新泰東南亞餐廳 (太子集團中心) (已結業)

成個2月團年有新年，食咗好多中菜，今日都唔知食乜好，所以同老公決定今晚搵間泰國菜食下，喺openrice上網睇到，有一間喺尖沙咀上樓嘅泰國菜，都好多好評，就上去試下啦！咁啱我哋又喺尖沙咀，近近哋今晚就食泰菜。食泰國菜當然唔少得係冬陰功湯啦！我哋一嚟到就叫咗個細嘅冬陰功湯，裏面用料充足，而且仲有隻好大嘅大頭蝦。店內啲侍應同廚師全部都係泰國人，好正宗，味道非常好味，早知我哋就叫個大㗎啦！太好味，個细都唔夠我地飲。平時我哋食泰國菜一定係食椰菜苗，因為係得泰國舖至有呢味菜，不過今次我哋叫咗蒜蓉炒貴妃苗試下，但係點知原來都好好味，啲貴妃苗好幼嫩而且有好多蒜蓉，蒜蓉味好香，廚師調味不會太鹹，清清地，啱曬我地啲新年食滯咗嘅人。

因為係星期日嘅關係，等咗好耐先入到座，但一食完，就覺得係值得嘅。食物一上，成班fd就餓鬼投胎咁，廿分鐘就清枱，除咗好肚餓，基本上係因為啲嘢真心好食！最推薦芒果糯米飯：糯米味香濃，芒果好鮮甜，椰子汁味濃，值得再食！！椰汁西米露糕：表面平凡，但原來椰子味香濃，中間有一塊芋頭，口感豐富魷魚筒：微辣酸甜開胃金邊粉：係暫時食過最爽口，唔太濕，未撈花生之前已經好香。芒果軟殼蟹米卷：味道清新，米卷煙韌小食拼盤：每種都好有特色，成班fd share 岩晒菜：新鮮爽口菠蘿炒飯：飯粒粒分明，好香

過年前特別多飯局，食酒樓中菜食到悶啦，不如食餐泰式團年飯🤤🤤已經去過新泰幾次，不過都係去灣仔分店，都算係有保證餐廳，各樣食物都唔差。泰式炸魚餅魚餅裡有香茅，睇下你鍾唔鍾意朋友覺得好好味，但我本身唔好香茅味，魚餅裡有豆角，增添口感都幾好味。泰珍珠椰菜苗炒香菇椰菜苗好好味😍😍 整理唔算油膩食慣炒雜菜，試下新野都唔錯蝦醬炒飯好香蝦醬味，仲配有肉鬆同腰果撈埋肉鬆就比較甜，兩種食法都好味泰式蝦炒金邊粉外表真係好吸睛，好唔好味呢？蝦大大隻又爽口，金邊粉唔油膩

見好耐無食過泰國野，所以上網搵下邊間正野。經過一番搜尋之後，我就揀左尖沙咀依間！好彩有訂位，入面滿座咖！蒜蓉越南牛油雞翼：雞翼外皮同樣香脆，食到中間既肉會滲出肉汁，以蒜蓉製成的比較重咸味。串燒：串燒有雞 豬 牛。三者粒粒刀大粒，食落不少肉汁滲出黎的。串燒最重要既醬汁是沙嗲汁，十分濃郁，完全吾似出面淡又稀，十分讚依間啲汁！泰式炸蝦餅：超級推介既炸蝦餅，真心好好食！份量多已經讚晒，仲大大舊，可以改名叫 ”蝦球”。口感外脆內面為彈牙，蝦為實肉，仲帶有鮮蝦味！外層炸得好脆身，但絕不油膩！配埋泰式辣醬，更加惹味！油飯：大大碗之外，賣相非常靚 顏色為金黃色。味道好香雞油味，食落飯粒為濕潤 一啲刀吾dry，好推介比大家食！原個椰青大菜糕：同樣地大大個椰青上，帶有椰香味道，口感爽口又新甜，推薦比大家！

