新澳咖啡餐室 (九龍灣工業中心) (已結業)

公司一向叫開附近間新澳嘅下午餐外賣，但今日送錯野飲，平時如果自己嘅野飯錯都算，但杯野係同事嘅。打去問返聽電話嘅阿姐問可唔可以換返，點知佢聲大夾惡咁話：「我淨係聽到你叫兩杯XXX姐」然後佢就cut線... 嘩，落錯單仲可以咁惡😦⋯⋯雖然之後佢有位男同事就再打黎話會換返，但叫外賣送錯野咁少事阿姐都可以咁惡鬧返人，真係好難忘呀！明白香港人好大壓力，但我幫公司叫下午茶你送錯野仲要兇我，以後仲敢幫襯你咩😧

由於返工地點就係新澳樓上，所以由呢間分店開業至今已光顧早餐/晚飯不下十次。因為外賣自取速度都比較慢要等10-15分鐘，今朝見早早地就去新澳買個早餐外賣。每次外賣cashier短髮阿姐都會叫我地坐一陣等下至少要10分鐘，當我想坐低時有個阿姨同我講「外賣唔比坐，麻煩出去走廊等」。因為走廊經常有餐車出入位置比裡面更窄，加上今朝走廊有極惡臭嘅味道，我就搵個空位企，點知阿姨再係咁趕我地出去，態度極差。你連基本比人等外賣的位置都無，但又唔比人企係裡面，又唔比坐。老實講，我地叫外賣嘅人同堂食嘅人都同樣比一樣嘅錢，我見你仲有至少10個單人位又未有人等位所以先去坐，坐係度等並唔係恨坐你張櫈，係費事阻到你地做野，加上cashier阿姐叫我地坐先，而家仲比人趕咁款。買份早餐都要40蚊，比起附近餐廳嘅早餐定價貴，但外賣速度又比人慢，加埋員工態度差，已經無咩理由令我想再返黎。

以前每次睇戲睇早場，都係食麥當當早餐，今日想試下新野，黎左新澳食番個早餐。新澳既早餐選擇超級多，有選擇困難症既我，都係食番平日係麥當當食既早餐，哈哈！早餐係即叫即做，淨係熱辣辣已經贏麥記9條街，熱香餅糖醬成支俾埋你，鐘意落幾多都得，薯餅脆脆的，炒蛋又夠滑，仲有杯醒神啡，正！男朋友食呢個都ok，牛肉通粉，d牛肉唔會碎濕濕，不過略嫌咸左少少，浸番落通粉度會好少少，另外，脆豬都扣左少少分，因為整得燶左少少，所以有少少乾。總括黎講，30幾蚊價錢既早餐我覺得好滿足了。會再黎！

之前聽朋友講，呢間新澳幾好食，所以今日中午決定去呢度食飯。未到12：30，已經開始好多人排隊，入面亦已經坐滿人。等咗10分鐘到，终於可以入去店內，點餐後，等了5分鐘左右已經整好，真係好快。我同朋友叫咗個火腿三文治炒蛋連通心粉，新澳炒飯，西多士，雖然今次點嘅係一般的套餐，但係外表整得好漂亮，三文治亦切得好整齊，新澳炒飯係台的招牌飯，味道炒得剛剛好，唔油性，味道適中。不過量就一般，唔算多亦唔算少，我最鍾意的係厚身西多士，真係傳來陣陣香味，金黃色的外觀，已經好耐冇見過煮得咁爽口嘅西多士喇另外大部份餐都有連飲品，真係抵食呀我下次都要再約朋友去呢度食飯。

呢間餐廳新開咗一段時間㗎啦, 其實都食咗好多次㗎, 不過每次都要等好耐, 仲要人齊先可以入, 但佢同隔離嗰啲茶餐廳 比較. 食物嘅味道又真係幾好嘅, 啲嘢又熱又大份. 又好味, 今日又嚟咗呢度食, 等咗十幾分鐘, 終於入到去我哋一行2人, 每人要咗個set, 第一個上檯嘅就係, 常歺-多士雞扒麵佢個多士真係好好味, 好厚好鬆軟, 夾住煎蛋同埋火腿嚟食, 超正, 加埋個雞扒麵, 分量都好夠, 好飽.其實佢個厚多士可以選豬仔包嘅, 都好好味㗎. 嘢飲方面, 佢個凍檸茶, 裏面有蜜糖㗎, 連平時唔飲凍飲嘅友人都要叫嚟飲. 就可想言之幾多人LIKE LA

話說尋晚訓得唔好，今朝一早起身就出門返工。時間咁早，不如歎返個豐富早餐先去返工。九龍灣工廠區一早就有好多茶餐廳開門。呢間新澳中午時候經常都排長龍，唯有早餐黎試一試。港式茶餐廳早餐嘅經典組合，沙嗲牛肉面配炒滑蛋加蒜香豬仔包，再配一杯香滑熱奶茶，為完美的一天有個好開始

