新泰東南亞餐廳 (興旺閣)

營業中

休息中

位於大王東街嘅新泰有3層，地方非常闊落。餐牌有好多嘢都好吸引，但我哋兩個人只可以叫幾款嘢食。先嚟一個冬陰功湯，唔會好辣所以我可以飲到。叫咗一碗細嘅，都夠每人飲兩碗。泰國菜唔少得燒魚，有烏頭同鱸魚可以選擇。我揀咗爐魚，啲魚肉比較滑。魚肚放有九層塔，點埋個酸辣汁又香又好味。咖喱軟殼蟹麵包，軟殼蟹沾咗咖喱汁都保持到脆口。周圍仲有新鮮焗起的麵包，點咖喱汁食真係超正。本來諗住叫甜品食，但實在太豐富了，已經好飽。下次要叫多幾個朋友嚟食多啲唔同嘅嘢。