新泰東南亞餐廳 (興旺閣)

營業中

休息中

灣仔大王東街好多嘢食, 今日行過見到呢間泰國菜館, 樓高三層, 深具氣勢, 很有泰式情調, 非常型格, 喺灣仔十分罕有。冬陰功（細）材料豐富有鮮蝦、蘑菇、香茅、香料。味道偏酸帶微辣, 十分醒胃, 細碗巳夠兩個人份量。越式蟹肉炒粉絲粉絲炒得很有鑊氣, 十分惹味, 加上蟹肉鮮甜有質感, 無骨啖啖肉, 大快朵頤！芒果糯米飯必食甜品, 芒果時令酸中帶甜, 切成粒狀方便進食, 糯米飯有紅白兩款, 淋上稠身椰汁醬和芒果一齊食, 完美融合非常絕配！熱香茅茶消滯減膩, 幫助腸胃消化, 味道帶有淡淡清香, 清新口腔, 呷一口潤喉暖胃暖身！