新泰東南亞餐廳 (太子集團中心) (已結業)

今晚媽媽不想煮飯，所以我們全家去了尖沙咀吃泰國菜，不過可能因為星期五的關係，超多人光顧，我們都等了一會兒才可入座。餐廳裝修好有泰國風情，地方闊落，座位之間沒有壓迫感，舒適悠閒，在這裡享用美食，不錯呀！媽媽鐘意呢個-參峇炒羊角豆。其實就是秋葵，呢個做法好特別，秋葵完全入味，健康又好食爸爸叫左個-椒鹽軟殼蟹。軟殼蟹係切好一嚿嚿，食落都幾脆顏色鮮豔。蟹殼軟腍又不油膩，很乾身惹味，蟹膏也被炒得甘香，食落也是乾的。平時蟹殼那麼硬，如今這樣的軟，連殼都吃掉，蜃蟹肉也不失鮮味。一睇到menu張相已經即刻決定叫...越式燒春雞香茅黃飯。嘩!!一黎到係成隻燒春雞上. 隻雞都唔算細，見到流晒口水，跟住個waitress即席幫我地切開幾份(影唔切相...)見到入面啲黃薑飯好飽滿咁塞爆成雞，試落去真係好正，3至4個人食都夠👍🏻👍🏻👍🏻我叫-泰國青芒果沙律。青芒果沙律嘅酸辣有助消膩，不過廚師似乎重手了一點，沙律over酸了點整個環境舒適，食物的味道相當不錯，服務細心周到，而重點是價錢十分相宜，以後我們又多了一個吃泰菜的好去處。

話說近排媽媽學識咗用OPENRICE APP，自己睇食評㨂咗呢間餐廳，我地1家人當然以行動支持黎試1試佢呢晚都叫做試晒啲常食既泰國菜：生蝦呀、燒魚呀、咖哩呀咁上菜快之餘又真係幾好食最後我地6個人都食到飽晒好滿足咁走

又黎到我最鍾意嘅泰國餐廳，一個月起碼幫襯兩次，可想言之，呢度啲泰國嘢有幾咁吸引我，尖沙咀的泰國菜之中，覺得呢間新泰最正價錢抵！食物非常好味！環境乾淨！服務態度好！當然食物質素嘅好更勝過一切！-）馬沙拉咖喱牛端上桌時，新鮮香料的香氣撲鼻，個咖喱汁好香，有小小spricy，唔係即時出味果，汁濃稠，香草味有但唔搶味，牛腩煮得軟腍和入味，牛稔但有咬口，必食薄餅配咖哩汁，烤得剛好﹐完全唔夠喉-)泰菜又怎能决少泰式鹽焗烏頭，雖然我們等了十五分鍾，都係值得的!  這個烏頭魚有別一般泰式的做法，烏頭煎得很香，而且已經煮熟了，再放上爐子上慢火蒸，魚身加上湯很鮮味而且肉質很嫰滑!-)泰式蝦炒金邊粉，炒得好均勻同夠味，條條分明，好食！因為有好多時食開出邊d金邊粉，，有d炒到一舊舊或者唔夠味，咁就差好遠啦～

星期二晚約左朋友食飯,下午因爲嗨尖沙咀整公司嘅野，忙完就直接嗨附近揾地方聚餐。 朋友超仲意食泰菜，而呢間泰國料理又係佢之前嚟食過,而且話覺得唔錯，今晚就帶我嚟食。 間鋪環境光猛干淨,遊客都好多,服務唔錯。上菜非常快,買單連加一約兩百,價錢與質素成正比,整體的菜式水準都唔錯，如下次行開呢邊我會再嚟食。🦐生蝦夠爽口之餘亦有蝦味, 而且SIZE算大, 整體感覺出色～6隻生蝦配上泰式自家制的醬料,佢地的生蝦配上一片蒜片及一片辣椒片食,爽口好味🥦泰式炒椰菜仔十分新鮮,又爽口🍗越式燒春雞香茅黃飯係今晚最精彩嘅一道,隻雞唔會太大，全身燒至金香色有焦香，皮薄而香脆,肉嫩有肉汁,香茅黃飯粒粒分明,很香又不油膩,意料之外有水凖

帶媽咪去食泰國嘢，又要坐得舒服，又要抵食好食，今次試吓「新泰」，位置方便，環境舒適，食物質素唔錯，性價比高，值得推介👍🏻豬肉碎生菜包 $68生菜新鮮爽口，肉碎味道唔錯，小小辣，更加香，分量足👍🏻日本南瓜焗海鮮飯＄108賣相好靚😍 整個南瓜上枱，顏色已經好吸引，味道都非常好，媽咪讚口不絕😋 有南瓜粒，有海鮮，例如蝦、魷魚、青口，配少許咖喱汁，非常惹味，十分推介的一個菜式👍🏻越式蟹肉炒粉絲＄98真係有一件件蟹肉喺面，蟹肉味都唔算濃，但粉絲炒得好好味，爽口又入味，有少許胡椒嘅味道，唔錯😋兩個人食完已經覺得好飽，雖然好想食甜品，但係已經食唔落，下次會再去試吓甜品😝

