新泰東南亞餐廳

營業中

休息中

.🔖 新泰東南亞餐廳 | 𝑻𝒔𝒊𝒎 𝑺𝒉𝒂 𝑻𝒔𝒖𝒊呢間係CP值超高嘅泰國餐廳～ 已經食過好多次，價錢唔貴而食物份量都Keep到好大份，性價比好高！🤓食過幾間分店，覺得尖沙咀K11對面呢間位置夠大，坐得最舒服。🙌🏻.泰式生蝦係每次必嗌嘅，冰鎮生蝦好新鮮，最鍾意配埋個醬汁食，酸酸甜甜又夠爽口🫰🏻。菠蘿炒飯又係要推介，炒飯原個菠蘿上，仲要多到就滿瀉。亦都好足料，有菠蘿、鮮蝦、提子乾等等，配埋肉鬆同腰果食口感再提升～☺️.今次第一次叫冬陰功雞煲，估唔到係原個冬陰功湯上，再有啲雞件係入面。個冬陰功湯酸辣適中，香料味濃，越飲越開胃～ 芒果糯米飯有驚喜！黑糯米同白糯米軟糯，配上熱熱地嘅椰汁，唔會過甜。而且芒果好香，呢個甜品食完好滿足！👅* 冬陰雞煲 $168* 泰式菠蘿炒飯 $118* 泰式生蝦 $98* 芒果糯米飯 $68

如果紅雨又想食泰菜點算好？去九龍城實由頭濕到落腳😵‍💫朋友提議改去尖東站一出就係既新泰，唔怕腳程太耐。去到門口等位實在人山人海😱唔通個個都有相同既諗法？好彩有booking唔洗等。地庫先係餐廳既所在地，佔地夠晒大，二人撐枱腳至十幾人既VIP房都一應俱全。食物選擇超多，以泰、越式為主，於是就嗌左呢啲：冬蔭功湯（小）$78比較重口味既冬蔭功，酸辣鹹味都夠，仲有兩隻蝦，嗜辣者一定覺得大滿足！😋肉碎生菜包 $72爽脆既生菜包住炒香既肉碎，帶點酸辣係醒胃既，除左傳統既豬肉碎，仲可以轉雞肉，另外仲有鴨鬆既選擇，下次認真要再試埋。泰式青咖喱牛 $88青咖喱辣度稍為遷就左港人口味，唔算係辣到流鼻水，但青咖喱既材料都好齊全，泰式茄子都入晒味，又有勁多塊牛肉唔吝嗇。蒜蓉包 $32、油飯 $28有濃濃既青咖喱，梗係點埋蒜蓉包同油飯撈埋汁先功德圓滿🤣龍眼冰 $38、Singha drought beer(pint) $68食咁多辣野，有大大杯野飲解辣一流！🍹🍺

其中一個鄉下泰國，唔知幾時有得去，但有得食更係要食左先。朋友話呢間泰菜一定要試，因為多嘢食，風味足，最重要啱食又大眾化價錢。今日終於約到，更係同朋友黎食。其實6：30黎到算早，但竟然都好多人，坐滿一半啦，再晏啲已要等位。小食永遠最吸引，咩都想試，所以叫左軟殼蟹米紙卷小食拼盤：春卷，蝦餅，魚餅，生菜包。 哈，其實都唔算小食，成個正餐咁。當然要飲冬蔭公湯，我地叫左椰青冬蔭公竟然辣中帶有清甜既椰青，好好味。 佢除左入面有啲海鮮，仲有好好椰青肉，感覺幾得意，可以飲多幾碗。然後仲有南瓜咖哩海鮮，我地再叫左個薄餅疫情我見都有人教過呢類南瓜煲可自己整，但我覺得整呢種南瓜煲真係藝術，係心機菜。 而且可以咁多料又咁入味，都係要出街先會食到。 仲要配埋個薄餅，真係一流。朋友再叫多個芒果沙冰，成餐飯真係好完滿。 下次要約多啲人一齊黎再食過。

