敏華冰廳 (已結業)

黯然銷魂飯 $50 係👦🏻食過性價比最高嘅叉燒飯💯首先，叉燒大大件，肥瘦適中，易咬，除左蜜汁之外仲有炭烤味👍🏻流心荷苞蛋無揸流攤👍🏻配埋自家蔥油同豉油撈飯食，味道好豐富👍🏻食物方面真係無得挑剔💯// 不過服務態度真係要俾個差評👎🏻首先，我舉手落單，啲侍應就dup低頭。最後要大聲嗌先勉強應下我，叫佢俾碟豉油，又唔俾反應，就咁行過就算。🤷🏻‍♀️過左一段時間，見無人俾豉油咪叫第二個侍應。點知，仲衰😡一個經理嘅物體好串咁講「咁多豉油都要豉油🤪」最尾食哂野飲緊杯野飲之際，佢ee umum咁黎執枱🙂 仲jip左聲！嬲豬呀 😾可能您會話食個冰室仲expect有好service，但係差都唔係咁呀！希望餐廳可以改善服務質素！

之前見過門口有一條人龍又未食過就膽粗粗係星期六既下午一個人黎食個常餐。 入到門口就問我幾多位帶位，點知我一個人就指住張完全未執過既枱叫我坐跟手走開，唔執枱。要人請先執，執走又唔抹枱，又要人請。抹完好似無抹，就咁抹左一下,求其！唔知個員工想點，裝修得咁好但員工差過快餐店。成日手指指但又唔執枱。見到旁邊枱客落完兩次order都仲上錯，不能理解。可能銅鑼灣鋪租貴，位置比較逼。食物我一枱唔算等好耐但周圍好多人都催單話等左超過半個鐘。食物質素唔錯，但員工質素有待改善。

好好味！好好味！好好味！.早前已經bookmark左依間冰廳的招牌飯，襯朝早有時間出左銅鑼灣，就過去試試，去得早唔使排隊，但到左12點午飯時間外面就排晒長龍了，特別一提在門口會聞到好香的燒叉燒味，引到人流晒口水。. 我認我見識少，未食過咁好味嘅黯然銷魂飯，舊叉燒肥瘦適中仲有燶邊，睇落係一舊舊咁燒，唔同中式燒味燒好再切開，叉燒味係就係濃左啲，但係撈埋流心煎蛋＆白飯一齊食，真係無敵呀。.有下次！有下次！有下次！. #黯然銷魂飯 #敏華冰廳 #銅鑼灣美食

開業無耐已經嚟咗4次，鍾意呢度乾淨企理，服務ok, 同埋4次嚟都係8成local坐係到食嘢醫肚吹水。少咗某一種喧鬧感。芺蓉蛋飯最好食，沙嗲牛 ok, 黯然飯麻麻。同埋唔知點解無晚餐。

星期六下午來到銅鑼灣新開的茶餐室-敏華冰室，佢聲稱話係同好出名嘅文華冰室係一樣，本來沒有太大期望，坊間近年開咗咁多乜乜冰室，而且好多都係連鎖式經營，所以一開始不想期望太高的心態去試。下午兩點半左右，要排隊等位，唔知係咪大家為左等afternoon tea，等左一陣入座了，店員十分有禮貌，服務態度超好，個個四萬咁口！黯然銷魂飯！煎雙蛋焦邊叉燒飯！既然來到，當然要試佢地招牌黯然銷魂飯！真係超正！d叉燒同平時燒味店果d好唔同！而且唔係肥叉都唔嚡！好香！少少焦香！大大嚿足4大件！煎雙蛋流心效果，撈飯一流！而且佢個鼓油汁都好出色，飯份量不少，好飽肚！好味！必試！另外仲有佢地嘅夠薑豬潤牛肉麵！湯底好正！薑味重，湯底濃，豬潤大大舊，牛肉嫩，個人認為湯底比維X更出色，真係可以飲曬佢！正！炒旦牛油厚多士，炒旦味道不錯，跟餐甜點係啱啱出爐酥皮蛋撻！佢門四圍都有顯示板顯示蛋撻出爐時間，每有蛋撻出爐就會有廣播，大家都會留意住然後order!所以我們都忍不住趁剛出爐叫左個試，熱辣辣的蛋撻！質素正常～整體價錢一分錢一分貨，雖然唔算平，但整體食物質素高，所以值得試！

今日午餐同同事食係第二次光顧，還記得上次食過這家的暗然銷魂飯，义燒和蛋都煮得恰到好處，個汁應該甜鼓汁，真係好夾！重有豬潤米同雞翼，個豬潤米既湯好入味，好似啊媽煲d湯咁，飲得出足料，而雞翼相比下有點遜色, 只能說還好。今次我食左芙蓉蛋飯，個煎蛋脆口，义燒燒到啱啱好，口感不錯，個人而言唔太好肥膏，而佢個义燒只有少少膏，完全接受到要讚!!!還有火腿在內。同事叫左豬扒蛋飯，佢話每次都食呢個，豬扒煎到啱啱好表面脆脆地，d肉好鬆易咬，個煎蛋一切之下有蛋汁流出，睇到我好想食，下次我又試下先

