更多
2015-06-25
536 瀏覽
沉日同班舊同事打邊爐聚下舊,呢間新東記位置都好就腳,一出尖沙咀站上嚟行一分鐘就到打邊爐,一嚟梗係叫返碟肥牛,佢呢度啲手切牛有得揀自己鐘意嘅脂肪分佈,有少肥中肥大肥揀,我地就揀咗中肥。一上檯個個都爭住相機食先,因為真係好紅好新鮮,影完就即刻每人一兩舊夾哂,唔洗一分鐘個碟就清咗!啲牛唔單止賣相好,仲真係幾好食,脂肪分佈平均,口感一流,仲好有牛嘅鮮味!另外呢個醉雞翼真係必食,我影到out哂focus添 有濃濃嘅酒香,食完之後味蕾上有殘餘甘味,齒頰留香,如果我個胃同銀包係無底洞,我會瘋狂encore,哈哈。
張貼