位置好方便，就喺北京道好大間Adidas 對面大廈，I square 地鐵出咗行好短路就到去食泰國嘢，真係唔少得生蝦刺身 $95，有6隻，蝦新鮮好味，醬汁夠辣，好味，如果多多2。隻就更好喇。南瓜焗咖哩海鮮 $148 - 原個南瓜入面放咗咖哩海鮮，南瓜焗得夠晒淋身，海鮮有蝦，大青口，魷魚等，咖哩都幾香，汁幾濃，配薄餅/飯/蒜蓉包都一流食咖哩梗係要配埋印度薄餅 $30 食啦，都焗得幾香脆，有6片泰珍珠椰菜苗炒香菇 $82 - 味道不錯

難得星期五放假，緊係出街同fd一齊食飯啦！我地就去左尖沙咀shopping完食好野，今次想推介嘅係新泰，地方好大而且仲有rooftop dinning,雖然唔係望海但都好chill我地先叫左個馬拉肉骨茶（$78）上碟都幾大碗！茶湯飲起黎好香醇同濃厚，充滿藥香加埋大蒜嘅味道，飲落成個身暖笠笠另外仲叫左燒原隻魷魚（$98）好大條！真係原隻而且燒到皮脆肉嫩咬落勁彈牙一定一定一定要點個汁！酸酸辣辣甜品大拼盤（$148）好好食，件件都大大碟！夠哂4-5個人一齊share

我們一行四人在尖沙咀搵食。因為經常在尖沙咀行逛，這邊的中、西、日、韓餐廳已經吃到膩。今天晚上，我們找一間泰國餐廳嚐一嚐。走著走著便來到新泰東南亞餐廳。泰式生蝦: 量多，大大隻。 鮮甜爽口。酸甜汁很醒胃。木瓜沙律: 木瓜和沙律菜都很新鮮，清甜爽口。馬沙拉咖哩雞: 咖哩很香，微辣。 通配卜。我泰式薄餅和蒜蓉包，很好味。泰式薄餅和蒜蓉包都焗得很香。泰式炒椰菜仔: 椰菜仔很爽口，略帶鹹香。冬陰功海鮮金邊粉: 有大量海鮮，包括鮮蝦、青口和魚塊。燒生蠔: 生蠔大隻肥美， 鮮嫩多汁。燒黃鱔: 有點像日式的蒲燒鰻魚。 魚身很厚， 魚油豐富。芒果糯米飯: 黑白糯米飯煙韌，有口感。椰汁的香味跟芒香的清甜很答配。

超嬲今晚同朋友去食飯7:45到 佢話我地未齊人要齊人先入得 make sense話可能等8:30俾我地入 ok冇問題到8:15我啲朋友到齊 明明有枱但佢俾曬後過我地黎到既人到8:30開始燥底問佢我地入得未佢話唔得喎 要等到9點先入得話左8:30又推多半個鐘？你唔好推到11點等冇曬人先俾我入？食個飯 明明有位都唔俾入冇野下嘛？等個幾鐘都未必入到我谷氣都谷飽啦下嘛？之前有食過 啲野食係ok既但咁樣既入座安排 真係趕客最後嬲得制 等左45分鐘寧願走都唔食

今晚和朋友在尖沙咀上完堂學完野，剛好是八點半左右，我們左想右想，究竟去哪裡吃個晚飯好，我們都不吃太多，想簡單又好味道。於是又來到尖沙咀太子集團中心，那就一於去八樓的「新泰東南亞餐廳」，記得很久之前也來過，還記得他們的味道！所以我們點了三樣美食，包括：蒜蓉炒貴妃苗、泰式生蝦，及泰式干炒河（豬）。＜蒜蓉炒貴妃苗＞首先講呢個貴妃苗，好少地方有得食，口感都幾幼嫩，條條都好綠色好新鮮，清新唔油膩，比起平時食泰菜都係食椰苗有新鮮感，整體水份都適中，蒜蓉味香，帶有少少草青味，我本人都喜歡草青味！＜泰式生蝦＞生蝦刺身，新鮮彈牙，鮮嫩肥美，加上辣汁惹味無比，作為前菜最適合不過了！＜泰式干炒河（豬）＞賣相都算吸引，豬肉質感好好！河粉炒得不會太乾身，也不會過於濃味，好食！

