新澳咖啡餐室 (九龍灣工業中心) (已結業)

今日去九龍灣做嘢，同事介紹附近有間新澳咖啡冰室嘅食物選擇多，就走去試下。今次點咗重量級爵士西冷牛扒餐配黑椒汁、XO醬豬扒炒公仔麵、啫啫通菜煲，飲品有紅豆冰、菠蘿冰。鐵板餐連香草忌廉湯同埋半隻牛油豬仔包，忌廉湯好味，牛油豬仔包好香脆。爵士西冷牛扒加埋黑椒汁，原來真係好好味，牛扒好冧而且牛味重，加上炸薯條及粟米、椰菜做配菜，一定食到飽。XO醬豬扒炒公仔麵就超有鑊氣，XO醬完全吊起曬公仔麵嘅味道，加上豬扒又多，抵食！啫啫通菜煲未上枱已經有好香嘅味道，打開左見入面鑊氣重，通菜完全入曬醬汁嘅味道。菠蘿冰同埋紅豆冰就係港式冰室傳統飲品，一定要叫嚟飲，十分解渴。

“XO醬雞扒炒公仔麵”($58)“重量級爵士西冷牛扒”($98)“冰凍檸蜜”(+$9)“冰凍檸樂”(+$9)其實個人都幾鍾意食港式冰室/茶餐廳😛九龍灣德福附近其實有好多呢啲餐室😆今次就嚟咗呢間叫新澳嘅餐室食嘢😝呢道菜式選擇超多🤩除咗一般茶餐,仲有各樣小炒,連水煮/酸菜嘢都有！最後都係揀返啲經典嘢🤣就係港式扒餐同炒公仔麵😙扒餐叫咗重量級爵士西冷牛扒🐮西冷大大塊😍食落去一啲都唔韌😋加上黑椒汁真係超襯🤤仲會配埋炸薯條🍟,牛油粟米粒🌽,西蘭花🥦,扒茄🍅跟餐仲包埋餐湯,餐包同七彩啫喱😍真係超飽超滿足😍另外就係XO醬雞扒炒公仔麵🐔呢碟又係超大碟🤣加咗XO醬炒個麵帶少少辣咁幾惹味😋仲有好多洋蔥,芽菜同芝麻,夠哂香口😙雞扒煎到個面脆脆地咁好正😆夜晚嚟食嘢仲每人送咗碗中湯😚我地得到嘅係青紅蘿蔔湯🥕🤣個湯飲落好清甜☺好飲到雖然已經好飽但啲蘿蔔都比我食哂😝

這晚於辦公室，搞得天昏地暗，終於可回家了 ... 但已太晚，幾個同事一塊兒要吃個便餐才回家，好吧，要做金主了，還好，這個晚上九時後只剩下茶餐廳的九龍灣工廈區，荷包還負擔得起！就這家吧，“新澳” ... 我們都點了這裏的招牌碟頭飯，“XO醬滑蛋蔥花蝦仁飯”，XO醬微辣，有蝦米及鹹魚仔，又香又惹味。但最神來之筆的，竟然是那瓶珠油，把蛋和飯提升到天堂的層次，至於本已有底味的蝦仁很爽口，證明處理過程十分認真，成件事由“內至外”到“外至內” 都口感一流，夠乾身的飯熱辣辣的，有軟滑、有辣、有香、有鮮甜，百感交雜，我那個可憐的老外同事更竟然說，他從來未吃過 這麼美味的碟頭飯，！我們也點了一個“蒜蓉炒油麥菜”來開心share，它雖然其貌不揚，但其實也炒得不錯，鑊氣、味道俱全，也勺了個芡，濃稠適中，把蒜蓉汁完美地掛在每條菜上。

今日去咗九龍灣新澳咖啡餐室食晚飯首先環境系一間地道港式茶餐廳，位置充足,乾淨整潔，服務態度好好，菜單種類多晚飯嗌咗鴛鴦扒皇，我揀咗雞扒同豬扒，肉很厚實,肥美仲好有嚼勁,配上黑椒汁,真系仲有配菜：薯條好脆，炸到岩岩好，白湯好濃好入味，最後仲有甜品啫喱，真係好抵食■食扒一定要系鐵板，呢點我真系好贊成■仲有牛扒下次想試試性價比好高,可以話又便宜又抵食!地址：新澳咖啡餐室 九龍灣宏開道15號 九龍灣工業中心地下3號鋪