今晚好開心，可以出尖沙咀同朋友食飯。尖沙咀餐廳多數都比較貴，但呢間泰國野都真係幾平，有啲仲平過九龍城。好似生菜包咁，呢度只係$72，抵到爛飲品叫咗椰青同椰青沙冰，兩個都係勁滿，幾鍾意佢個沙冰，好有椰奶香味🤭冬陰公叫咗個細份，裡面好足料，有兩隻蝦同好多菇，同埋好夠香料味❤️超正豬頸肉係一定要叫，好爽，點埋個汁真係好正生菜包，好鍾意佢個豬肉，夠辣同埋有少少濕濕地，配埋落生菜一齊食就唔會乾呢碟肉碎炒飯份量勁多，同埋好好味，仲要炒得好乾身，好有驚喜，下次會再叫燒西冷牛扒，份量大，同埋都燒得岩岩好，唔會話好老甜品叫咗個細併盤，最好食係西米露，其他都正正常常最後想讚真係呢度好平，我地三個人食都只係800幾蚊，叫咗成十款野咁濟。同埋員工係泰國人，好有去咗泰國嘅感覺，希望呢班係香港嘅泰國人可以係香港繼續開多啲泰國餐廳🤭

返工真係令人好疲乏，唯有美食能夠治愈人心。返完一日工，夜晚同朋友去咗尖沙咀嘅新泰食東南亞嘢。其實新泰個名本身就響噹噹，每次經過尖咀呢間分店都會見到有人喺出面等緊位，好彩係平日嘅夜晚，我哋等咗唔算好耐就可以入去。人多叫嘢食就係好，可以試多幾樣嘢。芒果軟殼蟹紙米卷，係我每次食東南亞餐廳嘅必嗌之選，呢樣嘢基本上好難整得唔好食。燒豬頸肉，不用多說，邪惡之物好好食。食東南亞嘢或者泰國嘢搵唔到唔飲椰青嘅理由。朋友極力推介嘅泰式濕炒海鮮河，係我人生首試濕炒河粉，味道都唔錯。拼盤，有蝦餅、春卷、魚餅、生菜包豬肉，啱晒啲貪心嘅人。青咖喱雞肉，其實咖喱來講我自己係黃咖喱派，不過朋友鍾意食青咖喱，味道都OK。咖喱嘅靈魂伴侶——印度酥餅，好難唔好食喎。好滿足嘅一餐，以芒果椰汁糯米飯作結😋

約咗朋友尖沙咀食嘢，地鐵上地面勁大雨，嗱嗱聲隨便搵咗間泰國嘢🤭意外地好食，而且價錢唔貴，份量大，好抵食!串燒 $88/6串有得揀豬//牛//雞。我哋揀咗雞同牛各3串，份量真係好多。本身已有沙嗲醬，唔洗特別加醬都好好食。好好食☺️特別係雞肉肉質嫩滑，好好食🍢燒豬頸肉 $78肥瘦混雜，油花分布均勻😛勁有咬口。外層烤至焦脆，好香口，仲配左一個酸辣汁，酸酸辣辣好惹味燒西冷牛扒 $118以為佢係原塊上，原來好貼心咁幫大家切好咗，份量都好大，啖啖肉，入面仲係粉紅色，好軟熟，牛味重易入口，底部仲有少少醃製青瓜、蘿蔔，中和油膩。肉碎生菜包 $72食泰國嘢一定要食生菜包🤭酸酸地好開胃，肉碎份量都唔少，配上新鮮生菜~如果再辣少少就更加正！香草肉碎炒飯 $75飯底粒粒分明，炒得好乾身，辣味十足，鍾意食辣嘅朋友仔一定要試吓🤭泰珍珠椰菜苗炒香菇 $85椰菜苗嫩，細細棵，除咗椰菜苗之外仲有菇，醬汁方面唔算太燶味，其他咁濃味個菜淡啲就啱🥬甜品小拼盆 $88有齊椰汁糕、大菜糕、千層糕，仲有比較少見嘅椰青班戟，款款椰汁味香濃😋❤️比較特別係椰青班戟，外層煎至微焦，食落嗰陣暖笠笠，而且脆脆地!冬蔭功 $78味道偏向辣，入面有

🔸串燒 $88/6串可以揀豬、牛、雞。我哋揀咗雞同牛各3串，每串到份量唔少啖啖肉！沙嗲醬唔會太濃，點埋一齊食非常惹味！🔸燒豬頸肉 $78有咬口而且好香，肉唔算太肥，燒汁有啲甜配埋個酸辣汁口感非常豐富！🔸燒西冷牛扒 $118牛肉燒得啱啱好medium，入面仲係淡粉紅色，口感好軟淋，牛味重而且份量好多，高質！底部嘅醃製青瓜同蘿蔔條非常清爽同脆口，可以中和下牛肉嘅膩感🔸肉碎生菜包 $72泰國菜必食生菜包！一樣都係可以揀豬肉或者雞肉，我哋就揀咗豬肉，豬肉碎肥瘦適中，微酸好開胃，生菜都好爽口新鮮！🔸香草肉碎炒飯 $75飯炒得粒粒分明好乾身，辣味十足，我哋揀咗雞肉感覺健康啲（自欺欺人）。超級多嘅九層塔同埋辣椒，又香又辣超級正！🔸泰珍珠椰菜苗炒香菇 $85椰菜苗好嫩，配埋泰式醬汁炒食落非常之爽口！我哋超級快就清晒成碟菜，真心幾惹味！🔸泰式甜品拼盤 細 $88分別有椰汁糕、大菜糕、千層糕，同埋椰青班戟（第一次食！），每一款上面都有一層龍口嘅椰汁，好正！椰青班戟好特別，外皮香脆，裏面creamy但仲有椰子肉粒脆脆嘅口感，又幾過癮！🔸冬陰功 細 $78湯嘅味道偏重酸辣但幾creamy，香茅味都好出，幾正宗

