新澳咖啡餐室 (九龍灣工業中心) (已結業)

每一次午飯時間經過德福大廈後街，都會發覺有一間鮮藍色門口的餐廳拖著一大條人龍，為數大約二十人，可笑的是明明旁邊的餐廳都是有空位的有一次我終於下定決心係龍尾排隊，發覺人龍其實消失的速度很快，大約十五分鐘左右就已經有位入到去見到裝修唔算特别，都係普通茶餐廳一間，但有大約一半人都係食緊同一個飯，就係佢地招牌茶，XO醬叉燒炒蛋飯，咁我當然跟風叫從相片所見，炒蛋完全覆蓋成個飯，質地係屬於炒滑蛋，唔係煎香個一隻，配合XO醬同埋豉油，簡直係減肥人士的地獄，因爲一定會忍唔住將全部飯食哂個次之後，我每隔一段時間就會成為人龍的其中一分子

新澳茶餐廳開業已一段時間，但本人每次在來到九龍灣工業中心，都會自動波的走到去旁邊的麥記，所以這次是本人第一次光顧。一進店的第一感覺是很光鮮，環境挺舒適及帶有一點澳門的感覺。因此，這次想點一些澳門一點的食物最後點了漢堡扒通粉配炒蛋及豬仔包，炒蛋炒的很滑牛奶味濃，而豬仔包真的很香脆，十足澳門味道，配以茶走真的很搭配！另外的漢堡扒通粉則有點失色，漢堡扒味道正常但份量太小，而通粉則是我個人最不喜歡的小型通粉，但只可能是本人個人口味問題

一個平常的下午，午餐去左九龍灣公司附近的新澳。其實食過好多次，因友人十分喜歡吃果度的炸脾飯，有時係炸得幾靚。而我就比較偏向吃 XO叉燒蛋飯，其實飯餐就實在揀不下。沒關係，我就一直 XOXOXOXO。XO叉燒蛋飯，其實係 ok 的。蛋的份量好足，叉燒亦 ok 夠，但最近我發現個 XO 有啲唔同左，以及個飯油左好多，容易覺得膩。不過，作為午餐，就越飽越好啦。不過，長期排長龍，都替你開心。不過，態度就真係令人唔開心。多次被趕走，一個午餐被人趕三次。好啦，不如你講明你限時十五分鐘，咁我有心理準備麻。

平時排長龍的呢間藍色野，今日早左排隊終於食到，點左川味口水雞，同埋賣相好吸引的XO醬滑蛋葱花叉燒飯。口水雞個醬汁較得好好味，辣得好過隱，雖然雞肉好似醃得唔夠味，但整體餸飯一流。個xo醬滑蛋叉燒飯食落真係好得，每啖飯都有滑蛋，啲汁掛住喺滑蛋度，半熟狀態十分juicy , 叉燒係半肥瘦叉燒，成個飯好燶郁好香。下次有時間排隊再食過😋份量剛好，唔會嘥野，食完好滿足，打工仔回復工作動力，可以返去繼續工作了😂👍🏻

I came here at 2:30pm for lunch and I was planning on getting the XO sauce char siu scrambled egg with rice (L4 on the menu) and the mini French toast with peanut better paste (H27) but I’m glad I only got the rice cuz it was so filling. The XO sauce char siu omelette rice was $56HKD with a hot drink and it was huge 😮 It was basically a mountain of rice topped with a char siu omelette, garnished with XO sauce bits. The omelette was a bit runny, cooked in the way I like it, and it had big chunks

充滿能量的炒公仔麵公司係附近 成日都黎食晏 但今晚要OT 所以食個晚餐先開工呢間新澳 晏畫成日排長龍 夜晚8點鐘 九龍灣工廠區都爆棚？好想知道 係唔係個個都要OT 咁勤力？😂因為佢地餐牌好都好多野揀 揀左好耐 終於揀到個干炒牛肉公仔麵賣相我覺得好好 有蔥有紅椒絲 仲要芝麻係面 見到咁多顏色 真係胃口都好d 雖然炒公仔麵係好普通 但食到好食夠鍋氣夠色水既炒公仔麵唔係周圍都食到 新澳呢個炒公仔麵係我近期食到最滿意既一間。食完之後充滿能量 就番去做野了

真係食到一肚氣兼頭痛唔會再去已經食過好多次，次次個體驗唔差又唔係好就去食，因為嘢食係附近嚟講性價比係幾好，不過香港人，真係唔好咪又係第二日就唔記得就去咗=_=已經唔知第幾次食個招牌Xo醬叉蛋飯，係OK既，但本身個蛋唔係滑既，不用期望太多。出名係在於個XO醬同豉油（每碟一樽）。正常就咁既：（朋友個碟）我個碟：啲XO醬由一pat變得幾條咁款，係咪俾人偷食咗呀？個招牌XO醬喎？咁少都夠膽俾...所以我即刻問個姐姐點解我哩碟特別少？餐牌冇寫樣衰比少啲㗎喎！我：我碟飯啲XO醬咁少既？新澳姐姐（自己都唔好意思偷笑咗下）：下？哩啲師傅俾既我地控制唔到。我：唔係正常份量喎新澳姐姐：師傅俾㗎我地控制唔到，要加就要俾錢。我：下，唔係加，正常都唔係咁呀？你睇下隔離個碟？新澳姐姐：師傅控制㗎我地俾唔到。新澳姐姐好似復讀機講完就飄走咗...師傅俾冇得控制，但係你係咪可以同師傅講呀？我唔係要多，我要正常份量姐⋯⋯已經嬲嬲地既時候嚟咗我杯凍檸茶少冰，結果啲冰多到....本身杯茶已經凍到滴水，我都費事同新澳姐姐又討論師傅既問題佢控制唔到既問題，叫佢比個碗我自己控制啲冰既份量：）結果裝滿成個碗，杯茶就得返半杯，啲茶依然

