文記車仔麵 (福榮街)

營業中

休息中

幾年前曾經幫襯過，今次特登出嚟深水埗就係想食車仔麵，今次係幫襯老店嗰間佢一條街總共有四個舖位，老店嗰間呢就先排隊叫麵跟住再有員工分配座位。但價錢呢就比幾年前就貴咗囉，兩個車仔麵夾埋都要成一百蚊。相比起出面可以食個飯嘅價錢。味道實在係同以前一樣咁好食，特別喜歡個酸齋，基本上酸齋係我每次嚟都必食嘅。同埋放喺度比客人自己加嘅榨菜，好入味辣度好夠，係必食之選。

車仔麵係60後和70後的香港人必食，也許年輕一代嘅人未必知道70年代嘅車仔麵係什麼味道，今天我去吃完，覺得尋回兒時的味道，味道這東西因人而異，今天吃了豬大腸，蘿蔔，豬紅，雞翼，真的回果味，蘿蔔絕對清甜，雞翼真的比太平館還要好吃，這價錢絕對合理，不能錯過他的辣汁，本土食物真的是車仔麵最當之無愧！看見那條長長人龍，還能相信這店會不好吃嗎？講到底食，如果你食雞翼加蘿蔔加麵，只需34元，3樣食物34元，低不低食？我說低吧！

之前去了幾次深水埗，每次都想幫襯這一間人氣車仔麵店；自從幾年前成為《米芝蓮（港澳版）》的推介街頭小食店後，就更加多人排隊。但每次經過此店，正好是午飯及晚飯時段，最少也有10多人排隊等位，每次也要被迫放棄。難得今日在黃昏六點前經過此店，下午茶時段已過、又未到晚飯時段；加上疫情關係，不少香港人都不願在環境地踎的車仔麵店進食，寧揀外賣⋯⋯ 所以，見到只有三四個人排隊，終於可以食到「文記」了！還要是老舖總店！車仔餸款式選擇非常非常多，印象中香港沒有其他車仔麵店可以比得上「文記」。不過，車仔餸的價錢也較其他車仔麵店貴，最便宜$9、最貴$14。小店採用傳統車仔麵檔（由推車檔入舖後）經營模式，麵餸檔口設在店舖靠門口位置；客人先排隊，再揀餸、揀粉麵，之後俾錢，然後搵位坐低。 「文記」在福榮街上共有四間舖位，但麵餸檔只設在一間舖，其餘三間舖只設座位。客人買完車仔麵後，如果老舖滿座，就要自己捧過鄰鋪搵位食；又或者在鄰鋪坐低，再剔紙仔！以前人流暢旺會有專人安排座位，今日所見就沒有了。老舖座位很少，因應疫情關係，還要用膠板分隔，有點似日式拉麵個室座位。比起其他車仔麵店優勝的地方，就是有多款醬料選擇：胡椒粉、泰

第一次吃的時候，這家店鋪還沒有得到米芝蓮，但我每次經過，都發現每天很多人排隊，有一次不是繁忙時間，我和友人一起光顧，朋友就表示不會再來，因為他覺得很一般，我自己就覺得會想再來。後來，這家店鋪拿了米芝蓮，更多人排隊了。我曾經帶過親朋戚友來吃，（不是同一區的），他們都給予好評，並且會想再來吃，可惜每一次再來吃，都因為大排長龍而放棄，改去吃其他。這個店鋪的優點和缺點，很多人寫過，我就不寫了。我寫另外一個事情當然現在已經沒有了。曾經圖片文字也出現過在店門口一個月

不得了名氣好高嘅車仔麵食過幾間出名嘅車仔麵佢都算係我三甲之內🥇🥈🥉見到佢可以一條街可以開四間分店就知有幾多人食🙊.辣魷魚 豬大腸 豬紅 幼麵 腩汁 秘製辣汁⬇️文記之所以咁出名我覺得係因為佢個湯底🌟我叫開腩汁 真係好濃味 食得辣嘅 記得要圈秘製辣汁🌶佢個秘製辣汁都幾辣 但好香好惹味😋⬇️辣魷魚我覺得係必食 隻辣好正 魷魚幾爽唔食魷魚可以食螺肉 個汁都係一樣！佢豬大腸份量都幾多滷水得都幾入味 又唔會太肥豬紅冇乜特別 普普通通佢普遍啲餸其實都做得唔錯大家可以根據自己口味揀岩嘅餸😋😋😋⭐️多謝你睇到最尾🧚🏼‍♀️希望大家可以關注我嘅ac “thegrainyspace “咁就可以留意我最新嘅食評🤩📜✏️

