新泰東南亞餐廳

營業中

休息中

好耐冇食生日飯，今次去尖沙咀食泰國嘢有驚喜！去到已經人聲鼎沸，全場爆滿！餐廳裝飾幾好，有泰式風情，係大餐廳風範！一去到即叫串燒羊肉，羊肉一上枱超級吸睛，份量超足！有唔同嘅配料例如蕃茄仔、青椒紅椒同埋菠蘿點綴，加上佢個醬汁超級惹味。最重要羊肉味道好鮮，冇乜筋，第一個餸菜已經令我感到驚嘆❗️之後一定要叫一個主食，叫左一個泰式菠蘿炒飯，整個新鮮菠蘿上碟🍍超有誠意大大個！菠蘿炒飯可能都係冇乜特別，但係我想講佢味道超級鮮甜，菠蘿用新鮮嘅唔使講，呢個係基本條件，再配埋肉鬆更加正！成個炒飯非常之新鮮！最後最後一定要叫鍾意食嘅甜品🍮芒果糯米飯一定唔少得！好多時芒果糯米飯易整難精，因為糯米唔夠咬口，或者椰漿做得太甜或者太糊身等。呢個份量啱啱好，我最欣賞佢係有普通白米同埋紫米嘅糯米飯！各有各好，前者比較有咬口後者非常之香！椰漿嘅份量亦都啱啱好，唔會太甜唔會太糊。配上適當嘅芒果🥭好想一食再食！飲品亦都叫咗經典嘅椰汁沙冰，呢個都係經典應該要做得好嘅飲品，佢一樣冇失望，椰汁味道濃厚，份量亦都夠！為豐富嘅晚餐畫上完美句號！泰國嘢香港好多地方都有得食，但係要做得好其實唔係咁容易。多謝你陪我這餐生日飯！

【尖沙嘴高質泰菜🇹🇭】前排同朋友一齊補慶祝中秋飯 大家決定食泰菜 所以就去左尖沙嘴呢間好出名嘅泰國餐廳 好好食又令人難忘～一入到去 好多人 裝修好靚 豪華 好大 坐落闊落 我地坐卡位 員工好好人又friendly 問佢地攞wifi密碼 佢地仲叫我地估🤣 我地估12345678 最後原來係電話號碼 仲要一開頭仲以為員工係泰國人同佢講英文 原來識講廣東話 好多驚喜🤣～*泰國椰青🥥 $45呢個真係好飲 第一次係泰國餐廳飲椰青 飲落清甜 飲完之後可以攞匙羹 挖d椰子肉🥥出黎 大大啖果肉好好食～*肉碎生菜包 🥬 $78呢個有小小辣 但好食 d肉炒成肉碎 好爽口 配埋生菜一齊食 根本停唔落黎 咬落feel到d蔬菜bip啲汁出嚟 好有飽腹感～*泰式蝦炒金邊粉 $108d蝦🦐大大舊 配埋金邊粉 有小小汁 濕濕地 配埋番茄醬 係好食嘅 ～*拼盤 $218有春捲 同其他好似丸子 加肉碎組成嘅拼盤 可以再食生菜包 都好有飽腹感 好食～*大冬蔭功 $138呢個係我最愛 有d辣 陪埋d蝦🦐大大舊 有菇🍄 菌類煮成 個湯🥣好鮮甜 令人想飲完再飲 唇齒留香～*泰式生蝦 $98呢個好食 d蝦🦐好新鮮 配埋酸加辣椒🌶️

假日難得同媽媽出街，搵左間之前食過唔錯既泰國餐廳 上次黎食覺得地點好方便，環境又闊落，今次再黎都一樣冇變，侍應服務態度仲好好添泰式風情，最緊要真係坐得舒舒服服～媽媽鐘意食柚子，前菜就嗌個柚子大蝦沙律柚子好甜，大大粒好juicy除左蝦仲有魷魚，海鮮～而且個醬汁唔太辣， 岩晒我！另外嗌左個少見d既椰菜仔好得意既椰菜仔，細細粒，一啖一粒！而且冇苦味，好新鮮～安格斯牛扒，呢一味係泰國餐廳比夠少見，而且亦有泰式辣醬可以沾，我同媽媽都覺得好特別呀而且牛扒亦都燒得岩岩好，唔會過熟鹽燒烏頭！估唔到外皮脆卜卜，裡面既肉可以咁嫩滑！雖然外皮有鱗，唔食得，但入面既肉亦都好夠味！烏頭都好新鮮！主菜就嗌左咖喱軟殼蟹麵包 軟殼蟹份量十足，而且咖喱係甜甜的，好惹味！軟殼蟹大大隻，食到我地都好開心下次得閒同媽媽出街會再黎搵食

