新泰東南亞餐廳 (太子集團中心) (已結業)

每月之約，同個中學朋友約定左每個月都要見下面食個飯，今個月我地就約左係尖沙咀到食泰國菜，地點好近I-Square，好方便！未到七點已經好多人，全部人都book左枱，當然我地都一早book左啦生蝦隻隻都好肥美，食落好爽口，真係好新鮮，配上辣辣地既生蝦汁，好好味椰菜苗炒香菇，椰子苗唔苦香菇又大粒，健康之選😋不過香港好少地方有得買椰菜苗，通常只有某d泰國餐廳先會有，所以每次見到有都會必嗌越式蟹肉炒粉絲，超大碟！！粉絲上全部都係蟹肉，完全超出我既預期，粉絲炒得剛剛好，唔會太乾又唔會太淋芒果糯米飯包括左黑糯米同白糯米，椰汁好香，遠處都聞到，我就最鐘意黑糯米加白糯米加芒果一齊食，好正！超甜又大個既椰青，飲完仲可以刮椰青肉食我朋友話芒果沙冰都好好飲，又大杯下個月之約可以再黎多次呀！因為食物好味，服務又好好，會主動加水收碟，禁多人book枱食係有原因架

前日收工陪男朋友去睇復仇者，睇戲前我哋就唸住食個晚飯先最後就決定食近戲院嘅‘新泰’！裝飾好有泰國氣氛仲有象徵泰國既大笨象哈哈！就連洗手間既牌都有泰文字，不過我男朋友就笑我廁所牌都影講返食物先～冬蔭功湯有分small/big，我地兩個人就叫左個small啦，雖然係small但每人都可以飲到兩碗味道都好正宗，又辣又酸我覺得正宗既冬蔭功湯係有蝦有菇同好多香料，如：香茅同南薑等等，呢度就夠曬正宗啦！仲要係大頭蝦我記得之前係泰國瘋狂食大頭蝦嫁！個蝦頭夠大又多膏每次食泰國菜必食既生蝦刺身，同餐牌上既圖一模一樣仲要冰鎮上，正呀多數既生菜包都係用豬/雞/牛肉，難得呢度有鴨肉當然要試下先無鴨腥味，生菜又乾淨又大塊我男朋友包比我既生菜包甜品時間甜品種類幾多又特別，我好想試下原個椰青大菜糕，但好可惜我男朋友唔食大菜糕，所以就叫左芒果糯米飯原顆芒果無得輸，真係好鮮甜我地仲有個菠蘿炒飯，但忘記了影相兩個人食到飽一飽就去睇戲～下次要約個朋友陪我食椰青大菜糕呀仲有好多好多野都想試下

今日橫風橫雨，但我地一班人又點會因為咁小既事而唔去尋找美食呢!!!我地就暮著風雨咁去到尖沙咀食好野啦!!!餐廳裝修又幾靚wo!!!好鍾意佢中間果把吊燈好懷舊!馬沙拉咖喱牛，咖哩汁美味，牛滑口腍身，食味不俗，以咖哩汁配上薄餅吃，永遠是上佳之選。簡單一塊薄餅脆中帶煙韌，空口吃或蘸咖哩汁吃皆宜。泰式鹽焗烏頭非常新鮮，出晒黃油，雖然是鹽焗，但不會太咸，肉質結實，魚尾還有身份証，保證正野。其他小菜都很正，可惜二人胃有限，下次一定會再來試其他小菜泰式蝦炒金邊粉用一個蛋黃漿造的網包著，挺有趣的。又是fusion元素吧。賣相一流!!熱辣辣金邊粉破蛋而出，金邊粉炒得乾身，不會油膩，加埋青檸汁，很醒胃，食完一啖又一啖，好快又清晒成碟炒金邊粉了整體食物質素好唔錯好抵食，而且服務同招呼都好好，侍應一見到我地自拍就即刻主動過黎幫我地影相，又會好多時主動睇下我地有咩需要