-<<🚗🍜>>聽聞依家麵店經常大排長龍💛 發現佢有三間分店喺同一條街諗住應該唔駛等好耐👻 雖然佢返枱快但礙於佢太受歡迎午飯時段等咗差不多20分鐘先有位🌞.✨自選車仔麵 (8.8/10)配料方面要咗四樣: 炆小花菇, 豬紅, 魷魚, 牛肚強烈推介小花菇 吸晒蠔油味超好食👅 魷魚唔算好辣但係好彈牙入味番薯粉好煙韌而且超級吸湯🙆🏻‍♀️ 湯底要咗秘製辣汁 濃郁香辣暫時食過最正最地道嘅車仔麵💕.💰: $63.📍文記車仔麵 深水埗福榮街121號地下

有日朋友同我講，文記車仔麵有幾咁好食，問我食過未，我話未，話日日都排曬長龍去買個車仔麵，今次我終於忍唔住過左去試下仲要堂食，朋友介紹話雞翼最好食必食，同埋嗌多個腐乳通菜，估唔到碟菜都幾大碟，腐乳都幾足幾開胃，d通菜幾爽口，雞翼好入味，好好味，最正係個湯底，個必製湯底味道十分特別，唔會太鹹或太甜，米線都煮得好入味，個朋友冇介紹錯，食完我仲想再嗌多一碗添呀，下次要介紹埋我其他朋友來食多次先得😋😋😋

話說深水埗黃金商場後面條街有好多好多野食, 又有豬潤麵又有竹升麵又有港式炒粉麵, 咁就當然重有最出名嘅文記車仔麵啦, 因為對上次食都成十年前都有, 所以就當自己冇食過照寫篇食評分享下啦餐牌顯示哂所有價錢, 有最低消費, 不過價格唔貴, 好深水埗價咁呢碗就係油麵, 腩汁湯底加沙嗲醬, 配花膠同豬大腸, 咁岩呢兩款配餸都係佢地嘅推薦, 咁就一次試哂佢地啦, 湯底方面係好重嘅牛腩湯味, 咁形容好奇怪, 係好好味嘅牛腩河湯底😅加埋沙嗲醬會令個成個湯成為打邊爐嘅沙嗲香味, 佢嘅沙嗲醬唔多油, 更突出到沙嗲混腩汁嘅味炸蒜頭, 每張檯都有一樽, 色水比平時嘅炸蒜頭深色, 有香味, 而且有微濕, 我估可能係加左醬油再炒, 加落車仔麵度存在感極高, 炸蒜頭吸飽湯之後就化開, 可以見到蒜頭片好薄好透, 證明炒得好通透, 因為好重味, 如果好此道者(例如我)會好開心, 呢樽野吸引過d 配餸花膠一舊過, 影張相時我已經咬左一啖, 因為本人唔多識花膠, 只係覺得成塊咁大, 口感厚實, 吸汁帶甜, 算係另類嘅好選擇, 不過唔好預係好濃味, 因為炆得起膠已經好收貨了豬大腸份量好多, 食極都重有, 而且滷得好入味,

