新泰東南亞餐廳

營業中

休息中

位於尖沙咀嘅新泰東南亞餐廳 場地好大 而且座位之間都有一段距離😜 食物質素同環境都好好 價錢合理 值得一試👍🏽🍀冬蔭功 (大)材料好足☺️ 有4隻蝦🦐 多片秀珍菇 香茅 天椒 芫荽 乾蔥等香料😛 所以味道好香好夠濃 飲落口偏酸少少辣🌶️ 但幾好飲嘅😉🍀巴東牛展配印度酥餅味道好香濃😍 牛展夠淋身 吾煙靭🐮 就咁食都吾會好鹹 調味調配得好好👍🏽 配埋印度酥餅一齊食 多左一層口感🤩 煙靭嘅酥餅 加埋易嚼嘅牛展 再點少少咖哩汁🍛 口感同味道都一流🥰🍀鴨肉生菜包泰式肉碎生菜包🥬 通常都係用豬肉 不過依間餐廳有鴨肉選擇 所以決定試下佢🦆 味道鹹左少少🤏 但加埋生菜包住 中和返都可以接受嘅🤣 香料味好重 少少辣 味道吾錯 只係吾係好食到鴨肉味🫣 🍀泰式明爐魚爐魚有少少部位煮老左 所以有啲煙韌🥹 但其他部位都吾錯 有嚼勁得黎吾會太韌😛 魚味夠濃 點埋泰式酸辣醬更加好食😋 爐魚算大條 份量夠3個人食☺️🍀泰式菠蘿炒飯用左菠蘿做底咁上枱🍍 份量好多好滿🤣 每一匙羹都有啲配料 三色豆 提子乾🍇 雞肉🐔 菠蘿粒😜 腰果同肉鬆另外碟囝上 可以隨口味加🤫🍀椰汁冰椰汁味好濃🥥 飲落口吾會太稀 口感豐富🥰

假期前夕約左朋友食飯,去到時因為時間仲早仲有朋友未到, 咁我同另外個朋友就諗住等齊人先啦. 點知門口負責接待既呀姐係咁催我地掃安心出行又話方便我地一陣人齊就可以直接入去. 到朋友黎左佢又叫我地出去跟返人龍排隊, 咁你頭先講咁多黎做乜🤷🏻‍♀️唔單止我地, 佢對其他食客既態度都好差, 行遲一步又係咁嗌佢話開左枱啦你快啲啦😕仲有訂枱時明明係講90分鐘要交枱, 黎到又改口話70分鐘,當刻都嬲嬲地真係想轉場. 到頭來我地坐低左5分鐘就即刻嗌嘢食, 反而係啲侍應忙到冇時間黎落單, 仲好似有啲發晦氣咁話佢好忙叫我地等等😕由坐低到所有野上齊足足要50分鐘, 你仲好意思同人講70分鐘交枱? 仲要我地眼見個場咁大其實仲有好多位, 真係有需要咁樣催食客咩? 野食係唔錯既, 價錢以尖沙咀區都好合理, 但真心冇興趣再返去受氣啦

來到尖沙咀食泰國菜，我一定會嚟到加拿芬道呢間新泰東南亞餐廳，這是一間好出色嘅泰國菜餐廳。這餐廳設計都好泰國feel，好似去咗泰國一樣，令人有度假的感覺。我哋叫咗一個泰式海南雞飯，海南雞係去去骨嘅，食起來啖啖肉，雞肉軟嫩滑溜，再加啲泰式嘅醬汁，真係幾有滋味，配上我最鍾意食嘅油飯，別有一番風味。套餐仲有一個炒雜菜，蘿蔔湯，真是美味又抵食。呢個午餐可以加$28多一份泰式炸蝦餅，真係唔錯。 我哋再叫一個星洲喇沙蝦米線，這個很有喇沙嘅風味，朋友好鍾意食喇沙，真係冇令佢失望喎。湯底好濃厚，材料：有魚皮、豆卜、雞蛋和蝦，仲有啲菜。米線爽口彈牙，真係一個唔錯嘅選擇。我哋加$28叫了一個馬拉盞通菜，正常味道，通菜幾脆，都不錯。芒果糯米飯，正正常常，冇乜特別。再配綠豆沙冰、椰汁冰，好有泰國feel。

