新泰東南亞餐廳 (太子集團中心) (已結業)

踏入人生第三十個生日，今年生日正日會在台北，所以提早了一星期和家人吃了一餐。新泰東南亞餐廳 ，位於尖沙咀K11商場附近，裝修富麗堂皇，環境舒適。當晚正值國慶，有大型煙花滙演，所以客人不多。這間餐廳已不是第一次品嚐，但每次都覺得味道不錯。冬蔭公湯，海南雞，炒金邊粉，必吃，也不需再介。鹽烤盲曹，跟上一次比較，今次肉質更細嫩，火候剛好。串燒拼盤，下一次不必再點。咖哩軟殻蟹農夫包，包質鬆軟，再蘸咖哩汁，美果。失望的是，軟殻蟹炸的水準一般。人均消費200-250元生日飯食完，距離30歲還有7天。新一年希望，事業和愛情能夠更上一層樓。生日快樂，肥仔！

夜晚book左枱都要等好耐先入到去,門口係冇人負責叫枱號,有點混亂。生蝦刺身係每次去一間泰國餐廳既指定既前菜,刺身係新鮮,個醬汁就唔算太濃味。炸軟殼蟹比較少見係泰國餐廳,份量都幾多,望落去都算岩岩炸起果隻,唔會汁pat pat咁,同埋唔油。冬陰公海鮮湯麵,湯底濃味,但唔spicy,剛剛好,青咖哩牛,牛肉份量一般,重咖哩味,叫呢個就要叫埋蒜蓉包。蒜蓉包超正,超重蒜蓉味,同埋夠硬,配埋咖哩熱啦啦就岩岩好。

The food tastes quite good. the coconut smoothie was delicious. the seafood laksa was also very good, very tasty and perfect amount of spicyness. the customer service was ok, not the most friendly staff but still quite nice.the food was slightly pricy but overall, everything tasted good.

Happy friday唸住揾間泰式餐廳食個晚飯，訂左2位，再confirm booking時職員有講用膳時間個半鐘，有客等時再調整。餐廳環境食物都ok, 但服務認真有問題，落單只叫左一個奄列海鮮炒飯同埋冬蔭公金邊粉，職員見無其他野已經黑面，心唸可能係自己心理作用，算。食物差唔多食完已經推定架車係你旁邊，跟手見你剛食晒d野就把所有你的餐具等全部收起，再黎係咁問你要唔要甜品，答左唔要，問都唔問就放張單係你枱面要求比錢，眼見隔離枱都係咁被迫走，睇番個時間都係食左50分鐘左右。從未試過一間所謂既餐廳會係咁趕客走，唸住出面真係有客等都算，但一出門口一個客都無人等。睇番其他劣評原來受這樣*服務*的唔只自己。真心唔會再有下次，食物價錢偏貴，服務又差，又真趕客走，一肚氣

未入店之前 估唔到入面原來咁寬敞舒適店內充滿泰式風情 連員工都係泰國人黎！呢道既食物亦都令人有驚喜味道賣相都好出色！泰式青咖喱 $78 印度烤餅 $30青咖哩可選豬 牛 雞或者素菜今次就揀左豬肉咖哩味道香濃 而且配料又多又入味豬肉亦都好嫩滑配埋印度烤餅食真係令人意猶未盡鐵板蠔仔炒蛋 $88熱辣辣既煎蠔餅香脆可口蠔仔亦都好鮮甜強烈建議點上辣醬 會更加惹味越式燒春雞釀香茅黃飯 $168超級推薦既一道菜式雞肉係勁嫩滑 就算係雞胸都保留到肉汁香茅黃飯味道非常特別 有d薑味 食落好暖胃配上酸酸甜甜既醬汁 開胃到不得了 令人難忘

