文記車仔麵 (福榮街)

營業中

休息中

身邊很多長輩朋輩推薦已夠，成日都係我耳邊講如果要食車仔麵食文記啦真係好鬼好食，本人本身對車仔麵並冇咩特別喜愛，而且係中學年代覺得因為唔夠錢或者想慳錢先會食車仔麵一般味道都不是太好或者唔覺得有啲咩特別.但係因為咁多人嘅推薦之下，好奇心驅使特登平日放假去會一會佢，已經特登唔揀中午飯同人撞幾兩點先去到都要等差不多八九個字.....就有位嘅時候佢哋就會比塊’板’我點餐，點完交俾佢哋就入去坐.本身都對服務唔算有咩期望所以冇咩失望，服務真的一般般（舊式餐廳一般會發生的事）因為難得朝聖一次過點了五樣餸四樣是他們比較出名嘅嘢食：辣魷魚，蘿蔔，瑞士雞翼，祕制牛孖根（+我自己喜愛嘅滷水雞腎)～73蚊｛一般三/四樣餸約$45-$60）食物黎到，外貌算‘靚仔’嘅車仔麵，味道還真很不錯，滷水雞腎及瑞士雞翼很入味，呢度見到真功夫唔會有‘乾’嘅感覺（好多地方如果技術欠佳，滷水左嘅嘢食會出現缺水同乾嘅感覺）蘿蔔清甜冇渣，牛孖根賣相及口感最好但係味道冇特別，食完真係令我對車仔麵有改觀，除咗填飽個肚原來都可以用品嚐方式黎食佢哋.湯底選了腩汁及加秘製辣汁，喜歡湯底比較濃嘅人士應該會很喜歡 原本食物回頭指數8/10 ，但係因

著名 #車仔麵 ，有很多人排隊，晚上等候需時15-20分鐘（比較熱出汗）。即叫即煮碗麵～提供搓手液和探熱，裏面的座位冷氣足夠～可能因為現在人數限制的關係😂不過張枱有少少粘粘的。經濟受挫下員工人數也比較少#幼麵 $10 有別於一般的鹼水麵，粗身少少🤏#洛神花茶 $10～幾好飲#瑞士雞翼 $14@2隻～招牌～超入味，甜甜的#西洋菜餃子 #🥟 $12@3隻～充滿西洋菜，有丁點苦。但我覺得幾好吃😂#煎釀三寶 $10@3件，青椒和茄子魚蓉不錯，有雪魚味～美中不足是凍的😂齋魚蓉球的話很鹹...ᵒᴥᵒᶅ個人口味評分：8/10

平時開車經過福榮街成日都見到有條好長嘅人龍，再睇下連續有幾間鋪相連住嘅，心諗做車仔面都做到咁，米豬蓮推介餐廳果然厲害，人氣非凡。剛剛今日中午12點左右係深水埗附近做嘢，又見到人龍唔算好長，一於試試佢有咩咁巴閉。形式都係要先排隊、揀好食物再搵位坐低，有專人將碗麵放到你枱面，服務嚟緊算唔錯。第一次食，咩都叫啲，品種好多，揀左啲推介美食，好似瑞士雞翼、花膠、蘿蔔、花菇仔配油面。整體來講瑞士雞翼好入味、花膠雖然大塊但無咩花膠口感、蘿蔔淡味啲，只係靠四川辣汁調味、花菇仔好細隻。我叫叫埋埋都有$7x。整體食完感覺係唔差，如果收$5X，我會再嚟。

同男朋友放工諗住去黃金睇野，平時黎深水埗食開豬潤麵，點知見到對面勁多人排隊，見到人排我又排，唔執輸🤣等左20分鐘左右有得入座，其實我見佢係有位，係唔夠人手姐十大必食推介南乳豬手、花膠、玻璃魷魚、酸齋配瀨粉 瑞士雞翼、豬紅、鮮蝦腐皮卷配瀨粉瑞士汁湯底甜甜地幾好食，魷魚好爽口蝦卷比我想像中好，反而佢個必食豬手就有d失望，無乜肉，主要食佢d皮。花膠份量幾多，以十幾蚊一個餸黎講算唔錯!$16 腐乳通菜 - 抵食$32 手打墨魚餅，好多枱客都有叫，即叫即炸，唔係粉黎架、勁大粒超彈牙！如果佢有得點蜆蚧醬應該更正我地兩個勁不自量力狂叫搞到淨左好多麵😅正常2個人去既話應該百零蚊都已經好飽我地最後食左$169，飽到上心口呀！