I had dinner in this restaurant, ordered Singapore soup noodle. Found cockroaches on the food, when we ask Supervisor, he simply took away the food and say nothing, not even say sorry or inconvenience that happened. I was so starving and planned to have dinner, it is the worst dinner i ever had in hong kong for the last 2 years. Dont be visiting this restaurant and try to find out some other Thai Food shop which will worth for your money with good quality food or Atleast not a unhygienic foods.

尖沙咀受歡迎既泰國餐廳之前經過都見到有唔少人龍！今日終於黎到訪一下😍棉棉既椰青沙冰 點少得～ 佢上檯賣相超級吸引 一黎椰青好大 而且椰汁非常濃唔會因為變成冰而變淡味 😌仲叫左半打串燒 雞牛豬 醬汁夠花生味 我幾中意而且燒得好入味 肉質好淋😇叫左菜 炒得非常香 有鑊氣 最尾當然唔少得芒果糯米飯中意佢既糯米夠淋 仲有紫米😍整體黎講間餐廳CP值幾高 味道都唔錯 唔怪之得平時都唔少幫襯😜

今日放工去同同事去K11 行下街,行行下到左食dinner 時間，諗住喺K11 搵有咩食，但突然見到對面有間泰國餐廳勁多人排隊，就係呢間叫新泰東南亞餐廳， 見佢價錢非常親民, 裝修非常華麗, 唔試對唔住自己，於是就入左去---------------------------泰式燒豬頸肉$78豬頸肉真係燒到啱啱好，嗰邊燒得幾好食，再沾上佢嘅醬汁，真係好夾-------------------------飛天通菜$75好足料，分量多，每條菜入味，而且好有鑊氣-------------------------泰式香辣炒飯$78炒飯加左d 肉碎，好有味道，辣得黎又好過癮總括而言，喺尖沙咀呢個價錢食到咁ge 質素，已經好值

呢間泰菜係尖沙咀好似好出名，去左試果然唔錯泰式蝦炒金邊粉去泰國餐廳緊係要試pad thai，呢間係用左網絲蛋去包住金邊粉，煎到有蛋香，而金邊粉就炒到好有鑊氣，每條都沾到酸酸甜甜嘅醬幾開胃，而且配料有蝦、豆干等好足料～椰青冬蔭功出面好少見加左椰青嘅冬蔭功，好似多左份椰香清甜味，balance番辣味配料勁多，有切開左嘅蝦方便去食、大量唔同種類嘅菇、椰青肉etc 呢份L size份量真係好多，應該夠3-4人用香芒軟殼蟹米紙卷層米紙有少少煙韌嘅口感，但整體又唔會太厚，包住菜、炸軟殼蟹同埋芒果，芒果食得出係新鮮keep到juicy，再配埋外脆內軟嘅軟殼蟹，感覺好fresh～番石榴沙冰呢杯沙冰勁大杯😂冰打到綿綿冰咁幾smooth，番石榴味重唔似人工味，天氣咁熱飲完透心涼

結論: 有驚喜，唔怪得咁多人排隊啦~最近心掛掛好想食泰國嘢，之前每次經過k11都見到呢間野好多人喺門口等位，所以就約埋朋友book黎試下啦第一樣野係泰式蝦炒金邊粉，首先賣相已經唔錯，有層薄薄地嘅蛋網包住，都ok有蛋香，撈埋其他配料之後味道都幾balanced，值得一提嘅係啲蝦都幾爽口！第二道餸係香芒軟殻蟹米紙卷，$68有8件其實真係幾surprised 芒果好甜，軟殻蟹冇油臆味而且炸得香脆，加埋啲菜嘅freshness，唔洗點汁都非常好食！之後就係泰式青咖喱雞(另加印度薄餅)，呢道就中規中矩啦，雞都算有雞味，配料有唔同嘅菜，份量又足，但咖喱就略賺唔夠香同埋辣。印度薄餅就幾好，好香脆但食落又唔會太油膩，夾埋啲咖喱一齊食一流跟住就係燒西冷牛扒，呢道餸又係有驚喜！本身同朋友都食到飽飽地但都係忍唔住食曬首先就當然係好滿意佢個牛味啦，口感都好淋咬落仲好juicy，雖然可以再生多少少但整體其實都非常滿意啦！兩杯沙冰都ok唔會話太甜而且味道唔會好化學，但就冇乜好surprise，正常野啦Overall都好推薦呢間餐廳，不過真係好多人，記得一定要book枱呀！