除夕午飯黎咗呢度食，之前女友同同事黎過話ok好味，所以咁啱有個同事約食晏，就一行四人黎咗呢度！我哋12點3放飯就唔洗等都有位，但食到點鬆啲走時就有人龍了！我點了鮮茄燴蛋飯，係餐，要咗熱鴛鴦。 飯就無特別，正常，但我碟飯就有生米，唔知生定係放耐咗硬個隻，所以影響哂成碟飯🙄 好彩杯鴛鴦都ok⋯⋯至於同事們叫嘅xo醬滑蛋葱花叉燒飯，只係將xo醬放係蛋面，等寧願佢唔放。另外一個扮海南雞飯嘅海南雞飯，真係好麻麻。 我都無影相了。女友嘅咖哩牛肉飯，正常啦又係⋯⋯呢度都係食完就閃個隻，都啱嘅，大家都排隊食個晏😅但我就未必會再來，雖然好多選擇咁，但今次都叫咗成四樣嘢，無一樣特別正😐

今早難得有時間嘆個早餐至返工,午飯時間超長龍的新澳咖啡餐室。有人話早餐最好食d蛋白質豐富既食物,所以點左個香煎雞扒(香辣磨菇汁)配招牌炒蛋及牛油多士.盛惠$36.嘩~超足份量。炒蛋夠滑有蛋香。雞扒大件夾厚身外肉汁一切開即流出。絕對唔係,乾。硬。化個多士多厚而軟軟的奶茶~茶味比較重,唔加糖都入到口。是我喜歡的。如果喜歡奶味重的朋友落單時最好特別注明多奶啊

平時見中午呢間餐廳最多人排隊，一直想試下，但中午時段實在無機會🤦🏻‍♀️難得今日有時間食個tea 就黎試下，門口連招牌都無，平時無留意開都比較難搵。就茶記嚟講，呢間的確比較多人，5點幾都坐一半人以上， 沙粉面應該做得比較出色，因為現場多數人都係食抄粉面，自己第一次黎就食左佢招牌多士抄蛋拼漢堡扒賣相不錯熱奶茶好濃茶味😋啱晒我厚多士好味，如果脆啲就更加好炒蛋唔錯，係滑蛋黎，漢堡扒唔會好乾，但略嫌油膩下午茶都算多選擇另外呢到有做晚市，工廠區少有，下次試下再報告！

九龍灣吃午餐確實需要花一點時間，這間餐廳每次經過都很多人在等候，我和同事今天決定來湊熱鬧，幸好等待的時間比想像中短一點。餐廳內環境都不錯，感覺舒服，又不會太嘈吵，可能樓底夠高吧！店內很多店員，在繁忙時間，看到這境況不得不讚，他們非常勤快。今天我吃了”干炒豬扒意”炒得很香很好吃，重要是剛炒起便熱騰騰送上。另外，同事點了”粟米炸魚柳”及”海南雞飯”都說很好吃。真的很想說這個質素，在同區確實不多，就算有都不是這個價錢，怪不得那麼多人光顧。

我個人好鐘意食厚多士，所以間唔中都會撘車去食下澳牛，跟著有日上網見到開左呢間，就特登撘車揾黎食，多士係鬆化既，不過其他野就不值一提，如果當一個普通早餐冇其待咁去係唔錯，份量仲幾大，食完可以挨到下午茶先食都得

每逢lunch time就會見到呢度大排長龍，試過幾次想試但見到條隊都卻步！某日公司開會遲左，終於有機會下午茶時間黎了解下有啲咩魔力！入到去見到幾枱客都食緊XO醬叉燒芙蓉蛋飯，我都叫左個黎試超大碟，XO醬好香口，炒蛋又半生熟勁滑，入面仲包住好多厚切叉燒！伙記話枱上有支調過味既豉油，一定要落，試左一啖甜甜地幾正豉油撈飯果然係最佳拍檔！碟飯就真係太多，但都忍唔住食哂上面層蛋，好味另外叫埋西多九個人share, 砌九宮格岩岩好西多好厚，中間係搽滿花生醬既，一啲都唔馬虎架，仲炸到熱辣辣上枱添！雖然唔再係九龍灣番工，但都好想再番黎食呀

比我發現到一間好有水準嘅茶餐廳😍❤️唔知有無人同我一樣都係好鐘意食(好食嘅)茶記🤤通常去茶餐廳食lunch都係會食常餐/碟頭飯，點知比我見到依間嘅午餐menu竟然有口水雞飯😍😍😍😍😍😍😍😍😍😍😍😍😍碟口水雞份量唔算少，雞肉又非常嫩滑～白飯一啲都唔頹，係粒粒分明果種米飯🍚😙另外我地仲食左蕃茄燴炒蛋雞排飯，塊雞排都一樣好有驚喜🤩塊雞皮炸到脆卜卜架!!😆happy happy😝❤️

商場附近比較少茶餐廳，之前上網見到附近有間，於是去試吓！餐廳環境寬敞，座位唔算迫，員工態度算唔錯，比起老牌茶餐廳員工態度好好多！由於係下午茶時間，試咗下午茶餐，其中有我最愛嘅西多士拼雞翼，老公叫蕃茄炒蛋飯，佢都話好味！