晚餐-西冷牛排今天系九龍灣shopping，差唔多晚飯時間，經過新澳咖啡餐室，見到menu，就決定入去試下啦今日叫做一個西冷牛排，有d驚喜，一d都唔差過外面專門食扒的店鋪，一上菜，首先份量好足，聽到個咋咋聲，就好想食啦.配菜方面：覺得薯條好好食啊，卜卜脆主食西冷牛扒都好大塊，肉質感好好，加上黑椒汁，真系好好味啊，食完牛扒，仲有個甜品啫喱，真系好滿足，係一間港式茶餐廳可以食到咁好味嘅西冷牛扒，真係好滿意，值得大家一試地址：新澳咖啡餐室 九龍灣宏開道15號 九龍灣工業中心地下3號舖

出咗新嘢，無理由唔試下㗎🤭🤭我揀咗紅薯粉，鴨血，鮮魚片同魚蛋，中辣。個湯底唔係淨係得個麻字，辣度又ok喎...原來紅薯粉有人體所需要的鐵、鉀、鋅等微量元素，具有軟化血管、增強食慾、減肥胖、潤肌膚、美容顏、潤腸通便、防腸癌之功效，適合中老年人養生保健，更是女性朋友減肥養顏的理想食物。可以再食🤤

係九龍灣工業區都有好多餐廳食，今日lunch time黎到茶餐廳，本身想叫普通常餐，見有all day breakfast就一於試下茶餐廳風味既all day breakfast。All Day Breakfast: 招牌炒蛋/ 煎雙蛋配牛油多士雞排/ 豬排/ 牛排 (三選一)腸仔，茄汁豆，薯餅我就揀咗招牌炒蛋同雞排，招牌炒蛋幾滑身，都有蛋香味。三款排係茶餐廳通常揀雞排就最安全，因為無咁易老。Overall都幾抵食，因為都好大份，作為lunch 都真係食得好飽。不過呢到既服務就一般般啦，可能lunch hour咁多枱客，比較忙啦，但黎得茶餐廳對服務要求都唔會太高，所以都可以接受既。

今日去完德福shopping，想入敏華食蔥油豬扒蛋飯，點知表妹就叫我一齊落去德福大廈對面間新澳食。之前都食過幾次其實呢間杯奶茶真係好過敏華。 呢間侍應態度好有禮貌，問佢拎熱水浸餐具佢地都好樂意俾。個蔥油豬扒蛋飯味道都進步咗好多。今次真係好滿意，希望佢哋可以保持呢個水準啦

九龍灣新澳冰室, 中午Lunch time 一定大排長龍，最受歡迎嘅一定係「XO醬滑蛋蔥花飯」。今日咁啱要在這邊工作，就趁下午茶朝拜一下。已經過咗2:00 ，但係餐廳依然有八成客人，防疫措施還不錯，入門口量體溫，酒精搓手液必不可少。下午茶餐，選擇都有很多款，雞髀、三文治、沙律、西多不在話下，或者炒粉麵餐，平均都要40 -60。在工廠區來說，價錢不算便宜。「XO醬滑蛋蔥花叉燒飯」很大一碟，女士一定食唔晒，蛋味香濃，叉燒够肥，蛋嘅份量頗多，炒得滑身。還要配上秘製的豉油，豉油明顯經過調製，不會偏鹹，還有少少甜味。「蝦仁XO醬滑蛋蔥花飯」蝦仁很大粒，份量很多，的確係招牌飯奶茶方面，奶茶味偏淡，普普通通。2:30過後，餐廳還有很多客人不停地進入，看來很受歡迎，見到很多男士都是偏愛叫「滑蛋蔥花飯」，其他炒粉麵也很大碟，雖然價錢要50至$60 ，但係份量也是非常足夠。服務方面不過不失，姐姐們態度不算熱情，可能太多客人，做到很攰。雖然九龍灣工業區有很多餐廳，但是能夠做到客人絡繹不絕，品質和份量也是非常重要嘅因素。