話說食左幾日泡菜國食物，無甚胃口，朋友想吃泰國菜，想起之前在灣仔吃過呢間的分店，就選擇吃呢間尖沙咀。在尖沙咀食飯，坐位通常很迫，但這店坐位闊落，四人坐一大張卡位，擺多幾袋戰利品都冇難度，可以舒舒服服甘坐，認真感動見到menu,種類豐富，價錢合理，可以放肆地點菜，爽呀先來泰式拼盤，拼盤超級巨型，個碟又大又重，辛苦了店員，甘巨型一碟，真係好吸睛! 拼盤有蝦餅，魚餅，春卷，仲有生菜包，拼盤中從未見過有生菜包！滿足晒貪心想食多幾款既女生，哈哈蝦餅彈牙，欣賞生菜包，吾太辣但夠香，又可以食多d菜，符合修身原則泰式青咖哩雞，咖哩汁看似吾太濃，但食落好夠味但吾咸，真係好好味。雞keep 滑滿，又滲滿青咖哩汁，正。配埋蒜蓉包同印度烤餅，冇得輸啦，一不小心，多食左幾塊烤餅，真係好難忍口椰青，久等了一會，但椰青水清甜，一下一下刮出椰肉，真係令人降溫。係衣加濕濕熱熱天氣飲最適合！馬拉盞通菜，表面平平無奇，但一夾，果種香味真不得了，果然色香味，香都係重要 一環！坐得舒服，食物又好味，人均百多元，係尖沙咀有甘既質素, 睇黎下次又快再黎過

今日同朋友行isquare ，之後就見有少少肚餓就喺屋openrice度搵餐廳食晚餐 ,今次我哋搵咗附近嘅泰國菜 ，等咗大約半個鐘頭就可以入去 ，冇諗過嘅地方空間感會更多，而且餐牌嘅價錢都比心目中便宜。 今次我哋叫咗幾款食物，同埋每人一個椰青，椰青大而且好甜又多肉 ，冇耐嘢食就到， 越式香茅豬扒份量勁多，香茅味濃，豬扒都厚身而且咬落去好軟熟豬肉，十分好食， 最後因為份量太多而食唔曬㖭 。泰式青咖哩 ，朋友揀咗雞肉 ，材料都好入味，而且辣度都夠，配上我哋之後再叫嘅蒜蓉包同薄餅十分之好食 。泰式蝦炒金邊粉酸酸甜甜再加多少少辣，好入味，金邊粉份量都唔少，而且蝦十分爽，十分炒得很香 最後當然我哋叫咗一個， 泰式拼盤冇諗過二百蚊都不用分量會咁多，而且每一款都好新鮮醬汁，竟然除左右泰式酸辣醬外仲，有一款類似芒果汁的醬汁好清新而且十分之開胃 。生菜包 辣度配香料十分之好，和新鮮的生菜包埋一起吃十分之好食 。最後和朋友都十分滿意這餐晚餐是質素都唔錯都很快就會執枱，同埋可以跟進食物嘅質數，應該下次會可以再叫多啲朋友一齊嚟聚會嚟。

今晚天氣有啲焗又熱🌞、感覺無乜胃口，於是放工約埋好友去公司附近既地方揾食，行下行下、行到出汗就到左漢口道度搵到呢間泰國菜上到餐廳 裝修相當骨子，氣氛相當唔錯，我地一坐底二話不說就叫左冰凍椰青冰，好快就呈上，椰青清甜爽口，椰蓉亦豐富，冰涼解渴，一流無得頂👍🏻食品方面 我地點左炒椰菜仔、香蘑蓉蒸扇貝 同埋甜品併盤🤤 先黎清炒椰菜仔，我地兩人都以健康、營養價值高既食品為主 所以椰菜仔就最岩。椰菜仔鮮甜又易入口，夠飽肚、清炒已經能帶出鮮味，確實要試跟著香磨蓉蒸扇貝，芬香僕鼻，蓉香四淺不在話下，每隻扇貝都有至少手掌般大、新鮮、肉質淳😉價錢更是合理，好抵食最後侍應貼心服務 亦將甜品送上，甜品併盤有三款種類我自己較喜歡椰汁西米糕，椰汁香濃、之後西米層夠淋爽，甜度剛剛好，如此水準實在難得。下次必定會再去試埋其他菜餚😉👍🏻

黎到東南亞餐廳梗係要試下佢啲印度薄餅同埋咖哩啦！ 所以我哋就要咗個印度薄餅，加埋一個南瓜焗咖哩海鮮，用啲餅點住 咖哩一齊食。 呢度嘅咖哩好香，唔辣，食呢度嘅咖喱仲會食到入面有一陣椰香味。呢個南瓜焗咖哩海鮮，入面嘅海鮮勁豐富，又有青口，又有大蝦，仲有帶子，全部都被濃濃嘅南瓜汁浸住。至於個印度薄餅就覺得好香脆食落口煙煙韌韌，點埋個南瓜咖哩汁就仲正啦！椒鹽軟殼蟹，份量好大好抵食，炒得好香脆， 又保留到軟殼蟹嘅鮮味。泰式蝦炒金邊粉勁大份，大大碟，啲粉炒得好夠鑊氣，上面淋左一層蛋漿， 整個金邊粉嘅賣相都好吸引，金邊粉入面包住嘅蝦，分量比得好足，勁大隻，啲蝦咬落又新鮮又爽口，真係好正呀！跟住我哋又叫咗個越南蝦米紙卷，黎到東南亞嘅餐廳呢個必食啦！ 一層薄薄既紙卷 ，入面放咗 豐富嘅食材，又有蝦，又有蔬菜，點買醬汁食又有另外一番風味。呢個菜淡淡地好啱用嚟中和返之前食過嘅好濃嘅咖哩嘅味道！