呢間泰國菜已經食過好多次因為佢卡位好大 4個人食飯真係坐得好舒服我超中意佢呢度既泰式乾炒河真係好有鑊氣好好味生菜包都好好味 我每次都會叫的街邊豬肉串同豬頸肉都好好味 都系好推薦的鹽燒魚就一時時 有時太乾燒得 今次就乾左啲咖哩農夫包軟殼蟹就好味 個咖喱好好味 都係每次必點的生蝦好夠凍 好爽口 個辣汁好味仲有佢既椰青沙冰都好好味我自己就最愛飲佢既椰青 次次都甘清甜😋佢個青咖喱都好味 咖哩炒蟹都好味香葉肉碎飯同豬頸肉沙律都好味仲有佢個冬陰功都好好味咖炒絲蟹煲同奶油大蝦就一般 燒牛肉同魷魚筒直頭難食😂

It took more than 1h to serve the daily menu dishes and the Thai servers did not feel sorry about it and acted very badly.The food quality is below average, bit like Cafe de Coral. Only a few slices of chicken in the signature curry dish. I can hardly believe so many people rated 5 stars.

終於放假啦！Happy Thursday 當然要去食下好野啦，天氣開始熱就好想食泰國嘢，今晚去咗尖沙咀加拿芬道嘅新泰。椒鹽軟殼蟹（$78）平時成日叫小食拼盤，今次試新嘢，份量唔算太多，大概有七至八件，好香脆惹味！燒豬頸肉沙律（$72）以為係一盤撈好嘅沙律，原來同生菜包一樣係要自己包㗎！不過好足料，燒豬頸肉嘅油分同洋蔥、生菜嘅清新平衡返，可以食多幾包。鴨肉生菜包（$78）個人最愛幾多道菜，爽脆嘅生菜包住炒香肉碎，好有滿足感！青檸蒸魚（$168）今次揀咗蒸烏頭，肉質比較厚又滑，唔會太多骨，好啱鍾意啖啖肉嘅我！入口有青檸嘅清香加埋香茅、金不換同唔同香料嘅香氣，上菜係用明爐上，一路食都可以保持住熱度，另外會有一碗酸辣湯汁，當煮到有少少乾嘅時候可以因應自己口味加少少湯汁。菠蘿沙冰（$38）出面天氣太熱啦，一定要飲沙冰，呢度有好多款沙冰揀，最後我揀咗一定甜嘅菠蘿version，泰國椰青（$45）必點飲品之一，鑽石泰國椰青有得飲有得食椰肉，下次要再飲椰青沙冰！芒果糯米飯（$68）泰國嘅甜品一定唔少得芒果糯米飯，軟糯黑糯米同傳統白糯米飯上面淋咗暖暖嘅椰汁同芝麻，雖然芒果唔算太甜，但食到芒果糯米飯覺得自

疫情兩年黎望穿秋水都未等到可以去泰國旅行呢排實在太掛住，即刻約咗個friend 食下呢間成日排長龍嘅新泰。想講每次想walkin 都幾難等位，今次終於食到！原來入面咁大咁多位，見到仲有vip room。點解可以仲有咁多人排，心諗真係咁好食？本身以為燒豬頸肉沙律係凍食個種，點知同生菜包係friend。唔緊要，我同個friend 一人一個私家生菜籃仲開心。講返個餡，燒豬頸肉係會用埋d 金不換之類嘅香料炒，勁香！雖然油d，用生菜包住食fresh 好多。第一次食鴨肉鬆嘅生菜包，估唔到d 鴨味嘅生菜包都幾match，唔錯嘅創新口味。用咗好多蒜粒加青紅椒炒，好惹味喎！我覺得送啤酒一定好正！不過嗰日冇叫到酒今次個主菜就係明爐烏頭！就係呢種酸酸辣辣嘅味道，仲有下面個火滾住條魚熱辣辣，醒胃又鮮味，好有曼谷夜市大排檔整嘅風味，係可以一解思鄉之愁。其實我成餐最期待就係佢，一上枱噴煙嘅？原來d 糯米紫米飯都係熱上，連個椰汁都係熱架！食落係比平時香勁多倍！加上酸酸甜甜嘅芒果，我覺得個糯米飯係呢間餐廳必點嘅選擇！飲埋個清新嘅椰青，刮埋d 椰肉食，真係心諗幾時先可以去到泰國？

