對對得住呢個價錢😋好爽口雞件唔算好大 但都有好多件 而且好嫩滑 雞煲個汁調味唔錯 唔會太咸 好抵食！✨🦀避風塘軟殼蟹 $168份量超多 每舊都好大舊 即炸超脆🥰不過調味就略嫌唔夠重🙁🐮黑椒薯仔牛柳粒 $128🥔薯仔外層有薄薄嘅蜜糖味 外脆內軟 牛柳粒煙韌程度啱啱好 完全唔難咬 黑椒味都好足😎💛飲品🍺藍妹啤酒 $33🤎環境 7/10🤍服務 7/10

✨中女獨食難肥日誌 ✨新肥泉海鮮大排檔 中女食佐敦平時來這個熟食中心都是吃米線，今晚襯天氣還未算好熱來大排檔吃鑊氣小炒！黃金九肚魚有別於一般椒鹽九肚魚，黃金做法裹上一層咸香無比的咸蛋黃，唯有大叫膽固醇萬歲。內裡的九肚魚滑嫩而且無腥味！肥泉小炒王大大一碟小炒王鑊氣十足，有韭菜、鮮魷、蝦仁，腰果非常香口，蝦乾亦好有咸香。黑椒薯仔牛柳粒薯仔妹仔大過主人婆，一小口一塊，炸得香脆，外層裹上香甜蜜糖，超好味！避風塘軟殼蟹整整4隻軟殼蟹切半有8件！避風塘蒜香好夠，香脆惹味！七味豆腐粒豆腐粒堆成小山，一口一粒，外層香脆，內裡滑嫩！欖菜肉鬆炒四季豆想吃點菜，點了香口的欖菜炒四季豆，肉碎份量都好多，配飯一流！樽裝可樂大排檔一定要配樽裝可樂，爽快無比！📮地址: 新肥泉海鮮大排檔 佐敦寶靈街17號官涌市政大廈2樓熟食中心☎電話: 27304968

Ooo地道風味大排檔ooO大排檔係佐敦官涌街市上面，地方乾淨且食物有質素，今日就黎麻甩一下，好掛住大掛檔的鑊氣食物。 OooooO招牌豉椒炒大蜆 $138滿滿推成山型的豉汁炒蜆，肉身唔算太大勝在入味而且無沙，配啤酒一流。OooooO菠蘿拔絲咕嚕肉 $108炸皮幾薄咕嚕汁酸酸甜甜好開胃，菠蘿好香甜用上新鮮菠蘿，配白飯食岩晒。 OooooO蝦醬通菜炒鮮魷 $128通菜卜卜脆好爽，蝦醬唔會過咸夾鮮魷唔錯，最緊要係有鑊氣。 OooooO炸大腸 $108好耐無食既麻甩食物，大腸炸得幾乾身唔會好油，最重要係要配個酸甜汁食。 每道菜份量十足，適合一型人去飲酒食飯。  📍新肥泉海鮮大排檔👉🏻佐敦寶靈街17號官涌市政大廈2樓熟食中心 

好耐冇食大排檔，對上一次食已經係冬天去食羊腩煲🙈 以為去到會好熱 但嗰度啲大風扇風力好夠 吹落都好涼爽 而且環境都比想像中乾淨坐落好舒服👍🏻 不過原來而家大排檔都可以用Qr code下單，好方便快捷啊🥰 可愛bb鴿美味指數：👅👅👅👅 (4/5)好搞笑嘅名😂😂 乳鴿一上台就聞到好香，食落啖啖肉，仲有肉汁流出嚟！但外皮略嫌可以再脆卜卜啲🙈雪花和牛粒美味指數：👅👅👅👅/👅 (4.5/5)呢個真係唔錯😍 師傅炒得好有鑊氣，食落好軟腍，啲油脂會係口入邊化開🤤 呢個價錢有呢個質素真係唔錯，但係略嫌份量有啲少豉椒炒大蜆美味指數：👅👅👅👅/👅 (4.5/5)啲蜆粒粒都好大粒，份量好多，唔會有沙，粒粒都炒到好入味，而且保留到鮮味👍🏻 鍾意食海鮮嘅朋友一定要試！蒜蓉粉絲蒸鮮魷🦑美味指數：👅👅👅👅👅 (5/5)呢個係最好食的😙 好鍾意佢有爆多蒜蓉，魷魚唔會好韌，粉絲亦都好入味，夾埋一齊食超正😋😋📍新肥全海鮮海鮮大排檔 (佐敦)佐敦寶靈街17號官涌市政大廈2樓熟食中心

如果想食有鑊氣嘅小炒，超推薦呢間‼️欣賞佢哋嘅菜式惹味得黎又唔會太鹹而且街市入邊嘅大排檔，可以食到好多新鮮貨🤩注意佢哋無收茶錢，但需要加一💰魚露香煎金錢鱔 $168呢款好推薦鍾意食白鱔嘅朋友😍我自己好鍾意食白鱔，豉椒蒸、打邊爐、串燒我都好愛🤣佢哋呢度有得揀豉椒蒸或者魚露香煎～煎過嘅會香口啲！而且可以將油份逼出，相對冇咁膩❤️ps. 雖然佢寫香煎，但我覺得佢係炸🤣不過好食就好OK🥳招牌豉椒炒大蜆 $138呢個都係充滿大排檔風味嘅菜式🔥蜆肉新鮮！調味啱啱好，我好鍾意💕下次嚟都會再食！濃滾燙海味青菜煲 $118睇個樣好似好無味😳但食落又OK喎‼️好奇怪🤣入邊好多魷魚鬚、蝦仔、雜菇同埋雜菜，清清地幾好👍🏻仲有粉絲，好大煲，幾抵食‼️上湯伊麵 $25伊麵勁大碗，索咗湯之後更加大碗😂正常水準，多人share食好啲🤓