😋 一切都泰好味😍身處泰菜天堂！🇹🇭✅ 併盤（蝦餅、魚餅、春捲、肉碎生菜包）Appetizer platter (prawn cake, fish cake, spring rolls, minced pork salad) $196 : 蝦餅魚餅都勁厚肉，口感已經滿分！另外有檸檬醬同酸甜醬可以點，味道完美結合🤩春卷外皮香脆，內餡份量一啲都唔小氣。肉碎生菜飽肥肉甚少，終於遇上，好感動😭✅ 麵包焗咖哩軟殼蟹 Baked bread stuffed w/ curry & soft shell crab $208 : 全力推薦！脆口軟殼蟹與軟熟麵包這組合簡直係無法抗拒🤤點上濃香咖哩，美味到昏！✅ 南瓜焗咖哩海鮮 Assorted seafood in pumpkin w/ red curry paste $148 : 海鮮份量同肉質都無令人失望，只係咖哩似乎太濃厚，搶了海鮮的味。大大個南瓜盅好養眼，啲肉雖然好難刮，但吃到既都係非常香甜🎃 我地另外叫左兩籃印度薄餅，真係史上最英明既抉擇，沾滿咖哩既薄餅吃落係極致享受😍✅ 芒果糯米飯 Mango w/ sticky rice & coconut

去完泰國旅行未夠一個月, 對當地美食依照念念不忘, 同事介紹尖沙咀有間食泰國菜質素同味道唔錯, 推介一試! 於是book定檯今晚同屋企人去食餐泰國菜dinner~餐廳內設部份卡位, 同鄰座距離較近, 不過座位算坐得幾舒服。平日晚7點多, 餐廳內已經座無虛席, 幸好有預先BOOK位, 減省輪候時間。MENU上款式眾多, 很多款都想試, 眼闊肚窄, 只好order幾款share齊齊食。【椰青沙冰】HK$55原個椰青肉打成沙冰, 椰香味突出, 甜甜地, 飲到最後一啖, D冰稍為溶左, 味道都唔會轉淡。【蒜蓉越南牛油雞翼】HK$68Menu上見到呢款小食係推介之一, 所以就order一試。牛油跟蒜蓉呢個配搭令上檯時香氣更為樸鼻, 咬開雞翼, 內裡還有豐富肉汁. 果然係色香味俱全。【椒鹽軟殼蟹】HK$78賣相其實有D似避風塘煮法, 同樣有炸蒜蓉, 軟殼蟹不會過於乾身, 夾集炸蒜蓉食, 味道香口~【串燒】HK$88串燒有六串, 可自選豬、牛、雞, 我地就選擇每款兩串, 每串串燒份量不少, 很厚肉, 串燒不會太乾身, 保留到原汁原味, 配上椰香味濃既沙爹醬, 味道更加提昇。【馬拉盞通菜】HK$72很

有泰國朋友來港旅遊，約我聚一聚，我當然要招呼一下，今晚我帶她到尖沙咀購物，並請她到太子集團中心的新泰東南亞餐廳食晚餐，因有同事知我有泰國朋友來港，一介紹我帶她試試這餐廳，同事之前食過話好好食。餐廳地方都很大，整潔雅緻，燈光柔和，座位舒適。冬蔭功(S)：泰國菜少不了這湯，足料海鮮，酸酸辣辣好醒胃。馬拉盞通菜：夠穫氣，青青綠綠带少辣，用馬拉盞炒好惹味！泰式炸蝦餅：蝦餅即叫即炸，上枱熱騰騰，外層好酥脆，內面蝦肉鮮味彈牙。叻沙蝦米線：湯底夠濃味，蝦已去殼，蝦肉爽口，蛋和豆卜吸收了叻沙湯汁，十分惹味，配埋滑溜溜的米線，令人回味無窮！奄列海鮮炒飯：用蛋皮包住用海鮮炒的飯，海鮮新鮮爽口炒飯夠穫氣，再加上炸過的肉鬆，增加香脆口感，十分美味！泰式去骨海南雞：半隻海南雞已去骨，雞肉嫩滑，點些特製醬汁提升味道，好味！油飯：食海南雞不可缺少的油飯，軟硬適中，味香濃。

