新泰東南亞餐廳

營業中

休息中

相約朋友晚飯聚舊，揀咗間舒服闊落嘅泰國餐廳慢慢話當年。新泰位置相當方便，一出尖東站行一兩分鐘就到，對於我呢啲路痴嚟講就啱曬啦。我哋好在有book位，七點半左右去到都要等三四枱先可以入座。不過餐廳大門口有個相當闊落嘅等候區，可以俾食客一邊舒服等位一邊閒客家常，喜歡打卡嘅朋友都可以同架督督車打下卡落一層樓梯之後入到餐廳內堂，分為左右兩邊，左邊主要係大枱同包廂，右邊係相對細嘅枱，兩邊都好有泰國特色，一班人定三五知己嚟聚餐都適合。冬陰功首先嚟個冬陰功開下胃先，酸辣適中唔會太搶喉，朋友表示隻大蝦都好鮮甜好好食，如果多隻蝦我會更開心泰式生蝦食泰國嘢點可以唔食泰式生蝦呢，大大隻生蝦配上地道泰式醬汁，鮮甜爽彈。飛天通菜純粹因為個名太型所以叫咗呢個菜，食完都唔知咩叫飛天個菜係好食嘅，唔太油菜夠爽脆，啱餸飯。越式春雞釀香茅黃飯燒春雞釀飯可以一次滿足你三個願望，黃飯吸收咗春雞精華，啖啖雞油香，雞肉唔會過火而變柴，雞髀位置肉質嫩滑。沙律幾清新，如果個走豆苗我哋會更開心珍多冰&咸檸梳打珍多冰味道正常，咸檸梳打略嫌個大咸檸唔夠咸同酸，如可加粒多青檸應該會出眾啲。

每次行過都好多人排隊，今次終於有機會試吓，進餐限時90分鐘～接待處嘅裝飾都好有泰國feel，餐廳地方好大，成個地庫嘅面積，非常旺場👍🏻👍🏻裝修幾靚，有卡位，有包廂，啱晒一大班朋友一齊嚟泰式生蝦($98)呢款生蝦肉質比較軟淋一啲，食落味道不錯，一般生蝦水準泰式青咖喱雞($88) 蒜蓉包($32)青咖哩揀咗雞肉，配菜有泰式茄子、豆角、南瓜等等，食泰式青咖哩當然要配蒜蓉包啦，蒜蓉包香脆，點青咖哩汁一流👍🏻👍🏻馬拉盞通菜($75)份量足夠，蝦乾好大隻，醬汁惹味，送飯都幾正～冬陰功($78)推介冬陰功，唔會太酸食唔到其他味，香茅、南薑香味突出，叫細份2個人可以飲得晒成兜😆越式蟹肉炒粉絲($98)蟹肉味唔算太濃，略嫌調味有點清淡，粉絲炒得唔太乾還算可以珍多冰($38) 芒果沙冰($38)芒果沙冰正常水準，推介珍多冰，非常好飲～甜度適中，椰奶好香～

疫情咁耐，我諗大家都好耐冇去旅行，好彩喺香港地度搵第二啲菜系都容易。 而新泰應該算係喺香港最出名嘅泰國菜， 無論係員工， 菜式， 同泰國食嘅基本上都差唔多。🥰而新泰有幾間分店，我今次食嘢係佢尖沙咀嘅總店， 總店有兩層， 地面嗰習時主要負責接待， 而地下嗰層， 先至係餐廳最主要嘅範圍， 入面個地方好大，有卡位有圓枱， 任君選擇。我係嚟食佢嘅午市套餐，除咗主食之外，仲可以加少少錢升級佢嘅小食。而且，職員講如果下午茶時間，仲可以有8折優惠。講返咗食方面， 我哋叫咗三個主食， 分別係海南雞，黃咖哩雞同埋奶油大蝦伊麵🤤🤤海南雞裝盤有專登分開，有兩隻醬料，分別係薑蓉同埋豆瓣醬， 而且仲有例湯， 分量都幾大。而黃咖哩雞有跟到白飯， 咖哩味道好好食， 喺呢度食泰國嘢唔會令你失望。仲有大蝦伊麵， 比較特別呢個係甜嘅菜式， 啲蝦都算大隻， 伊麵比奶油包住， 食落真係好邪惡🤣我哋都叫咗佢呢度係特色飲品， 紅豆冰龍眼冰等等全部都幾正常👍

