文記車仔麵 (福榮街)

營業中

休息中

平時去開深水埗都會食番餐文記車仔面，食左只是十次！😋😋😋面底，湯底，餸都有好多選擇， 個人小推薦韭菜餃，雞腎，玻璃辣魷魚，再加配凍咸檸七，非常美味！ 唯一缺點係食飯時間太多人排隊，同座位太逼了。😅

去開深水埗買野，朋友仔叫我去試下文記車仔麵，話好食又抵食好好好，等我 try try先嗌左豬手豬大腸酸齋薯粉，豬手好淋好好味喔，豬大腸ok嘅，但見到頗多嘅肥膏響大腸入面，有少少核突，酸齋有驚喜喔下次有機會再黎試下其他野先

第一次食文記車仔麵，朋友話呢間車仔麵好出名，於視乎佢帶我去深水埗試吓。好多人係出面排緊隊，好彩朋友早到，我唔使點排隊就可以入去啦，不過環境都有少少迫。我點了韭菜，魷魚，腩汁粗麵，微辣，加蔥花。這裏的辣比較辣，就算是微辣，我都覺得是相對於出面餐廳的小辣，所以本身不是吃得太辣的朋友們，就點微辣可以了。另外飲品跟餐的話會比較平，只是$9，我點了菊花蜜，原來是自家製的，味道不太甜，也十分潤喉。最出色的是辣菜脯，我加了兩湯羹，用來調味一流！整體上，這間餐廳的車仔麵挺好吃，而且很地道， 絕對會有下一次。

又係午飯時間，今日出去九龍西做野，特登去試一試深水埗出名嘅文記車仔麵。呢間鋪頭一條間開足三間，但我每次經過都見到佢係大排長龍。今次一個人食，都要大約等左15分鐘，可能係食飯時間多人掛？黎過嘅人都可能知道，佢個menu係print左上塊膠板度，只要用白板筆填好就可以落單。湯底亦可以有多款選擇，要幾辣都可以揀。最後揀左幾款，埋單要$45。以食物質素黎計，無可否認係比一般車仔麵高。不過3餸麵要賣到45蚊，就似乎貴左少少。

由文記得一間食到佢開左3間分店，味道依舊咁正，不過人就真係愈來愈多！今日7點黎到文記3間都有唔少人係門口等緊，我地食過咁多次都覺得3間水準一樣，所以就求其拎左第一間既籌。我地66號要等大約30張枱。不過唔知係咪當日有少少雨，叫號都叫得幾快，大幾20分鐘左右就有得入去啦！黎到文記，必食一定係個瑞士雞翼，超級入味。而另一推薦就係白蘿蔔，清甜同埋份量都幾多，有4-5舊。加上佢秘制辣汁，真係令人非常滿足呀！店內姐姐態度同服務都一流

車仔麵可謂香港最地道的美食，文記則是當中的佼佼者。尤其欣賞他的牛孖筋，口感彈牙，充滿膠質，同時又吸取到湯的精華。湯底有咖喱汁、腩汁等各種選擇；麵底又有粗麵、油麵、幼麵等約十款，確實百搭，可跟個人喜好自由配搭。簡單、百搭、美味！

好日唔去深水埗，朋友們一眾都話文記車仔麵好食，假日諗唔到做咩好，就特登去左深水埗食米芝連車仔麵。星期日下午3間鋪都一條人龍，人氣十足！價錢大眾化，自己揀餸，第一次食就一口氣要左5個餸，參考佢列左top ten 。辣度佳宜，瑞士雞翼入味，必食雞翼！ 豆卜沒味道，可不選；蘿蔔甜甜的，可取；八瓜魚卷較特別呢，可取；韮菜餃沒特別。再去會再叫雞翼、蘿蔔、蘿蔔，再試其他餸！5餸埋單$73，價錢正常！文記已成為我們心目中車仔麵既第一名！

香港好多地方都有車仔麵但又系唔系間間好吃呢？ 真系睇彩數位於深水埗近D2出口拎埋米芝蓮既車仔麵一條街已有3間分店 都依然要排隊一入去店員好快手 已比餐牌 直接寫系牌上坐位較為迫夾 唯有快食快走推薦：雞翼 花膠 冬菇 蘿蔔都好出色 個人都喜歡 加辣汁 尤其雞翼 好入味 仲要浸到好淋 出面暫時真系得文記雞翼有甘既效果飲品都好唔錯 甘蔗汁 羅漢果水 感覺真系自家煲出黎既 好有味而且價錢都抵食 絕對冇因爲米芝連聲譽而都加價推薦比大家 真系值得一試

#文記車仔麵係深水埗最紅食店 坐擁三間店但間間都可以排哂長龍。無論裝修定食物都好有特色。食物有水準。真係可以代表到香港。我認為係值得去試下既。值得一提係啲店員姐姐好忙但都仲好親切，好有人情味。超級推介瑞士雞翼！入味！香滑！彈牙！有肉汁！暫時係我食過最好食嘅瑞士雞翼牛腩都唔錯 淋身入味而且夠大舊有咬口。餃子就比較厚皮，味道亦不出眾。不特別推介。缺點就係人太多，等位要等好耐，基本上晚上大約要等20分鐘或以上。價錢方面亦比較其他車仔麵偏貴。

