新泰東南亞餐廳 (興旺閣)

營業中

休息中

好耐冇見班同事 佢哋話同我補祝生日飯慶祝 喺公司附近食 呢條街不嬲都多嘢食 估唔到佢哋咁錫我揀咗一間咁靚嘅東南亞菜式餐廳 入面嘅佈置非常有泰國風味餐廳安排咗我哋喺二樓嘅窗邊位置去唔到旅行但係呢度已經充滿泰國氣氛我哋叫咗個芒果軟殼蟹米紙卷 芒果搭配軟殼蟹真係非常之好味 而且佢嘅醬汁調教非非常之唔錯 食起嚟唔會太鹹另外都叫咗個南瓜咖哩海鮮 係原個南瓜裏面裝住咖哩海鮮有魷魚 魚 青口 等等我哋仲叫咗個薄餅嚟配 呢度嘅薄餅比平時出面嘅油酥餅 更值得推介 唔會咁油膩而且夠脆 個咖喱汁超水準 唔會太辣 可能因為吸左南瓜甜味 食完又唔會口渴再要埋呢個烤雞配黃薑飯係呢度嘅餐廳經理推介 果然冇介紹錯 雞肉烤得非常之嫩裏面嘅黃薑飯好味 非常唔錯軟硬度適中唔會太林太硬 比較有驚喜係竟然伴碟嘅沙律咁好味 我仲要左個椰青沙冰 上檯就比佢外觀取悅左 再加埋清新沙冰 椰青味甜甜 太正

其實灣仔區有好多特色餐廳，但樓高三層嘅泰式餐館小妹就真係第一次見😲😲 「新泰」係港九新界都有分店，而灣仔哩間分店就係今年新開嘅，餐廳裝潢以木材為主，真係好似去咗泰國高級spa 店嘅感覺👍🏻越南烤蔗蝦 💰78前菜以蔗蝦開始，一客有4件，每件都係巨型烤蔗蝦，份量十足，而且蝦肉相當彈牙，外皮炸粉做得相當薄身，食完唔會成口油。越式燒春雞釀香茅黃飯 💰188哩個係「新泰」其中一個signature dishes ，真係相當出色，差唔多每張枱都見到有一碟。飽滿嘅燒春雞加金黃色嘅外表，睇見都流哂口水，一切開春雞，一陣香噴噴黃薑味即刻散發，入面滿滿嘅黃薑飯就湧出來啦。春雞好嫩滑又啖啖肉，旁邊嘅酸辣沙律可以中和油膩感。南瓜🎃焗咖喱海鮮 💰148以一整個南瓜作容器盛載海鮮咖喱，哩個咖喱汁比一般嘅來得更濃稠，而且甜味較重，相信係加咗南瓜蓉一齊煮所以比一般咖喱更香甜。海鮮配料相當豐富，有齊哂青口、魷魚、蝦🦐，加埋油酥餅無得頂呀！🏅🏅

限聚令終於放寬返做4個人啦，疫情亦都相對穩定返，係時候要約下啲姊妹敘舊😃由於太耐冇出嚟食飯聚舊，乜都想叫😂店員哥哥亦都好主動過嚟介紹餐牌有咩好食，店員哥哥話依度d蟹每日都新鮮返， 數量唔多。 今日我哋遲咗一步，已經賣哂....唯有叫其他野望梅止渴。今日叫左幾樣餸，等我重點講幾樣先😃越南蔗烤蝦粒粒超飽滿既蔗蝦， 外脆內軟， 非常札實蝦既底部仲擺左一d越式朦粉， 再配埋特調醬汁， 好解膩。越式燒春雞釀黃飯係店員推介下，叫左黎試，真係幾有驚喜. 雞肉好嫰滑又juicy ,再加埋黃飯一齊食，超滿足。側邊仲配埋酸酸甜甜既沙律，好開胃👍🏻👍🏻飯既份量又夠多，岩哂同枱大食朋友食返夠本。酥炸香茅魚賣相又係好吸引， 雖然佢係冇骨，但絕對唔係出邊嗰啲冰鮮魚柳。 酥脆得黎，仍然食到魚味南瓜焗咖喱海鮮配印度酥餅首先賣相非常之靚，仲要超級足料，裡面當然唔少得有南瓜肉， 青口，蝦，魷魚等.. 我就最鐘意食魷魚，彈牙爽口。 而咖喱就唔太辣，點埋脆卜卜既酥餅真係好夾😝