今日同另一半收早，係尖沙咀行左陣街見到呢間餐廳門口企左唔少人唔執輸嘅我梗係八卦睇吓有咩好食，價錢喺尖沙咀黎講算幾抵食，所以就決定試下佢餐廳裝潢都幾靚，座位都算寬躺幾好坐泰式生蝦蝦肉新鮮爽彈，配埋綠色泰式酸辣汁真係食唔停冬陰功湯（細）食泰國野，一定要飲冬陰功湯呢度嘅冬陰功湯調味做得唔錯，酸辣度平均，又有香茅香草味而湯入面既材料都幾足，有一隻開邊大頭蝦同好多雜菇青咖喱雞青咖喱有淡淡椰奶味，雞肉都嫩滑，大約有6-7件雞蒜蓉多士蒜香味唔選濃但多士焗得香脆，拎嚟點青咖喱醬食真係好好味馬拉盞炒通菜通菜份量多，馬拉盞有香濃蝦味同咸香味，係最近食話最惹味既菜越南蟹肉炒粉絲蟹肉是鋪滿碟面，材料有扎肉、芹菜，三色椒，芽菜等十分足料珍多冰香濃椰奶味，甜度適中芒果沙冰有淡淡芒果香味，沙冰細滑

呢間新泰已經幫襯過好多次，今日同男朋友一齊嚟回訪，呢度環境好大好闊落，坐得好舒服😌睇佢個Menu都有好多唔同嘅食物選擇，見到燒烤類都覺得好吸引～首先我哋叫咗一個必食嘅肉碎生菜包 ($72)，我哋唔食芫荽所以走晒青🤪呢個肉碎係偏濕，有好香嘅青檸味，同時我都好欣賞佢啲生菜細細塊好容易食，呢個味道都唔錯😋另一個叫咗燒豬頸肉 ($78)，啲豬頸肉都唔少，而且外邊香脆，入面仲保留肉汁，點埋佢個微辣嘅汁我覺得幾好食😌之後就叫咗醃無骨鳳爪沙律 ($68)，鳳爪爽口，酸辣汁非常開胃，而且仲有好多配料例如洋蔥香芹等等，口感好豐富👍🏻之後仲叫咗個蒜茸越南牛油雞翼 ($78)，一嚟到已經見到滿滿嘅蒜包圍住啲雞翼，蒜香味濃，仲好脆添，絕對係邪惡之選🤣之後就叫咗個泰式甜品小拼盤 ($88)，呢個一共有四款唔同嘅糕點，我覺得最特別嘅係木薯糕，外表有少少似蛋糕但其實食落就比較似年糕，加上裡面仲有啲椰絲，口感非常好～另外我都鍾意呢個龍眼糕，唔會太甜，但亦有龍眼淡淡清香😽當然我哋都有叫到飲品啦，我哋叫咗一個椰青沙冰 ($58)，佢係用完個椰青裝住啲沙冰，裡面仲有啲打碎咗嘅椰子肉，椰汁味濃，亦都好有咬口～今次回訪亦都冇令

