文記車仔麵 (福榮街)

營業中

休息中

好耐冇黎深水埗，今日同女朋友去深水埗特登食呢間文記車仔麵因為大家都好掛住呢個車仔麵🤣小花菇酸齋筍絲米線（腩汁）（微辣） $44小花菇有好多粒而且好入味好滑，推介！酸齋配車仔麵幾新奇又幾夾，不錯。麻辣筍絲好脆好爽口，不過有一定辣度👅。另外，我叫左微辣但佢俾咗中辣份量我😂惹味九菜豬紅蘿蔔大腸 $35呢個好抵食有四款菜，每次黎都會叫！🥰油菜通菜腐乳 $16呢個都一樣抵食$16好大碗！😍魷魚牛孖根米線（中辣）$38魷魚本身有少少辣質感偏爽口彈牙，牛孖根好淋。🤩

🐾 文記車仔麵 🐾-牛腩,辣魷魚,魚肉,蘿蔔幼麵$50-次次經過都見到好多人今次終於有時間排黎食啦，佢啲餸全部都好入味囉而且湯底可以揀自己最鍾意食嘅味道下次有機會想食埋花膠好似都幾正咁🤣———————————————(非專業,完全跟據個人口味☺)食物:8/10環境:5/10服務:6/10人均消費:60———————————————▪店舖名稱: 食記餐店 (鴨脷洲)▪店舖地址:🔸 鴨脷洲鴨脷洲大街42號舖-----------------------

同老媽子出九龍做d野，問家姐深水埗有咩推薦，佢就介紹左文記車仔麵，12點左右去到已經有人排隊，好在唔算多。車仔麵聽就聽得多，食就無乜機會，住果頭附近都無車仔麵檔。過黎食既就一定要叫車仔麵必食既蘿蔔啦！仲有家姐強烈推薦既瑞士汁。等左一陣到啦！！！睇落個畫面都好震撼啊！咁既價錢叫花膠仲以為得幾片仔，點知咁大塊又勁有咬口，雞翼大大隻炆到入哂味，蘿蔔好甜唔會太淋好爽口，吸埋甜甜地既瑞士汁真係好正😍😍😍你見張相足料到見唔到麵咁制，但麵既份量絕唔偷工減料，保證食得飽。最最最重要係呢碗麵既性價比好高！！！打打下呢篇食評又掛住想食啦🤤

每次經過美食街，文記總會大排長龍。麵店有20多款餸菜選擇，購買第一步選擇面底及是否需要加菜，然後就可以除你當日喜好揀選想食嘅餸，最後選擇配菜和醬汁。特別推介銀針粉同油麵面底，然後隨你喜好選擇餸菜。

呢間車仔麵係我10次過嚟深水埗有5-6次都一定會幫襯佢。首先第一佢選擇多其次佢有啲餸喺出邊係少見，甚至係見唔到。例如八爪魚腐皮卷，雞腎等每次我嗌係要清湯但會要滷水汁或者腩汁兩款汁都好好食。款式多，料又足，又煮得好食入味。

本人係非常之鍾意食車仔麵😋去開深水埗差唔多次次都你食維記，今次要揾下有冇出名嘅車仔麵試下，一Search，就睇到文記好評如潮，咁就要黎朝聖一下我食咗佢哋推介嘅辣味魷魚🦑牛肚米麵秘製辣汁中辣先講吓佢個湯底，好夠味我鍾意食辣所以揀左中辣，對於我來講辣左少少少少，下次會試返個小辣😂米線好滑好食呀，牛肚都好入味唔錯，魷魚方面我嫌佢熟咗少少，食車仔麵嘅魷魚我自己口味鍾意生生地，因為鍾意爽滑口感另外朋友order嗰碗唔記得咗影相佢係揀咗豬腸雞尖牛孖筋幼麵沙嗲汁小辣我都有偷偷地試過佢嘅辣汁同埋餸雞翼尖好好味，一定要食牛孖筋好淋好入味，都係必食唔係間間餐廳都有鹹檸七，見到佢有得揀當然唔使諗啦正呀得閒實會再返嚟食呀