因為疫情關係都已經好耐冇去過旅行自然好掛住泰國嘅味道今次嚟到灣仔大王東街嘅新泰東南亞餐廳由於疫情關係好多餐廳都做緊外賣自取優惠新泰仲做緊八折入到佢個裝修好靚坐得好舒服連cushion都落足心思去設計地方好闊落適合聚餐菜單設計精美圖文並茂非常user friendly今次叫左三個野食，全部都有店鋪推介泰式柚子蝦沙律個汁酸酸甜甜，極度開胃主角柚子好甜，加上入面有洋蔥，炸蒜片撈埋一齊個口感會食極唔停口味會偏重之後叫左個小食香芒軟殼蟹米紙卷就咁睇見佢有8件，比出面食過嘅件數較多之餘，入面仲勁足料軟殼蟹同芒果嘅配搭真係冇得輸會加埋啲菜食落去感覺好清新蜜糖燒肋骨肉質帶小小肥肉入口滿滿油香配搭住有個酸辣嘅汁又係食唔停口非常野味

今晚同朋友慶祝生日🧚🏽，黎左一間好靚既泰國餐廳食晚飯！呢度環境幾靜，亦有好多特別嘅泰國裝飾。🎈我都幾鍾意食羊，就提議叫咗一個青咖喱羊架🧚🏻肉質好林，亦唔會有太大嘅羊蘇味。青咖喱比我想像中唔算太辣，味道啱啱好😋😋 朋友都好鍾意食呢🧚🏽🧚🏽小食米紙卷都好好味😊 有成8件，好夠分量😂😂 感覺好清新😋食到最後我們都好飽了，經理極力推介，叫我哋試埋佢嘅自家製甜品😌 呢個係：椰絲芋頭糯米糍！新鮮即做果然唔同d🤩原來入邊都有大量嘅椰絲，真材實料😎😎見到隔離枱有人慶祝生日，原來可以預早同餐廳安排，係甜品上寫字😯 好驚喜呢！雖然呢度對我來講遠咗少少😂，但都值得過黎既。下次再黎食要識做啦😏😏

肉骨茶冇乜藥材香味 咸咗啲但啲排骨肉幾淋肉同骨易分開 唔痴牙加$28飛天通菜份量係好細嘅 一人份量勁咸😂 師傅好重鹽吖金邊粉味道嘛嘛唔夠香又唔夠酸甜跟餐冇得選泰茶喱杯係港式奶茶好甜吓，而且冇茶香仲有澀味添☹️另外加咗個青咖喱牛同蒜蓉包青咖喱唔夠香 牛肉好韌、韌到咬唔到蒜蓉包夠脆 但唔香蒜味佢搬咗都搵番佢嚟食但係真係差咗好多吖...明明之前感覺好好味架嘛😩不過泰侍應姐姐啲態度好好☺️加分食物質素唔掂又少一間可以選擇喇😭