最近真係好流行食文記車仔麵，深水埗嘅大店，其中一邊係懷舊裝修 令一邊就係時尚又有啲日式風情嘅裝修，俾人感覺都幾乾淨。入到去都好多人 當然要點佢嘅招牌雞翼 雞翼嘅顏色好深色 一睇就知道佢好入味，開頭有啲擔心會唔會好老，但係咬落去真係超級鮮嫩，而且味道濃郁。車仔麵方面反而就覺得一般，叫咗豬手仲有魷魚，魷魚都係招牌菜式來的，咬落去都好彈牙，但係略嫌佢唔夠辣。豬手炆得好入味，我覺得最好食嘅方法就係將河粉，撈入去雞翼果汁度，定係果汁都可以食到成碗河粉！

文記車仔麵係住左hall之後成日聽，食過幾次，唔小心叫左辣，係好辣，搞到我食完都唔知好冇食，叫左佢個雞翼同魷魚，魷魚係爽口既，但d味蕾比d辣味掩蓋哂，唔知係咪真係講既咁好食，所以建議大家唔係好食得辣千祈唔好加辣😭 

9點鐘拎左飛9點半見有其他客人嘈先發現原來佢隨便俾左後面既人入去然後話號碼過左唔俾人補飛（但其實岩岩過左5個，而店門寫過10個先唔補）咁我都上前想了解返依家係點安排同安排入坐既姨姨講其實前面無叫過號，點解會跳晒突然間有個樓面姐姐大聲夾惡咁叫我唔好嘈，話無見過我我唔明發生咩事我同姨姨係好聲好氣咁講，二黎係我有飛係手，佢無行過出黎無見過我同我排緊隊有咩關係？而且佢話完我之後就頭也不回咁走左去我係黎俾錢食飯而唔係要咁樣做人出氣袋

第一次試呢間超級出名既車仔麵，佢有三間分店係深水埗。假期中午去到已經見到大排長龍，雖然好多人，但等既時間就唔算好耐。等陣個陣就要諗定食咩，排到你既時候就要同姐姐講要咩面底同餸，今日試左米線+玻璃魷魚+小花菇+蘿蔔，呢幾款餸都係佢鋪頭十大推介入面，果然好正！米線正常水平，唔會太淋但都唔會係好有口感既米線。玻璃魷魚唔算好入味，浸落湯之後食返唔太食到佢個醬汁既味，不過口感唔錯。小花菇同佢個名一樣係超級細粒，不過份量都唔少，而且非常入味！而蘿蔔亦都好甜！佢個湯底係有少少鹵水，食落唔會太鹹或淡，送面一齊食一流。食得辣既人記得要係比錢既時候同佢講加辣，另外佢仲有一枝油放係枱面等客人自己加，應該係花椒油，加埋食落去會有一股香味同麻麻地，超級惹味。

深水埗文記車仔麵喺2017年11月入左米芝蓮，街頭小食車仔麵打入米芝蓮，價錢都算係平民價，我係一個晨早鐘意食早餐，半夜三更又鐘意食宵夜嘅人，我可以話俾大家知，文記半夜都要排隊架，因為真係好好食~店家嘅介紹係湯汁及辣醬，全部自家研製而成，我真係覺得湯頭好甜，有好多好多嘅餸揀，豬皮必點喇，瑞士雞翼又甜又多汁，豬大腸煙韌，花膠大塊，小花菇真係好入味，辣魷魚脆口香辣... ...麵底都有14款選擇，各有4-5款調味醬料同湯底~次次都忍唔住叫到好大碗好飽，未試過點都要試一試~

🚩深水埗🍜文記車仔麵-小編除咗包, 都成日寵幸米線,車仔麵♥️今次去咗深水埗呢間超人氣車仔麵店, 果然相當唔錯. 雖然佢係同一個地段有三間鋪頭, 但話明超人氣, 點都要等返15至20分鐘嘅xd 入到去好有趣, 好似食一蘭咁, 每個人都有自己嘅枱號, 咁樣送菜都方便啲-🍜湯底揀咗腩汁加秘製中辣醬, 辣醬雖然唔辣但好惹味, 配上腩汁令車仔麵味道提升🙌🏼而且欣賞佢有好多配料選擇, 小編選擇咗推介嘅蘿蔔, 玻璃辣魷魚, 魚肉, 菜心同糖心蛋🥚最特別嘅梗係有糖心蛋, 未見過車仔麵有呢個配料, 好吃又可以補充蛋白質😚🥕蘿蔔清甜, 而且索哂腩汁🐙辣魷魚新鮮爽口🐟魚肉也不賴, 食到手打既煙韌🍗小食瑞士雞中翼也很好吃, 醃了濃濃的瑞士汁, 應該也加了牛油, 令醬汁味道更濃郁更突出🤤🍯枱面亦有好多醬汁比客人自己添加, 可以客製化自己嘅車仔麵-整體真的很不錯, 如果唔使排隊更加好, 所以我會選擇平日去食, 然後再試埋佢其他小食🤤🤤💕-