真心，這裡的食物質素真不錯，但服務質素就認真麻麻。訂檯時已知用餐時間為個半鐘，但食左四十分鐘已不斷問要否點甜品，但實際上我們連主菜都還未叫，便多番黑面話再唔點就食唔切，吹脹😤水櫃在我們身後，不斷就聽到那些waitress說呢張過時仲唔走，嗰張唔好比佢再點野，真的是食到人心都煩埋。其實泰菜通常都煮得好快，點菜不夠10分鐘便上齊，分兩轉叫也是正常。檯又唔係大，怎放得下，唔需要催命符般，催到我們都食得唔安落😒1）無骨鳳爪 : 鳳爪未能入味，但醬汁味道著實不錯，辣味剛好。2）香芒軟殼蟹米紙卷 ： 咬下嗦嗦作響，內裡的菜很新鮮，軟殻蟹亦香口。3）肉碎生菜包：碎肉酸酸辣辣，醬汁味道很好，十分惹味。包上生菜份外配合。4）泰式柚子蝦沙律：這沙律是甜的，感覺麻麻。5）馬拉盞通菜：炒得入味，不錯。6）泰式青咖喱雞：不辣的咖哩，跟包是極佳配搭。7）印度酥餅 ： 好香牛油味，上檯時還是熱的，非常好味。8）蒜蓉包：同樣香脆可口，面頭還有蒜粒的。假如不是這樣的服務質素，我絕對想再次光顧，但食到有點氣，還是一次算了，感覺可惜😔

呢期瘋狂地食東南亞菜，今晚就去左北京道嘅新泰。青木瓜沙律 $68泰式大多酸酸地，用嚟做頭炮開胃最適合不過。木瓜絲嘅粗幼剛剛好，令到入口個口感好舒服，咬落去木瓜又爽又脆。啲花生煮到好啉好好味。蒜蓉牛油雞翼 $68單睇相就見到雞翼比炸到脆卜卜的蒜蓉粒浸沒。而且份量十足，有成七，八隻雞翼，入口竟然真係食到有淡淡嘅牛油香味，幾有驚喜。啲蒜蓉粒攞嚟送飯食，一個字正。泰式炒椰菜仔 $95同樣份量十足，椰菜仔炒到好啉，好易入囗，嚼起來帶種甘甘苦苦嘅味道，好彩醬汁嘅咸味中和翻椰菜仔嘅苦味，反而覺得幾特別。平時嘅我係個食獸肉，如果唔係朋友減肥講要食多啲菜，我未必會叫呢個。lol。冬蔭功海鲜炒飯 $85菠蘿炒飯就見得多，食得多。冬蔭功炒飯就小見啲。上碟賣相還可以，一挖鬆嗰飯，就會發現到海量嘅海量，有蠓，有尤魚，有蝦球，青口等等。味道唔算太辣，一般就算唔食辣嘅人都食到，仲有小小冬蔭功嘅酸味，好像食緊固體嘅冬蔭功湯，幾得意。如果坐窗口位，可以居高臨下睇埋尖沙咀嘅景睇，應該會幾好氣氛。

服務態度絕對係滿分 前面等既有幾張檯但係都好關心我地 即刻擔凳比我地坐 要餐牌有即刻送到 服務態度沒得輸 雖然唔係話好專業個種但係非常親切 今時今日系香港好難得 個個服務員都好好笑容 又唔會催你 野食正常水準 青咖喱雞個咖喱幾好味 入面d配菜麻麻地 個雞都有雪味 勝在都算滑 咖喱搭救 炸蝦餅大大份 非常厚 係唔錯既 但係油耗味重左少少 同埋個炸皮有d硬 但都好熱辣辣 燒豬頸肉點距個醬汁十分正 烤得一d唔韌 白飯雖然20蚊貴左少少但係好大碗裝得好滿 我地兩個女仔兩份分一碗岩岩好

