敏華冰廳 (已結業)

睇見上一個食評既炒蛋真係好嘔心..又多油..又黑......而我今日食左個黯然銷魂飯..食左真係夠曬黯然..啲叉燒又乾又實...個荷包蛋如圖所見成pat野咁...仲要冇流心...?蛋黃都已經煎到熟曬...啲飯太淋...食落變到冇口感...冇飯香..除左佢係即整之外...完全唔知有咩吸引之處...寧願去隔離食南記好過.另外凍奶茶奶味唔夠 茶味淡 完全唔掂檔 咁既質素仲不斷開分店..真係重量唔重質 係咁先..

第一次去，見到要排晒隊，但係都諗住去試吓。服務質素差。廚房同樓面溝通欠佳，落單、出食物等安排混亂。落單嘅時候叫豬潤牛肉麵餐，點知冇豬潤但係又唔出聲喎，直至食物拎過嚟枱面時，成碗麵一舊豬膶都冇，變左淨牛肉麵。問佢點解會咁，係咪嚟錯左，佢入返廚房問，過左一陣先話原來冇豬潤🤷🏼‍♀️。唯有要轉食沙嗲牛麵⋯⋯仲有，食物質素亦十分普通。沙爹牛麵牛肉又硬又冇肉味，而且仲好咸。整體上來講，性價比低。唔值得排隊去食。

話說同朋友做完運動去附近食晚飯，一揀就揀咗呢間，平時見佢咁多人排隊就想試吓。我散叫咗個通粉，朋友單叫咗個凍檸茶...醒起跟餐抵啲喎，咁咪叫阿姐幫我地改返跟餐，嗰個短髮阿姐勁串話入咗單改唔到，擾攘左一輪佢竟然將張單連單夾大大力掉落我地張枱度！仲要大聲夾惡！即刻火都嚟！我地己經好聲好氣問你，你洗唔洗用咁嘅態度對客人呢？最後我地當然鬧返佢並且拉隊走人！請呢啲咁嘅員工真係會害死間餐廳！咁嘅價錢仲要受你氣，不知所謂！以後都唔會幫襯！垃圾！😡🤬

下午茶時段去食個下午茶餐包埋多士同炒蛋，炒蛋一黎到好多鑊焦，一度以為係黑松露炒蛋，叫佢換過一個，佢話唔好意思個鑊有啲問題，過咗一陣拎過一個新嘅蛋俾我，一嚟到都仲係好多鑊焦，好誇張，大家食嘅時候都要小心啲，小小我都接受到，但係真係太多了

初二去銅鑼灣睇戲，過到去好多餐廳都放假拉閘，是但去敏華醫肚.睇完個餐牌，選擇又唔多，就算提供嘅選擇都係普通過普通，無咩特別，相信普通一間茶檔選擇都多過佢，不過，無所謂啦，醫醫個肚啫，是但一餐算啦，人地新年都開門，感恩吓啦！睇完個餐牌我只係睇啱黯然銷魂飯，問佢有無蔥油提供，有，okay，就點一個啦！另外五香肉丁麵併炒蛋厚多事！要求凍0T 少冰，黎到真係少冰，味道亦啱我口味，唔會太淡.五香肉丁麵，肉丁無偷工減料，炒蛋煮得夠滑，唔錯.黯然銷魂飯重點緊係叉燒啦，叉燒唔似一般燒味店噤一大條叉燒切出黎，每件叉燒好似獨立燒制，而且係我中意嘅半肥瘦，口感鬆軟，味道亦夠甜，好過好多燒味店嘅叉燒飯.寫文前，睇見佢好多負評，話佢上菜慢，但我無遇到哩個問題喎！早排寫新肥泉有吋我話打手，話人地上菜慢，今次又會唔會有人吋我話我打手架？係，我係打手，最中意打人隻手！

今天年三十滿心期待與朋友來吃午餐試一試由文華改名為敏華的冰廳，到底有什麼名堂！？友人點了一個叉燒湯意粉，而我點了豬潤牛肉米粉。不知道是否因為午市的關係，等了接近半小時，食物才送上。。。先說一下叉燒湯意粉的叉燒。。感覺就好像切頭切尾一樣。。而且又薄。。是想表達廚師的刀功？明明這個餐跟主打的叉燒飯接近價格，但為什麼賣相相差這麼大？另外豬潤牛肉米粉，豬潤完全做不到爽口彈牙，另外薑真的夠薑。。大的好像隨便切兩刀就了事一樣。。。食物以及名氣完全名過於實，當初還敢以文華之名開張吸引人流，真的想把人家當初的招牌做壞，下次不會再來吃！

食過依間咁嘅所謂冰廳2次 決定唔會再有第3次早餐食個公仔麵都要等成十幾廿分鐘去廁所經過出餐位 見到啲炒蛋多士疊到十幾碟係到都冇人攞午餐更加不知所謂 等成半個鐘都未有得食 只係聽到廚房嘈喧巴閉 簡直係比錢受罪咁 真係無下次 垃圾！