講到香港車仔麵，第一時間一定係諗起文記！喺深水埗食肆林立，周圍都係各式各樣嘅美食，文記竟然可以喺度獨佔三個用鋪位！ ！ ！ 繁忙時間更加係要排隊，可想而知佢係有幾咁出名又好食😱今次我地6點就去到，不用等就可以入坐！店面貼滿米芝蓮推介, 必食大奬！餐牌上嘅選擇起碼有50款，有選擇困難症嘅朋友可以參考佢哋十大必食推介。瑞士汁雞翼可以話係鎮店之寶，我每次嚟到都必定會叫，雞翼大大隻有好入味，必食必食！我另外都點左鮮蝦腐皮卷同蟹子丸，兩樣都好好味👍🏻 配上腩汁湯底，簡直係平民嘅幸福xd 枱面亦上面放咗唔同嘅醬汁可以俾大家任加😝如果有外國朋友，不防帶佢地黎試試香港車仔麵，本士得黎又滿戴人情味，體驗下香港地道經典💛

又回到上學的日子，本來諗住上完幾個鐘Lecture後獎勵後獎勵自己去黃色串燒店。或者因為限聚令改左最多8個人，星期一既夜晚，條街都係好多人，加上落大雨既關係，行左兩件串燒店都無曬位。結果本來話唔想食麵類既我，行下行下，就行左去文記😅麵底一共14款，價錢係$10-11配菜方面~瑞士雞中翼$14🐥雞翼皮薄肉嫩，好入味(雞翼迷必食)鹵水豬大腸$13🐷份量好多，舊舊都好飽滿，食落啖啖都係令人滿足既味道同口感(cp值超高)自製韭菜餃$12🥟隻隻都好飽滿，塊皮唔太厚，好足料，韭菜同肉既比例剛好，味道平衡得幾好清甜蘿蔔$10🥕味道上無想像中甘清甜，口感上可以再煮耐少少柱候牛腩$14🐮牛腩份量都唔少，口感好淋好入味，唔會好肥牛膀$14🐂平時食牛雜先食到既牛膀，估唔到係呢到有!食落唔會好沙，入味之餘口感唔錯豬腩肉$13🐖呢個我無食到，但望落切得幾薄，肥瘦部分都幾平均

次次經過福榮街依邊，都會見到有成三個舖位既文記，間間大排長龍～今日同朋友甘岩經過，見今晚唔算太多人排隊，終於決定試一試！車仔麵既配料，相當多選擇，而我同朋友主要都係簡必食推介食～Wow~ 賣相都唔錯嫁～而我覺得每份配料都好足，配上自選湯底，整體來講的確比好多普通餐廳小店既車仔麵好食！但未到驚艷既程度～但花膠真係必點推介！$13一份，有成3大片花膠，真係超抵超滿足！甘要係煮得好軟林，片片索曬d湯汁真係好鬼正！

今日去深水埗黃金商場睇 Game，睇完見有啲肚餓就周圍行下揾下有咩嘢好食，見到呢間車仔麵都幾多人排隊，唔通真係咁好食 🤔 所以自己都排埋一份試下 😂 係等梗期間周圍望下，原來餐廳係 2018 年打入米芝蓮街頭小食推介，咁應該都唔會伏得去邊掛。枱面有多款調味料比顧客享用，而且仲有辣菜脯提供添，叫咗四個餸(花膠、豬紅、牛栢葉、豬大腸)配河粉，飲品就叫咗鹹檸七。四餸車仔麵 ($58) : 揀咗中辣既秘製辣汁腩汁湯底，花膠口感軟綿綿，有兩至三舊，盛惠 $13 蚊 ; 豬紅食落略為鬆散左少少唔夠紮實，而且唔夠香，盛惠 $11 蚊 ; 豬大腸就洗得好乾淨，而且又夠味，滋味得很 😋 加上重有好多舊添都係盛惠 $13 蚊 👍🏻 抵食必叫 ; 牛栢葉亦爽口彈牙，盛惠 $11 蚊。👍🏻 鹹檸七 ($11) : 呢杯幾抵飲，可樂果啲都要加 $9 蚊，依家比咗成個鹹檸檬都係多 $2 蚊，出面果啲都係比半個檸檬你。