新泰東南亞餐廳地址: 尖沙咀加拿分道25-31號國際商業信貸銀行大廈地下1A舖及地庫#yauyau_尖沙咀喺OpenRice見到熱門，我哋六點去到已經係啱啱好最尾兩張有位，如果大家平時上嚟食可以預先book位，唔係嘅話就有排等㗎。🍗🍗串燒沙嗲 (雞,牛,豬) $88呢度有串燒可能燒定，上菜嘅時候除咗牛肉之外冇咁熱，但係依然香氣十足好大浸燒烤沙嗲味，而且熟度掌握得好好，肉唔會過熟，冇令到佢好韌。佢嘅沙嗲醬香味濃郁而且有啲辣辣地，非常開胃，美中不足嘅係佢嘅沙嗲汁花生比較少。🥬🥬泰珍珠椰菜苗炒炒香菇 $85椰菜苗炒得好好，冇老咗，保留到菜苗嘅幼嫩質感，而且唔會太熟，好有咬口，菜苗可以食到索索聲，再加埋佢用咗蒜頭爆香，食落好香口。🍲🥘冬陰功海鮮金邊粉 $78呢個係湯粉嚟，初初我都誤會咗佢係炒粉。佢嘅冬陰功湯非常香，落咗唔少泰國香料喺入邊，但係可能有啲痴牙。佢哋海鮮都非常足料有魚片青口魷魚蝦，仲有啲菇菌添。佢嘅湯比較辣，食唔到辣嘅朋友可能就唔好揀呢個啦。啲金邊粉好吸冬陰功湯，一路食就好似飲緊冬陰功湯咁但係又可以咬到佢咁。味道: 4.2/5服務: 4.2/5環境: 4/5番兜: 4.5/5#尖沙咀

尖沙嘴出名既泰嘢要數都係新泰，今日終於有機會嚟拜訪下！係K11對面，門口大大個招牌，十分易搵，落樓梯就見到勁大個場，但係都係瞬間爆滿，大家都要早啲嚟攞位喇！第一客小食我地先叫咗一個「小拼盤」（$108），有四塊魚餅、四塊蝦餅，魚餅有好rich既香料味，肉質鬆化，比較惹味；蝦餅就有咬勁，蝦味都好濃郁！然後我地叫咗一個「馬沙拉咖喱」（$88），咖喱可以配雞、牛、豬都得，我地就配咗雞，睇返menu，馬沙拉應該係近馬來西亞口味既咖喱，味道偏甜，好醒胃，唔會覺得辣，食完一啖又一啖！我地另外叫咗一客「印度酥餅」（$32），配埋咖喱就一流！酥餅邊皮係脆既，而整體則較軟糯，食落有唔同口感，加埋咖喱真係會令人上癮！之後就叫咗一個「日本南瓜焗海鮮飯」（$118），嚟到個南瓜雖然唔係好大，但真係好足料呀！海鮮有八爪魚、青口、蝦肉等等，而飯就真係裝滿咗成個南瓜，瓜邊仲有少少南瓜蓉，可以撈埋飯食，超級滿足！加上佢係芝士焗既，有埋芝士，味道再昇華咗一個層次！餐飲我地叫咗一杯「泰式凍咖啡」（$38）、一杯「三色冰」（$38），泰式咖啡應該係用煉奶沖調，十分濃滑，可以解膩；三色冰用椰奶做底，加上唔同顏色既配料，食落質

今日去左尖沙咀食泰國菜。餐廳好大，無論裝修、擺設、坐椅、餐具等都好有泰國風情。餐牌有好多選擇，不過我們見午市有套餐，就毫不猶豫點了2個，原來午餐款式每星期都會轉換一次，12:50前埋單仲會有9折，價錢相當親民。濕炒什菌肉片河：除了什菌，仲有好多蔬菜，肉片份量都多，濕炒河個汁唔咸，味道正常。越南絲綢春卷：伴碟有D生菜，可以包住件春卷食，減輕油膩感，春卷炸得鬆脆，裡面D餡都係以蔬菜為主。泰國街邊豬肉串，青木瓜沙律配糯米飯：食泰國菜又點少得串燒，這個豬肉串燒肉汁豐富，配上沙嗲醬簡直一流，青瓜絲沙律有少少辣，很惹味，糯米飯軟綿綿，放落竹筒內，很有特色。蒜蓉炒貴妃苗：貴妃苗很幼細，配上蒜蓉一齊炒，很匹配。芒果糯米飯：又係另一泰國菜必點食品，芒果很清甜，黑糯米飯比較煙韌，配上椰汁很好食。最後點了2杯檸檬熱飲，消消滯，因為實在太飽太滿足了。

