敏華冰廳 (德福廣場1期)

營業中

休息中

早餐，排隊用了大約二十分鐘。坐低，立即落單。早餐，沙嗲牛肉公仔面+牛油多士+炒蛋+熱檸茶。落單的十分鐘後，有飲品。落單的二十分鐘後，有多士和炒蛋。落單的四十五分鐘後，仍沒有沙嗲牛肉公仔面，趕著上班，店員取消賬單。問題係，見到外賣不停出，落單十分鐘內有得取。堂食的食客，轉檯這麼慢，想做多輪生意都唔得。出面 d 人見到人籠無乜郁／長，又未必想排，走左唔少生意。而家，租貴人工貴，老闆真係要認真諗諗解決方案。呢 d 係想間店的營運問題，長遠下去，始終會有影響。

叫左個茶餐，有炒蛋多士，五香肉丁麵同原味奶茶。炒蛋多士最快到，等很久個麵同奶茶都未有。見隔離枱遲過我來叫了跟我一樣的餐，佢的五香肉丁麵都快過我，我跟著追侍應先來杯奶茶。等了一會見隔離枱的食物都齊了但我的麵仲未有，要一追再追個麵終於到了！同樣漏單情況見旁邊枱都有發生😤食物方面五香肉丁麵味道很淡，沒有五香肉丁的香辣味，唯一係個麵質幾好。炒蛋不夠嫩滑。原味奶茶應該很濃味先對，因為係冇加冰的冰鎮奶茶，但飲落都是不夠茶味。其間見不斷有新鮮麵包出爐，相信下次食飽類或其他會好啲！

每次經過呢到都排晒長龍, 仲要開喺商場裡面, 加上商場既走廊都唔算大, 仲要欄埋圍欄比啲人排隊等位, 每次行到呢個位都好逼, 今朝有時間就入去試下, 大概9點半左右, 應該打工仔個個都返晒工, 排隊等位既一係自由行一係就附近住客, 都等咗差唔多十分鐘, 早餐都係得七款揀, 價錢都唔平火腿蛋配多士都要30蚊, 如果麵類都係得2款, 沙嗲牛肉同五香肉丁揀, 又或者得一碗榨菜肉絲湯米沙嗲牛肉麵配炒蛋多士 - 味道其實都偏濃, 沙嗲牛肉都好淋, 麵質地都爽口, 炒蛋有蛋漿流出, 多士脆口榨菜肉絲湯米 - 呢個餐只得米粉, 冇其他野配, 咁就28蚊, 未計凍飲加3蚊, 米粉上枱後要快食, 因為等一陣就吸晒啲湯, 米粉發脹晒, 味道都係一般凍檸茶 - 檸檬夠新鮮, 茶底唔算太濃, 味道可以總結 - 其實我見附近既食客都叫沙嗲牛肉麵, 所以都試下, 果然係不錯既, 但感覺冇乜野好揀, 最出名我諗都係菠蘿油, 餐廳內都有貼咗好多旺角舊舖既照片

好細個已經幫襯太子文華冰室，食佢個茶餐，所以知道佢執咗之後係徳福開好興奮又意外，但開咗成個月無時無刻都大排長龍，同埋原來已經係太興集團一份子。今日12點前去到，睇下有冇機會食到早餐當午飯（早餐至12點），點知等咗成10分鐘，入到去過咗12點，一路排一路見到open kitchen 整緊菠蘿包好正，入到去都叫咗個share,但侍應無留意我地張單，結果新鮮焗嘅俾唒其他人，送到去我地個枱得番微溫，但都幾好味。店內亦有廣播同電視話俾大家知邊啲飽幾時出爐。叫咗常餐，多士拼香腸炒蛋加沙嗲牛公仔麵，同一個餐少兩條腸，早餐平$15，個蛋炒得幾滑，沙嗲亦幾香，個餐看似唔大但好滯。味道整體唔錯，希望遅啲熱潮過咗唔使排咁耐。

今日放假落樓下試吓新開張嘅文華，10點鐘落到去，仍然有10個人左右等位，但等咗10分鐘左右已經安排入坐，早餐選擇都算ok，叫咗佢哋招牌嘅沙茶牛肉公仔麵拼炒蛋牛油厚多士，沙茶味好濃，牛肉份量都唔少，而我將炒蛋改為剪蛋，剪蛋有兩隻，仲好大，有誠意，餐飲要咗凍奶茶，嚟到嘅時候發覺無冰，問侍應先知係冰鎮奶茶所以無冰，但同某餐廳不同係無冰冰鎮住，比較奇怪，走嘅時候有新鮮菠蘿麵包出爐，叫咗一個食，真係一試回味無窮，直得推介！整體嚟講都算出色，會再食！