要食車仔麵第一時間就係諗起文記車仔麵！今日去到，都係咁多人排隊10分鐘到終於到我啦！我叫咗牛腩，辣魷魚，仲配個粗麵～ 牛腩非常入味，又夠淋魷魚顏色唔錯，不過溝左落啲湯度就淡味左，但幾爽口粗麵就麻麻哋啦～ 另外我仲要左辣醬同埋菜譜，唔算好辣，菜譜有啲過甜 麻麻地～ 不過整體都係好食，雖然價錢唔平，不過有時口痕都可以食下嘅

夫人：第二度食唔到；先生：車仔麵代表難得來到深水埗，一定要試試文記車仔麵，座落於地鐵站出口附近，黃金電腦商場旁邊，一連三間地鋪的文記車仔麵，食過之後就明白，點解可以五個鋪位距離內開三間分店是什麼玩法。車仔麵店，三個字，多選擇。好食是基本，但要客人難忘，要人一食再食，就一定要夠多選擇，多選擇自然多配搭，多配搭自然多新意多口味，餸，湯底，麵款，醬汁，你無過千配搭就不如唔好開檔！選擇多，味道唔差，普通車仔麵店都令人想一試再試。跟麥當勞定時出新口味包一樣原理。我說他是車仔麵代表是因為他除了多配搭，更有10多款代表餸食，傳統有的老水雞翼及苟菜餃，到上湯花膠，係深水埗做得住腳開三間地鋪，你話佢無實力？ 食過之後，我知道香港地代表食物係車仔麵，而車仔麵代表，就一定係文記。懶，不想講太多。如夫人所講，其他地方食不到。

平時黎開感覺都覺得冇咩禮貌 昨天食看收據寫第三分店既文記俾我有點改變 我舉牌既時候 兩位職員都比較忙 但平時就算忙 你地職員都係超冇禮貌 睇到當睇唔到 要等人舉牌再叫聲先可能有人回覆反而今日有位好年輕既男仔 我舉牌都沒有幾秒鐘 都會有一句回覆 [唔好意思 麻煩等等 轉頭幫你落單］雖然好少見年輕人係依啲地方做 總要禁好禮貌 好過曬其他分店既職員 你地老闆真係要教導下 你地既員工啦 點樣既態度對住客人 這位年輕既男仔值得表揚下👍 下次經過值得再來幫襯 ☺️

最近疫情開始放緩，約朋友出黃金行一行。平時排長隆的車仔麵，今日竟然不用排隊，當然要去試下有幾好味啦！中午12點幾，大約坐了8成客人，傳統的畫紙點餐，今日叫了平時吃開的豬手、豬腸同西洋菜餃($49)加埋杯凍鴛鴦($10)。豬手不過不失，都算入味，豬腸竟然有……味😓，即係洗不乾淨，西洋菜餃個皮勁厚，失望!唔係好明點解要排長龍來吃，可能我唔識欣賞，平時吃開的車仔麵高質好多。

一想食車仔麵就林起「文記」。文記車仔麵價錢中價，叫四，五個餸連野飲要七，八十蚊埋單，雖然已經開左好幾間分店但依然好多人排隊食，証明真係好多人好有誠意食文記嘅車仔麵😆佢出名瑞士雞翼，辣魷魚，豬手同酸辣粉食過都知係有水準，不過我自己就鍾情佢個豬大腸，蘿蔔，豬油渣，真係暫時無一間店贏過佢，豬大腸鹵得入味又香又好口感，蘿蔔爽甜帶有上湯香味，豬油渣係佢哋自己炸，無油益味，金黃色脆卜卜*特別要推介佢哋獨家麻辣油，只有麻味而無辣味，落几滴就已經夠哂麻香味，好特別。可能麻香味，每次食文記車仔麵都夾飲凍檸樂，真係好鬼match架。大家試下😆