米芝蓮街頭小食推介🤫召喚車仔麵愛好者🤩 每次小編去深水埗都係為咗食呢碗車仔麵🍜 因為真係超級好食 必食車仔餸墨魚角🦑墨魚非常爽口，帶有鮮甜味，份量足，有三粒🤣瑞士汁雞翼😍瑞士汁味道香濃，帶有甜味。雞翼咬落去係結實，脹卜卜，好肥美個種🐥好好味👍🏻加上瑞士汁令佢有blink blink嘅令皮！入味得黎唔會煮到過火😻係好高質嘅雞翼🤤玻璃辣魷魚🦑份量足，魷魚咬落柔軟，鮮甜👍🏻辣汁辣🌶得過癮，配上甜甜嘅瑞士汁湯底，完美嘅配搭🤩小編食咗太多次，所以每次都試咗唔同配料🤣以上嘅係必食程度！而以下嘅係可試嘅😗其他配料😝西洋菜🥬清新，爽脆，冇沙豬手🍖厚實冇乜肉豬皮🐽入味，份量足牛腩🐮多肉，入味牛肚🐮軟淋，唔過火麵底方面：米線較軟/油麵較岀色🤩湯底：推薦瑞士汁湯底😗少有車仔麵嘅瑞士汁，食落甜甜地，好好餸😻調味醬料：秘製辣汁🌶辣得恰到好處，小編叫小辣，都唔會食到成身大汗。但如果你配埋玻璃辣魷魚🦑就會有啲辣喇（👅利申食三小辣）服務方面💁🏼‍♀️💁🏼‍♂️入去坐底，就可以喺餐牌上面畫圈點餐，之後就俾返服務員。態度就一般架喇，因為佢地超忙，而且好多客人😂所以只可以點一次單，冇得加單，改單。衛生方面，疫情關係都有按返1.

每次經開深水埗行過都要望下文記使唔使排隊，唔使排隊就食返碗，咁今日呢就教下街去食文記有咩攻略呀。文記幾時唔使排呢，平日嘅下晝呢，就算最少人，直接walk-in都唔出奇。邊間最好食呢？我覺得呢就最接近北河街嗰間呢就最好食，排曬長龍等外賣嗰間呢就最難食嘅，大家要識玩🤣但係呢如果佢有時做人流管制呢，都要摺埋呢一條龍度排隊嗰時就別無選擇㗎啦。可以試下清湯啦或者秘製辣醬啦，咁麵底呢有薯粉鐘意食可以食，咁有啲人話車仔麵度食油面嘅，咁面呢啲嘢就任君選擇。料要點揀呢？個大花膠一定要揀㗎，食得辣呢可以食辣魷魚，其他就可有可無啦。我自己食文記嘅真係食佢性價比，如果你抱著朝聖嘅心態入嚟食呢，就應該會有少少失望而回，但係文記點都會係我去深水埗必食嘅餐廳之一😋

🔹車仔麵愛好者必試‼每次去食都要排隊🥺今次都排咗30分鐘🤭Olaf因為每次都食唔同餸，唯有推介啲必食嘅餸啦😍1️⃣ ⭐️玻璃辣魷魚 $14 (9/10)⭐️食辣愛好者必試😍魷魚唔會煮到好乾，好爽口，都頗大條😗個秘製辣醬雖然好辣，但有種食完再想食嘅感覺，越食越辣🥵記得叫埋野飲🤭有得加係餸都都可以散叫2️⃣ ⭐️瑞士汁雞翼 $35 (9/10)⭐️哩個瑞士汁雞翼隻隻都大大隻，好入味🤤瑞士汁偏甜，唔會煮到啲雞肉好乾，肉好嫩滑，真係啖啖都係肉🥰35蚊有5隻🤩值得散叫一碟，就唔洗浸落啲湯到🤪湯底🍜Olaf每次都係叫瑞士汁加秘製辣汁，鍾意辣嘅話記得要加辣汁，好香口🤩瑞士汁會偏甜，唔鍾意甜嘅可以試吓其他味，之後再話俾我哋知好唔好食🤪聽講咖喱都唔錯😗另外，仲叫咗菠菜餃，粒粒都好大粒，仲好足料🤤蘿蔔都好鮮甜😍一杯麵兩個餸預大約30-50，視乎叫咩😗不過保證足料🤤📌同一條街有兩間分店，只係相差幾個鋪位，新鋪會坐得舒服啲，舊舖就係傳統車仔麵檔咁，隔住玻璃叫嘢食，各有各風味🤪