放假約咗幾位姊妹一齊試尖沙咀呢間泰國餐廳🍴一入門口就見到人龍，好彩我哋有book 位，食飯限時一個半小時，大約食咗一個鐘頭15分鐘，就會有人嚟問你仲有冇order, 吹還枱🙈🙈🙈 感覺服務態度一般🙈🙈但係哩度既食物會令我再黎😆😆☺️首先我哋叫咗個泰國生蝦，好新鮮，個醬汁都好好食，同泰國一樣味道！第二樣就係柚子沙律，呢個柚子沙律味道好有少少辣，但係又有小小酸，所以好開胃！之後叫咗一個青咖喱雞！個青咖喱超好味，一啲都唔辣，呢個一定要配蒜蓉包！！！佢個蒜蓉包實在太好食😋最後仲叫左個烏頭魚，雖然個魚等咗好耐，但黎到係熱辣辣，魚唔多骨，配嗰個醬汁味道都好好👍🏻係成個魚嘅精髓！甜品就叫左個芒果糯米飯🍚佢有白糯米同紫糯米，個人鍾意白糯米多啲，而芒果就好甜❣️正！ 以上叫嘅嘢全部都幾推薦大家試！下次會再去👍🏻

今晚收工後去左尖沙咀行街，朋友忽然話想食泰菜，我們就到了這間餐廳吃泰菜。這間餐廳晚上都好多人排隊，所以如果唔想等咁耐就最好早d book位先。見呢間泰國餐廳幾大，裝修又幾靚，以往去開的泰國餐廳通常都坐得好迫，呢間完全唔會，坐位好闊落，地方好大，坐得非常舒服，而且裝修好靚，值得一讚！餐廳有唔少擺設都幾靚。燒豬頸肉（$78）：豬頸肉燒得好香口，非常有驚喜！豬頸肉唔會韌，幾滑，好夠味！其實就算唔點個醬都已經好好食。而佢個醬其實係似冬陰公，有點辣辣地，然後食到似有少少香茅，青檸，配落個豬頸肉亦係非常惹味！麵包焗咖哩軟殼蟹（$208）：佢呢隻黃咖哩唔會辣，係甜甜地，幾香口。軟殼蟹份量又幾多下，好飽滿，好好食。然後麵包係幾軟熟，點落d咖啡汁係好好食。

來到尖沙咀K11 Art Mall附近但花多眼亂都唔知食邊間好嘅朋友就要睇呢個po啦👀呢間泰菜係舊K11對面，經過見到門口你會覺得：「裝修都唔錯，有機會可以食下嘅。」到你食完之後你就會覺得：「嘩，唔落地底都唔知咁多人，原來咁有氣氛，好岩同朋友成班人來食👍🏻」🦀香芒軟殼蟹米紙卷$88小失望，因為芒果少到差啲食唔岀，軟殼蟹唔脆，啲菜嘅新鮮度還可🥭🍯蜜糖燒肋骨$88👍🏻啲肉比較痴骨，但好入味，蜜糖味香，點埋特製辣醬就更酸辣更惹味🌶🐟泰式明爐魚$188同我平時食開明爐魚有啲唔同，呢度有兩種魚你揀，湯底比開嘅嘅甜，少左股酸爽開胃嘅感覺。魚肉質感爆滿，而且好大條，好有滿足感～🍍泰式菠蘿炒飯$118細個成日食菠蘿炒飯，覺得好趣致。呢度嘅菠蘿炒飯好多枱都有嗌，味道就一般般啦，炒得唔夠乾身，亦都徧淡🍚🧋紅豆冰$38食燒肋骨點得太多酸辣醬辣到忍唔住要叫嘢飲，呢杯紅豆冰超多紅豆，甜度亦算適中~