德福廣場一期本身餐廳比較少同分散~近期新開張的 ＂文華冰廳＂不論是早午晚任何時間也有很多人排隊~ 星期六早上9點幾行過想食早餐, 見到條人龍, 只好揀隔離間野食粥。下午3點幾行過, 見到點解有2條人龍既.....8卦心態當然行去睇下啦...原來大家都等緊就快出爐既菠蘿包。有成十幾個人排隊, 還是放棄了....打算5分鐘後少D人先買, 一回來無曬菠蘿包, 但有脆皮叉燒包...  這間店有塊mon寫左出爐時間, 今次是 "5分鐘 奶皇包" , 重會倒數的tim...但我媽對 奶皇包興趣不太, 見到得1, 2 個人立即排隊! 1個7元, 2個13元; 細細過, 一買當然外賣買2個脆皮叉燒包上到手微熱...回到家, 個皮重脆的, 食落去好食過面包店。不過入面叉燒唔見, d叉燒醬比較多...但好好食...下次可以再試其他~

(´▽｀)行過德福突然間發現有好多新野開哂～附近既餐廳越黎越多～估唔到冇黎呢頭一排變化都幾大！行過呢間文華冰廳，不禁被佢門口大量既人流吸引住，決定去一探究竟。先發現原來大家都等緊就快出爐既菠蘿包。眼見有人一次過買成3至4個，真係令我想知到底有幾好食！！呢間店既好處係～有塊mon寫左出爐時間😋而且外賣會快過堂食～二話不說即刻排一排買返個黎食～上到手果然係熱辣辣～賣得7$果然有原因，食落唔係空氣面包！而且每個包都整到金黃色～下次會想食下新解出爐既奶皇包ƪ(˘ᴗ˘)┐

今朝早少少來這間試下，眼見有枱有位又唔放人內進，排隊告示又唔清楚，搞到D顧客無所適從，仲係上班時間，唔該檢討一下，不過我唔會再來光顧。我之後去左其他餐廳，都不知幾好，服務又快，學下人啦

九龍灣「德福廣場」一期內，原本屬於「肯德基家鄉雞」的舖位，在「肯德基家鄉雞」搬往二期六樓後，轉眼間很快就被另一間餐廳接手，這間餐廳是原本在旺角營業，以菠蘿包和菠蘿油聞名，叫做「文華冰廳」的茶餐廳。在九龍灣「文華冰廳」還處於裝修階段，還未正式開張營業之時，我曾經細看「文華冰廳」圍板上，有關以前「文華冰廳」旺角店的樓面和裝潢，發現以前的「文華冰廳」，很有平民街坊茶餐廳的風格。相對於以往草根味濃，不修邊幅的平民茶記風格，現在的「文華冰廳」，彷彿多了一種現代化的商業營運手法。新淨整潔的店舖環境，加上讓街坊觀看師傅製造菠蘿包，和榴槤菠蘿包的展示窗設計，令現在的「文華冰廳」格調提高了不少。我把原本應該在留在西貢食的午飯，刻意留到九龍灣德福廣場才食，就是為了這間新開的「文華冰廳」，和「文華冰廳」的招牌牛油菠蘿包。來到「文華冰廳」之前，我從遠處已經可以看到，「文華冰廳」已經累積了一條，有一定長度的排隊人龍。結果我也不能倖免，加入了排隊等候入座「文華冰廳」，享用菠蘿包的行列之一。不過在「文華冰廳」排隊等候座位，都不是沒有好處，好處就是可以在店外的櫥窗，一邊等待一邊慢慢觀看菠蘿包的製作過程。我隔着「文華冰

近期在＂德福廣場一期＂新開的數間餐廳之中，＂太興集團＂旗下的＂文華冰廳＂最多人捧場，門口不時都有人龍出現。這裡除了堂食，還設有專櫃外賣自製的特色麵包。店堂不大，一目了然。餐牌主要是一些舊時冰廳的傳統美食。［超級雜扒飯（餐）］HK$ 55 免加一。大大份，豬扒和雞扒醃得入味，煎得軟腍，好味；餐肉也算 OK ；唯有腸仔難食😌。［濃湯豬潤牛肉米粉］HK$ 38 免加一。湯濃牛肉腍，豬潤無異味有香味，是很美味的一碗米粉👍。［三叔公馬來咖吔多士（餐）］HK$ 26 免加一。烘底多士脆脆哋，抹咗糖漿，夾住奶油，咬落香、甜、脆、油，超讚😍！飲品［凍檸茶］［凍檸蜜］中規中矩，跟餐價凍飲加 HK$ 3 。這間餐廳價錢不貴，以普通市民為服務對象，可以列為日常三餐的＂飯堂＂之選。

文華冰廳，個名就知道係食港式傳統食物。响中價商場有港式食物，好受歡迎。簡單叫左個茶餐和一個咸蛋肉餅飯。茶餐有多士，滑炒蛋。份量和質素和一般中價茶記相同，但價錢約三十多元左右，已經算抵食。多士厚道夠，滑蛋亦夠滑。反而最特別都係全日供應的咸蛋肉餅飯，味道不錯，而且份量又足夠！肉餅味道新鮮，不過因為製作需時，而且新店開張，比較需要點耐性。不過奶茶味道不夠濃，問過老闆，可能新舖，茶膽未夠味。不過可以再試店內裝修不錯，不似其他茶記那麼迫。而且價錢定位中等，適合大眾消息。另外，店內有新鮮麵包出爐，有榴連菠蘿包，和傳統菠蘿包最受歡迎。下次可以再試忌廉溝鮮奶，聽聞好似係樽裝飲品。