九龍灣工業區夜晚9點都無乜選擇，見佢未關門就食啦。佢有生炸雞脾煎蛋飯都幾吸引，但咁夜又唔想食咁飽，都係食常餐。睇食評啲相炒蛋份量幾多就即管叫下。叫左「香煎豬扒出前一丁+炒蛋+蒜茸牛油多士+凍檸茶」。一上碟，整體賣相唔錯，但有樣唔係幾好就係塊豬扒浸係湯，最好其實放碟，話晒係「香煎」，浸湯點都有啲影響。先食多士。佢有多士或者豬仔包，但豬仔包佢唔係配奶油就揀多士。不過，都有食評話多士唔脆。可能夜晚唔太多人，有時間整，多士係脆嘅，蒜蓉夠香而牛油份量多，好味😋。炒蛋其實睇人啲相我預左係唔太好食嘅，因為佢係炒到熟晒。份量比起其他茶餐廳係多，亦都一如所料係熟晒，但佢炒得幾香，相信有調過味，可食用。但建議唔好炒到咁熟會加分好多。塊豬扒幾厚身亦煎得幾靚。肉質唔實，算叫煎得啱啱好，邊位肥膏位煎到脆口，食落口油香出晒黎，我重口味就最鐘意。麵就正常，不過不失，我鐘意少少透明嗰種程度，但佢唔係。成個餐都算好食，滿意，可以再食，下次試佢炸脾。

堂食叫咗份豬扒炒公仔麵，等咗25分鐘，叫侍應跟進下，佢話炒公仔麵係耐就走咗。再等多10分鐘先送到。但可能出面太多人等枱，侍應不停執枱，勁有壓力。等35分鐘，但食只可以用5分鐘咁🙄最後飲杯熱檸茶，侍應突然拉枱，好似迫你快d走！食物唔係特別好食，但態度超差，絕對唔會再去！

超厚多士面層烘得夠脆之餘亦享受到麵包的鬆軟感 好出色炒蛋好厚好滑但略嫌欠蛋香,但份量十足。而且鹹牛肉非常出色不似出面的茶餐廳炒埋落個蛋度,好濃味夠鹹香而且夠哂足料整體都好滿意 值得回頭奶茶香濃淳厚 但略欠細滑感

公眾假期走到位於九龍灣宏開道15號九龍灣工業中心地下3號舖的新澳咖啡餐室吃午餐， 一推開店門， 就嚇了我一跳， 竟然店內全是客人， 開頭以為這個位置公眾假期應該比較少人。 餐牌上菜式種類多， 最吸引我就是蔥油雞髀撈公仔麵$49和滑蛋牛肉飯$53， 飲品～凍咖啡$9和茶走。蔥油雞髀撈公仔麵～ 撈公仔麵味道甜甜的， 雞髀太乾， 口感偏硬。滑蛋牛肉飯～ 大大碟， 牛肉夠大塊， 滑蛋又滑又香， 送飯唔錯。凍咖啡～ 味道普通。茶走～ 口感香滑，好飲！整體感覺唔錯， 尤其是大大碟又好吃的滑蛋牛肉飯， 絕對可以一試。 新澳咖啡餐室 (九龍灣工業中心)地址: 九龍灣宏開道15號 九龍灣工業中心地下3號舖

新澳既早餐原來都幾多選擇，除咗傳統既麵食仲有熱香餅同薯餅👍🏻 特別鐘就意食佢個厚多士+豬仔包！厚多士既牛油完全溶化，豬仔包唔洗加錢，好啱食😚 裝修同環境都幾好，會想再黎☺️

小編今日心血來潮想搵間餐廳坐低興鬆下。夜晚7點左右經過呢間就抱住試下的心態入去。叫侍應推介，佢好細心問想食小菜定西餐。見餐牌有重量級爵士西冷牛扒。問呢個好唔好食，佢沒即刻話好，反而係講呢個幾大份下。最後order左呢個餐，要埋特飲奶茶紅豆冰。小編喜歡相機先食，侍應攞餐具過來好耐心企係度等我影埋先，超有禮貌。呢個為呢間餐廳加唔少分。小編好嘴刁。唔啱食的食左兩啖就會唔食。呢個西冷扒啱啱好，肉質好嫩，沒咩筋。好大塊。配埋黑椒汁啱啱好。粟米好甜，唔知廚師有沒落牛油，食落覺得有牛油香味。特飲奶茶紅豆冰都推介。奶茶好香，飲起來滑口，有飲台式奶茶感覺。小編第一次食曬一份牛扒餐，呢個餐值得推介。