文記車仔麵 (福榮街)

營業中

休息中

好耐無食過車仔麵，今次去左深水埗見到間排晒長龍既餐廳，見甘多人食，就去左試下，餸既款式選擇多，花多眼亂，叫左件花膠又淋又大件又抵食都只係$13,瑞士雞翼都好入味，湯底濃郁。座位就真係預左唔多舒服，不過我覺得呢個係食車仔麵既風味黎既，搭枱坐，食得車仔麵就預左同人搭枱同坐得唔多舒服嫁啦～唔係咩？重點係好食咪得囉～哈哈。

今日早餐食得有啲飽，午餐食唔落太多，鍾意文記除左好食之外仲可以好多變化，好肚餓嘅時候可以叫五個餸兩個麵底，但想清清地簡單食一餐都可以叫個菜底。順帶一提，文記除左招牌餸好味之外，啲菜其實都都好唔錯，菜心夠冧但仲好翠綠，吸哂啲湯汁好好味😋但今日就叫左通菜，一樣都係咁翠綠唔會烚過龍，用嚟代替麵底就可以簡簡單單一餐。湯底方面以前食腩汁覺得有啲太濃，轉左清湯就好好多，畢竟佢呢度雖然叫清湯，但已經濃過人地啲腩汁。

呢個可以叫做香港其中一間最出名嘅車仔麵咁濟今日晏就就自己一個叫左蘿蔔魷魚豬腸雞腎油麵蘿蔔：唔錯無渣而且清甜魷魚：爽口彈牙小小辣豬腸：冇屎味，爽口，一個字正雞腎：味濃香總括而言：好好味

深水埗好多野食，其中文記車仔麵就出晒名，今次就去試下。每個位都有餐牌自己點餐，同埋mark埋枱號，等店員可以好準確地送餐。佢除左餸有好多選擇外，麵湯同醬都有好多可以揀，例如除了基本的辣汁外，仲會有沙嗲汁，瑞士汁等等。第一次食吾知食咩好既人，餐牌上仲有必食推介可供參考。我就揀左通菜，豬紅，芝士丸，油麵，辣汁同腩汁。車仔麵黎講，賣相算很不錯，餐具比較中式，加埋個辣汁就咁係個匙羹上面，都幾吸引。食落個湯都好濃，麵有咬口，辣汁辣度剛好，但菜略嫌有少少草青味。整體黎講，會再幫襯，而且口味選擇有咁多，想試晒都要食多幾次喇。

假期來這裡吃飯，一定要預時間排隊。香港很難得有車仔面可以得到米芝連推介。這裡環境非常之窄，出入都不太方便。食物有多種選擇及有不少湯底及醬汁可選。不過價錢不算平，每種都是十元左右起跳，坐在我旁邊的男士的單竟然寫著70多元，以車仔面黎講都算是匪夷所思。點了魚皮餃、魚肉及餃子及辣汁。以數量來說，每種食物的份量都算多，多過三塊。幼面亦十分彈牙有味道。之前試過這裡的麻辣腩汁雖然不錯，卻舌頭咸足數小時。不過迢次的辣汁辣而不咸。最怕吃魚皮餃及魚肉吃到腥味，幸好這沒有出事，沒有太腥。以車仔面的質數來說，這裡是乾淨企理選擇多，不過若要花時間等的話卻不太明智。

文記車仔麵是深水埗「區域限定」名物，據聞由天光到天黑都其門如市．本人素來害怕排隊，看見門外長長人龍早心生畏懼，但是愛人想吃，就硬着頭皮在街上乾等我們在晚上八時到，排隊時間是30分鐘．時間很寶貴，可是我可以肯定的告訴你，這30分鐘絕對值得花車仔麵的餸有豬大腸，牛孖筋，蘿蔔及魚肉．豬大腸鹵得好，夠肥夠腍;牛孖筋入味到「黐孖筋」;蘿蔔清甜入口無渣，還可以吸收湯的味道魚肉呢.…彈牙是彈牙的，但相對下就比較失色了不能不提的是那辣醬，我們只要了小辣(醬只有一款，辣度跟醬的份量成正比)，已吃到汗流浹背(店的冷氣是充足的).那種辣帶有後勁，由嘴唇一直辣到心裡去，嗜辣的一定覺得過癮，不嗜辣的請自量我下次一等再來….冬天的時候吧，排隊也舒服些

記得第一次嚟食文記，嗰時其實本身係諗住食對面嘅劉森記，但朋友話我未試過文記不如試吓啦，嗰時要排好耐隊不過同朋友傾吓計時間過得好快。地方好窄，我本身覺得都係一碗車仔麵姐點解會有咁多人排隊㗎？但係我食過一次之後成日都心心念念想再返嚟食，所以人多真係有原因。次次黎我都會叫到成碗面都係餸咁先至開心，一定會點佢哋嘅雞翼同豬大腸，好入味好好食！佢哋嘅辣汁一定要點呀，碗麵會仲好食。我已經好耐冇去過啦，好想快啲再去。

前幾個月夜市時間食，熱辣辣，又大排長龍，最近涼番Ｄ，再去食多次。平價車仔麵價錢，但好高質素！大推蘿蔔，雞翼，因為真係YIP得好入味好入味。佢MENU 上推介的配茶都應該一試 食想真係好想食佢D配料YIP左幾耐 不過有湯底有D咸，各位絲打驚水腫，或者唔太重口味，可以叫番清湯湯底（都非常入味, GOOD ENOUGH了)驚肥可以唔要麵底，啲配菜都係 $10 幾蚊起跳。夠食，抵！