呢間餐廳喺K11對面，好方便網上睇超多人讚好去到餐廳都真係好多人啲侍應又好似好忙好趕咁整體都OK嘅😛😛💚拼盤🍤🐠有蝦餅、魚餅、春卷、肉碎生菜包全部都足料啖啖肉肉碎生菜包嘅肉碎微微辣加埋生菜啱啱好👍🏻👍🏻👍🏻💚泰式燒春雞釀香茅皇飯🐔隻燒春雞都幾大隻切開左入面都幾多飯而個飯就偏淋不過都幾好味☺️☺️☺️💚泰式生蝦🍤生蝦夠新鮮就非常好架啦加埋個醬少少辣PERFECT👍🏻👍🏻💚豬頸肉沙律🐷呢個都係有少少辣豬頸肉份量都幾多但就唔係好覺係沙律但都幾入味嘅😛😛💚明鱸烏頭🐠一個魚形嘅兜裝住條烏頭上面有好多蔥同莞茜佢會有埋碗湯放喺條尾個到一路煮條魚啲湯就流落去個碗到條魚都厚肉所以要不停將啲湯倒落去淋熟啲肉條魚都有少少泰式嘅味道👍🏻👍🏻💚泰式炒椰菜仔🥦細細棵嘅椰菜仔清清地唔算用好多油炒都幾健康👍🏻👍🏻💚椰青沙冰🥥呢個超推介👍🏻👍🏻👍🏻👍🏻👍🏻個椰青大大個超多沙冰喺入面沙冰加左椰奶入口好甜好好味🤤🤤

一間朋友力推既泰國餐廳🤪朋友話依間餐廳要早1-2星期book 好full有時book 左都要係門口等一陣搞到我即刻好想搵機會試🤩早左一星期打電話問 先知道原來要2人以上先可以book 2人只可walk in所以星期日就早啲食晚餐 5點9左右到左 店員話可以直接入 仲話晚市由4點就開始 可以黎架啦入到去 覺得餐廳好寬敞 🇹🇭泰國風既裝修2人就坐唔到卡位 可以因為之後有booking 但都覺得坐得舒服👍🏻嗌左2杯野飲青檸梳打- 係冰底加青檸 之後比一支梳打水入邊仲有啲檸檬味嘅糖漿 加上梳打水🤩味道啱啱好不過依杯飲品係會越飲越淡 因為糖漿都飲晒了🙁仲有嗌咗龍眼冰個人就覺得冇咩特別 有小小偏甜 同出邊嘅泰國餐廳差唔多🙌🏻食物一個嗌咗三樣椰子雞湯- 👍🏻泰國風味黎絕對唔係中式菜嘅嗰種好鮮甜嘅椰子雞湯上嘅時候仲會有個爐 入面有炭 燒住 所以會keep住溫度🥰唔知會唔會有人係唔食芫荽呢🤔其實我都係 但係完全唔會唔鍾意飲呢個湯 可能因為酸味同辣味都蓋過咗依啲芫荽麵包焗咖喱軟殼蟹🦀️朋友介紹我去一間餐廳嘅時候我第一句就問有乜嘢食物係必食🥳佢即刻推介依一道菜✨麵包入邊裝住超多咖喱汁 仲有新鮮炸起嘅軟殼蟹🥰咖