📍#新肥泉海鮮大排檔 (佐敦)佐敦寶靈街17號官涌市政大廈2樓熟食中心♡人均消費: $576 @ 2▪️▪️▪️▪️▪️▪️▪️▪️▪️▪️▪️▪️▪️▪️最近成日好想食海鮮同小炒，揀咗呢間位於佐敦嘅大排檔，環境都幾通風同涼爽，坐位寬敞又光猛。✨#韭黄瑤柱羹熱辣辣上枱，瑤柱幾多幾足料，整體幾好味。✨#鼓油皇大花蝦上枱前已經開左邊，令大花蝦更入味，蝦肉彈牙，又啖啖肉。✨#招牌香煎金錢膳 煎得好香好入味，口感帶點外脆內軟，不錯。✨#避風塘炒軟殼蟹軟殼蟹脆卜卜，好有蟹鮮味，好香口。✨#招牌XO鲍魚煲鮑魚口感彈牙 肉身飽滿大大隻，成個煲幾多配料 😉✨#金银蒜蒸巨蟶子上台時熱辣辣香噴噴，蟶子大隻爽口有咬口又唔韌，鮮香滋味❤️‍🔥▪️▪️▪️▪️▪️▪️▪️▪️▪️▪️▪️▪️▪️▪️

新肥泉海鮮大排檔位於佐敦官涌街市2樓熟食街市，距離西九龍高鐵站、柯士甸站同埋佐敦站只係5分鐘路程。呢啲特色嘅大排檔買少見少㗎啦，上到去嘅時候仔啊有濃厚嘅港式風味，今次叫咗唔少鑊氣小炒包括有豉椒炒蜆、啫啫豬潤雞煲、魚香茄子煲、椒鹽九肚魚、蝦醬通菜炒鮮魷、紅燒乳鴿！我就比較鍾意食椒鹽九肚魚，因為揸得好鬆脆條魚又唔會太老啲肉好鮮嫩添。蝦醬通菜鮮尢，有濃厚嘅蝦醬味，又有勁多魷魚！我哋見到師傅全部都係即叫即做鑊氣十足，有以前香港嘅風味！同埋好少喺鬧市裏邊仲有呢啲特色大排檔，大家真係要去試吓！

又到兄弟幫定期一聚既時間啦，今次約左去佐敦想食番d港式味道既野，第一時間就諗起大排檔既鑊氣小炒啦，見到間新肥泉海鮮大排檔係呢區都頗有名氣，就拉大隊去刷番餐勁既！上到去街市熟食中心上面，見到環境都幾好，成半層都係佢，每張枱都可以放得開d,吹水果陣大聲d都唔會怕口水飛去隔離枱啦，樓底又高又夠光猛，比出面地鋪既大排檔仲乾淨同通風，食都食得舒服啲呀。 講番我地食左咩先~白灼大海蝦隻隻都勁粗好大隻，肉質鮮甜彈牙，食得出既鮮味 椒鹽九肚魚外層炸得好鬆脆，炸粉厚度又恰度好處，外脆內滑既九肚魚係大排檔必點菜式 原隻炸子雞必食推介！size都幾大隻，雞皮炸到好脆面且沒有多餘既肥膏，肉質又鮮嫩，雞味濃郁！ 腐乳炒通菜通菜炒得好入味而且不會太淋，保持應有的爽脆口感，配上腐乳十分惹味 鼓汁蒸白鱔白鱔肉質細嫩，配上鼓汁蒸得入味，而且魚骨不會太多 西蘭花炒鮮魷鮮魷大火快炒後保持鮮嫩口感，不會有咀嚼擦子膠的感覺，翠綠的西蘭花亦很爽脆，一爽一嫩很好的配搭 鼓椒炒大蜆大大隻的蜆配上鼓椒的香辣令人胃口大開，火喉亦處理得非常好 肥泉小炒王大排檔不能缺少的當然係小炒王，呢間既小炒王的材料亦有改良過，加入了叉燒增加多一重既口感

✨肥泉小炒王小炒王材料包括蝦乾、魷魚、腰果，炒韭菜的香氣與蒜頭的味道融合在一起，入口爽脆惹味。✨當紅炸子雞原隻炸子雞雞皮金黃酥脆，內裡肉質鮮嫩多汁。✨白灼海大蝦大蝦鮮甜彈牙，用上生薑和蒜頭的簡單調味，保留了海鮮本身的鮮味。✨椒絲腐乳通菜椒絲腐乳的通菜爽脆可口。✨椒鹽九肚魚九肚魚肉質鮮嫩，外層炸得酥脆，椒鹽香氣撲鼻，蘸上喼汁將鮮味進一步提升。✨豉汁蒸白鱔白鱔肉質鮮嫩爽滑，加上豉汁蒸得剛好入味。✨西蘭花炒鮮魷魷魚新鮮爽彈，西蘭花翠嫩入味。✨豉椒炒大蜆大蜆鮮甜，豉椒惹味。