銅鑼灣開左敏華冰室！忙裡偷閒Tea一Tea。餐廳寬敞大氣，而且加入不少懷舊元素，格仔磁磚承托敏華冰廳招牌。木凳井然有序，起碼有足夠的空間。相對呢條街的茶餐廳，座位舒適度係無法比擬的。我嗌左嗰五香肉丁下午茶，侍應姊姊推介了冰鎮奶茶。飲落又幾好飲，有太興的質素👍🏼👍🏼👍🏼。烘底厚多士配上香滑炒蛋，簡直絕配。相對下，五香肉丁就相對遜色。份量少不在話下，肉丁只有辣味，公仔麵都時間火候未把握得最好，略嫌過了火。這個有待改善。服務一流，剛吃完嗰面 擺低嗰叉 就有侍應問你使唔使幫你收左嗰碗。相當專業👍🏼👍🏼👍🏼

第一次嚟，一入到餐廳已經見到全部6人卡位淨係坐緊一個客，即係完全冇人安排D客坐邊。我地張枱仲有上手留低嘅紙巾同杯...到我地成餐飯食晒都仲未有人過嚟執走，感覺好污糟。當時吾忙，見有職員企喺度傾計兼喺廚房拎嘢食，都吾出嚟執下啲枱...我地17:12 落單叫咗個公仔麵，等到17:50先嚟.... 見枱面冇餐具問人可吾可以比D餐具，點知有個態度勁差嘅呀姐走埋嚟打開張枱側櫃桶勁誨氣咁話「咪喺度囉！！」等待嘅過程中見到有其他客人都開始催... 同一個呀姐仲話返個客係佢落單時講得唔清楚D嘢食先未到.... 搞個客都呆咗雖然食物OK，可惜咁既服務態度真係好難想像再嚟幫襯....

早係佢未改名之前係西環果間食過一次，而家原來改左名之外仲越開越多，銅鑼灣都開兩間咁又黎試下啦。今晚自己一個食飯，諗唔到食咩好就黎食唔使排隊。叫左佢最出名既黯然銷魂飯（跟餐），叫佢多汁真係有比我。隻蛋真係一吉就流心，叉燒好出色，首先佢色澤睇落好juicy！而且切既位有肥有瘦（唔係我最憎既瘦叉）咬落係爽既感覺有d似食緊豬頸肉？個汁甜甜地咁唔會死咸。份量一碗我食唔晒，咁既價錢有咁既質素係有驚喜。另外食過佢既常餐都係出色既，咁多間連鎖冰室黎講佢算唔錯同埋有野係signature。

餐廳唔系滿人，但等個早餐外賣需要半個鐘，反到公司都已經無時間食，雖然味道唔差，但趕時間唔建議食。等候期間不停聽到有食客追食物，甘ge 服務以後唔會再幫襯，確實等得太耐

今日午飯時間路過呢間冰室，見有人排隊，心諗是否很好食，於是諗住一試無妨。在排隊之際，立刻開OpenRice check下食評。見到有人投訴員工服務差，有人話主打嘅暗然銷魂飯好難吃，亦有人話幾好食。所以一坐低就叫了暗然銷魂飯。先要同員工平反:服務態度其實很好，不過落咗Order要等半粒鐘，香員工投訴後碗暗然銷魂飯先送到。第一啖咬落件叉燒鹹到飛起，同事嗰啲蔥油豬扒煎雙蛋飯得唔得，同事都話塊豬扒略鹹。食完呢餐之後嘅結論係：唔使再幫襯😨

食嘅時候仲未改名😅 後來呢間茶記好似因為撞名問題改左名🤔又到星期五😙 呢日同我班午飯兵團落左銅鑼灣食晏, 原先未有打算食乜好, 路經呢間茶記見前面得兩張枱排緊, 就決定試一試😋排左十五分鐘左右入得, 眼見有馳名黯然銷魂飯, 當然要試下!! 黯然銷魂飯來了個鼓油係唔錯嘅, 未至於話有太大驚喜😃如果要排太耐就唔太値得, 五至十分鐘都一試無坊😉見餐牌有咖咉多士, 似乎要另外搵一日過嚟試一試茶餐先😋 另外聽過菠蘿油都好似出名的😂

每次行過都見到排長龍，有日咁啱同同學喺附近完咗活動打算試下，排咗一陣好快就安排咗我地入座。我叫咗豬潤牛肉湯米，啲豬潤夠滑，牛肉亦夠嫩，湯底够薑。一個字，同學都有贊啲奶茶夠香滑，價錢上亦可接受，食完啱啱好飽终於明點解成日有人排隊，下次有機會再去！

本人每月會到該分店吃飯數次，發現這分店的食物質素很不錯，尤其主打的敏華銷魂飯，配答得剛剛好，有數次要求店中員工麻煩廚房弄淋一點或肥點，都有做到！服務十分之好另外值得一讚的是員工落力為服務跟單，態度良好，值得嘉許

第一次寫評～ 午餐時間一個去排隊～超多人！但好快已經安排入坐！第一時間叫左個 銷魂飯同埋凍奶茶 有睇過食神都知道銷魂飯係咩嚟！因為 趕時間大約15分鐘 準備吹單嘅時候～～好快已經到左！ 諗住快快食碗飯～ 將啲雞蛋汁撈埋啲飯一齊食！ 豉油加蛋汁加上D飯熱辣辣真 心正～～义燒又有焦香味道，我重要求再加豉油～ 樓面 好有禮貌 完全冇不愉的表情～～抵讚！！原味無冰凍奶茶，香滑濃郁，成個用餐過程～快！靚！正！ 唔怪得知敏華越開越多有佢嘅原因