垃圾茶餐廳，食物已經唔好食了，再加上order一個餐要等成30幾分鐘，問一問侍應，竟然話:呢度唔吹得，再等等啦！再問佢先施施然大聲下一句仲有餐未到！以後唔會再嚟食囉！如果可以比零分，我一定會比零分甚至負分！

這間餐廳最出名的是「黯然銷魂飯」，雖然要排隊，也要試試。白飯熱呼呼的，叉燒比較肥，但估不到也是暖和的，應該在上菜前搽了蜜糖再焗，所以特別香甜美味，雖然只得三塊叉燒，但每件都是厚切大件，混合了流心的荷包蛋，十分美味。吃完後雖然感到有點肥膩，卻很滿足。朋友點了常餐，他說味道十分普通，跟其他茶餐廳差不多，沒有什麼分別，所以不值$5x這個價錢。這間餐廳的座位比較擠迫，點餐的notepad好像有點壞，最後也要人手點菜，感覺有點侷促。

朋友最近需要搵人傾訴所以約左我去食早餐..但其實約成11:30都應該冇早餐食友人話想試文華~一於就陪下佢啦11:00去到經已排哂隊..心諗係咪真係咁好食啊等緊期間, 一盤熱辣辣嘅菠蘿包新鮮出爐老實說~係幾香嘅令我突然有啲期待叫左個A2同A3常餐我要叉燒湯意粉..個湯底看似好濃..但飲唔出有咩味道..亦唔覺得啲叉燒特別好食朋友話佢個沙嗲牛都係一般雙腸炒蛋厚多士說好的雙腸呢？問左職員原來番唔到貨..個蛋係炒得好滑嘅杯奶茶..朋友話茶味唔濃又唔夠滑..

現在吃早餐, 有蛋, 多士, 粉麵和飲品, 盛惠$3X已算平宜。沙茶牛肉公仔麵拼炒蛋牛油厚多士配熱阿華田$35, 賣相不錯。炒蛋牛油厚多士, 炒蛋嫩滑, 份量有多士大小。多士烤得脆, 上桌時還是熱的。沙茶牛肉公仔麵, 牛肉大片, 不是碎牛, 份量算多。公仔麵不會煮得過軟, 彈力不錯。熱阿華田味道濃郁, 吃完早餐才喝, 溫度剛好。整體份量及味道都好ok, 餐廳環境不大, 但座位尚算寬敞。這樣開始一天, 不得不說good morning。

星期五晚同朋友來食晚飯，我極力推薦好味銷魂飯。等了大約半小時還冇得食，也冇人跟進。一位疑似部長的波點衫女士也没有理會(每次都是見佢長企收銀位，不肯離開)。終於有得食，朋友大讚我冇介紹錯，确實好味。只是服務太差，下次入來前要諗一諗。

號稱是超大既雞扒飯的確夠晒份量，不過除了大塊同超重手鹹味之外冇咩特別，普通料。另外呢度大肆吹噓既嫣然銷魂飯其實D叉燒得個硬字比起隔離太興或者鯽魚涌原創差幾條街。都係虛有其名碎料來

是日去伊館睇舞台劇，時間比較趕 所以就見到邊間就食邊間 一轉角位就見到文華冰室見到黯然銷魂飯 作為星爺迷 梗係嗌翻碗啦！$49雞都算平 等我試下咩味啦！黯然銷魂飯 (叉燒煎蛋飯)賣相係可以既，叉燒望落仲好好食咁不過其實無乜特別話好食 正常水準囉肥得濟 咬唔開有d位。蛋都唔係話重蛋味 不過份量我認為可以總結，聽到旁邊枱嗌叉蛋飯已經無啦 當時只係講緊7點鐘 心唸咁好賣？不過服務態度就認真一般啦 唔憂做咁，呢點個人覺得有待改善

今日約左好姐妹食 lunch, 佢帶左我去文華冰廳. 未黎之前, 成日都以為文華冰廳得常餐食, 原來除左常餐食之外, 仲有好多唔同既焗飯選擇架.12點45分到左文華冰廳門口, 有一條小小既人龍, 大概等 15 至 20 分鐘就可以入座了.我緊係要試佢地既皇牌午餐啦 - 黯然銷魂飯午餐加熱檸茶, 價值 $ 60, 而我好姐妹就叫左一個 A2 常餐加熱華田, 價值 $ 50.黯然銷魂飯其實係等如食神叉燒飯 (蜜汁叉燒加雙荷包蛋).本人覺得叉燒既蜜汁味好香好膿, 不過叉燒是偏厚了一點. 至於我至愛既雙荷包蛋, 時間掌握得非常好 (流心蛋), 不過蛋味就不夠香膿.但總括來說, 都是一個不錯的選擇呀~~~不防一試呀~~~