新九記粥麵

營業中

休息中

在灣仔利東街掛到燈籠滿滿的日子，非常熱鬧！行過旁邊既大王東街，有間開了幾廿年既粥品粉麵店 仍然屹立不倒！可見對其非常有熱誠， 而且說明了絕不添加任何味精！所以我都感興趣了！店內都係主打足料粥品，撈麵等傳統食物，我就叫左份薑蔥魚片撈麵，魚片脆口，味道鮮魚香！魚片份量都好多，而撈麵既口感剛好，好有彈性！非常喜歡這個質感。旁邊既湯頭好入味！層次夠豐富！手打肉丸，富有彈性q彈，肉丸好香濃，而且有好多粒，我和朋友都覺好正。錦鹵雲吞，外層非常薄又脆卜卜，超爽！內層蝦肉豬肉作點綴，再配上香辣醬，更添惹味。如想吃這些經典菜式，這家不會令你失望，真材實料！

近糧尾出街食飯就要慳荷包, 今日去灣仔, 無意中發現左一間粥舖, 望入去見咁多人幫襯, 所以我倆就入去試試。店內裝修樸素, 環境整潔, 主打多款粥品, 另有湯飯、粉麵、小食, 價錢親民, 全日無加一服務費。【鮮蝦雲吞麵】HK$38 雙併+$15 豬肚雲吞雖然細細粒, 餡料卻很足料, 鮮甜彈牙蝦肉比例多; 豬肚很爽彈, 加左幾條薑絲, 沒有臭腥味, 麵質彈牙, 湯底清甜, 很有誠意。 朋友一試愛上呢度既雲吞, 即時 encore【上湯淨雲吞】HK$38【蝦籽撈麵】HK$54撈麵較乾身, 麵質彈牙, 灑上了蝦子, 食到淡淡蝦子香, 再配上一碗上湯, 邊食邊飲, 整體唔會咁dry。【招牌雙併】HK$49自選: 豬潤、肉丸豬膶片份量都幾多, 大大片, 口感食落帶點爽口, 無臭味。食到肉丸有陣陣肉香, 甜甜地, 配上棉棉既粥底, 味道唔錯!【魚腩滑雞粥】HK$68粥底軟棉, 入口滑而且有米香, 食到魚腩有鮮魚味, 嫌雞件肉既比例偏少, 雖滑但冇咩肉食。汽水 $10/罐

很久沒有外出和朋友吃晚飯，今天收工來到灣仔一間出名的粥店，吃他出名的生滾粥。開業多年是一間老舖但是放起來卻很新淨，應該有裝修乾淨。和朋友叫了一個馳名滑雞魚腩粥，還有豬手蝦子撈麵，另外再加了一個蜆蚧鯪魚及小吃，完成晚餐後我們都飽到不得了。說回正題粥底很有鮮味，不知道是用什麼新鮮材料炮製而成的，另外滑雞很有香味，不是平常一般吃到雪藏無味的味道，說他比起新界火炭田雞粥更好食也不為過。 另外魚腩也是每天新鮮準備而成的，所以吃起來也很新鮮。另外叫的那個蝦子撈麵，蝦子味也很濃郁，是我們平常比較少吃到的。南乳豬手炆得很淋，雖然在店內沒有用手吃，但是也不會吃到很麻煩，而且南乳味很入味比平常一般在家吃到的好味得多了。蜆蚧鯪魚球一碟有六粒，價錢可算便宜。新鮮炸出來的鯪魚球很有鯪魚味，配上有點酒味的蜆蚧，非常的配搭。下次一定再來！！！

係香港可以搵到有懷舊味道既餐廳真係好難得，係依個社會入面，大集團做主導既地方， 舊式小店真係好需要香港人既支持。停左晚事堂食咁耐，今日都可以黎到灣仔依個咁多灣仔舊式小店林立既地方食野。 今日我地就簡左食啲香港地道既面~一入去餐廳，侍應問我地係咪book左位火鍋， 我當堂嚇左嚇，點解連粉面店都有得打邊爐haha~ 一入去到就真係見到有人係到打邊爐，望真啲個餐牌就知道原來依到有得食粥底火鍋，即刻覺得間餐廳唔係好傳統，都跟得好貼下haha我地今次就叫左爽脆鯇魚皮 見到佢係假日先有得食所以我哋專登星期六日先來 見到份量超級大碟 想話呢碟餸真係超級符合佢嘅名字 真係好爽脆 而且仲有啲薑絲同埋蔥另外仲有啲辣椒係隔離 俾你夾住你食 令到成件事嘅層次非常豐富 之後我哋就叫咗子薑皮蛋 張子薑包住皮蛋咁食 令到成件事冇咁滯 又夠開胃 令人，一啖接一啖 雖然佢冇嗰種流心嘅感覺 但係佢都非常香！而且份量搭救 100分！主食就叫咗豬潤鯪魚球麵 通常見到Menu上面有手指公嘅嘢我就一定會叫😂所以今次就叫咗兩樣都有手指公嘅食物 放落一個面都食😆😆😆 豬潤厚得黎唔會過熟或者過生，亦都唔會有陣臭味 整得十分之好 而且仲