新泰這間餐廳，位於尖沙咀北京道來說價錢唔貴，味道非常野味，多款菜式都很令人回味。蒜蓉貴妃苗🌱 ($82)這道菜頭非常多人叫，材料非常健康新鮮，上碟的時候已經閒到一陣新鮮菜苗，入口的時候有濃郁蒜蓉汁。菜苗每一條非常幼、瘦，但水份非常飽滿而且爽口，令人相當回味。椰青🥥（$42）椰清甜可口，椰子肉又正龍眼冰🍹（$38）除了椰青，另外一款推介泰式冰涼解渴飲品！這冰有超多龍眼肉，飲到最尾之後可以逐粒逐粒食返。馬沙拉咖喱🍛（$78）馬沙拉咖喱有椰奶香、肉桂、而且有一大個八角。味道雖然唔算辣，但係來自大量香料的風味，帶出了一種嶄新的味道。而且牛肉爽口，咬下去鮮嫩多汁。這道菜，值得一試。印度薄餅（$30）印度烤餅，外脆內軟又有嚼勁，配咖哩除了白飯之外，另一個首選。

今次同朋友補祝返生日揀咗呢間食泰國野。佢位置係Isquare附近，幾方便兩個人食，打電話諗住book位，店員話walk in就得。前菜點了軟殼蟹米紙卷🦀🦀其實本身想食生蝦刺身，但賣哂，之後想點個蚌，又係賣哂🤦🏻‍♀️但呢個卷都幾好食嘅，入面d菜都好新鮮。仲叫咗個冬陰公湯，每次食泰國野都要叫😝個湯入面有好多料，咁細碗已經有幾隻蝦🦐味道濃郁朋友話有d辣，我自己就接受到😊最後就係呢個金邊粉又係蝦🦐其實我地已經食到好飽，食唔哂😂呢個粉炒得幾有穫氣👏🏻

今晚同朋友一齊食泰國菜，環境非常寬闊，透過玻璃睇到尖沙咀既街景。一開始我地叫左牛油雞翼(一定要食)雞翼炸得外脆內軟，外面層皮好脆，好香牛油味，咬落啲肉汁出哂黎，底下仲有好多炒香左既蒜頭。泰式生蝦仲係依度既招牌菜，放係碟冰上面，非常新鮮。個醬一定要點，辣度十足，酸酸地，非常開胃。泰式蝦金邊粉份量非常多，足夠兩人分享，金邊粉加花生炒得香，入面有蝦，芽菜，仲有啲汁同蛋。飲品方面我叫左芒果冰，好清甜，非常解渴。

今日決定食泰國菜，發現呢道嘅環境好靚，所以黎試下！呢道嘅侍應都係泰國人，不過唔洗擔心，佢地嘅普通話一啲問題都無，仲好熱情好客。先黎頭盤，揀左泰式生蝦，必點！啲蝦好新鮮同好甜，仲好開胃，辣辣地。牛油雞翼都係必點！雞翼好香脆，肉質好嫩，啲蒜頭炒得好香！配埋啲飯食一流！主菜揀左泰式蝦金邊粉，賣相好精緻金邊粉炒得好香，夠濕又唔會乾，加埋蝦同配料，好正宗的味道。飲品揀左椰青，好清甜，可以括啲椰子肉出黎食，好味！

朋友生日飯揀咗新泰，話食過灣仔個間好好味，所以今次就嚟試尖沙咀分店。 開頭想訂位，但新泰話兩位無得訂，晚上7點walk-in會有位喎，結果係滿哂，攞籌後等到7：45至有位～～我地叫咗春卷，牛油雞翼，濕炒海鮮河同芒果糯米飯。春卷係幾好味牛油雞翼就太咸啦濕炒海鮮河份量少咗啲芒果糯米飯幾正，芒果好甜整體而言食物尚可，但我唔會刻意返來食囉！

呢排愛上左食泰國菜，所以成日周圍試唔同嘅泰國菜，呢間泰國餐廳其實尖沙咀都開咗一段時間，一直聽過佢個名但係都未去食過，今次就第一次試吓。552蝦醬炒飯＄85估唔到個蝦醬炒飯都真係做得幾香，濕濕地唔會太乾，蝦醬味好香濃，而且旁邊仲有啲肉鬆同埋腰果令到個味道更加突出有口感。中間仲有好多蝦仁，爽口彈牙夠美味。560冬陰公海鮮金邊粉$75冬陰公味道就比較酸，我就鍾意辣多少少，金邊粉嘅份量好多食完都好飽，裏面仲有好多蝦仁同埋菇。仲有青口同埋墨魚等等，都真係幾豐富，多重口味。134椰青$42椰青不算太凍，不過裏面好多汁，而且好清甜，好多肉可以食。501飛天通菜＄72飛天通才分量十足，咬落去非常爽口，而且唔會過老，睇得出師傅都好有工架，炒個菜都唔簡單，調味亦都非常適中，鹹香清新。