放假係西九龍行街，唔經唔覺就行咗去深水埗，行到去黃金果頭，就會唸起文記車仔麵既雞翼，有次食過佢既瑞士雞翼後，就一直都想再食。今次叫咗兩份豬大腸、瑞士雞翼、雞軟骨。雞翼有兩隻，而且應該係巴西雞翼，因為肉厚大隻，個瑞士汁好正，甜甜地又啖啖肉。雞軟骨用辣汁調過味所以有啲辣，食落超級爽口，加上又有其他因素，食過既人應該知點解 😂 所以性價比唔錯。豬大腸因為太好味，所以叫咗兩份，大腸豐腴肥美，油香滿溢，食過就知道 🤤 連飲品埋單 $73 蚊，以呢區既車仔麵黎講價錢係貴咗啲，不過係好食既。

諗起好耐冇幫襯文記，車仔麵癮起，收工後就約埋男友一齊去食啦！七點幾去到本店見到有條人龍喺門口排緊隊，唔知係等緊入去定係買外賣。於是我地就行遠少少去咗第二分店攞飛仔啦。都幾快就輪到我地，點知原來係安排我地去隔離個鋪位食，叫我地企喺門口剔紙仔，當外賣咁做。～～～🐨咁我地入咗去之後，等咗一陣，我地點嘅食物送嚟喇。因為太耐冇食嘅關係，都即刻飲咗啖湯先。我揀咗腩汁，所以味道都有少許咸，食完之後勁口渴。不過唔緊要啦，又唔係經常食！～～～🐨唔知點解成日凝住外賣嘅膠碗比起堂食嘅瓷碗份量係少啲嘅，有冇人比較過可以解答到我呢，哈哈～～～～🐨講返食物嘅質素，都係一貫水準啦。蘿蔔好清甜，大大舊入口即溶嗰隻。牛孖筋都炆到好軟稔，豬紅又係好軟滑；男友嘅手打魚肉有陳皮味，花膠都不過不失，尤其而家進入秋冬時分，可以幫皮膚補充返骨膠原呢！仲有我好鍾意嘅玻璃辣魷魚，用上文記秘製辣汁，少許辣好滋味！

車仔麵除大角咀好食，依間亦係車仔麵首選新舖舊舖一樣好食，舊舖隔住玻璃叫餸，夠晒車仔麵🍜風味推薦必食油麵🥢、豬大腸、煎釀三寶、豬皮、魚蛋、魷魚、豬紅等車仔麵自由配搭，小店餸太多要推介食物講吾晒🤣豬大腸吾會太肥夠入味、煎釀三寶簡好之後店員會幫客人翻炸，再用碟另上，食時仲係熱辣辣😋豬皮夠淋入味、而玻璃魷魚🦑爽口仲意食車集麵又吾怕排隊等位，可以試下留意堂食係車仔粉麵風味，吾好要求樓面太過乾淨，但小店食物係整得吾錯🤤

以前有段時間成日係深水埗，文記就變咗我嘅飯堂，今次特登去深水埗，因在實在太多年冇食文記車仔麵😭兩點幾，仲係有非常多人排隊。我都等咗大概四個字先入到去。車仔麵個價錢來講，佢真係一啲都唔貴，而且最低消費亦都十分平民。我嘅最愛係豬紅同埋豬腸，每次嚟到必叫。今次叫埋佢個手打魚肉。豬腸同豬紅十分入味，豬紅仲非常爽身，勁推介呀。手打魚肉亦都比出面更加有口感。由於天氣太熱，叫埋杯凍奶茶，爽呀。佢嘅份量非常多，我叫咗三餸一麵都食唔晒。一定要讚佢個菜莆同佢個辣汁😋我每次都會落勁多😆唔知下次會係幾時再食啦😭

腐乳通菜 $15 份量唔少，腐乳比較淺色，唔會話好重口味，配埋落通菜度啱啱好呀👍🏻瑞士雞翼 $32 個個黎到都話要食，唔係話真係入曬味，不過瑞士汁調味唔錯，雞肉算嫩滑，可以叫嘅。蘿蔔魚肉牛腩油麵 $41 蘿蔔好甜冇渣，真係揀得好好👍🏻魚肉好普通，可以唔洗叫🤫牛腩係碎上，叫做腍同入味嘅，不過唔會話好驚喜。油麵就正常水準。我哋都叫咗腩汁，想講個湯底係幾好飲，睇落算清但係其實絕對夠味嘅。不過飲完好口渴🥵蘿蔔牛肚辣魷魚油麵 $44 牛肚係金錢肚，來貨唔錯冇異味，唔會話咬唔爛，可以叫。魷魚就真係幾辣，因為我哋平時最多都係食小辣，呢隻魷魚越食越辣，係過癮嘅，而且食到魷魚本身有少少鮮味。