一年當中都吃不少泰菜，但凡有新泰菜餐廳我們都會拜訪一下。 今晚我們一行四人到尖沙咀太子大廈8樓，有间靚泰菜。 裝修好似幾有格調，燈光有氣氛， 兩邊都有窗口卡位坐得很舒服。 八點去到入座率接近十成，人氣十足。泰式冬陰功湯味道也很有層次。 湯底鮮味帶各種香料味道， 唔算喪辣但令人越飲越想飲。 湯中海鮮份量有大頭蝦，青口，魷魚，蝦仁，蘑菇。。 飲完成個人暖晒。喇沙蝦米線$78友人中有勁鍾意食喇沙的， 這碗份量和材料非常豐富，表面泛着紅彤彤的油和濃濃的喇沙湯香味， 湯底濃厚帶海鮮味， 少辣得來有點點嗆喉， 做得非常正宗有水準。 鋪在麵線上的炸蒜蝦米更能帶出就成碗面的香味，口感。馬拉盞通菜炒得夠鑊氣，份量不少。 表面鋪上蝦米和少量炸蒜， 除了惹味還帶少少甜， 沒有平時馬拉盞醬哪種又鹹又濃的味道，正呀！泰式炸蝦餅。蝦餅又大又厚，四個人吃剛剛好。 表面炸得香口，蝦肉結實得來彈牙鮮甜，很有蝦味。泰式海南雞半隻我們叫了半隻海南雞， 隻雞唔算大所以雞肉比較滑身但雞味唔算濃。 配自家調製的海南雞醬和薑蓉更好味。我們還叫了一個油飯， 隻碗很細隻 但飯裝到很高。 油飯用了泰國米， 飯粒長而幼細，比較乾身唔算軟熟

預早打左去訂4位8:00pm, 一出lift，好有泰國feel，但waitress 話未有位要等等, 仲比埋menu我地睇定食乜~細心! 點知愈等愈耐,最後係等左35分先有位, 感覺同walk in冇分別, 雖然員工都好好間中都有行埋黎講就到,等多等… 但訂左枱都要等成半個鐘,真係唔係好高興!梛青沙冰- 唔係好多地方有得原個梛青打做沙冰, 又清甜又透心涼青芒果沙律- 又酸又辣又fresh~ 食完之後開胃哂~ 蒜茸炒貴妃苗- 一向都好鐘意食貴妃苗, 炒出黎非常香蒜茸越南牛油雞翼- 同我想做的不同, 一向喺泰式餐廳食都係好牛油好油膩嗰D, 但呢度係蒜香多於牛油, 而且比較乾身, 不錯!!馬拉肉骨茶- 比較失望的肉骨茶, 用料充足, 但非常咸, 咸味都差唔多蓋過其實藥材味…咸到唔係好飲到香芒牛油果軟殼蟹卷- 材料都比較豐富,不過隻軟殼蟹一上菜就已經淋左, 係好似煮完放左喺度好耐咁...有點失色泰式炒椰菜仔- 香味十足, 椰菜仔爽口, 裡面有點不太熟, 可以再炒耐少少咖哩+薄餅- 馬來西亞式咖哩, 香濃惹味, 再埋薄餅真係無敵!芒果糯米飯 – 一半正常一半黑糯米. 椰汁比較稠, 芒果唔夠香,但

朋友生日，選擇泰國餐廳.因為二個人關係，餐廳不設訂座。餐廳限時個半小時，朋友還沒到，所以坐在餐廳外，當時還未到七時，所以沒滿坐。朋友來到，我們點了蒜蓉越南雞翼。很好味，很香，不會太油。黃咖哩雞配薄餅，二樣是絕配，咖啡香濃。薄餅香脆。吃完這二樣沒難道！最後一樣是越南香芒軟穀蟹春卷，這個不合格，芒果很細粒，而且勁酸，軟穀蟹已經淋了，不脆也不熱，明顯預早炸好！點醬吃也吃不出什麼味道。因為限時1.5小時，所以上菜勁快，但清枱更快不用1小時，清掉我和朋友枱上的所以碟和餐具