同男朋友約左食新泰，一出地鐵站行5分鐘，係大押轉個彎就見到，三層好顯眼✨餐廳裝修新淨，環境真係十足十係泰國咁，啲枱同地下都好乾淨無油跡坐得好舒服，唔會好似第二啲餐廳座位同座位近到聽到隔離枱傾計餐廳經理同員工都好好服務態度，仲會主動介紹野食柚子蝦沙律 $98名乎其實，每一口都有柚子同蝦，酸得黎又有啲甜，🦐蝦新鮮彈牙仲有小小辣椒平衡成個味，作為前菜勁開胃無得頂冰鎮翡翠螺 $78🤩一上到黎真係嚇親，有成4、5隻手指咁大既螺啲螺有成節手指咁長，好彈牙好新鮮伴碟個泰式汁酸酸甜甜將個螺既鮮味帶出，好正！💯💯💯個翡翠螺真係好高質，必叫！串燒（牛、雞、豬）$88三款都好正，🔥燒得火喉岩岩好，抵讚！肉好juicy唔乾個人最鍾意牛，🐮好重牛味，個沙嗲汁甜甜地開胃之餘又唔會膩，真係想叫多幾串馬沙拉咖哩、印度酥餅 $88,$32唔想食飯，叫左酥餅點咖喱，覺得仲正過飯酥餅熱辣辣咁上，傾左一陣計先食都仲好軟熟唔會淋哂🥘因為係馬沙拉咖哩所以唔食辣既人都食得香料味一般般但都唔錯芒果沙冰 $38 椰青 $45❄️芒果沙冰好香芒果味同夠凍！椰青新鮮好飲，椰肉好食haha泰式甜品小拼盆 $88🥳款款都好正！個千層糕一流，聽講

好掛住泰國, 而家冇得去旅行, 唯有食番餐豐富嘅泰菜, 又係食咗當去咗! 朋友介紹去 新泰 食泰菜。餐廳裝修充滿泰式優雅, 侍應全部係泰國人, 令人彷如置身泰國做緊spa一樣！燒鱔微微燒焦, 香氣撲鼻, 燒鱔共有四串, 肥美肉厚, 外皮香脆, 肉質結實唔散, 煙韌爽脆, 有濃郁鱔味！鐵板蠔仔炒蛋鐵板上碟熱力四射, 蠔仔size大粒, 口感嫩滑, 濃沃醇厚有蠔味, 配上炒蛋嫩滑可口, 加上墊底粗粒芽菜, 十分有飽足感！芒果沙冰新鮮芒果肉打蓉造沙冰, 幼滑可口, 冰涼解渴, 充滿天然芒果鮮甜味道！

灣仔大王東街好多嘢食, 今日行過見到呢間泰國菜館, 樓高三層, 深具氣勢, 很有泰式情調, 非常型格, 喺灣仔十分罕有。冬陰功（細）材料豐富有鮮蝦、蘑菇、香茅、香料。味道偏酸帶微辣, 十分醒胃, 細碗巳夠兩個人份量。越式蟹肉炒粉絲粉絲炒得很有鑊氣, 十分惹味, 加上蟹肉鮮甜有質感, 無骨啖啖肉, 大快朵頤！芒果糯米飯必食甜品, 芒果時令酸中帶甜, 切成粒狀方便進食, 糯米飯有紅白兩款, 淋上稠身椰汁醬和芒果一齊食, 完美融合非常絕配！熱香茅茶消滯減膩, 幫助腸胃消化, 味道帶有淡淡清香, 清新口腔, 呷一口潤喉暖胃暖身！

我最喜歡和親友到《新泰東南亞餐廳》，他們位於灣仔和尖沙咀的分店非常方便。昨晚是我第一次到訪他們在東大街三層高的新店。我很喜歡他們店內的擺設和裝修，真好似身在泰國一樣，好放鬆有放假般的休閒感覺。我十分滿意他們的菜單，超多選擇，一定能找到你的心頭好。食物質素高，新鮮好味，份量適中。可以用大滿足形容。服務員態度友善，令客人有歸屬感。我最喜歡青咖哩配薄餅，椰青，BBQ食物，前菜：蔗蝦，春卷，沙律等極力推薦這餐廳給大家