今日喺九龍灣睇戲，睇完都一點幾食晏時間嚕，周圍都好多人食野，諗住行遠啲睇下有無野食先，記得之前聽朋友講過話九龍灣工業區有間茶餐廳好好食，叫做新澳，，唔知同澳牛有無關係架呢？呢間茶餐廳一直都係我on list嘅餐廳裏面，不過一直都冇機會試，今日星期日唔知佢開唔開呢？去到竟然有開呀，仲要爆場，可想而知呢間茶餐廳幾受歡迎，見到呢間茶餐廳嘅客路幾廣闊，有一家大細，有一大班後生仔女，有情侶💑打開個Menu發覺都幾多選擇，有飯，有意粉，有麵，有常餐，有all day 🍳 真係你講得出嘅都有🤩🤩🤩我就嗌咗個豬扒炒公仔麵，想試吓間餐廳啲嘢食好唔好，就一定要試吓佢個炒公仔麵😜😜😜😜朋友話想食清清地，呢間茶餐廳又有啲清淡嘅嘢食，真係值得讚👍👍佢就叫咗嗰牛丸，魚旦米加碟菜😜😜😜我碟炒公仔麵好快就上枱，即刻試咗件豬扒，煎得啱啱好，好脆口，好入味，唔會好多肉鬆粉，咬落去好juicy，啲公仔麵都幾QQ，唔會話好濕！至於朋友碗雙丸米粉，佢話個魚蛋好好味，估唔到呢間茶餐廳啲魚蛋可以拍得住出邊啲麵檔🤩🤩🤩差唔多食完對面有對情侶坐低左，嗌左炸雞髀意粉同埋XO醬叉燒蛋飯，超出色囉，隻雞髀好大隻，下次嚟試吓先🤩🤩🤩🤩

呢間間中都有幫襯，次次食晏經過都好莫名其妙咁排曬長龍，所以唔係成日食。呢間新澳環境都算幾新淨，坐得幾舒服。今日放早得閒去咗食下午茶餐 ，叫咗個叉燒湯意粉+炒蛋多士，叉燒太韌有啲難咬得開，叉燒大大舊，幾抵食，意粉湯味道偏淡，唔夠味可以自己落啲調味。不過炒蛋多士水準ＯＫ，多士烘得夠燶，脆卜卜，炒蛋炒到啱啱好，唔係熟曬，仲好creamy，真係唔錯架。

天氣又熱，口淡淡，食左沙津加件包。睇完戲行過呢間餐廳，佢地既裝修特別，十分吸睛！ 試過後，唔單止個餐廳靚個味道仲好出色添友人食既生炸雞腿，唔單止滑嫩味道仲好好，脆卜卜，滑嫩嫩，豬仔推介！而豬仔食既生煎雞扒豬仔包本來沒太大既寄望，但雞扒同樣滑嫩，同醬汁非常夾。豬仔大愛，會再光顧

同事話有間新餐廳超人氣，名字叫「新澳咖啡餐室」，同事形容是佐敦「澳洲牛奶公司」的分店……筆者心中有疑問，真的是澳牛分店？上次跟同事去「新澳」只是12:10到，遲左十分鐘門口已大排長龍最後放棄了。今日跟同事準時12點到為達，就不用排隊可以直接入內。原來其中一店主為澳牛二代，所以夠膽用「新澳」作招牌。 店內裝潢以至餐牌跟澳牛並不相似，跟一般茶餐廳差不多，佈置裝潢加入不少本土味。這裡有超多食物選擇而且價錢合理，真係要多花時間才能作出決定。~午餐篇~【鮮茄燴蛋生炸雞脾飯 $55】 生炸雞脾是港式快餐店的代表食品，那外脆內嫩的口感，雞油一路食一路滴的口感，惟獨生炸雞髀才做到。生炸是傳統的做法，可惜生炸雞髀費時費工夫，生熟程度難於掌握，大部份師傅寧願穩打穩陣，轉變成滷水浸熟再落油炸熟炸雞髀。今時今日能夠真正做到生炸雞脾的食店不太多，因此「新澳」有生炸雞脾餐提供當然不能錯。 筆者對 「新澳」生炸雞髀有所保留，不似的生炸而成。外皮炸得過火，咬下去雞脾沒有任何肉汁，沒有滴油效果。生炸雞脾伴白飯、意粉或薯條是平常事，這裡竟然有鮮茄燴蛋配生炸雞脾飯真係有創意！這個蕃茄炒蛋比生炸雞脾真實，用上大半個新鮮蕃茄，