臨近年底，需要清清年假，見手上工作已大至完成，所以又放半天假去行街街，兼搵好野食。哩度係細妹好推介嘅食肆，佢話未食過，唔似香港人喎🤣，所以今日放假，就嚟深水涉試試。中午13:30到達，嘩，一條街三間店，門口都有好多人，門面靚個兩間可以取票等位，門面舊個間，就要係門口排隊。最後決定去舊個間排隊，排咗20分鐘先入到去。叫咗個油麵，豬大腸，酸齋，牛腩，豬腩肉，加柚子蜜。碗麵分量好大，豬腸肥美，酸齋的甜酸味好好，牛腩入味，豬腩爽口，整體嚟講，好味，值得要等位嘅車仔麵

好耐冇食。行過冇乜人。即刻衝入去平時真係排隊排到HighHigh。佢宜家開左成4間舖。我覺得唔同舖既日味道分別不大。有位就入啦。仲等。。。。。。。。。。餸選擇算多。價錢由9～15一款。因為小弟唔食辣。叫左腩汁。佢個湯底比較甜。不過都ok既。佢仲有好多調味料可以加。野飲就正常啦。瑞士汁雞翼。必食環境:正常啦。坐爆一定勁迫。食完好走啦食物:係好味既。選擇又多總括:值得食既。不過又未去到要特登去同等咁耐

黎親深水埗都想試下文記車仔面, 但因為次次都好多人排要等廿幾三十張飛所以都冇再等落去~今晚經過又試下撞下彩,點知竟然等10張內就得~~~ 10張內都係等15分鐘就到~ 都算快! 我叫左D 招牌配料,叫左中辣因為知佢隻香辣醬好正~ 點知中辣辣到我跳舞, 我都係岩叫番小辣…….. 中辣我要係咁飲野先得~~~ 不過以車仔面黎講我嗌左3送都差唔多5-60 蚊… 都真係幾貴…. 值唔值就見人見智,係幾好食既~ 但又要排又要咁貴我諗都應該難D有下次~

米芝蓮級懷舊車仔麵😋成日都會諗起文記車仔麵 實在成日都好好掛住佢嘅花膠 瑞士汁雞翼 無論幾點嚟都好都係排晒長龍 不過都好快會有位 因為都比較迫唔會坐好耐食完就會即刻走👍🏻油面 河粉 公仔麵都好出色 因為文記有腩汁 瑞士汁 秘製辣椒🌶醬 等等..做湯底 每樣都超入味啊 各有特色 價錢又合理 60-70蚊 已經有三餸加一杯飲品 飲品選擇又夠多 有我至愛鹹檸七 正👍🏻😋 食過返尋味 每星期都至少食兩至三次

一向大排長龍嘅文記車仔麵，證明佢係有實力得到米芝蓮嘅稱號，亦係我深水埗最愛的餐廳之一兩個人黎食通常都要等15mins或以上，一個人黎食就等5mins都唔洗裝潢方面店內設計簡約而實用，凳下面仲有籃俾人擺袋，好貼心。店裡採用的是瓷碗，加上簡約的圖案，而湯羹則是用了有香港味嘅大公雞圖案，整套餐具十分融合，俾人感覺好舒服，滿滿香港本土氣色。而檯上面則有各式各樣嘅醬料，任君選擇。車仔麵車仔麵嘅湯汁方面，我最鍾意腩汁+秘制辣醬中辣👅💦配料就最鍾意豬紅+牛柏葉。豬紅大舊又實，醃得好夠味，好甜！讚！牛柏葉大舊又爽口，食到好爽🤩🤩係車仔麵上面再加啲辣菜脯，成碗嘢好開胃，有時胃口唔好就想食文記！食完就會好滿足好開心

食飯前有少少插曲本身有位我話兩個，咁因為我未到齊佢就唔比我入都好正常但係我前面有個男仔又係兩位又未到齊都可以入。。。其實之前食過幾次覺得佢只係普通車仔面，但有好食既雞翼同有花膠比夠特別少少但今次食完我完全對佢改觀因為以前唔食得辣所以從來無叫過佢啲辣汁今次因為我男朋友有叫，我試左佢個沙嗲汁嘩，碗麵完全唔同左好食勁多平時我食唔曬碗麵今次竟然唔覺唔覺食曬我叫左花膠牛腩蘿白同雞翼牛腩有少少羶味，但都淋既其他送都可以但我男朋友叫左公仔麵就真係差啲個面一半熟一半唔熟咁難食個面係散唔開，無cho到水果種乾總括而言，最好食都係果一匙辣汁係碗麵既精髓🤤

第一次食文記車仔麵，因為經過開都太多人排隊嚇怕左我。星期日見到人少少又一個人諗住會即刻入到坐...少年真係太年輕太天真啦....攞左飛等左15分鐘左右...不過都算快既，因為食完出黎見到爆多人等囉。文記餸既選擇好多，揀左淨餸：韮菜餃、牛孖根、牛肚同蘿蔔、腩汁湯底、秘制辣醬中辣。牛孖根好正，淋得黎仲有咬口，好鍾意！牛肚係金錢肚，滷水味唔太出同牛肚味較淡，ok啦；蘿蔔好甜但有豬腸味，應該係同豬腸一齊滷，因為我唔食豬腸，個蘿蔔味唔係咁岩我...韮菜餃個餡唔錯，真心有媽媽包既味道。但個餃皮較淋；湯底腩汁味重，但秘制辣醬既中辣唔多覺辣。下次要試下大辣先！