文記車仔麵 (福榮街)

營業中

休息中

幫襯好耐架啦🥰尼度有好多配料小食比你簡 入去waiter就會比你一塊板落order 簡完寫檯號就等食～我簡左雞翼 蘿蔔 魷魚 銀針粉銀針粉真係好食配搭埋個腩汁湯 無敵！次次食完都清😋有一個戴眼鏡短頭髮waiter姨姨 服務既態度真係好好 超讚👍🏻

平時行開深水埗都見呢間車仔麵好多人排隊今次終於無咩人排..可以試下一試就知點解車仔麵都可以係米芝蓮叫左豬血牛肚咖哩魚旦牛根牛肚係金錢肚..唔係間間車仔麵都有金錢肚金錢肚食落比軟有口感牛肚同牛根都炆得好淋好入味咖喱魚旦好爽口成為左我最愛的車仔麵之一!!!

每次嚟到深水埗都一定會食嘅車仔麵，次次嚟到呢都見到大排長龍，就知道佢哋有一定嘅水準啦，玻璃魷魚，通菜，魚蛋，樣樣野都好簡單但要整得好食左一啲都唔容易，所以次次都會返轉頭

今日同哥哥兩條麻甩佬去咗深水埗鴨寮街買嘢，行到咁上下當然要醫下肚仔，去到最多餐廳嘅一條街，深水埗福榮街，呢條街超級多選擇，人氣鋪頭有好多，想當年排晒隊嘅豬膶牛肉麵，而家已經冇人排隊啦！去晒對面文記車仔麵，一年開三間，仲間間都排晒大隊，我同哥哥二話不說，排隊嘅鋪頭多數都係好食喺門口差唔多等左半個鐘頭，其實30幾度來講真係好大挑戰，最終都係入到去，我哋選擇去咗總店，見佢人少啲，因為太肚餓嘅關係，我叫咗五個餸，瑞士雞翼推介，玻璃魷魚爽脆，陳皮魚蛋彈牙，酸齋入晒味，韭菜餃餡靚，湯頭非常之甜，可能有蘿蔔喺裏面，仲有個辣醬，小辣啱啱好，依家諗起仲想食多次🍜🍜價錢唔算平，但係高質素💪

琴日平身想黎食文記，但因為真係太多人了，雖然佢有3間分店，但唔知點解大家都只係排第一間。我諗唔排下隊都好難食到，好彩今日我自己一個人，好快有位。兩個人或以上，一定最少要排15分鐘或以上。一個人佢唔洗排咁濟。入到去，我叫左，腩肉，加水餃，想對比一下同我琴日食果間有咩分別。雖然坐低坐，叫埋野食，都要等好耐先到。但好在佢有電視睇，邊睇邊等，唔覺得好似好耐。食落去，覺得文記腩肉比較入味，但份量比較少，水餃皮文記比較厚左少少。不過整體都算好食。

文記車仔麵一直都很想吃文記車仔麵，一直都没有機會吃不是抽不到時間去深水埗，就是太多人在店外排隊等候入坐人多等候，即是說超出餐廳的負荷量，餐廳會出現緊張的情況，這個時候樓面服務是會首先下降，再者廚房煮食素質亦會因為工作量增加而下降所以要排隊的餐廳我是不會吃的，除了一蘭和澳牛之外只有這兩間餐廳有能力解決上述情況今天難得不用排隊就可以入去，當然要試一下魚蛋彈牙，帶點陳皮味豬皮爽口，魷魚有點煮過頭牛栢葉就有驚喜，應該係香港所有餐廳之中，最大件的牛栢葉我一直都唔明，牛栢葉根本就係下價食材，為什麼要這樣吝嗇呢？以文記嘅實力，應該可以打入香港車仔麵首五位

好耐無吃車仔面啦，梗係要來人氣爆滿位於深水涉葛文記車仔麵Man Kei食下午茶啦！超級多人係度排隊伽，何想而知間店人氣有几旺啦；首先講下個瑞士雞翼，非常之入味同埋價錢好合理，瑞士汁葛甜味依然可以留係雞肉嘅裏面，而且雞肉好嫩滑；然後點咗份辣汁玻璃魷魚，魷魚有滴爽爽地又有一滴煙韌，而且滴魷魚吸收咗秘制辣汁，令人完全唔想停口。真係超級好吃而且量又足！要係驚熱氣就點樽龍眼羅漢果茶啦！好香羅漢果味, 又唔會太甜,個樽裡面仲有2粒龍眼哦！

成日聽人講位於深水埗 文記車仔麵 係香港數一數二嘅車仔麵好難超越，所以今次專登黎食。見星期六所以我早啲去排隊，去到後我叫左個瑞士雞翼同埋一個豬大腸蘿蔔車仔麵。食材非常新鮮而且個秘製辣汁好惹味，嗰個瑞士雞翼都好出色非常入味。自家製餃子較為乾身但勝在多料。如果有時間下次一定會再嚟👍🏻👍🏻👍🏻

爆紅人氣「文記車仔麵」，閒日下午茶時間咁岩撞正唔洗排隊即刻入去試下，食完之後覺得唔洗排隊既話又順路或許會入去食，但特登嚟食就唔洗啦~環境有兩間舖位連住，地道香港茶餐廳格局，衛生情況正常，座位唔算多，可能就係點解經常排長龍既原因。餐牌價錢唔算平，以車仔麵黎講都係中上位價錢。自選車仔麵已經食左午餐再嚟，同朋友2個人Share一碗食試下，揀左招牌瑞士雞翼($13)、招牌玻璃辣魷魚($13)、蠔皇小花茹($12)、酸齋($10)、金茹菜($9)，配烏冬($10)，總共$67。都唔算特別大碗，先試招牌瑞士雞翼，果然好入味唔會過鹼，雞翼冇雪藏味唔霉，以車仔麵黎講算唔話得，而蠔皇小花茹細細粒都幾香蠔油味，有咬口，其餘配菜就正常發揮冇特別，招牌瑞士雞翼係幾值得試，如果要排隊再加上價錢又唔係平，都唔洗過嚟食。總括而言，湯底冇太大驚喜，係得瑞士雞翼幾入味，不過妨間好多瑞士雞翼都整得唔錯，為左瑞士雞翼唔洗食呢間，見好多人都話等半小時以上，唔值得，認真香港好多車仔麵比佢出色。