4個女仔去食泰國菜朋友食過好多次都話好食所以今次一齊去而食泰國菜叫餸首要係落單時叫全走茜！所以唔知以下有邊道餸原本係有莞荽的首先點左個好得意既 【泰式炒椰菜仔】$95點解話好得意 因為我未食過都未見過迷你版既椰菜仔而且食落口感都好Q味道都好好食！絕對值得一吃既前菜份量就如照片所示第二道係【香芒軟殼蟹米紙卷】$88鬆脆既軟殼蟹絕配香甜既芒果雖然芒果味有小小比其他味道搶左啲但整體味道都very good香蒜片灑面完全我取向！朋友重一路食一路讚好食【蜜糖燒肋骨】$88剛剛好一人一隻燒得好香好惹味甜度亦剛剛好因為唔洗沾汁都咁好食！所以我都冇咩沾到個汁食【生蝦】$98生蝦清甜新鮮外觀都晶瑩剔透而醬汁唔敢多沾因為見到疑似莞茜既物體驚有茜味有淺嘗沾一沾對於莞茜味極敏感既我其實都冇乜點feel到有茜味不過以防萬一都係點好少沾咁食【越式蟹肉炒粉絲】$98 一啲都唔淡亦唔會咸，味道可以用豐富嚟形容!重有我中意既蟹肉粉絲爽口彈牙唯一美中不足係有我除莞茜外其次唔中意既西芹走到一個茜走唔到另一個西中意食西芹既應該會覺得更好食但雖然有西芹，其實挑走左後整體既味道都係正的【泰國椰青】$45超級推薦！！！個椰青真係好

放工同四個女仔聚一聚嚟咗尖沙咀試試呢間泰國嘢晚飯之前lunch同同事食過都覺得唔錯晚餐可以試到更多泰國風味嘅小菜。香芒軟殼蟹米紙卷 $88好欣賞外皮好煙靭，包住生菜粉絲芒果軟殼蟹，感覺好清新，最岩做前菜蜜糖燒肋骨$88外層炭燒過，加上塗上蜜糖，咬落厚肉兼帶一點點甜香，正！泰式生蝦 $98生蝦配上出色嘅汁，每人食一隻唔夠呢泰式炒椰菜仔 $95喺出邊見過呢一隻椰菜仔，但從來都冇食過。外表感覺好有趣，第一次食比想像中好食好多，而且佢哋配料味道都好夾，如果每次食泰菜都只會叫通菜可以不妨一試越式蟹肉炒粉絲 &98呢個粉絲炒得好入味，有唔同嘅配菜同埋有大量嘅蟹肉炒得好惹味，會一口接一口咁食唔停泰國椰青$45估唔到連個椰青都可以咁出色！size好大，而裏便啲椰肉都好好食整體來講係一個好啱成班人聚會嘅地方，性價比好高，而且好有泰國風味嘅一間餐廳。

去開尖沙咀中午搵飯食，K11對面原來有間泰國菜館，餐廳係地庫，環境好好，店員都泰藉姐姐為主，氣氛一流。LUNCH SET MENU都多選擇，分別叫咗兩個SET LUNCH ，泰國街邊豬肉串（3串）青木瓜沙律配糯米飯同埋冬陰功海鮮炒飯。冬陰功炒飯一上枱已經香噴噴，海量炒海鮮鋪哂係炒飯上面，炒飯乾身有鑊氣🤘🏻泰國街邊豬肉串（3串）青木瓜沙律配糯米飯賣相好可愛，糯米飯放係傳統泰式竹籃入面🧺，糯米飯煙韌配，雞肉串燒得岩岩好，醃得惹味可口，青木瓜沙律辣辣地，一個餐滿足哂三個願望‼️另外跟餐可以配兩個小食，醃無骨鳳瓜沙律🥗🥗🥗蒜蓉炒貴妃苗，加配價黎講份量好多好抵追加😋一人叫咗一個椰青好新鮮～