去尖沙咀都可以食泰國菜！唔一定去九龍城架！ 喺加拿芬道就有呢間《新泰》食泰國菜！入到去，裝修都幾浪漫，又舒服，地方都寬敞，整齊乾淨。menu多元化，好多嘢食，最後揀咗鹽焗烏頭魚同埋燒豬頸肉！！唔使好耐燒豬頸肉就到喇， 醬汁好味好香辣惹味！燒豬頸肉肉質彈牙又吾老，皮很香脆。鹽焗烏頭魚簡直就正呀！諗起都流口水！佢用咗好多香茅呀香料呀喺個魚肚入面！所以一啲都唔腥！而且呢揭開個皮，魚嘅肉汁仲保留住，點佢嘅醬汁，酸酸辣辣咁，好惹味丫！飲埋杯芒果沙冰！又甜又爽，好開心滿足的一餐！

係K11對出呢間新泰，係openrice見咁高分，又真係想食泰國菜，就去試下，都要等位，不過好野食等下好正常，店舖面有凳可以坐住等。要落下一層，裝修都幾靚，泰國feel嘅木色為主，感覺舒服，店員都是泰國人。都幾多野食，點左紅咖哩鴨，88元，好美味！咖哩不算辣，是非常惹味，味道好好，送飯一流，我直情一口口咁食左幾啖，好香，鴨都好夾，諗返都想再食！之後嗌左鐵板蠔仔炒蛋，98元，好大份，原個鐵板上，熱辣辣上碟，蠔仔蛋炸得香脆，配上辣醬好食！下面牙菜都多，都好肥，而家都有處理過冇晒頭尾，食落乾淨同新鮮，份量好多！夾上2碗飯，我同老公都食飽了，飲品我推介三色冰，好味又吾會過甜，非常好！真係好開心！我會再約朋友來食！

今日係同朋友嘅一個重要嘅紀念日～ 揀左間成日都排滿人嘅餐廳一齊試下٩(˃̶͈̀௰˂̶͈́)و嗰日平日夜晚黎到都好多人～ 我地book左枱都要等大約半個鐘~不過令我地對佢更期待😆😆😆入到餐廳裝修好靚好有格調😍😍😍就算人多都唔會好嘈！🤎泰式炒金邊粉 一上枱就見到好靚嘅蛋包住😆熱辣辣！味道唔會太咸或者太油～ 蝦都好爽口🦐🦐🦐🤎蒜蓉炒貴妃苗叫左一個平時少見到嘅菜～咬落爽口之餘又好juicy😋😋😋🤎香芒軟殼蟹米紙卷冇諗過有8舊咁多！！薄薄嘅米紙包住爽口嘅菜軟殼蟹香脆得黎芒果又可以解膩😋😋😆🤎青咖哩雞+薄餅青咖哩真係好出色！！辣得黎仍然有椰奶香😍😍😍薄餅係外脆內軟！唔係平時食比較油嗰款印度薄餅！😋😋😋🤎燒西冷牛扒我本身都以為個牛扒可能會乾~~點知黎到係燒得啱啱好！有燒烤風味得黎仲好有牛肉味😍😍😍整體評分：🤎🤎🤎🤎🤎真係好中意食泰菜！😍見到相都想再食！環境舒服 如果book到枱真係好啱一大班朋友一齊食！🫶🏻

🥘晚餐看起來一般 但吃起來很厲害的泰式料理 ꪔ̤̫‬ꪔ̤̱ꪔ̤̮ꪔ̤̥ ！蝦醬海鮮炒飯 網友說這就是100分的炒飯好吃的炒飯就是要粒粒分明有油光但是不油膩 好吃ㄉ～泰式料理塔拋雞和綠咖喱都很讚💕（份量很大 肯定吃到撐） 泰式奶茶 （稍甜一點）