🍴《#新九記粥麵》I▪️🅘🅝🅣🅡🅞返工放工煩惱完一整天，尋覓下公司附近有啲乜好西🤭⋯⋯見附近開咗一間好耐嘅粥麵店一直都冇幫襯過，就入去食返碗蝦子🦐撈喇。食完即刻開心返哂，又滿足❗️麵質爽口，加上滿滿蝦子🤤🤤🤤簡直流晒口水❗️餐牌其實仲有好多粥麵類❗️下次一定會再幫襯佢嘅粥品❗️I▪️🅟🅡🅘🅒🅔蝦子🦐撈🔹HKD 53I▪️🅐🅓🅓🅡🅔🅢🅢📌灣仔📍 灣仔大王東街9號地下

同事家有喜事，同佢去喜帖街睇下有乜買，行到大王東街，見有間舊式粥麵店新九記粥麵世家，寫住粥品稱王，就入去食啦😄新九記豬潤粥係招牌靚粥，我哋要咗兩碗雙拼粥同蜆芥鯪魚球😄豬潤鯇魚片，豬潤粉腸粥粥底用有機米煲，口感軟綿，唔係用米漿開水嚟做粥底，豬潤係用新鮮嘅，又厚又大塊，咬落無筋，爽滑無腥味，剛剛熟，配鯇魚片更鮮甜😋，粉腸爽脆好食，第一次食到咁爽咁脆又做得咁出色嘅豬潤同粉腸👍🏻，雖然膽固醇含量多咗D，同埋少少邪惡🤪，但依家都已經好少粥店可以食得到呢種舊式生滾粥嘅味道😋蜆芥鯪魚球手打鯪魚球特別煙韌彈牙，size兵乓球咁大，即叫即炸，點埋腐乳製嘅蜆芥醬食，夠滋味🤤新九記自稱粥麵世家，今次食粥，下次再陪同事到附近，再試下佢哋嘅豬手麵先😉

新九記係灣仔一間出名食炸醬麵同粥嘅餐廳，裝修地道好有風味。我地一於今日就黎食粥同麵啦。我地特意叫咗有👍🏻推介嘅蠔豉滑雞雙拼粥一上枱就畀佢豐盛嘅份量嚇親, 好彩店員主動拎碗仔畀我同朋友share。配料方面, “滑”雞果然好滑, 唔係普通雪藏雞又嚡又冇味, 而係原塊雞件🐔平時都冇好少食蠔豉, 但原來煲過粥嘅蠔豉係咁鮮甜飽滿, 配粥簡直一流😋另外炸醬撈麵啲醬又幾多，肉絲都幾多，啲醬甜甜地帶微辣，撈埋啲麵度係正嘅，有種重味得黎又唔膩嘅感覺。我地仲加左碟芥蘭，因為想平衡啲，調味用左呢啲醬油，味道啱啱好！

有時食得多熱氣肥膩食物～就想食清淡一些今日就同屋企人經過灣仔，見到有粥麵，就去嘗一嘗鮮🤩餐牌簡單，只有兩頁，粥、麵、湯飯、小吃 ，價錢也相當相宜，40多元起🥰我們叫了魚腩粥，猪手撈麵 和 猪肚湯飯。魚腩粥，魚腩新鮮, 切得夠大件, 一碗大概有三四件, 魚肉鮮甜粥底綿滑又夠香 再加上少許豉油一起吃, 滋味加倍豬手夠淋，骨膠原十足，配上爽口撈麵吃非常不錯豬肚彈牙新鮮， 湯底清甜， 一啖一口加上湯飯為夏天可以消消暑 😜

新九記粥麵 - 港式麵食情懷一提到港式麵食，相信香港人一定不陌生，小時候經常接觸到的細蓉、雲吞麵、牛腩撈麵等，今日到了一間老字號粥麵店，細味港式粥麵的情懷。柱侯牛筋腩南乳豬手撈麵 厚身的牛腩，有膠質又彈牙的牛筋，牛腩柱侯醬味濃，肉質軟腍，加上惹味炆煮得非常腍身的南乳豬手，一拼伴著麵撈著吃。新鮮豬潤粥 粥底熱又細綿，單純粥底吃起來時已經令喉嚨很舒適，再加上粉粉口感的豬潤，又粉又嫩。上湯淨雲吞粒粒包得非常飽滿的雲吞，外皮薄薄的，可以看到豬肉和蝦肉的餡料，彈牙蝦肉加上紮實的豬肉，小時候的雲吞味道立即回來了。