男友第一次帶我來文記食車仔麵係三月份，之後每隔一至兩個月都好想再嚟食。但係因為七月中開始，疫情再次爆發，夜晚唔可以堂食，所以只能望梅止渴，又或者過嚟買外賣過吓癮是晚我地點咗豬紅蘿白牛筋同埋鯪魚肉蘿白花膠，蘿白非常清甜！兩碗都加咗秘製辣汁同腩汁，好正！另外，我地最鍾意玻璃魷魚，好香好辣，食到我都標咗啲汗出嚟腐乳通菜同唐生菜即叫即淥，好大兜同埋熱辣辣，好好食！希望疫情盡快受控，晚市有返堂食，我地會經常嚟幫襯的！

我覺得文記車仔麵係我心目中全香港最好食嘅車仔麵頭三位...佢喺深水埗有幾個分店，呢一間感覺上最好食，雖然並唔係最企理。仲有嗌嘢食嘅時候有少少壓力，因為要快速回答d煮麵姨姨食啲咩😂所以排隊嘅時候一定要決定好食咩。個人鍾意食嘅配料有蘿蔔，清甜冇根。小花菇，蠔油味重又細細粒唔會好硬。瑞士雞中翼都係必食！美味酸齋又係～飲品都好多選擇，除咗檸檬茶檸檬水嗰啲普通嘢之外，仲有羅漢果龍眼茶同蜂蜜菊花茶等等一支支嘅特飲。

文記車仔麵相當好多人都聽過，甚至食過。已經開左四間分店，仲要攞左米芝連，當然要試試佢。麵嘅湯係好濃味，好正，送又可以自由配撘，大概$40左右都食到一碗麵，視乎你送嘅份量而定。蘿蔔、豬紅都好推薦大家食，蘿蔔好入味，超正！有食過韮菜餃，我都覺得幾好食。我自己食車仔麵會好鍾意簡油麵，吾知你哋呢😛。 同埋個招牌瑞士雞翼($35/5隻)，如果多過一個人食的話一定要嗌，自己一個食五隻又太誇😂，自己就覺得好入味好好食。整體來說係值得一試。仲超宵夜嘅好選擇，因為開到凌晨4點。

J.World.Food 呈獻 - 環球美食小知識: 點解車仔麵冇車仔?其實，本來係有車仔㗎。等我哋坐時光機，返到1950年嘅香港，嗰陣生活差得多，D人租唔起鋪，但又要搵食，有D人就諗倒用木頭，砌成一架車 (似今日路邊D粟子小車子)，周圍R生意，商家就喺架車賣麵，1架車3個鍋，分別裝麵丶餸丶同埋湯，客人就自由揀麵丶餸丶同埋湯。慢慢咁賣到成行成市，衛生情況差咗，英國政府就立法禁止D人喺路邊擺攤，時至今日，大家唔使咁辛苦喺路邊食麵，可以舒適咁涼住冷氣食麵。 位於深水埗嘅文記車仔麵，深水埗地鐵站B2出口，直行到黃金電腦商場既十字路口，轉右就見到，文記車仔麵有3間分店。我嗌咗本店十大美食推介嘅瑞士雞中翼 ($14)，同埋手打魚肉 ($12)，米線 ($10)，瑞士汁，加蒽花。瑞士雞中翼 ($14) 好入味，味道遍甜，雞翼皮好滑。手打魚肉 ($12)，感覺似切成絲既鯪魚球。

近日疫情關係，盡量減少外出用膳，同事們發起外賣文記車仔麵在office慢慢品嘗。大家一早打電話落order, 然後中午食飯前揸車去拿。同事叫了十二碗車仔麵及小吃。今次係我第一次食文記，叫了三個餸加薯粉，分別花膠、柚皮及蝦春卷，用了腩汁湯加秘制辣汁。花膠大塊有肉，爽滑、柚皮有少少苦味但也可以，春卷彈牙好吃，加埋少少秘制辣汁及菜譜，简直绝配，非常惹味，一定會再食。

一直都唔中意食車仔麵，但呢間唯一一間食咗好多次都食唔厭，所以一定要比個正評佢！食物質素高💛必食瑞士汁雞翼同埋辣魷魚，個湯真係無得頂，未試過車仔麵都可以咁入味，腩汁湯底真係好正，一定要試！豬大腸個口感真係好正，入口即溶！羅白甜到無人有，加埋辣辣地又咸咸地嘅湯汁真係好開胃！腐乳通菜又係好好食，基本嘢！魚皮餃應該係叫貨的？白菜餃應該係自家制，唔錯，好入味！今次兩個人去，食咗200蚊價錢都幾貴下但份量足，一碗真係好飽，另外啲小食都係食唔曬，但真係好好食😢