經過這間餐廳無數次，它座落在K11旁邊，尖沙咀這個旅遊勝地，加上咁大個門面，給我的第一個感覺是他一定是賺遊客錢的餐廳。但今次朋友聚會想食泰國菜，又想選些中心點，加上朋友拍哂心口話唔會令我失望，咁就一於試下啦！入到去看餐牌，又真係無我想像之中咁貴，所以我地就放心叫野食。我最欣賞的是面包焗咖哩軟殻蟹。 面包有2種不同口感，想食質地較軟的，就要食盛住咖哩的那部分而我鍾意香脆口感的，梗係要攻頂，咖哩味道甜而不辣，配上軟殻蟹的味道很恰當，不會覺得太油膩。面包的份量都算大，可供3-4人食用。越式蟹肉炒粉絲蟹肉的份量不過不失啦，都對得住 $98這個價錢的，而且他的份量不小，粉絲十分入味， 配菜又多，有青椒、紅蘿蔔等，最岩我呢的成日出街食又想食得健康少少的人，而令我覺得有新鮮感的部分，就是加了扎肉，符合番越式的主題。另一個不得不提的就是甜品-椰汁木薯，唔想次次食親泰國野都係食芒果糯米飯，想試下新口味這個椰汁木薯口感吃起上來跟糯米糍差不多，但驚喜位就在於入面的椰青碎，咬下時煙靭與清爽的感覺交錯，不會痴牙，令層次更豐富。今次的體驗令我對依間餐廳改觀，以後聚會又多個地方選擇了!

朋友準備要移民，farewell自然要揀D佢想食嘅亞洲菜等佢好好回味一下。呢間泰國菜位置方便，價錢係尖沙咀地段黎講一D都唔貴，而且食物選擇多，位置又坐得舒服，所以就揀黎呢度食。今餐我地都叫得好豐富，少少豪食但就食得好開心，個個都捧住個肚走～先黎份開胃嘅串燒拼盤，豬牛雞3樣都有～串燒調味幾正，就算唔點汁都好夠惹味～雞肉嫩滑，我地幾個都覺得係最出色～酥炸香茅魚配青芒果沙律，之前冇試過食泰菜嘅炸魚，朋友話想試下，所以叫左一份。份量都幾多，4個人share都每人有3-4舊食，不過感覺上冇咩泰國特色。反而青芒果沙律就好有驚喜，酸酸甜甜，辣度都有返咁上下，雖然我唔太食得辣要飲野黎解辣，但非常開胃，口感實正，同水果嘅芒果口感完全唔同，但又唔同青木瓜沙律個種爽口嘅感覺麵包焗咖喱軟殼蟹，呢樣又點會有得輸！麵包焗得夠鬆軟，咖喱醬夠香濃，夾埋一齊就已經可以食到停唔到口，軟殻蟹大大舊～麵包外皮微脆，如果可以再焗得脆身D 就更好了～泰式炒花蛤，雖然個碟頭睇落唔大，但花蛤嘅量都唔算少。調味夠惹味，辣度都足夠，炒海鮮就係要夠辣先正～參峇炒羊角豆，見到menu有手指公就叫黎試下，上枱先知原來羊角豆即係秋葵！越式蟹肉炒

🔹尖沙咀// 新泰東南亞餐廳 🔹人均約$180🔹▫️燒豬頸肉 $78算係最好食嘅一個🤨係粉紅色既豬頸肉，份量正常🤣佢切到每塊好大塊😤▪️馬拉盞炒通菜 $75正正常常，通菜幾脆🤓冇咩特別▫️泰式生蝦 $98生蝦係淋既果種生蝦，麻麻地😤▪️泰式明爐魚 $188魚夠大份🤓會另外送一碗湯俾你refill，但係個容器實在太細加湯就瀉，啲湯亦都唔係好浸得晒條魚😅😅🔹好飽評語平時見到出面都幾多人排隊食，今次就去試吓🤓冇訂位都差唔多等咗半個鐘😂入面其實環境好大，有好多張大枱，好適合多人聚會🥹但係上菜實在太慢，每上一道菜大概都相隔15分鐘🤨越食越肚餓，嘢食來講大致上正正常常🤓勝在環境夠大坐得幾舒服😀希望今次等得太耐只係因為員工忙，但下次都唔會再食🥹🥹🧠回頭指數：1️⃣🧏🏻‍♀️打卡港女：1️⃣🌬冷氣溫度：6️⃣🚽廁所評價：⏹🧾性價比呢：6️⃣