朋友介紹了一間充滿泰國風情的餐廳🍴餐廳位於尖沙咀加拿分道，門面有多個打卡位拍照📷換件泰國衣服拍照很像去了泰國旅行。餐廳裝修更有泰國風情，幾乎每枱都坐滿人。餐廳更設有獨立房間和洗手間。泰式蝦醬炒飯一上枱已經聞到好香的蝦醬味，飯上有雞蛋絲，肉鬆和花生🥜則放在一旁，小編覺得撈起來吃更加惹味😋重點是分量多👍🏻👍🏻香辣豬頸肉炒河豬頸肉厚薄適中，分量多。闊條河粉，滑身彈牙。馬拉𦾟通菜意想不到是升級$25會有一大碟，絕對是一碟鹹香惹味的馬拉盞👍🏻泰式炸蝦餅即叫即炸，已切成4大件的蝦餅。手打蝦餅，彈牙十足，配上辣醬更美味。+$8 綠豆沙冰都是第一次飲綠豆沙冰，滿特別，又不太甜。熱奶茶不加糖喝也可以，口感很細嫩。千層糕 $55總是要吃甜點才滿足😋😋餐牌如下。

新泰鄰近尖沙咀地鐵站，地點非常方便，係全港嘅中間點，住邊度嘅朋友想約埋聚一聚食個飯都方便，而且價錢係同樣地段相對較平民化～今次試左飛天炒通菜，鑊氣十足，小辣惹味之餘通菜都好爽脆，入口無渣口感超fresh😋另外炒左個辣蜆超正！隻隻都大大隻又夠彈牙，唔會好似有啲餐廳咁啲貝殼類霉嘅，呢度食材靚又有蜆嘅鮮味海水味，大力推介～最後食左一個海鮮炒金邊粉，用左一隻蛋面舖住，令成道菜嘅味道更有層次更滑，而且賣相一流～食落炒得好香，好多海鮮，隻隻蝦都大大隻，辣辣地叫支泰國啤酒送住食，直情好似去左泰國旅行咁～餐廳都有花心機裝修佈置，setting 令客人彷如置身泰國一樣，大家喺尖沙咀諗唔到食咩或者想食泰國菜，絕對值得一試！😍

係K11 附近有一間屹立多年嘅正宗泰菜館，門口擺放咗唔少木椅極富東南亞風，仲有一架Tuk tuk 可以打卡之用📸📸 餐廳位於地庫一樓，空間原來好大，仲有廂房雅座同多張10-12嘅大台，啱哂一大班人或者大家庭嚟family gathering 👍🏻👍🏻週未午市都有套餐可選，套餐選擇雖然唔多但勝在價錢相宜，如果午市套餐都揀唔啱仲有大大本嘅a la carte menu 慢慢揀，晚市價位中上但以尖沙咀地段嚟講就算合理☺️泰式海南雞飯 $75 海南雞飯以便當盒擺盤好有儀式感，成套set 有齊油飯、冬瓜湯、炒雜菜同重點海南雞，雞件份量多，肉質厚實偏瘦，啖啖肉都不錯，如果去埋骨就更加好泰國街邊豬肉串、青木瓜沙律配糯米飯 $75睇得出擺盤都花了心思，糯米飯以籐筒盛載別有一番風味，青木瓜沙律🥗酸酸辣辣開胃又解膩，豬肉串用上瘦肉加肥肉相隔再燒香，油脂香氣撲鼻加上甜甜地嘅燒烤醬好惹味，即叫即燒內裏juicy 外面仲有少少脆身😋😋蒜蓉炒貴妃苗 +$28凡惠顧午市套餐加+$28可升級加點小食，可以係絲綢春卷、無骨鳳爪沙律同蒜蓉炒貴妃苗入面3選1，我地揀咗炒貴妃苗，貴妃苗好嫩又爽口，加上蒜蓉炒香好送飯，份量都足夠

今次已經係第二次嚟新泰食野，仍然係環境舒服裝修靚，但唔同嘅係愈來愈多人排隊，我地都等咗大約10分鐘先有位坐。麵包焗咖哩軟殼蟹﹕黃咖哩隻味好濃，溫度啱啱好，入到口又唔會太凍。麵包皮脆但內裏鬆軟，點住麵包食一流！日本南瓜焗海鮮飯﹕食落覺得好有驚喜，原來個飯係冬蔭功味！海鮮唔算多，但個飯加埋南瓜，已經非常好食，十分推介~泰式咖啡﹕甜得嚟有淡淡嘅咖啡味，非常好飲！總結﹕新泰無論喺環境、食物同服務方面都非常高質，價錢唔算好貴，值得再幫襯~