深水埗呢間車仔麵長期門口都有好多人排隊，不過好彩係d人食車仔麵好快，所以其實唔使等太耐，等咗大概十五分鐘就入得。叫左3送車仔麵，其中兩款揀咗餐牌上十大必食推介既瑞士雞翼，自製韮菜餃，同叫咗通菜。湯底就揀咗腩汁配米線。我覺得呢間車仔麵既送都幾多款，而且每一款既味道都好食。咁車仔麵係自己搭配唔同送，所以d送揀得好食，成碗麵都會覺得好食。瑞士雞翼好入味，同埋已經炆到好林，自製韮菜餃都飽滿好食，通菜就正常。總括而言，我覺得呢碗車仔麵絕對係好食既車仔麵，下次我會試下其他送。

身邊很多長輩朋輩推薦已夠，成日都係我耳邊講如果要食車仔麵食文記啦真係好鬼好食，本人本身對車仔麵並冇咩特別喜愛，而且係中學年代覺得因為唔夠錢或者想慳錢先會食車仔麵一般味道都不是太好或者唔覺得有啲咩特別.但係因為咁多人嘅推薦之下，好奇心驅使特登平日放假去會一會佢，已經特登唔揀中午飯同人撞幾兩點先去到都要等差不多八九個字.....就有位嘅時候佢哋就會比塊’板’我點餐，點完交俾佢哋就入去坐.本身都對服務唔算有咩期望所以冇咩失望，服務真的一般般（舊式餐廳一般會發生的事）因為難得朝聖一次過點了五樣餸四樣是他們比較出名嘅嘢食：辣魷魚，蘿蔔，瑞士雞翼，祕制牛孖根（+我自己喜愛嘅滷水雞腎)～73蚊｛一般三/四樣餸約$45-$60）食物黎到，外貌算‘靚仔’嘅車仔麵，味道還真很不錯，滷水雞腎及瑞士雞翼很入味，呢度見到真功夫唔會有‘乾’嘅感覺（好多地方如果技術欠佳，滷水左嘅嘢食會出現缺水同乾嘅感覺）蘿蔔清甜冇渣，牛孖根賣相及口感最好但係味道冇特別，食完真係令我對車仔麵有改觀，除咗填飽個肚原來都可以用品嚐方式黎食佢哋.湯底選了腩汁及加秘製辣汁，喜歡湯底比較濃嘅人士應該會很喜歡 原本食物回頭指數8/10 ，但係因

著名 #車仔麵 ，有很多人排隊，晚上等候需時15-20分鐘（比較熱出汗）。即叫即煮碗麵～提供搓手液和探熱，裏面的座位冷氣足夠～可能因為現在人數限制的關係😂不過張枱有少少粘粘的。經濟受挫下員工人數也比較少#幼麵 $10 有別於一般的鹼水麵，粗身少少🤏#洛神花茶 $10～幾好飲#瑞士雞翼 $14@2隻～招牌～超入味，甜甜的#西洋菜餃子 #🥟 $12@3隻～充滿西洋菜，有丁點苦。但我覺得幾好吃😂#煎釀三寶 $10@3件，青椒和茄子魚蓉不錯，有雪魚味～美中不足是凍的😂齋魚蓉球的話很鹹...ᵒᴥᵒᶅ個人口味評分：8/10

平時開車經過福榮街成日都見到有條好長嘅人龍，再睇下連續有幾間鋪相連住嘅，心諗做車仔面都做到咁，米豬蓮推介餐廳果然厲害，人氣非凡。剛剛今日中午12點左右係深水埗附近做嘢，又見到人龍唔算好長，一於試試佢有咩咁巴閉。形式都係要先排隊、揀好食物再搵位坐低，有專人將碗麵放到你枱面，服務嚟緊算唔錯。第一次食，咩都叫啲，品種好多，揀左啲推介美食，好似瑞士雞翼、花膠、蘿蔔、花菇仔配油面。整體來講瑞士雞翼好入味、花膠雖然大塊但無咩花膠口感、蘿蔔淡味啲，只係靠四川辣汁調味、花菇仔好細隻。我叫叫埋埋都有$7x。整體食完感覺係唔差，如果收$5X，我會再嚟。