同屋企人係尖沙咀K11行完街街搵野食😋一出K11就見到有間泰國菜睇落裝修唔錯🐘門口仲有兩隻大笨象歡迎我哋🤣入到去餐廳裝修唔錯👍🏻睇落去成間餐廳都好新淨🌟而且餐牌價錢睇落唔算貴😁期待食物品質一樣都咁正🥰泰式柚子蝦沙律 $98開胃菜當然要嗌返個泰式柚子沙律🥬媽咪大讚蝦肉大隻又彈牙！我就鐘意入面嘅魷魚有嚼頭🦑妹妹鐘意柚子同花生一齊食有唔同口感😋柚子沙律酸酸甜甜🥰醬汁食落超開胃！食完之後 本身肚餓嘅胃口戰鬥力大增！order多多食物都冇有怕🤣麵包焗咖喱軟殼蟹 $208哩味菜一上枱就吸引晒全枱人嘅目光👀一個桶型麵包🥖中間充滿著軟殼蟹同咖喱汁🤤喺中間切一刀嘅時候🔪咖喱緩緩流出🍛份量好豐富👍🏻咖喱唔算太辣🌶咖喱香同椰香好平衡🥥兩邊都啱啱好！大大舊嘅麵包蘸滿左咖喱汁真係好吸引😌一啖接一啖真係多多都唔夠🤤軟殼蟹同樣出色🦀咬落去好軟多蟹膏😋同咖喱夾住食超正👍🏻鹽焗烏頭 $128平時食泰國野多數都係叫明爐燒魚🐟今次想試下鹽焗係咩滋味😋烏頭魚個肚填滿左各式各樣嘅香料🌿而且其中一邊皮上枱嘅時候會切開方便客人食🔪服務非常貼心💕鹽焗嘅烏頭特別香😌咸味啱啱好唔會蓋過魚味🐟加埋淡淡嘅香料味🌿整體黎講配合得好好😋魚味特別

豬肉碎濕潤有肉汁，一啲都唔乾好夠辣同好有味，好食！食唔停😝值得一提係平時出邊泰國餐廳啲生菜都好hea同埋好驚污糟無洗過，但呢度係睇得出乾淨，食得好放心！而且價錢好似偏均真$72 only蟹肉炒粉絲因為近排想食清啲同埋低碳飲食，所以都忍痛唔嗌咖哩嘢🥲但又竟然有驚喜！賣相泥到一定唔夠啲大大碟嘅野泥㗎啦！但係但係但係，一放落口就食得出好夠火候同埋好夠味！其實記憶呢個餐廳真係係呢個舖位好多年，所有食物質素有保證都正常嘅😌鹽焗鱸魚Omg this is so so good🥲大家唔好急住點醬食，一定要試試原味食，你會食到魚肉吸晒香茅果種清新味！然後食到另一邊肉又點番醬食，又另一個好味囉！喂聽我講真係要嗌，好好食😂落單嗰時問左waitress烏頭好定鱸魚好，佢話鱸魚肉質滑啲！事實證明佢無呃我😋芒果沙冰正正常常就唔洗講啦，不過食泰國嘢點都要order番杯嘅😌環境夠寬躺，二人枱好大，平日夜晚去都爆人。嗱！真係唔係我想咁誇張，其實我已經諗定下次encore泥要食咩菜😂二人平日隨便食，呢個價錢我真係覺得唔錯啦！重點係好食😋Waitress們態度好好👍🏻抵讚！

我和朋友到店內午餐 其中一個朋友遲來 我們點了午餐及小食 海南雞飯及炒粉絲味道不錯 價錢亦相對晚餐便宜得多 因為耐無見 所以午餐後我們都逗留了一段時間 女店員走來話要求我們離坐 說我們由開門坐到晚市 我們已道歉及即時收拾準備離開 但店員還不斷說出難堪的說話 當我哋步行上樓梯時 還要繼續說我們不是 此時真想查詢她的姓名向經理投訴 這個是甚麼服務態度 我們又不是屢勸不離開 為何要這樣咄咄逼人呢 再好評的餐廳 有這樣質素的員工 真的不知所以