呢一間餐廳既環境舒適，而且氣氛熱鬧，多數都係一班朋友約埋上黎訂定位食飯，人氣都幾旺盛下。而食物方面，呢一度主打東南亞食物，比較有特色，而且選擇都好多。呢一碟辣椒膏炒花蛤，辣味十足，配上花烚，更能夠帶出到佢既味道。份量方面，花烚既份量都唔少架！雖然話係有住頗多既份量，但係佢既好味程度極之高，我同朋友食完都仲想叫多碟黎食，所以我非常推薦呢一碟辣椒膏炒花蛤。至於另外一個值得推薦既就係奶油大蝦，大大隻蝦配上甜甜地既奶油汁，仲要係岩岩整好熱騰騰咁樣，食落去超級好食！佢既肉質亦都好有咬好而且夠哂份量，所以呢一碟奶油大蝦都好值得叫黎食！菜方面，我地就選擇左蒜蓉炒貴妃苗。貴妃苗夠哂嫩，用蒜蓉炒亦都能夠食到佢原本既味道，加起黎唔錯架！甜品方面就叫左芒果糯米飯，芒果大大舊再加埋兩款糯米飯自甲選擇，岩哂作為一頓飯局既結尾。

星期日夜晚黎食 唔洗book位 一入就有 個肚餓餓地 兩個人叫左5個菜 呢個牛油果芒果軟彀蟹卷 味道好夾 個皮易入口又滑 好食！炭燒豬頸肉呢個真係俾10分 必叫馬拉盞通菜 分量唔算多 兩個人食岩岩好 蒜香雞翼 有6隻 一食落仲有煙出 新鮮炸 蒜香味重夠香 略嫌有d鹹 南瓜焗海鮮飯 南瓜味就唔係好濃 不過個汁有dd辣 正常埋單4xx 以咁既水準算抵 會再幫襯 想發掘下其他野食 (見隔離台d野食賣相都唔錯) 仲有環境好舒服 鋪頭入面d裝飾都幾靚 fill水速度都快 服務ok

今日去咗一間坐落於尖沙咀中央地帶嘅樓上泰式餐廳。食飯時間去食，人頭湧湧，好彩等左10分鐘左右就有位！餐廳嘅裝修好有格調，咁岩坐正係bar枱附近，望住店員調製特色飲品，幾過癮！一坐低就叫咗泰式生蝦做頭盤。泰式生蝦係食泰國菜一定要嗌既冷盤！生蝦真心好大隻，而且好有鮮味，食落亦都好爽口，加埋酸酸辣辣嘅醬汁，好開胃！青咖喱雞亦都好吸引，青咖喱嘅味道好香好清新，雞肉亦都好嫩滑！而且唔算太辣，撈飯或者加薄餅一齊食，真係好好食！而今次就額外點左一份薄餅，薄餅份量都唔細㗎，啱晒同朋友share！小食就叫咗一碟蝦餅，蝦餅嘅厚度十足，炸到表面脆扑扑，加埋甜酸醬，又開胃，又惹味！飲品選擇好多，好多都好想試，結果就叫左兩杯！咸檸七，之後叫左杯芒果沙冰！芒果當造，果然夠哂甜，飲完杯沙冰就當食左甜品喇！

平時多數講起泰國菜，啲人就會諗起九龍城，今次朋友介紹，於是決定去尖沙咀試吓呢間泰國菜。成間餐廳嘅裝修好relax，最啱約埋三五知己一齊去聚會，亦都見到有唔少人慶祝生日，環境真係幾舒服！椰汁冰好好飲！平起平時得個甜字既椰汁冰好飲好多，椰汁味濃，又大杯，岩哂解辣！食泰國菜梗係唔可以唔試下個冬陰公湯啦，我哋叫咗個細嘅冬陰公湯，分量足足有四五碗，裏面仲有原隻大蝦，真材實料！但係就相對辣，食得辣嘅人一定覺得呢個好好飲！另外一樣必點-泰式生蝦，每隻蝦都好厚肉，而且好彈牙，食落感覺好新鮮。再加上佢個辣椒同蒜蓉夾得非常之好，再加埋佢個秘製醬汁，好惹味！另外亦都試咗佢個青咖喱，價錢亦好合理。咖喱汁配熱辣辣薄餅，真係風味十足，超級好食。最後試埋佢個椰汁西米糕，十分足料！裏面有啲粟米粒同埋芋頭粒，口感好豐富，甜度亦都啱啱好！