那晚跟友人小余共聚，小余是無咖喱不歡之人，她跟我說這店的青咖喱實在太美味，拉我來這店一齊品嚐，泰式裝修別具氣派，尤愛牆上的藝術風格壁畫。雜菜青咖喱端來，好香，青咖喱非常辣，食落有濃烈金不換和檸檬葉的味道，也有清淡椰奶味，伴以雜菜再以印度酥餅㸃上青咖喱醬，真是超美味，難怪小余極力推介，我想這青咖喱是我吃過最美味的! 泰式蝦餅外脆內鮮彈牙有汁，好惹味。那泰式煎蠔蛋，沒有潮式般肥膩，蛋很嫩滑，蠔是大大隻，很有蠔味，最特別是加了芽菜，另口感更突出，我覺得㸃魚露吃最滋味。青檸梳打配泰菜，很夾，很好喝，但價錢貴了㸃。甜品併盤別錯過款款都甚有水準，我覺得椰汁千層糕和椰汁西米糕都好吃，前者有很香的班蘭葉味，後者清甜有椰味，西米大粒軟潤，吃罷甜品滿足到震。

呢間新泰係尖沙咀嘅中心地帶，人來人往嘅街道，落一層地牢仿如另一新天地，環境好闊落，個個侍應都面帶笑容，好多都係泰國人，好好服務。經理推介我地食海南雞，二話不說黎左半隻先，果然好嫩滑，啖啖肉。炒金邊粉，睇個蛋網都知炒得有幾靚，夠乾身之餘好惹味，加少少青檸汁即刻可以食多碗。小拼盤有齊兩款魚餅同炸蝦餅，蝦肉新鮮打得夠彈牙，魚餅香濃不油膩，兩款都係出色之作。好耐未試過飲冬蔭功湯啦，好正宗！辣酸鮮三種味完美平衡食呢個海鮮南瓜咖哩一定要配印度薄餅，因為個汁太正，足料！下一個係燒魷魚筒，我至愛呀，勁厚肉，配個汁一絕，酸香清爽。最後嘅甜品芒果糯米飯，紫糯米就腍身啲，甜中帶咸嘅椰汁諗起都好想再食

約朋友食飯，成日唔係尖沙咀就係銅鑼灣。見尖沙咀開咗間新既泰國菜，就去試一試~大熱天時，點可以唔叫翻個沙冰！椰青沙冰 ($55) 份量係十分之多😂 1個人飲哂唔容易，share 會好啲。沙冰入面仲會有椰子粒碎，飲落都幾有口感。頭盤叫咗香芒牛油果軟殼蟹米紙卷 ($88) 呢個整得唔錯🤤 食材比例分配好好，食落好豐富，味覺既享受。仲叫咗個小食拼盤 ($198) 唔可以睇少呢個拼盤，又生菜包，又蝦餅魚餅同春卷，食完都飽咗7成😂 椰菜苗 ($98) 係外面好少見，就叫一碟試下。同椰菜味道差不多，但就好嫩，食落唔似大椰菜果隻既爽口。椰菜苗密度好高，纖維應該都好多，飽落好飽肚。幾飽都食埋個甜品先。原個椰青大菜糕 ($68) 好吸引，成個椰青入面都係椰子肉！食落係大菜糕既口感係幾爽口，加埋滑又嫩既椰肉，都幾襯。

食泰國菜不一定到九龍城，個人認為由泰國廚師主理的泰國菜館，已是相當的正宗泰菜。位於尖沙咀北京道太子中心8樓的（新泰東南亞餐廳），深棕木系的裝修風格，充滿泰國風情。泰式鹽燒烏頭魚$128，本人極鍾愛鹽燒魚的做法，既可吃到香脆的魚皮，魚肉也可以保持嫩滑狀態，熱度足夠，魚鮮味也可retain得到。馬沙文咖哩$98，是種泰國式的咖哩，主要材料係馬沙文咖哩醬、洋蔥、椰奶、椰糖、魚露及月桂葉。煮出來顔色偏橙黄，味道清新可口，甜中帶辣，辣到不會太高，偏港人喜愛。原個椰青大菜糕$68，剝開椰青後，倒出椰青水，剝開椰青肉切成絲，加入大菜糕粉，再拌入椰青肉及椰青水，經冰凍後椰青大菜糕即成，冰鎮Q 彈的感覺，可以消暑解煩。