身為地頭蟲的我們這一家，媽媽已食過多次，年過六十的兩老極度推介。今日兩老約我食早餐，很久冇食茶記。這算是較新式的茶記，因為新，所以仍然很乾淨我大約十時三十分入座，餐廳竟有七成客人，這是星期四的早上啊！由於在工商區，沒有一家大細，師奶阿伯，只見咁多在職人士都好似唔駛返工咁，感覺佢地「蛇王」緊我們這一家在餐廳便突出起來，哈哈！阿媽話呢度既熱香餅好食過McDonald, 咁我又試下啦！果然不錯阿媽點左麥皮餐，佢已經食過好多次，話其他餐廳係落煉奶，而呢度落花奶！我又試一啖，又堅係wor!媽媽好嘴饞呢！而阿爸就叫左一個好豐富既餐，有豬仔包，煎雙蛋，仲有一碗牛肉麵，碗麵也是超大份量的！真係好抵呀！兩老話呢度煎蛋好食過炒蛋，睇落都係～說時遲那時快，到十一點，一班附近銀行工作的職員就入來食「早飯」，因為呢度早餐供應時間到十一時半，真係慳番好多架！唯一不足既地方就係洗手間很窄，我和媽媽不肥都要側身出入

相約瘦左朋友仔食lunch 派利是，因為咁岩大家喺附近返工，減肥朋友仔話附近有間茶餐廳好好味，所以就去試一試見住個餐牌，所有餐都好似好好食咁，我有選擇困難症㗎嘛，所以就叫我朋友幫我揀佢推介呢個XO醬叉燒芙蓉蛋咁上下嘅飯比我食佢話個精粹係個豉油汁，老老實實都真係幾唔錯，亦都冇諗過芙蓉蛋可以落XO醬，幾新鮮吖。嗰豉油好似出面煲仔飯嗰啲豉油咁，甜甜地又帶少少鹹味，啲蛋入面仲有蔥，叉燒又大嚿，嘩！正吖其實我覺得唔落豉油都有另外一種好味唔記得幾多錢因為我派利是，所以有人請我食飯哈哈

一行四人食早餐三份都要熟蛋有兩份黎左，等左二十分鐘第三份都冇黎，叫個女待應幫手追追，唔好意思都冇句第一句就超大聲話要即煎所以咁耐，咁點解同order要一樣既野又黎哂？之後再隔左十分鐘，叫個女待應再跟跟，因為已經等左成半個鐘其他人亦已經食哂，個待應竟然聲大夾惡話問你又話冇野爭，其實佢一路都冇問過，好似我係佢殺父仇人咁想殺人咁，之後仲四圍大大力上餐，亂移D枱枱櫈櫈，果然係武林高手如此同時隔離有個哥哥叫左個沙牛麵又係二十分鐘都冇黎，等到番工都就黎趕唔切，佢好聲好氣同個女待應講話你幫我cancel左佢，我趕住番工，個女待應唔好意思都冇聲就話'你咁樣我好難做喎'，不如咁你外賣拎走我免你一蚊，個哥哥都呆左因為根本唔夠時間食亦唔知要等多幾耐，你仲同我講平一蚊新澳同澳牛相比下澳牛d哥哥服務態度好好，價錢又唔係平，我真係唔會再去喇，如果你自問喜歡貼錢買難受比人SM都冇所謂就繼續去啦

下午2點半下午茶時間, 本身想去另一間, 但內部裝修中...唯有轉地點啦。迷你乾炒豬扒河($42):5......女仔嚟講都要細食嘅先覺得夠飽嘅, 但如果諗住用下午茶餐代替正餐嘅女仔呢, 就千祈唔好諗住夠食。男仔就更加唔使講啦。而且豬扒應該落咗鬆肉粉......茶走(跟餐):本身要求少甜, 但嚟到份量已經少咗, 而具仲要無少甜到, 飲咗半杯只好放棄......唉......成杯只有甜味, 飲唔出茶囉。如果唔係朋友推介, 其實都未必會留意到喱間鋪, 門面一啲都唔突出, 可能因為喺工廠大廈入面啦。

工作在九龍灣，雖然是食肆林立，午飯搵食還是廷傷腦筋。近日又有新店開張，大家都貪新鮮，攪到每天都大排長龍。所以決定兩點後才去，但仍然人頭湧湧，想必定有過人之處。1. 地方夠濶落2.食物品種夠齊全，煎炒煮炸樣樣区全。今天就試吓焗茄汁豬扒飯。焗饭首先看醬汁，算是不過不失，配有兩粒蕃茄和菠蘿，味道一般。其次香味，這就稍欠，皆因芝士吾夠。三是炒飯底，还可以，起码见到有蛋炒。最后當然是主角豬扒，兩塊豬扒，一塊帶骨，厚道適中，肉質夠腍。總體下次吾駛叫焗飯。