新東記火鍋店 (已搬遷) 新店位置

如果你問我打邊爐最鍾意食乜，我一定諗都唔駛諗就答你係牛，如果你再問我邊度打邊爐d 牛正，答案會係『新東記』。呢間新東記門面非常「up dup」，裡面裝修又成間舊式飯店咁，講真，唔係有人同我講話呢度既牛好正我都唔會去。第一次去果陣，一黎料就叫左碟大既牛肉先算，隻碟係蒸魚果種大碟，上面鋪滿牛肉，睇見到流晒口水，即時夾一舊入去淥，放入口.....嘩...d肉鬆化到有種入口即溶既感覺，好食得好緊要!!終於果日一個人食左碟半牛.....hahahaha除左牛肉之外，果度既墨魚餃、貢丸、魚卜、生筋、金錢展同魚片都係我同朋友覺得又新鮮又正既食品。基本上每年冬天我起碼都去幾次新東記打邊爐，不過果度既價格就高左d，一碟大既牛肉好似要成$168..其餘食品價錢都偏高。