如果你問我最鐘意去邊度食野，我會話尖沙嘴，最容易搵到好野食！相隔三年，再次黎到新泰東南亞。到左餐廳，好多人係排隊取籌，唔唸到星期一都甘多人，好彩自己訂左位😌呢間泰國菜暫時可能係我去過最大間的，除了大廳，還有三間房間，環境靚麗，有熱帶風情氣氛，座位有卡位之餘，更有圓檯！如果你鍾意靜，可以要求房間位。三年後再黎到，依然覺得價錢非常吸引無點加價！馬拉盞炒通菜菜香噴噴，熱烘烘，蒜香和香辣，翠綠不油膩，色香全。日本南瓜海鮮焗飯面上灑左青蔥，賣相吸引，🈚唸過泰國菜都可以食到呢！好足料呀，🈶青口，帶子，魷魚。粒粒飯香有南瓜香，甜甜的，性價比甚高！串串燒（6串）要左雞同豬各三串，雞肉比較滑嫩，無論🐔🐷都燒得剛好，肉質唔乾，配上醬汁，滋味可口！整體而言，環境舒適靚麗，服務好，食物滋味，性價比甚高！

尖沙咀係約朋友食飯聚腳的最好地方，而新泰東南亞餐廳更係性價比極高之選，食物高質、價錢合宜，所以這裡多次成為我同朋友放工食飯之選！一看門面已感覺甚為氣派，但也有朋友表示經過時曾以為是招待遊客為主的貴價餐廳。每堂食飯時間，大堂附近常有長長的輪候人龍。但因用膳地方是要再落一層，所以人聲嘈雜也不會影響到食客大堂還設有一些打卡位。但今日可能我和朋友也早了來，並沒輪候很久。泰國椰青 $45食得泰國菜首選飲品當然是椰青！實在非常清甜好飲。越式蟹肉炒粉絲 $98高質有鑊氣，大大碟又抵食參峇炒羊角豆 $85惹味開胃，辣得滋味串燒 6串 (豬、牛、雞) $88幾乎每次來也必食，相當爽滑可口，當中最愛雞串燒酥炸香茅魚配青芒果沙律 $168香茅魚外脆內軟，沙律清新，高質主菜加上店的環境和氣氛都好舒適，一邊與朋友暢聚一邊享受美食，放工鬆弛好選擇。

喺尖沙咀屹立超過20年，提起新泰東南亞餐廳，應該無人不曉。今日閒日都勁多人等位入座晚膳，下層地庫用餐區非常寬敞，卡位或大圓枱一應俱全 ，配合專程由泰國搜羅返嚟嘅裝飾擺設，格調一流。朋友叫個越南絲網春卷，見到薄薄絲網皮包住豐富的素材料 ，被炸得脆脆，當熱呼呼送入口中，即時甘香撲鼻，美味令人滿足。我就點咗馬沙文牛腩，極有咖哩濃郁嘅香味，牛腩炆得夠淋 之餘，肉質細膩，我仲配埋細細塊嘅印度薄餅，軟軟糯糯，滋味更上一層樓。嚟享受東南亞美食，地道珍多冰一定唔少得，綠色粉條質感爽滑，有斑蘭清香，大樹菠蘿條則有煙韌口感，少少甜味，加上淡淡椰漿味，幾好飲。下次先預約可以再嚟一次，繼續品嚐餐廳其他誘人美食。

今晚同屋企人慶祝生日，揀咗間好受歡迎嘅東南亞餐廳，估唔到咁多人幫襯，出邊排晒隊餐廳嘅環境裝修精美，坐得好舒服，有東南亞特色，餐牌亦都有好多選擇叫咗個越南烤蔗蝦，蔗蝦脹卜卜，好有份量，蝦肉爽口彈牙，炸得剛剛好，配上泰式甜酸醬更加美味另外仲有香芒軟殼蟹米紙卷，賣相幾靚，係清爽嘅選擇，外皮煙韌，配上脆脆嘅軟殼蟹，裏面有種獨特嘅香草味道，加上芒果好好味馬拉盞炒通菜味道比較濃，夠晒惹味，炒菜嘅時間剛剛好，唔會太林番石榴沙冰好值得一試，清甜又解渴，仲食到粒粒嘅番石榴肉，好適合夏天飲，清新消暑餐廳嘅上菜速度好快，好適合一大班朋友開開心心食餐飯