今天跟朋友相約在尖沙咀聚餐，經過北京道發現這間泰國菜，晚餐時間食客都算幾多，建議提早訂位。 餐廳環境傳統泰色風情，淡黃色燈光，實木椅桌，環境氣氛算吾錯，傾計亦吾太嘈。我們點了柚子蝦沙律，味道好清新，好適合作爲開胃前菜常見的泰式拼盤，有烤魚餅發蝦餅，蝦餅夠厚身彈牙，魚餅就稍為較粉及燶了一點。之後是炭烤豬頸肉，肉質彈牙而且烤得剛剛好，配上特制的醬汁，的確係吾錯。另外有青咖哩雞，沒特別，主要是辣跟著蠔仔蛋，夠晒大碟，仲有好蛋蠔肉，味道同平時的蠔餅相近，蛋都幾滑最好吃的是冬蔭公湯，用了鮮蝦，香菇，及種種泰式香料餚制，夠晒野味，而且辣道適中，吾食得辣的我也飲了兩碗最後是甜品了，因為咩都想試，就點了兩竹小拼盤，黃色的好像是木薯糕，呢個值得一試,口感有小小爽爽地又煙煙硬硬，味道小小甜，又吾會好溜，是在整個拼盤中較爲出色的一款yummy，其他的就不過不失，最後食埋件柳汁糕就真係飽到上口心

今天跟朋友相約在尖沙咀聚餐，經過北京道發現這間泰國菜，晚餐時間食客都算幾多，建議提早訂位。餐廳環境傳統泰色風情，淡黃色燈光，實木椅桌，環境氣氛算吾錯，傾計亦吾太嘈。我們點了柚子蝦沙律，味道好清新，好適合作爲開胃前菜常見的泰式拼盤，有烤魚餅發蝦餅，蝦餅夠厚身彈牙，魚餅就稍為較粉及燶了一點。之後是炭烤豬頸肉，肉質彈牙而且烤得剛剛好，配上特制的醬汁，的確係吾錯。另外有青咖哩雞，沒特別，主要是辣跟著蠔仔蛋，夠晒大碟，仲有好蛋蠔肉，味道同平時的蠔餅相近，蛋都幾滑最好吃的是冬蔭公湯，用了鮮蝦，香菇，及種種泰式香料餚制，夠晒野味，而且辣道適中，吾食得辣的我也飲了兩碗最後是甜品了，因為咩都想試，就點了兩竹小拼盤，黃色的好像是木薯糕，呢個值得一試,口感有小小爽爽地又煙煙硬硬，味道小小甜，又吾會好溜，是在整個拼盤中較爲出色的一款，其他的就不過不失，最後食埋件柳汁糕就真係飽到上口心

生蝦刺身！ 對於我呢個生蝦愛好者，呢個係必點的！而佢都無令我失望、好味一定要配埋佢的汁！炸墨魚餅！好好食！值得再食！麵包焗咖喱軟殻蟹，個麵包好好食！麵包配咖喱永遠都係王道菠蘿海鮮炒飯，屬於中等！我哋一早有打電話訂座的，因為臨時多咗一位朋友咁，所以由本身卡位（六位）員工就想安排我哋坐圓枱（七人）！但係去到，我地等左半個鐘都無大枱，所以最後都係逼逼地+椅咁坐卡位！店員因為唔好意思要我地等咁耐，最後居然每人送左一件椰汁西米糕比我哋！好驚喜、對於佢地的服務很滿意！ 不過個西米糕唔太好吃，好硬身