新泰東南亞餐廳

營業中

休息中

來到尖沙咀食泰國菜，我一定會嚟到加拿芬道呢間新泰東南亞餐廳，這是一間好出色嘅泰國菜餐廳。這餐廳設計都好泰國feel，好似去咗泰國一樣，令人有度假的感覺。我哋叫咗一個泰式海南雞飯，海南雞係去去骨嘅，食起來啖啖肉，雞肉軟嫩滑溜，再加啲泰式嘅醬汁，真係幾有滋味，配上我最鍾意食嘅油飯，別有一番風味。套餐仲有一個炒雜菜，蘿蔔湯，真是美味又抵食。呢個午餐可以加$28多一份泰式炸蝦餅，真係唔錯。 我哋再叫一個星洲喇沙蝦米線，這個很有喇沙嘅風味，朋友好鍾意食喇沙，真係冇令佢失望喎。湯底好濃厚，材料：有魚皮、豆卜、雞蛋和蝦，仲有啲菜。米線爽口彈牙，真係一個唔錯嘅選擇。我哋加$28叫了一個馬拉盞通菜，正常味道，通菜幾脆，都不錯。芒果糯米飯，正正常常，冇乜特別。再配綠豆沙冰、椰汁冰，好有泰國feel。