今晚去咗同事介紹係TST既新開泰菜店, 新泰東南亞餐廳 - 超好味! 我同朋友食到捧住個肚落樓(仲話新年後減肥???)數俾你睇...我地叫左「泰式細拼盤」，「冬陰功」，「馬拉盞通菜」，造型超得意好似北京個『鳥巢』咁款, 同味道一流既「 泰式蝦炒金邊粉」 ， 甜品係「泰式千層糕」, 然後見到隔離枱班韓國人叫咗 「燒菠蘿」,我同朋友即時又叫一客, 但又食得晒都要俾掌聲自己, 因為真係好好味道。泰式細拼盤馬拉盞通菜泰式蝦炒金邊粉無論個 「冬陰功」 湯定係 「 泰式蝦炒金邊粉」 內, D蝦真係好大隻勁足料囉, 上菜又快D 但係D侍應姐姐口音令我想起"三哥" wakakakaka, 但佢地服務超好!冬陰功燒菠蘿泰式千層糕

今晚嚟到尖沙咀新泰尋找美食， 一入到嚟，服務員就安排我哋坐窗邊嘅卡位， 呢間店好多人嚟食呀！ 全場都坐滿曬人 ，卡位坐得好舒服， 可以隨便傾計都唔會打擾到隔離 座位 嘅人安排喺窗邊坐就可以望到出面嘅風景menu好多嘢可以揀喇！ 我哋睇咗好耐先至最後決定食乜嘢呢一碟真係超級好味呀叫做辣椒膏炒花蛤， 望落紅卜卜，紅紅綠綠 ，一睇就知滋味無窮呀！ 果然不出我所料， 花甲好有口感 一啲沙都冇， 啖啖都係肉， 而且呢一種特色嘅辣椒膏， 真係可以令到花甲嘅鮮味提升口止一步。 成碟菜都好滋味！ 連其他嘅配菜都好入味，例如洋蔥喇 䓤啦等等。 雖然真係有啲辣 ，但係真係辣得好滋味，好過癮 ，我最鍾意食呢味！ 一定要叫毫不猶豫咁樣叫等我我啱啱等上完呢個辣辣花甲，下一味超級好味嘅餸就送上黎啦！ 呢個就係奶油大蝦，真係超creamy呀！ 呢一度彩呢係要熱辣辣先會feel到佢到底有幾好味㗎 ！唔係講笑成隻大蝦有頭到到尾尾都可以照食! 因為佢係脆㗎！ 因為佢呢個花實在太大隻所以連蝦頭都佈滿曬肉，配埋佢特製嘅cream汁， 勁juicy， 勁美味， 好吸引！食咗咁多肉點樣少得食夾菜呢， 於是我哋就叫咗呢個蒜蓉炒貴

同事介紹咗呢間新開泰菜, 原本麻麻地因為先入為主正泰菜可能出現於九龍城!! 但呢間係尖沙咀既新泰東南亞餐廳一試難忘, 地點又市中心易搵 - 無得輸。佢地個裝潢尤其牆身大大隻大象勁吸引, 我地叫左「泰式柚子蝦沙律」，「小拼盤」，「冬陰功」，「馬拉盞炒通菜」，甜品廚師推介「椰汁木薯」及「泰式千層糕」, 佢地好有心意一來先上「泰式柚子蝦沙律」,蝦好大隻感覺足料好抵食柚子令到個腸胃好舒服, 仲會等我地食好沙律開晒胃先上其他菜, 上菜又快同埋佢地D侍應泰姐姐相當醒目。個甜品 - 廚師推介「椰汁木薯」都係必食, 口感爽爽又唔漏, 一上枱陣陣椰汁香不得了!

隱世泰國菜食親泰國菜都好自然諗起去九龍城食，今日朋友約咗我去食泰菜，但竟然係喺尖沙咀食，尖沙咀附近，原來係一間樓上舖嚟嘅，上到去裏面好泰國feel，而且應該係泰國人開嘅，大部分待應同廚師都係泰國人，我估應該好正宗下。成班朋友食泰菜都一貫梗係叫冬陰功湯、串燒、拼盤之類嘅食物，我哋今次除咗都叫了這些食物之外，我哋仲叫咗個海鮮燒烤拼盤。個拼盤超大個，裏面有大蝦，扇貝，燒白鱔同燒生蠔，當然唔少得我最愛嘅燒菠蘿啦！啲大蝦超級大隻，有成隻手咁大，啲肉都好鮮甜，好juicy，燒白鱔，啲白鱔好新鮮，好彈牙，仲有啲生蠔都好大隻 ，除咗海鮮夠新鮮夠大之外，佢哋嘅做法係用好多蒜蓉放埋落去一齊燒，啲蒜蓉好香口，配埋落啲海鮮簡直係一绝！