泰國餐廳在香港多的是。新泰係一間令我想再次回味同分享俾朋友嘅餐廳😋 灣仔大王東街係新分店，樓高三層，一轉彎就可以認到。餐廳嘅裝修依然係充滿異國風情。😎 我地被安排到一張四人枱，方便我地放埋shopping既戰利品😹小食：香芒軟殼蟹米紙卷賣相好精緻🤩 由於佢材料好多款式，所以口感好豐富！雖然軟殼蟹係炸既，但芒果中和左肥膩嘅感覺👍🏻 食多幾件都OK！BBQ燒蒜蓉帶子帶子都大粒而且有鮮味！配合蒜蓉黎燒，味道唔錯。我覺得可以落少d蒜蓉，咁就唔會遮蓋左帶子既鮮味！蒜蓉炒貴妃苗依個貴妃苗真係不得了，味道好清甜，正😛主菜：青咖喱羊架食得咁多前菜，已經開始有啲飽飽地😂但依個羊架實在太好味。我地又開放左另一個胃 哈哈食咗咁多嘢，有埋飲品，係超級滿足既一晚😋

最中意嘅泰國餐廳一定係新泰! 點解？因為價錢實在，服務態度好，食物正宗有特色 作為fans就當然要嚟食下新開冇耐嘅大王東街分店啦，成3層高好好坐真係好適合同朋友一齊嚟，😃 我哋就叫左個烤庶蝦做小食🙉蝦肉十分彈牙，外層好香脆仲要唔油！下面仲有d檬粉添，可以加番個汁撈埋食🥳🥳另外叫左馬拉盞炒通菜😻有鑊氣得嚟亦唔會太油，撈飯一流😋主食叫左個signature grilled chicken with lemongrass rice 🍚 春雞好大只下，入面d飯真係精粹，吸哂雞汁同好足嘅香料味！而雞肉仲幾嫩滑🤩仲有side salad 可以轉下口味，refresh 下添👏🏻👏🏻

良久冇外出食飯，今日就嚟新開2個月左右嘅新泰大快朵頤😁.食泰菜少不得叫青木瓜沙律🥗 食落清爽開胃，加上花生碎一齊食，口感豐富，而且有d酸酸辣辣😋.主食叫左個燒西冷😁 叫左5成，燒得剛剛好呀！肉味香濃，點上特制醬汁味道更有層次😻下面仲有酸蘿蔔可以清清個肉嘅膩，再繼續食落去呀.泰式燒雞配香茅飯😍😍 首先個presentation真心靚！仲有配上豆苗嘅沙律，非常之豐富🤩燒雞肉嫩嫩，入面d飯好香香茅味，又吸哂d雞汁添🥳.

此餐廳分店原來新開無幾耐。環境非常寬敞，坐得舒適。裝飾幾優美，野食亦唔錯！1.越式蟹肉炒粉絲即叫即整，粉絲熱力夠特別好食。辣辣地好惹味。蟹肉唔係碎濕濕，係成條！好多好足料。仲有扎肉、黃椒絲、青椒絲、洋蔥、芽菜、唐芹一齊炒，材料多味道豐富。2.馬沙拉咖喱3.印度酥餅咖喱唔太辣，甜甜地，幾香。叫左咖喱配牛肉，但食落兩者混合感覺膻味稍為重。咖喱配料有薯仔，蕃茄仔，青椒，材料都新鮮，質感好，爽口。配印度酥餅食幾配合。環境：光暗氣氛好好。坐得好舒服，有cushion墊。服務又好，職員成日會幫手埋黎加水。餐牌：

今次第二次食這間，上次食時諗緊叫泰式海南雞飯好定黃咖喱海鮮配白飯好，嗰次選了黃咖喱海鮮，所以今次食海南雞，見佢個賣相幾靚仔，另外跟餐加錢轉了杯椰汁冰，上餐唔算快，要D時間，上到枱賣相ok的，有一格放蔬菜，健康啲，個湯比較清淡，啲雞唔夠滑，有D似食緊白切雞，我覺得好一般有啲失望，可能我期望過高，個椰汁冰都係一般，無咩特別，整體而言，環境係幾好，但這個餐我覺得好一般，下次唔會再叫佢，會試吓第二啲款式.