工作好攰既一日，我地揀左泰國菜叉一叉電，佢地環境舒適，坐得好好。之前朋友食過，唔錯，佢推介我地今次去食。今個星期開始要打第三針先入得餐廳，縱然係咁，這個平日的晚上都唔少人等位。我們等了15分鐘才入得。店員安排了呢張好有的枱比我們，有咕臣，對於番左成日工的我們真係好正。餐牌選擇都好多掙扎咗一輪，我們見叫了鐵板蠔仔炒蛋、麵包焗咖喱軟殼蟹、串燒糯米飯、印度薄餅、加一個白飯。先上的是鐵板蠔仔炒蛋鐵板新鮮燒起，香脆唔肥膩，除左蛋同蠔仔仲有粗身芽菜。跟住上的是串燒糯米飯串燒豬肉嫩滑多汁、醬汁香辣野味👍🏻糯米飯絕對夠一人量麵包焗咖喱軟殼蟹呢個係有蛋既黃咖喱軟殼蟹麵包，同我以前食開的味道都差唔多，香而不辣，份量都好足。為左送咖喱，我們叫了白飯、仲有印度薄餅。白飯係粒粒分明，印度薄餅好香脆。總體今晚晚餐好美味、坐得好舒適，環境一流，下次再試下其他餸菜

金碧輝煌的裝橫，店鋪裝飾好霸氣。寬敞的店門，入去要行一層樓梯。落到負一樓，個環境好有泰國feel。好似去左炎熱夏天的泰國，散發著清爽乾淨。.椒鹽軟殼蟹 $78酥脆軟殼蟹，帶有椒鹽咸香，口感外酥內嫩，美味誘人。份量都唔少，適合多人一齊食。.飛天通菜 $75最愛飛天通菜，呢度嘅通菜味道好惹味。雖然睇落去好似唔多辣椒，但其實都幾辣。一邊覺得辣 一邊又停唔到想食。.椰青沙冰 $58份量超足夠嘅沙冰，full到爆炸。沙冰再加椰子果肉，口感超豐富。最重要係超級解辣。

朋友食過呢間泰國野，話幾唔錯下，就推薦我過來食。🌸燒西冷牛扒 $118超鮮嫩牛扒，中間係粉嘟嘟，有少少碳香味。有兩款特製醬汁，酸酸辣辣超級惹味。有一款係比較辣，有一款比較酸甜。總有一款適合你的口味。.🌸泰式青咖哩 $88可以選擇雞，牛和豬。我地揀左雞肉，口感好鮮嫩，入面仲有好多唔同嘅蔬菜味道有少少辣，椰子奶味都幾濃郁。.🌸印度薄餅 $32每次選擇湯質餸都必點印度薄餅。有四塊薄餅，口感係外脆內軟，餅味好濃郁。.🌸珍多冰 $38入面係綠豆粉條，加上椰汁，清涼可口。

早前一有晚市，就既刻約朋友食飯啦！揀左間尖沙咀嘅泰國菜～餐廳都好闊落，坐得舒服😌食物選擇又多，海鮮、咖哩、串燒，咩都有！🍴豬肉雞肉串燒：串燒 燒得岩岩好，唔會啲肉un 晒，但個沙嗲汁就一般，無乜花生味。🍴泰式去骨海南雞：雞肉都夠嫩，未去到爽口，只屬一般。🍴泰式炒金邊粉：有蛋皮包住，食落多層口感，個金邊粉炒得幾好，唔會好散碎，同食到酸酸甜甜既味，幾開胃。🍴日本南瓜焗海鮮飯：係泰菜，食南瓜都特別，同又幾好食，南瓜夠香甜，分分鐘好食過啲海鮮。🍴泰式炒什菜：正常水準，無乜特別。🍴泰式甜品拼盤：一餐飯，用甜品作結尾，都真係唔錯🤭西米糕、千層糕、木薯糕，除咗千層糕，我覺得麻麻地之外，其他都幾好食。