呢日又同舊事同兼昔日戰友食飯，已經好幾個月無見，當然要食好西。上網見呢間泰國餐廳評語吾錯，又係我地公司中間位置同近MTR，所以決定一試，希望吾會中伏。雖然呢日係平日星期一晚，但都估吾到呢間樓上餐廳都幾full。7點幾入仲要等位tim，好采我地有訂位，所以可以直入。餐廳既裝潢充滿泰國特色，環境有d黑，但每張枱有打燈，所以影相睇menu都無難道。見舊同事未到，叫住個雞翼醫下肚先。蒜蓉味夠，好惹味，雞皮炸到微脆，有成6隻，每人可以食到3隻，正 。南瓜焗飯個靚好吸引，味道仲正。個汁好creamy，海鮮吾腥，炒飯底。內入兼備，必叫。呢杯香茅茶好特別，落左好多香茅，少少甜，鐘意香茅既人應該幾岩飲。Menu都有幾多野食揀，好采夠多圖，吾洗估。另外，我見隔離枱叫既咖哩同印度薄餅吾錯(秒速清哂)，下次一於搵埋大食既fd黎再試。雖然呢度有1個半鐘限時，但如無人等都吾會趕人走。呢晚真係坐得舒服，食得開心，傾得暢快 。

泰國菜餐廳喺香港係普遍, 但呢間新派泰國加東南亞菜就比較特別, 而且喺apps見到有好多好評, 就決定試一試!日本南瓜焗海鮮飯 $108焗海鮮飯原個南瓜上枱, 賣相好靚! 海鮮非常足料, 有大大隻青口, 蝦, 魷魚! 海鮮尚算新鮮, 肉質結實, 而且入味.有少少芝士係面頭, 仲有D南瓜醬汁同南瓜粒, 如果南瓜粒煮得再"林"D就更好!焗飯係用炒飯底, 有淡淡椰漿香味, 而且口感有點煙韌, 好特別!泰式生蝦 $98生蝦鮮甜爽口彈牙! 每隻蝦都好大隻! 生蝦上面放了少少辣椒, 配上酸辣醬汁, 非常開胃!馬拉盞通菜 $72通菜炒得岩岩好!馬拉盞惹味得黎唔太辣, 唔太咸, 唔錯!

同男朋友無獨有偶，兩個都好鐘意食泰國菜，今次去尖沙咀搵食，上網見裝修得幾靚而且價錢唔貴，一於就去試下～餐牌上食物種類都算多，一般泰菜都可以食到，7點半入座，但七點過後，餐廳可以用座無虛席黎形容！人流相當多，另外環境方面，二人枱算大張，而且坐得舒適，三至四人既話有機會安排喺梳化卡位。泰式蝦炒金邊粉✔賣相很討好，以蛋皮包著金邊粉，蝦肉沒有與金邊粉一起炒過，味道淡但肉質彈牙。金邊粉炒得夠乾身泰式炒椰菜仔✔椰菜多食，椰菜仔少食，香港不多見，硬身帶點苦澀，泰式微微辛辣惹味，淺嚐一兩口心足鐵板豪仔炒蛋✔熱辣辣! 蠔仔大大隻又甜，炒蛋也很滑。蛋的底下也墊了芽菜，用鐵板的餘熱把芽菜煮熟，生熟度剛好。調味就比較淡一點，所以我們加了一些胡椒粉還有辣椒醬，加辣椒醬的確很搭！

第二次來此店，仍然保持水準。價格算便宜，地方環境也算舒適，窗邊有幾張6人卡位，訂坐時可以指定。一定要食原個椰青凍糕，是類似大菜糕的質感。裡面有椰青肉，應該係用椰青水做嘅，食得出很清甜，椰青肉也很爽。另外，燒牛扒沙律也是必食的。牛扒嫩滑多汁．份量也足夠。但要留意，那個沙律汁是辣的，如果不能吃辣的人要記得叫佢分開上沙律汁。佢嘅蒜蓉包及印度薄餅都不錯，趁熱食很好味。叫了碟炒椰菜仔苗，我覺得幾好食。當晚條鹽焗烏頭魚過咗少少火，有點老了，肉質唔夠嫩滑，有少少失望。