新九記嘅爽滑嘅舊式淨水餃、雲吞，傳統口味真係最好食😋仲有兩碗必食推介；甜甜微辣嘅炸醬麵配埋碗九王上湯，肉條鬆軟不「鞋」口👍🏻👍🏻👍🏻🥣豬膶麵，豬膶爽口又唔腥，夠薑又夠香，幼麵軟硬度適中又夠彈牙🥰🥰

2020年9月18日 星期五呢排要準備返公司工作，都開始忙，所以返到屋企都冇時間煮飯，所以通常都會直接落街搵舖頭食嘢，而今日就俾我哋食返兒時既懷舊味道呢間餐廳雖然位於内街，不過都好容易搵到，因為招牌用咗紅色，特別顯眼餐牌上面嘅食物都係一般粥粉麵檔都有嘅，不過比較特別嘅係有蝦籽撈麵，而且有用粥灼既食物，感覺呢到既粥都應該幾出名，所以就叫左個雞粥，加埋蝦籽撈麵，同老婆share等左無耐，蝦籽撈麵就黎到，麵上面鋪滿晒蝦籽，睇落去好吸引。一食落去，充滿蝦味之餘，麵都好彈牙，完全冇鹼水味。撈埋湯都好配合，湯底好鮮甜呢個油菜加咗腩汁，所以食落去每一啖都有牛腩味，而且好爽脆最後最想推介係呢個雞粥，因為粥底超級鮮甜，而且店員話用新鮮雞，唔係冰鮮雞，所以雞肉好嫩滑，真係食到停唔到口，果然係招牌菜式！！

Healthy choice!Love the vege with beef braised soupDefinitely can finish an entire bowlU can feel that they are really freshAs the stem is still crunchy Porridge with fried oyster is in mega sizeOyster is bigger than the spoon sizeWith a slightly mild taste of the congee so it won’t overwhelmed the oyster flavourFresh fish ball is very spongy as well with over 5 big pieces in one single bowlDefinitely value for money

今日經過灣仔大王東街，見到呢間傳統粥麵店！而家真係好難搵到呢類有傳統特色既食店呢間所選用既米仲係用左歐盟有機認證㗎見到餐牌上有好多野都好想食錦滷雲吞、蜆蚧鯪魚球、爽脆鯇魚皮不過原來呢幾款都係某特定時間黎先有供應今日食唔到！下次我知架喇南乳豬手呢個豬手真係炆得好夠火候又好入味淋得黎仲有啲𡁻徑，唔會淋到冇哂口感果然係必食之選豬粉腸拼豬肚粥個粥好綿滑啊唔會得個咸字，食完一啲都唔口渴我好肯定係無落味精的！鯇魚腩粥鯇魚腩起碼有4件夠哂足料仲要係一啲幼骨都無，完全係啖啖肉架

星期六約左朋友去工聯會上堂,通常食完飯一齊過去,因為朋友岩岩杜牙根,所以要求食粥麵~~~~~所以今次去左出名食豬潤新九記粥麵~~之前都聽人介紹新鮮豬膶係每日訂貨,保證新鮮!!!!有粥有麵!!!朋友的及第粥~~有豬潤,豬肚,仲有其他配料,粥底好綿好滑~~~~~我自己就當然係食招牌靚豬潤麵豬潤大大塊,又爽口,超美味~~~~小食係爽脆魚皮,魚皮滑滑的,又爽口,~~~薑蔥辣椒麻油好香口2個人消費係$140到,真係超值之選!!!!

我都幾鍾意去粉麵店食野，一來快靚正，二來都幾夠飽，所以今日下午同埋朋友一齊去到新九記食lunch🤤小店有粥、湯麵同撈麵，原先想叫埋幾個小食share，點知小食要2點後先有，可惜😣1. 柱侯牛楠撈麵 $50牛腩份量好多，同埋睇落非常入味，柱侯醬的味道濃而不鹹，牛腩肉質鬆軟，牛味愈食愈重，炆透入味😋唔會好韌，而幼麵無鹼水味，麵質好爽口，不過食到途中要加一加湯，有點乾🙈2. 爽滑牛筋撈麵 $50牛筋份量不比牛腩少，啖啖骨膠原，牛筋睇落有嚼勁，但其實幾軟腍，而且不黏牙👍🏻3. 水餃雲吞撈麵 $64好想兩樣都試，就叫左個雙拼撈麵🥰水餃外型長身，而且皮好薄，食落爽口鮮甜，雲吞包得好靚同紮實，粒粒都完整無缺，蝦都幾足料，不過湯稍偏鹹同重味