平時落深水埗都唔會食野，今晩比朋友慫恿食宵夜。我就嗌左油麵，瑞士雞翼同貢丸，湯底係瑞士汁同腩汁，埋單三十蚊。湯底瑞士汁好濃但唔油膩,幾易入口。油麵幾好食，爽口唔粉。貢丸幾彈牙，雞翼就不過不失，都可以一試。

文記車仔麵嘅性價比比起其他車仔麵高 每一次嚟深水埗都一定要食 價錢係由朝到晚都一樣既 每次去到門口都好多人排隊所以趕時間嘅人就要小心啲 所以多數人都會選擇買外賣鋪頭有兩間一間主要做外賣一間主要做堂食 要食就預咗要同人一齊坐因為鋪頭冇獨立嘅位置講下野食先，首先講吓個瑞士雞翼，非常之入味同埋價錢合理 食得出瑞士雞翼嘅甜味即是就唔係車仔麵裏面一段時間， 甜味依然可以留係雞肉嘅裏面，可以鎖住瑞士汁。另外個腐乳通菜係必須要叫 怕食辣嘅人要小心啲因為腐乳好多同埋都係辣既 係價錢合理（$15）分量比較適合兩個人一齊食我認為呢度嘅招牌菜係蘿蔔，我每次嚟到一定會叫嘅餸， 因為蘿蔔吸收晒全部嘅湯底，食得出應該係煲左好耐嘅蘿蔔, 而且唔會硬，咬落去林得來又多汁湯底要注意因為呢間鋪頭普遍都係偏向辣嘅所以叫嘅時候最好唔食得辣就叫小辣/唔辣我本身係唔食辣嘅所以就冇特別叫辣嘅湯底

基本上一個月點都要食一次文記🙊每次必點辣魷魚同蘿蔔😆蘿蔔真係超級無敵冧 冧得黎又要無渣真無正🥰魷魚好入味🤩 但其實都有啲辣 所以唔食得辣建議唔好食😂湯底我通常都會揀腩汁 好夾🤪除左呢兩款必點的餸 我有時都會點雞翼佢既雞翼系超級入味😚 真係無敵好味🤪就算一個人黎文記食都唔會老尷 因為都系面向牆食 不過啲食飯時間都預左要等 但一個人會等得快啲😂😂😂 同埋佢有三間分店 但我每次都係食呢間～ 希望有機會試埋其他分店 睇下有冇分別😏

今日去咗文記食車仔麵，難得冇乜人排隊，梗係朝聖下先叫咗兩碗面一碗尤魚/小冬菇/牛筋/豬紅/雞翼尖/河粉/大辣雞翼尖同豬紅入味，牛筋夠晒林最精粹當然就係個辣汁啦，一路食一路流鼻水基本上覺得如果唔食辣就係冇嚟過文記朋友叫咗碗勁大嘅豬腸/小花菇/牛筋/魚蛋/牛丸/雞翼尖/河粉/小辣佢鍾意食豬腸，所以叫咗兩份咁多咁我試咗兩舊，都真係唔錯嘅，又淋又入味雖然佢只係食到小辣，但係佢都覺得文記嘅辣汁真係冇得頂，再加埋罐可樂，爽呀

雖然已經食過好多次🙈🙈但有選擇困難症的👧🏻每次諗叫咩餸都需要點時間因為每款餸都好吸引😋而最常叫的有瑞士雞翼/玻璃魷魚/小花菇麵底只會叫：銀針粉🙈🙈🔸瑞士雞翼好好入味，雞肉嫩滑🔸魷魚咬下去好彈牙🦑🦑🔸小花菇細細粒,數量差不多8-10粒😋雖然經常都要排好長隊😗😗但無阻我去食車仔麵的心情😋😋

星期五好少可咁經過深水埗 雖然係中午三四點 但係仍然有一條好長嘅人龍係文記車仔麵出面排緊隊嗰陣時隱約聽到前面同埋後面都係內地遊客 排咗大約九個字左右終於入到去啦落單嘅方法係 跟住條人龍行過店員前揀要食既面種同餸 揀完之後啲姐姐會問你 要唔要辣同埋要唔要菜po 最後佢地會送埋碗面去我地張枱度 唔需要自己攞嘅雖然唔係第一次食文記 但係對上一次已經係半年前隱約記得啲豬腸好香好入味😍今次我叫啲姐姐落咗瑞士汁俾我 佢一啲都唔孤寒 不左一大落我碗麵度今次叫咗河粉 我覺得文記同其他車仔面一樣其實重點都唔係個面係餸方面叫咗 蘿蔔瑞士雞翼同埋花膠蘿蔔同瑞士雞翼基本上 都冇野可以挑剔兩樣都好入味而且煮得好淋 加上啲瑞士汁 完全係Perfect match!!!如果唔係因為之後要食甜品 我差啲就叫咗五隻瑞士雞翼行街㗎啦花膠方面可能因為花膠始終唔係會好索味嘅食材 所以整體來講好普通 唔係好食到佢煮左好耐既感覺跟餐叫埋杯凍檸茶小冰少甜 一共都只係60蚊左右已經期待緊下次再食啦